انا كبيره حاليا 17 سنة بس فاكره مواقف صعبه اوي لي ابويا وامي كان عندي عم بيحدفني بفضلات الحيوانات علشان يضحك الناس ويبقى دمه خفيف وبيضربني كتير اوي من غير سبب ولو اشتكيت لأمي تضربني هي كمان لدرجه ف مره كان عايز يضربني جربت استخبى فيها راحت ودت وشها الجنب التاني
مكنش حد بيحميني منه فضل فكل تجمع عزومات يضربني يقول مني يبهدلني كنت بستغرب اشمعنى انا وليه محدش بيدافع عني المهم أن انا روحت اشتكيت لبابا أنه ضربني ولما استخبيت فماما سابته يضربني راح ضربني هو كمان
المواقف دي يمكن كنت وقتها 10 سنين او 9 كمان وانا 8 سنين كان ابويا كل حاجة يقولي انتي كبيره السيدة عائشة اتجوزت وهي عندها 9 كنت ساعتها بقوله انا عندي 8 بابا يزعق وكل حاجة يقولي السيدة خديجة اتجوزت عندها 9 سنين كل ما اشتكي أن حد اذاني القي نفس الرد مش فاهمة اي العلاقة وكان عمي ده يقولي انتي لو اتجوزتي تخلفي وانا اسفه في اللفظ بس وقتها انا 9 سنين مش فاهمة كلامهم وحتى لسه مبلغتش
لدرجة ف مره جاب عريس بجد معرفش لي اهلي كانو كدا عمي ده قال ل ابويا ازاي بنتك بتلبس بنص كم وانا ف3 ابتدائي كان ممنوع العب مع الاطفال كانت امي بتقعدني على المسطبه واقعد اتفرج على بنات عمتي الاكبر مني وبنات عمي واولاد عمي وعيال العيله كلها بيلعبو كنت ببقى عايزة العب معاهم اوي ويفضلوا يقولو يلا تعالي ابص لامي واقول مينفعش علشان عمي هيقول لبابا
كان بيرميني بفضلات الخرفان اعزكم الله ف وشي لما كنت العب مع الاطفال ف الشارع فمره كنت بروق بعد عزومه لناس غريبة ضحكهم كلهم عليا وضربني علشان القعده تحلو ويضحكوا
انا بستغرب جدا لي كان بيعمل معايا كدا لي انا اذيته ف اي ولي اهلي مدفعوش عني
انا عارفه الكلام ده من زمان ودلوقتي هو مبيعمليش حاجة لأنه مبيخلفش واتسجن كتير اوي واتمسك اعزكم الله بيفعل الفحشاء مع واحده وهو متجوز ومراته خلعته وراح اتجوز الي غلط معاها وخسر كل فلوسه وكل ما يملك وهي حالا طردته برا البيت وقاعد ف اوضه مع ابوه ( كان مسافر السعودية لمدة 8 سنين رجع مترحل وخسران كل حاجة ) ولما رجع كان عمري 8 سنين وشهور
انا وانا طفله كنت بصلي وادعي عليه لدرجة اول ما ادعي عليه اسمع امي بتقول ل ابويا وانا بصلي الحق فلان حصل له مصيبه انا عارفه انه من زمان انا دلوقتي مبدعيش عليه ولا باجي جمبه بل بيصعب عليا بس اهلي مش قادرة اسامحهم خاصة انهم بيضربوني على كل شيء وكل سبب وزعيق وامي ديما تحرض ابويا عليا ساعات بحس اني ممكن مكونش بنتهم لان انا فحالي وكل الناس تقولي انتي مؤدبة واخلاق ويقولو لأهلي وإهاي بيتباهو بيا قدام الناس بس يعاملوني بشكل غريب والدي لو جاب لي حاجة بيذلني بيها ويذلني أنه بيصرف عليا مع اني متفوقه دراسيا تفتكرو انا مش بنتهم
السلام عليكم ورحمة الله وبركاته اولا انتي فعلا اهو كبرتي وهتقدري تحسمي الامور وتفكري صح عمك ده ربنا يهديه ويسامحه علي اللي عملو مفيش اي مبرر يخليه يعمل معاكي كدا بس اهو اخد جذاتو في الدنيا قبل الاخره بالنسبه لاهلك لما حد يزعق فيكي اقعدي مع نفسك وراجعي كل نقطه حصلت شوفي اي سبب الزعيق ممكن ده يكون بسبب غلطه وانتي مش حاسه ان دي غلطه خصوصا انك في مرحله المراهقه السن اللي كلو بلا استثناء بيشوف اهلو قاسيين عليه ف انتي فكري وشوفي سبب الزعيق وروحي واتناقشي مع مامتك بالاسلوب اللي يناسبها وبهدوء بدون ما تتكلمي معاها بطريقه مش كويسه او نبره حاده تمام وحاولي تقربي منها وساعديها في شغل البيت او انك تعملي ليها اي حاجه تحبها علشان تقربي منها وتعرفي هي بتعمل كدا لي وان شاء الله كل حاجه تتصلح وادعي ربنا كتير اوي وحافظي علي صلاوتك
تم النشر الخميس، ٢١ مايو ٢٠٢٦
أنا آسفة جدًا للي مريتي بيه، وأقدر إن الذكريات دي بتوجعك لحد دلوقتي. اللي حصل معاكي كان ظلم وإساءة واضحة، ومش من حق أي حد يعمل كده مع طفلة. السلوك ده غالبًا بيعكس مشاكل عندهم هما (زي الجهل أو الضغوط أو حتى التربية الخاطئة)، مش إنك مش بنتهم. كتير من الأهالي بيتصرفوا بطريقة متناقضة: يمدحوا قدام الناس ويذلوا في البيت، وده مش دليل على إنك مش منهم، لكنه دليل على خلل في علاقتهم بيكي. أنتِ دلوقتي 17 سنة، وبتتفوقي دراسيًا، وده قوة كبيرة. ركزي على مستقبلك وتعليمك عشان تبني حياة أفضل. لو عايزة تتكلمي مع متخصص نفسي يساعدك تتعاملي مع الذكريات دي وتسامحي بنفسك أولًا، شوفي صفحة الخبراء على Fedni: https://www.fedni.net/experts . وجربي تبحثي عن أسئلة مشابهة على المنصة عشان تلاقي تجارب ونصائح إضافية. أنا هنا لو عايزة تتكلمي أكتر، وأنتِ مش لوحدك.
تم النشر الخميس، ٢١ مايو ٢٠٢٦
معليش يا سكر إن شاء الله حياتك هتبقى احسن حاولى تتجنبيهم وخلى ليكي حياتك الخاصه اعتبريهم مش موجودين عشان ترتاحي ربنا اخذلك حقك من إلى اذاكي ربنا مبينساش حد بس ما شاء الله. عليكي قويه استحملتى كتير
تم النشر الخميس، ٢١ مايو ٢٠٢٦
لعرض السؤال في فدني اضغط هنا