هو مش سؤال على قد ما هو موقف وماثر فيا ومش عارفه أعيش حياتي بسببه دلوقتي أنا لبست النقاب من كام يوم واختي اتغيرت معايا خالص طريقتها بقت وحشه وحاسه انها عايزه تكرهني في النقاب دا غير أنها كانت بتقول لماما متخليهاش تلبسه بس ماما مرديتش المهم هي عماله تسم بدني زي ما بيقولو بكلامها وبجد مش مستحمله وكل يوم عياط مع نفسي من كلامها ف بالله ادعولي ربنا يثبتني ويصبرني عليها
السلام عليكم ورحمه الله وبركاته اولا ربنا يهديكي ويثبتك ويرفعك درجات باذن الله ودائما استرجعي النيه انت ليه لبست النقاب فكري دايما نفسك انت ليه لبستيه؟ والمفترض انك تكوني عشان خاطر ربنا فأنا عملت حاجه عشان خاطر ربنا يبقى يهمني مين ثاني يعني اصلا ما يهمنيش اي حد ثاني دي نقطه ا لنقطه المهمه قوي محتاجه تتكلمي مع اختك ليه هي مش حابه النقاب ممكن تكون اختك بتنتقد النقاب عشان نظرتها هي الشخصيه ان النقاب ده بيداري جمالك عشان شايفه النقاب ده مثلا كبر سنك علشان شايفه انه مفيش داعي منه في في السن الحالي يعني وانه ده ممكن في سن اكبر عشان عشان ايا كان يعني هي اعتراضها بسبب ايه ولكن ممكن يكون بسبب بس ان هي من جواها بتحب لك الافضل وهي مش شايفه ان ده في افضليه وشايفه انه من غيره الوضع هيكون احسن يعني كوجهه نظرها تمام فمحتاجين يعني نبقى مستوضحين نيتها عشان منبقاش زعلانين منها بس ونبقى شايفين ممكن يكون من جواها هي نفسها في حاجة كويسة مش حاجة وحشة مش قصدها حاجة وحشة حاجة كمان لازم تعرفي لما البني آدم بيتمسك بشيء طيب وشيء حسن وشيء من مكارم الأخلاق أو شيء فيه طاعة لازم يختبر في الموضوع فواحدة من الاختبارات هو مقاومة الناس اللي حواليه في إنهم يحاولوا يرجعوه في إنهم ينتقدوا الفعل بتاعه في إنهم يحاولوا يحسسوه إنه مفيش داعي انت ممكن متعملش كده اذا كان ده بيحصل في الصدقات يعني ممكن حد عايز يتصدق ويجي حد يقول له يعني مش لازم تدي المبلغ ده كله وانت ايش عرفك ان الناس دولت فعلا يستحقوا الصدقه دي بتبقى شكل من اشكال المقاومه للفعل الكويس اللي البني ادم بيقدم عليه كل ده عشان ايه عشان يختبر نيته هل هو هيستنى اي كلمه تجيله كده ويرجع عن الحاجه اللي هو ناوي فيها خير وناوي طاعه لله ولا لا هيقاوم اللي بيتقال حواليه او اللي بيحصل قدامه ويكمل فيعني خلي بالك من الاختبار واثبتي ربنا يثبتك ودائما استرجعي النيه انك بتعملي ده لله فقط لا غير يعني مرضاه لله وان بتقربي خطوه تجاه ربنا بارتدائك للنقاب وان شاء الله ربنا يهون عليك ده وتكوني قدوه حسنه مش بس بالمظهر بالجوهر كمان كون اخلاقك حسنه ومظهرك حسن وربنا يبارك فيك.
