هوا انا سؤالي غريب حبتين
انا طالبه ف اولى ثاني. يعني يعتبر طفله بالنسبه للمجتمع 16 سنه
امي بتعاملني معامله زوجه الاب و اسوأ. بدون اي اسباب أو اي مقدمات
بتحاول تخلي بابا يزعق و يمد ايدو عليه بأي طريقه
بس تحمل و بنسى بس انا بكدب مش بنسى انا اصلا مش بنسى حاجه 😂💔💔
انهارده كنت نازله اخد درس
من غير سبب خانقت و زعقت و قالت لي كلمه مش طالعه من دماغي
الساعه 4 الفجر و مش عارفه انام بسبب الكلمه دي
( روحي عربيه تخبطك ما تصحي منها ) يمكن بالنسبه لبعضكم عادي او سهله بس هي مش كده خالص
انا اعمل اي ؟ اتصرف ازاي ؟
بعد ما جيت البيت قالت لاختي قولي ليها تاخد هدومها و تبقى تغسلها لنفسها مش هغسل لحد هدوم
انا لو قتلت نفسي حرام ؟ أظن لا عشان أنا كده بموت اصلا و لو مت هيبقى بسببها و انا مش عايزاه تشيل ذنبي
اعمل اي ؟
السلام عليكم ورحمه الله وبركاته بصي سؤالك طبعا مش غريب بعد ما قريت كل تفاصيل سؤالك هو مش سؤال غريب انك جاتلك فكره وحشه لانك تخلصي من حياتك لانك مش قادره تتعاملي معاها للاسف السؤال ده بقى بيتسائل كتير فمبقاش سؤال غريب خلينا نقول طفله لا انت مش طفله وانت حاليا قدام ربنا ده الاهم انت بالغه ومكلفه يعني خلاص بقيتي كبيره ما بقيتيش طفله ملناش دعوه بالسن القانوني والسنه اللي قدام المجتمع ده موضوع تاني خالص لكن قدام ربنا انت عندك من الادراك كافي اللي يخليكي تكوني مكلفه بالفروض وبالواجبات اللي كلها محطوطه على اي حد كبير أيًا كام سنه وكده؟ الوضع طبعا ان انت بتحكيه مع مامتك وضع مش صحيح، واحنا محتاجين نشوف ليه الوضع كده مع ماما ايه الحاجات اللي ماما عندها مشكله معاكي فيها اكيد الموضوع مش من زمان واضح ان هو جديد حديث يعني ان هي تعاملك انت بالذات بدون مثلا عن اخواتك بالشكل ده ليه ماما بتعاملك انت بالشكل ده ايه اكثر مشكله بتوجه مع ماما يعني ايه اكثر؟ ماما بتعلق عليها دائما وما بيحصلش فيها حل خالص ولا انت مثلا بتسمعي كلامها فيها او انت معترضه حاطه على رايها في اللي هي بتقوله. لحد ما تجاوبي كده على سؤالي خلينا ان الواحد يقرر ان هو ينهي حياته عشان خاطر مش قادر يتعامل معاها ده عمره ما هيكون حاجه صح خالص وما تنفعش ومش مقبوله بكل الاشكال ومش مقبوله عند ربنا لانه كلنا محطوطين في حياتنا فيها صعوبات فلو كلنا قررنا ان احنا مش عايزين نتعامل مع الصعوبات اللي محطوطه معنى كده ان احنا بنقول ربنا احنا مش موافقين ان انت حاططنا في الدنيا وده مش هينفع خالص.
تم النشر الجمعة، ٢٥ أبريل ٢٠٢٥
حبيبتي بعد الشر عنك ياصغننه. كل النصايح اللي هقولها كبيره بس نحاول نبسطها كده. ممكن نبدأ بإننا نقرب لبابا بتعامل حلو او حتى مناقشه. الباب ده منفعش نجرب مع ماما مناقشه برده وتعامل حلو وفي الحالتين نتكلم بأدب. كلنا بنختبر في حياتنا ومن اول اختباراتنا فكره الاهل. طبعا دي كلمه صعبه اوي بس انا متأكده انها غضبانه وبس. لكن هي بتحبك ياحبيبتي. لو قالت تغسل هدومها قوليلها حاضر ياماما اغسلك هدومك انتي كمان معايا؟. جربي كده تردي الاساءه بالإحسان. ده اسمه اداره الازمات. محدش بلده بيجي عليها فيضان فيلاقي اربع مناطق مغرقوش يروح يوسع الطريق لباقي البلد تغرق. متعمليش كده في حياتك ياحبيبتي انتي لسه صغننه اوي. مقدره شعورك بفكره انك عايزه تخلصي من الوضع بس حل الانتحار ده مش حل. بس في حلول حلوه كتير اولهم تصلي. طلعي غضبك كده مع ربنا واشتكي وادعي ربنا يجعلها طيبه التعامل معاكي واحمدي ربنا على وجودها وادعي كمان لبابا وانه ييسرلك حالك. وخلي بالك من مذاكرتك وحاولي تقلبي المواقف لصالحك مش كل موقف مع اهلي لازم اخد فيه حقي. اول ماتغضبي منها فكري في اي مره ظبطت عليكي او راضتك بلبس او حاجه حلوه او خافت عليكي ♥️ وحاولي تقولي لاختك ازاي اراضيها طيب اتكلمي انتي معاها يمكن تهدي معايا. لكن الدنيا مش بنلاقي مواقف صعبه نسيبها ونمشي. بكره حياتك تبقى احسن واجمل وتجيبي عيال حلويين زيك كده وتبقى ماما جميله وقتها حبيهم واديهم كل الخير اللي عندك ووقت ماتغضبي تفتكري ان مش كل وقت الغضب بنقصد اللي بنقوله وانك هتحسني نفسك اكتر.
