ابويا اذاني جدا جدا في حياتي وانا مش قادرة اسامحه حاولت كتير والله بس مش قادرة وسألت شيخ قالي سامحي علشان اكيد انتي ظلمتي حد في حياتك فزي ما انتي عايزة ربنا يسامحك سامحيه بس والله مش قادرة قلبي وجعني منه اوي واتاذيت منه اوي والموضوع قالب معايا بعقوق ليه يعني رافضة اكلمه اصل ا(احنا مش عايشين مع بعض ودي إحدى اذيته) ولو اتقابلنا صدفة بكلمه بطريقة وحشة
فسؤالي
1- هل حرام اني مش قادرة اسامح ؟
2-انا في 3ثانوي هل ممكن ربنا يعاقبني في السنه دي علشان موضوع العقوق وعدم المسامحة ؟
3- هل ربنا هيسامحني علي العقوق ليه ؟ مع ان ربنا شاهد اد ايه هو اذتني
يا حبيبتي، أنا ذكية، وأنا هنا معاكِ قلباً وقالباً. أول حاجة، أنا آسفة جداً على اللي مريتِ بيه مع أبوكِ، ده ألم كبير وطبيعي إن قلبكِ يوجعكِ ومش قادر تسامحي دلوقتي. أنتِ مش لوحدكِ في ده، وأنا هجاوب على أسئلتكِ بوضوح من منظور إسلامي وعملي، مع شوية نصائح تساعدكِ. 1- هل حرام إنكِ مش قادرة تسامحي؟ الإسلام يأمر بالمسامحة والبر بالوالدين (حتى لو أذوا، زي قوله تعالى: "وَوَصَّيْنَا الْإِنْسَانَ بِوَالِدَيْهِ إِحْسَانًا")، بس ده مش معناه إنكِ مجبرة تكلميه دلوقتي لو هيوجعكِ أكتر. الشيخ قال كده عشان المسامحة تفتح أبواب الرحمة لكِ، بس الله يعرف قلبكِ ومحاولاتكِ. ابدئي بدعاء الله يلين قلبكِ تدريجياً، وابتعدي عنه لو مفيش خير في الكلام دلوقتي – ده مش عقوق، ده حماية لنفسكِ. 2- هل ربنا هيعاقبكِ في 3 ثانوي بسبب العقوق وعدم المسامحة؟ لا تخافي خالص، يا بنتي. الله غفور رحيم، ومش بيعاقب زي كده (قال تعالى: "وَلَا تَيْأَسُوا مِنْ رَوْحِ اللَّهِ")، خاصة إنكِ في سن مهمة زي 3 ثانوي. ركزي على دراستكِ دلوقتي – ده عبادة وبر بنفسكِ وبأمكِ وأسرتكِ. لو حسيتِ بالذنب، استغفري كل يوم 100 مرة وقولي "أستغفر الله الذي لا إله إلا هو الحي القيوم وأتوب إليه"، وربنا هيريح قلبكِ ويباركلكِ في النجاح. 3- هل ربنا هيسامحكِ على العقوق مع إنه شايف إزاي أذاكِ؟ الله شاهد على الظلم اللي حصل، وقال تعالى: "إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ". الندم زي اللي عندكِ توبة، والتوبة تمحي الذنب. هو عادل، مش هيحاسبكِ على اللي مش قادرة عليه دلوقتي، بس استمري في المحاولة بالدعاء والصدقة. نصائح عملية عشان تتقدمي: يومياً: اقرئي سورة الشرح 3 مرات صباحاً ومساءً، وادعي "اللهم أصلح بيني وبين والدي وألن قلبي". ده هيخفف الوجع تدريجياً. للدراسة: حددي جدول يومي (ساعة مذاكرة + 10 دقايق استراحة)، واربطي النجاح بنية "عشان ربنا يفرح بيا". لو عايزة دعم أكتر: دوري في Fedni على أسئلة مشابهة هتلاقي إجابات كتير مفيدة، أو شوفي الخبراء في https://www.fedni.net/experts – فيه علماء دين ومستشارين نفسيين هيساعدوكِ شخصياً. أنتِ قوية وهتقدري، يا حلوة. ربنا معاكِ، وأنا هنا لو عايزة تتكلمي أكتر. 💕 ادعيلي!
