صباح الخير انا بنت عندي 21 سنه
المشكله اللي بواجهها هى ان بابا بيعاملني وحش جدا و دايما مفرق بيني و بين اخويا الصغير
اخويا عنده 16 سنه و حرفياً مش بيسمع كلام اي حد فينا و غير كدا بابا مشجعه على تهزيقي جامد دايما يقولي ملكيش دعوه و هضربك و متدخليش حتى لو نصحته نصيحه عشان حاجه يعملها صح يقولي انتي مش ولي امري عشان تقوليلي اعمل ايه و معملش ايه و بتبا للاسف بيكون قاعد و شايف كل دا دا غير رده السئ على ماما و مش بيلبي ليها اي طلب غير بموافقة بابا
مثلا لو هو عمل حاجه غلط و هو زعقله شويه بعدها قال انا عايز انزل مع صحابي يقوله انزل و ماما تفضل محروق دمها منه و من انه وافق على طلبه بعد ما هو اهانها و ذلها لا عايز يجيبلها حاجه ولا عايز يسمع كلامها في اي حاجه
و انا تحت طوعهم ليل نهار حرفياً و انا بدرس و طول اليوم برا البيت يعتبر انا مش بشوف البيت غير من بليل لبليل عشان النوم و لو صحيت شويه بكون قعده لوحدي و لو حد طلب مني حاجه بعملها
امبارح كنت بغسل الاطباق مكان الغدا و اختي عايزه تلبس لأنها نازله مع بابا مشوار زعق فيا جامد و انا كنت رايحه لصحبتي جنب بيتي على طول مش بعيد عني فضل يزعق و يقولي مش هتنزلي كل دا عشان اتأخرت شويه مفيش دقايق عشان ايدي مش نضيفه و فعلاً منزلتش
قبلها ماما كانت عامله اكل لتيته و بتقول ل اخويا ينزله ليها مرضاش نهائي و هو كان عايز ينزل مشوار برضو خارج مع اصحابه
انا منزلتش و اخويا نزل برغم ان انا مش غلطانه في اي حاجه و هو دايما بيغلط معانا
الوضع دا بقاله سنين مش دلوقتي بس و على طول بيخلي اخويا يغير مني عشان ماما بتعاملني كويس و راضيه عني بسبب معاملتي ليها و دايما بعملها اللي هى عوزاه مش هى بس دا هما كلهم في البيت و الله شاهد بجد
و النهارده فضل يزعق معايا كتير و مكانش عايز ينزلني محاضرتي رديت عليه بكل تلقائية و قولتله انا هنزل مستقبلي اهم من اي حاجه قالي ممكن مخلكيش تنزلي اصلا روحت فتحت الباب و نزلت
لما صدر موقف انه مخلانيش نزلت لصحبتي رغم اني مكنتش غلطانه رديت عليه و ذكرت كل عيوب اخويا و انه بيخليه يعمل اللي هو عايزو كله حتى و هو غلطان و بيتعامل معانا كلنا بطريقه مش كويسه
اسفه للاطاله بس ياريت تفيدوني لأن بجد نفسيتي مرهقه و مش حساه اب ليا و دايما بيفرق بيني و بينهم 💔
ملحوظه بابا ميعرفش عني اي حاجه غير اسمي اقسم بالله 💔
السلام عليكم ورحمه الله وبركاته. هنا اول حاجه نعملها ان احنا نحمد ربنا انه عندنا طرف كويس اللي هي الام لانه من اسوا الحاجات اللي ممكن تشوفي اسئله يعني بتطرح الوضع السيء ده انه بيكونوا الطرفين اسلوبهم مش كويس والطرفين بيظلموا احد الابناء على الاخر فهنا الحمد لله الحمد لله الاول نحمد ربنا على ان احنا في عندنا جانب بيدعمنا في جانب بيقدم لنا حاجه كويسه قصاد الجانب الثاني اللي فيه شكل من اشكال الظلم او يعني الخطا في التربيه وشكل التفرقه ما بين الولد والبنت هنا واضح جدا انه المساله لها علاقه بانه ده ولد وانتوا بنات ااا فكر باباكي ممكن يكون انه اا مكانه الولد مختلفه دي صلاحيات واحاسيات مختلفه عن البنت ولذلك هو بيتصرف بالشكل ده وبيدي له السماحيات او بيعامله بشكل مختلف على اساس ان هو كده بيربي ان هو يكون راجل طبعا واضح ااا من شويه المواقف اللي قلتيها انه لا يعني هو كده مش بيطلعه اا