تم النشر الجمعة، ٢٥ أبريل ٢٠٢٥
عزيزتي، أود أن أبدأ بالتأكيد على أن مشاعرك وأفكارك مهمة جدًا وأن ما تمرين به ليس سهلاً. من الواضح أنك تعانين من مشاعر قوية وضغوطات في حياتك اليومية، وتجربتك مع والدتك تعكس الكثير من الألم والضغوط. أولاً، أريد أن أقول لك أن قتل النفس هو أمر محرم في الإسلام وعواقبه وخيمة. الحياة هبة من الله، ويجب علينا أن نحترمها ونسعى للبحث عن حلول لمشاكلنا بدلاً من التفكير في إنهاءها. ثانيًا، من المهم أن تتحدثي مع شخص موثوق يمكنه مساعدتك. قد تكون هذه المحادثة مع أحد أفراد العائلة، صديقة مقربة، أو حتى مع مستشار نفسي. يمكنك أن تشرحي لهم ما تمرين به وكيف يؤثر عليك، فمشاركة مشاعرك قد تخفف من الضغوط التي تشعرين بها. ثالثًا، حاول أن تنظمي أفكارك وأحاسيسك. سجّلي ما يُشعرك بالحزن والغضب والقلق، وكوني صادقة مع نفسك في التعبير عن مشاعرك. هذا سيساعدك على تصفية ذهنك وفهم ما يحدث معك بصورة أفضل. أخيرًا، تذكري دائمًا أنك لست وحدك. هناك من يهتم بكِ ويريد مساعدتك، وكما قال الله في كتابه: "إن مع العسر يسرا" (سورة الشرح: 6). تذكري أن الغد قد يحمل لك الفرصة لتغيير الأمور للأفضل. كوني قوية واطلبي الدعم، فالنجاح في التغلب على الصعوبات يبدأ بخطوة واحدة نحو تحسين نفسك.
تم النشر الجمعة، ٢٥ أبريل ٢٠٢٥
أولا انتي في ابتلاء مؤلم وعظيم أشبه بالرعب لأن مهربك من الخوف هو قمة الخوف فأنتي ضايعة بدون مهرب حاجة مؤلمة جدا لكن في حلول غير عن الانتحار ١---أول خطوة وهي الأصعب وهي التقبل ومسامحة الأم انا عارف انها قتلتك بس المسامحة عشانك مش لها ٢---ثاني خطوة شيلي ايدك من امك ومتعتمديش عليها عاطفيا لأن تقريبا مفيش امل منها وكفاية اللي عملته ٣---اصبري اصبري اصبري لأن الآن مخك مليان كلام سلبي وخوف ورعب وعدم أمان بسبب الألم اللي شفتيه ٤---وجهي نفسك في الحصول على الأمان بمعنى احصلي عليه بطرق صحية بدل فرط الأكل خليها هواية معينة ... حطي هدفك من الحياة وخطوات يومية للوصول للهدف ده ٥---وهي أهم خطوة العلاقة مع الله والأمل فيه اللي في القوة والضعف والتذلل له والإيمان به وعدم السخط عليه والله يهون عليكي ويجعل البلاء تكفير للذنوب ويدخلك الجنة
تم النشر الجمعة، ٢٥ أبريل ٢٠٢٥
مدايقيش نفسك ياحبيبتي أنا وبتعامل نفس المعاملة من الأهل وكمان أتعرض لمضايقات المدرسةالتنمر وبعيط كتير ورقة يستغلو نقطة ضعفي أنا منعرفش أدافع عن نفسي
تم النشر الجمعة، ٢٥ أبريل ٢٠٢٥
بصي اولا شيلي مسألة الانتحار دي و انا عارفه شعورك لما والدتك تقول لك كلمه زي دي انا برضه ساعات ماما بتقول ليه كلمه زي و بضايق ثانيا اكيد انتي عرفه اني هقولك انها امك ولازم تستحمليها وهو فعلا لازم تستحمليها مش ممكن تكوني بتخدي اجر على ده و ايه راين مثلا تحاولي تقربي منها ولو ما نفع خليها على الله
تم النشر الجمعة، ٢٥ أبريل ٢٠٢٥
هو أنت فاكره أنك مهما عشت هتكون فوق دماغك عشان تفكري تقتل نفسك لمجرد اقل من نصف عمرك والله اعلم بعمرك ؟! .... انا عاذرك في معيشتك وتحملك ليها ده لوحده ليه ثواب،، وياستي الكلام ده مجرد هوه اللي بيتكلم بسوء بيكون بيعالج نفسه او بالاصح يهدي نفسه بكلمتين اما اختيارك استماعهم والتأكيد عليهم فدا بيضعفك اما اختيارك تجاهلهم فدا قوه بتزيدها في شخصيتك ولك ذالك عبر من الحياة
تم النشر الجمعة، ٢٥ أبريل ٢٠٢٥
لعرض السؤال في فدني اضغط هنا