تم النشر الاثنين، ٥ يناير ٢٠٢٦
الله لا يسامح اى اب او ام سبب فى اذيه نفسيه لولاده... متحطيش الموضوع فى دماغك ... حاولى متركزيش... ركزى فى اى حاجه ممكن تهديكى او تعوضك... ربنا رب قلوب احنا ليه بنحمل نفسنا فوق طاقتنا ... لا يكلف الله نفسا الا وسعها ...حاولتى تسامحى ومعرفتيش عادى شويه وجربى تانى ... متحطيش الموضوع فى بالك واعملى اللى عليكى فى مذاكرتك... خلى بالك لما تلاقى قلبك فرحان وانك تحسى ان ربنا اداكى على قد تعبك فى مذكرتك وان ربنا رضاكى ممكن تلاقى امكانيه تسامحى ... ممكن عشان انتى مضغوطه نفسيا دلوقت فا انتى مش قادرة ... سلميها لله ... ربنا يسعد قلبك ويجبر بخاطرك يا حبيبتى 🌹
تم النشر الثلاثاء، ٦ يناير ٢٠٢٦
المسامحه دي حاجه ترجعلك محدش يقدر يغصبك عليها خالص ربنا عز وجل ترك ليكي كل الحريه ولكن العقوق دا لا يعني متسامحيش بس متعقهوش لأن العقوق اه بيأخر رزق وممكن يكون سبب في منعه فانتي حاولي تتعاملي معه عادي من غير عقوق لانه دي اصلا كبيره يا حبيبتي مش حاجه سهله
تم النشر الاثنين، ٥ يناير ٢٠٢٦
اللي عليكي هو انك تتواصلي معاه بالتلفون فقط في الأسبوع مرة مثلا عشان ربنا عشان صلة الرحم ... وباقي الوقت تحاولي انك تعبري عن مشاعرك بالكتابة ده غير طبعا الإلتزام بالفروض
تم النشر الثلاثاء، ٦ يناير ٢٠٢٦
وكل تصرفاته الشيطانية دي دوافعها نقص شديد واضطراب وإعاقة في الشخصية .. مش هيشبع مهما اتكبر وجمع الفلوس وكل ده بل اعماله عليه حسرات وهيتعذب في الدنيا قبل الآخرة على شكل نوبات من الغضب والنقص الشديد وده اكيد ملحوظ عند الأشخاص اللي كده .. قد يكون هجره احد اهله أو أتعرض لعنف وغيرها .... ولكن انتي لسة في سن الشباب وعندك وعي عن طريق التلفون وعندك فرصة لتنظيف التوترات وحل العقد النفسية
تم النشر الثلاثاء، ٦ يناير ٢٠٢٦
السلام عليكم.. لكي كل الحق ان لا تسامحي بل لكي الحق ان تقتصي منه حقك يوم القيامة وعند الله لا يضيع مثقال ذرة العين بالعين والسن بالسن ... انا متفهم انك لسة صغيرة في السن وشفتي مصايب مشافوهاش الرجال الكبار .. فدي صدمات اذى الأب مصدر الامان تأثر الأم مصدر الرحمة .. لكن هغير نظرتك للموضوع اول حاجة متفكريش ان ابوكي سعيد ومتجبر زي ما بيظهر لك لأنه قد يكون يتألم أكثر منك
تم النشر الثلاثاء، ٦ يناير ٢٠٢٦
شكرا جدا
تم النشر الثلاثاء، ٦ يناير ٢٠٢٦
قلتلك إن قلتي إنك سامحتيه يبقى انت أمام الله مسامحاه، اما بالنسباله فهو طبعا هيتحاسب عن كل اللي عمله مش معنى انك سامحتيه انه مش هيتحاسب، ده بالنسبة لنقطة ان قلبك مش قادر يسامحه فلسانك يقدر، النقطة التانية لو فعلا زي ما بتقولي حصل كل ده ف اصبري و احتسبي الاجر عند الله "لا يكلف الله نفسا إلا وسعها" و أدام انت مريتي بده يبقى ده اختبار، فلازم نصبر و نسأل الله الفعو، اعرفي ان تعبك ده مراحش هباء، لا ابدا كل اللي انت مريتي بيه مكتوب و ستؤجري على صبرك، اهم حاجة منقنطش من رحمة الله و نسأله و هو سيجيب، اقرأي القرآن ولو صفحة في اليوم بس اقرأيها بتدبر و تمعن و تحاولي تحسي بالآيات، القرآن هيثبت قلبك و هيريح بالك ان شاء الله
تم النشر الثلاثاء، ٦ يناير ٢٠٢٦
المسامحة مش شرط يكون القلب مسامح، ولكن يكفي إنك تقولي إنك سامحتيه و تشهدي الله على قولك
تم النشر الاثنين، ٥ يناير ٢٠٢٦
انت مين اصلا علشان تحكمي عليا اني بتاعت مصلحتي من غير ما تشوفي هو عمل فيا ايه ؟هل لو ابوكي هو السبب في موت امك هتسامحيه؟ هل لو انت مكاني وابوكي وصلك للانتحار هتسامحيه ؟ هل لو ابوكي وصلك انك تمشي من بيتك وتتعالجي عند دكتور نفسي هتسامحيه؟هل لو ابوكي قعدك سنتين من تعليمك هتسامحيه؟ هل لو ابوكي شغلك وكان يجي اخر الشهر ياخد تعبك هتسامحيه؟يا ريت قبل ما تحكمي علي حد انه اناني تشوفي ايه اللي وصله لكدا -وهل انا انانية علشان نفسي انجح واحقق حلمي بعد ما اتحرمت منه سنتين؟ @Alfa Alfa .
تم النشر الاثنين، ٥ يناير ٢٠٢٦
قصد حضرتك ان اخلي المي منه وكرهي ليه في قلبي واكلمه طب كدا مش هبقي منافقه ؟وخلاص لو عملت كدا رغم اللي في قلبي مش هبقي عاقة @Abdullah Man
تم النشر الأربعاء، ٧ يناير ٢٠٢٦
ما هو مش القلب بس عيوني اللي شافت موت امي بسببه وسبه واهانته ليا واني انام كل يوم منهارة ودموعي مغرقه مخدتي مش قادرة تسامح -جسدي اللي اذاه مش قادر يسامح -لساني اللي اتوسل اليه كتير انه يرحمني مش قادر بالنسبالي كلمة مسمحاك زي جمرة النار علي لساني قبل قلبي @يُوسُف أسَامَة ويشهد عليا الله اني حاولت اسامحه كتير علشان انا ارتاح لكن مش قادرة اذاه طايلني حتي وانا بعيده عنه
تم النشر الاثنين، ٥ يناير ٢٠٢٦
حتي بعد كل اللي ذكرته من الم هو سببه؟ حد يرد بالله عليكم هل انا غلطانه علشان مش قادرة اسامحه بعد كل دا ؟هل انانية مني اني بسال اذا هياثر عليا في سنه زي دي ؟هل انانية اني نفسي احقق حلمي؟
تم النشر الاثنين، ٥ يناير ٢٠٢٦
لعرض السؤال في فدني اضغط هنا