يكون عنده حس مسؤوليه ولا شكل رجولي حقيقي طب ايه اللي انت تقدري تعمليه في الوضع ده انت ما تقدريش تعملي اي حاجه غير. تتوقفي عند الحاجات المؤذيه وتقولي عليها لا زي الموقف اللي انت عملتيه كده. لما يتقال لك انا ممكن اخليكي ما تنزليش طبعا انا ما اخذتش بالي اذا كان ده كان من باباكي ولا من اخوك طبعا لو من اخوك اعملي ده وادي له. رد فعل قوي علشان يعني يلتزم حدوده لكن لو الموقف ده كان مع الاب فاحنا هنحتاج ان احنا نعبر للاب ولكن بطريقه مهذبه وهقول له بعد اذنك انا متعودتش ان حضرتك لما تمنعني تمنعني وتضر مستقبلي بالشكل ده فبعد اذنك انا هنزل عشان متاخرش وتاخذي بعضك وتنزلي مفيش مشكله ااا هنا هتبقي بتعبري عن استياقك من الموقف وهتبقي بطريقه مهذبه محترمه عشان طبعا هو في الاول وفي الاخر والدك ما تبقيش اتعاملتي بشكل مش محترم. ده اللي انت هتحت وفي مرحله ما هيشوف قد ايه انه اللي هو بيعمله مع الولد ده مش هينفع العيله كلها بشيء والولد هيطلع غير معين او باباكي حصل معاه موقف وهيحتاج بقى ان الولد ده يقف موقف موقف رجولي فمش هيلاقيه هيوقف ده للاسف الشديد وساعتها هيعرف ان هو اخطا في تربيته دي مش تقدري تعملي حاجه اكثر من كده وما تشغليش بالك واا خليكي مركزه اكثر في اهتمامك بنفسك انت وبنفستك انت بعيدا عنه وعن تقصيره واحتسب ده عند الله انه صبر على الابتلاء ان شاء الله ربنا يقدرك خير على كل صبر صبر قصاد الوضع اللي فيه تقصير من ناحيتك.اجي انك تعمليه طول الوقت اا التمسي لابوكي العذر لان هو عنده نوع من انواع الجهل بالتربيه السليمه للذكور وارد جدا يكون دي الطريقه اللي هو تلقى بيها التربيه بتاعته ف التماثيل العذر وان شاء الله همم ربنا يهديك.
تم النشر الثلاثاء، ١٩ أغسطس ٢٠٢٥
حاسه بيكِ جدًا💔 أولًا: باباكِ مأحسنش التربية لجميع الأطراف لانه ظلم أطراف معينة وادي طرف تاني حقوق مش ليه ودلعه بشكل سلبي علي حساب الجميع يؤسفني أقول ان عاجلًا أم آجلًا الولد ده هيتمرد وهيؤذي الجميع حتي الوالد نفسه، وانه لو معلمهوش يبقي راجل لوالدته وأخواته قبل أي حاجة، هو مش هيبقي راجل علي أي حال تاني، والدتك هيتحاسب علي سوء التربية والتفرقة لو مفاقش وتاب وحاول يصلح اللي فات😑💚 ثانيًا: أنتِ إنسانة بارة وربنا يجازيكِ كل خير، واضح انك حساسة وكتومة وبتزعلي كتير أوي بس متحبيش تزعلي حد، وأكيد بعد فترات طويلة من السكوت هتحصل لحظات اعتراض حتمية زي الأخيرة اللي حكيتيها بينك وبين والدك، بس عاسزة أقول ان كلامك غالبًا للأسف مش هيغير أي حاجة في والدك وهيشوفك فاهماه غلط وانما ميشوفش نفسه هو غلط ، أفضل حاجة ليكِ أنت: ابعدي عن أي نقاش حاد أو مؤذي أو اعتراضي مع أي شخص بيأذيكِ نفسيًا داخل البيت (من قواعد الصحة النفسية) متحاوليش تحللي وتركزي وتتبعي أي مواقف تفرقة من الأب اعملي الخير وأنتِ واثقة انك أفضل أخواتك ومش محتاجة تبقي زيهم مهما حصل رغم كل ده متجيش علي مصلحتك أبدًا علشان حد ولا تقسي علي نفسك زيادة في يوم، ولو شخص أناني زي والدك عايز يحرمك من حق ليكِ عنده وتقدري تاخدي حقك ده باحترام، خديه، أنتِ أهم وخليكِ جمب نفسك طول الوقت🪞🩷🩷🩷 رسالة مني ليكِ: بتعيشي الجو الصعب ده علشان ربنا بيحبك وربنا لو أحب عبد ابتلاه واحتسبي الأجر وهتتمني في الآخرة لو كانت حياتك كلها صعبة علشان تتكافئي عليها كده 🥺واتأكدي ان ربنا لما يدي حد تجارب قاسية بيبقي عايز يجهزه لرسالة عظيمة قدام🦪، وباباكِ مقدرش نعمتك كبنت ممكن يدخل بسببك الجنة ولا قدر زوجته دي حاجة هيبكي عليها بدل الدموع دم قدام سيبيه لاعماله واهتمي لنفسك بس