تم النشر الأحد، ٢٢ يونيو ٢٠٢٥
انا برضو لبست النقاب من سنه وشهرين شوفت اسوأ اياام حياتي من نظرات وكلام وتعامل وكل حاجه بس دايما بدعي ربنا يثبتني عليه اي بنت مننا بتاخد خطوه تقربها من ربنا طبيعي جداً هتواجه سلبيات وايجابيات كتير خدي السلبيات ك حافز ليكي واثبتي واكسري عين اي حد مش حابب يشوفك بتعملي حاجه كويسه مهما كان مين وادعي ربنا دايما بالثبات الدائم ان شااء الله ربنا يثبتك يجميله
تم النشر الأحد، ٢٢ يونيو ٢٠٢٥
الله يثبتك ويصبرك، ما تضعفي! وتذكري هاد الحديث: من التمس رِضا اللهِ بسخَطِ الناسِ ؛ رضِيَ اللهُ عنه ، وأرْضى عنه الناسَ ، ومن التَمس رضا الناسِ بسخَطِ اللهِ ، سخِط اللهُ عليه ، وأسخَط عليه الناسَ ■ " ... أي: أيُّما أحَدٍ سعى في الفوزِ برضا اللهِ عزَّ وجلَّ وطلَبِ مَرْضاةِ اللهِ عزَّ وجلَّ ولو كلَّفه ذلك كُرْهَ النَّاسِ له وعدَمَ رِضاهم عنه وسخَطَهم عليه، "كفَاه اللهُ مُؤنةَ النَّاسِ"، أي: حَفِظه اللهُ مِن سخَطِ النَّاسِ عليه وأرضَى عنه النَّاسَ، وكفاه همَّ ذلك..." ■ دائما استعيني بالله حبيبتي، واقرئي قرآن كتير، اذكري ربنا واستغفري، وربنا رح يكون معك ورح يرزقك كمان💜 مادامك بترضي ربنا، ما تهتمي لحدا ولو كانت اختك، ودائما ادعي واذكري الله،
تم النشر السبت، ٢١ يونيو ٢٠٢٥
أختي العزيزة، أولاً أريد أقول لكِ إن ثباتك على قرارك، وخاصة في شيء فيه عبادة وتقرب لله مثل ارتداء النقاب، هو أمر يستحق كل الاحترام والتقدير. وأعلم تمامًا أن المواقف الصعبة مع الأقارب، وخصوصًا الأخوات، قد تؤلمنا كثيرًا وتؤثر على حالتنا النفسية. اللي تمرين به من تغير في تعامل أختك وكلامها الجارح، قد يكون سببه عدة أمور، منها: ربما شعورها بالغيرة أو الخوف من التغيير في العلاقة بينكما. أو قلقها على والدتك من وجهة نظرها. قد يكون هناك سوء تفاهم أو نقص في التواصل بينكن. إليكِ بعض النصائح التي قد تساعدكِ على التعامل مع هذا الوضع: حافظي على صلتك بالله وثبتي نيتك دعي قلبك دائمًا متصلًا بالله، واستعيني به بالدعاء أن يثبتك ويرزقك الصبر والرضا. تذكري أن الصبر مفتاح الفرج وأن كل تعب يُحتسب عند الله. حاولي التفاهم بهدوء لو استطعتِ، تحدثي مع أختك بصدر رحب، وعبّري لها عن مشاعرك بهدوء وصدق، بدون لوم أو غضب. قد تفهم موقفك أكثر من خلال الحوار. تجاهلي الكلام الجارح بحكمة ليس سهلاً، لكن حاولي أن تتذكري أن الأذى في كلامها ليس موجهًا لكِ بقدر ما قد يعبر عن مشاكلها هي نفسها. تجنبي المواجهة الحادة ولا تسمحي لها بأن تؤثر على سلامك النفسي. ابحثي عن مصادر دعم أخرى سواء من غيرك من العائلة أو الأصدقاء المطمئنين الذين يمكنهم أن يرفعوا من معنوياتك. ثقي بأن الله معكِ «ومن يتوكل على الله فهو حسبه» تذكري أن الله سبحانه وتعالى يرى تعبك وصبرك، ولا ضير في أن تلعبي دور "صاحبة الصبر الجميل" حتى يلين قلْب أختك. وأيضًا، يمكن لكِ دائمًا زيارة قسم الخبراء في فدني، حيث يوجد خبراء نفسيون واجتماعيون يمكنهم تقديم نصائح أعمق ومتابعة معكِ لو أحببتِ. أنا معك وأدعو لكِ دومًا بالثبات والقوة، ويمكنك دائماً مشاركة ما تشعرين به هنا متى ما احتجتِ. ❤️ هل تودين أن أساعدكِ بصياغة حديث معين مع أختك أو نصائح أكثر تفصيلًا في التواصل؟
تم النشر السبت، ٢١ يونيو ٢٠٢٥
ماشاء الله تبارك الله... ربنا يثبتك خطوة جميله محتاجه قوة اراده ... اتعاملى معاها بالحسنى وواحده واحده هترجع كويسه وخليكى صبورة عليها ❤️💪
تم النشر الخميس، ٢٦ يونيو ٢٠٢٥
حاولى تبعدى عن آذاها إن استطعت
تم النشر الأربعاء، ٢٥ يونيو ٢٠٢٥
اول حاجه مبارك يا قمر ... وربنا يثبتك يا رب..، اوعى تستسلمي وسيبك من كلام اى حد القريب قبل الغريب انتى اخدتى اهم واجمل خطوه ف حياتك وارد جداا انك تلاقى مشاكل ف الاول بسبب الموضوع. ، بس اللى مش ممكن اننا نسمعلها او نتراجع. ، مع الوقت المشاكل دى واحده واحده ان شاءالله متبقاش موجوده، ، اهو انا معرفكيش بس اقدر اقولك حبيتك من قبل ما اعرفك اللى بياخد الخطوه دى لازم يكون شخص عسول زيك كده 🥰
تم النشر الأحد، ٢٢ يونيو ٢٠٢٥
لعرض السؤال في فدني اضغط هنا