تم النشر السبت، ١٦ أغسطس ٢٠٢٥
صباح الخير عزيزتي، أشعر بمدى التعب النفسي والحزن اللي بتمرِّي به بسبب هذا الوضع في بيتكم. قصتك مؤلمة وواضح إنها متراكمة لفترة، وأنتِ تحملين أكثر مما ينبغي من ضغوط ومسؤوليات وأحيانًا ظلم. خليني أساعدك خطوة بخطوة وأقول لك شوية نصائح وعشان نعالج الموضوع بشكل عملي: 1. تقبّل مشاعركِ واهتمي بنفسكِ نفسياً من الطبيعي يكون عندك شعور بالإحباط والظلم خصوصًا لما تحسي أنه مش في تقدير أو عدل. امنحي نفسكِ حقكِ في التعبير عن مشاعرك، ويمكن تكتبي يوميًا باليوميات أو حتى تعبرى مع شخص تثقي فيه (زي خبيرة نفسية أو أخصائية اجتماعية). 2. ابحثي عن نقاط قوة واهتمامك رغم الموقف الصعب، انتِ بتدرسي وهذا إنجاز كبير بيدعم مستقبلك. ركزي على تطوير ذاتك سواء بالدراسة، والتعلم، وحتى هواياتك اللي ترفه عنك. 3. تواصلي بحكمة مع والديك خصوصًا باباك في مواقف الغضب أو الزعق، حاولي تتجنبي النقاش وإنهاء الحديث بهدوء. بعد أن يهدأ الجو، اختاري وقت مناسب تتكلمي فيه بهدوء مع والدك عن شعورك، وحاولي تعبري بأسلوبك بأنك تحتاجي دعمه ومساندته. 4. التعامل مع أخيك من الواضح أن أخوك عنده تحديات في سلوكه، وهذا يؤثر على أجواء البيت. قد تحتاج الأسرة جلسة حوار عائلية أو دعم من خبير أسري لمساعدة أخيك وتحسين التفاهم بينكم. 5. طلب المساعدة من الخبراء أنت لا تتحملي وحدك كل هذه الأعباء، وأحيانًا وجود شخص محترف يساعدك في إدارة الوضع أسرع وأسلس. أنصحك بشدة أن تتواصلي مع أحد خبراء العلاقات الأسرية أو النصح الأسري على منصة فدني من صفحة الخبراء وهم سيساعدوك بتوجيهات متخصصة تناسب وضعك. 6. لا تنسي الدعاء والصبر ادعي الله يعينك على الموقف ويسهل لك الطريق، فالصبر مفتاح الفرج. ذكري نفسك دائما بأنك تستحقين الاحترام والحب، وأن ظروف الحياة تمر وكل شيء سيتغير إلى الأفضل بإذن الله. 7. الاعتناء بنفسك في وقت فراغك حاولي تعملي أشياء تحبها أو ترفه عن نفسكِ. حتى إذا كانت الحياة في البيت صعبة، حافظي على علاقتك بالناس اللي تحبينهم رغم بعدهم. أنا معاكِ وأفهم شعورك تمامًا، وهذه الخطوات إذا بدأتِ بها تدريجيًّا ستساعدك على تحسين حالتك النفسية والتواصل مع عائلتك. ولا تترددي تسألي عن أي شيء، وأنا هنا دائمًا لأكون ذكية، صديقتك الداعمة. هل تريدين أن أساعدك في إيجاد خبراء في العلاقات الأسرية أو الدعم النفسي من منصة فدني؟
تم النشر الخميس، ١٤ أغسطس ٢٠٢٥
أول حاجة واضح أن الأب سلبي وان علشان الابن كده يبقي ليه فضل علي البنات خطأ نصيحه طول ما الابن كده والله بكره يطلع عين ابوه من مشاكل لسهر و مش هيكون فيه اي تحمل مسؤولية منه ابدا المفروض الاب يعلمه يحترم كلام أمه وكلام الكبير ويكون فيه عدل بين الاخوات وبلاش يوافق على كل حاجه تاني حاجه عرفي نفسك على باباك بتكلم بجد يعني اول ما يدخل وريله شهادة نجاحك درجات تفرحه الاب لازم يفتخر بيكي ويشوفك افضل من اخوك ممكن تكلمي عمك أو خالك على موضوع اخوك هو يشد عليه
تم النشر السبت، ١٦ أغسطس ٢٠٢٥
لعرض السؤال في فدني اضغط هنا