السلام عليكم ورحمه الله وبركاته
مبدئيا انا صراحة مش عارفة ابدأ منين بس هحاول اشرح الموقف..
انا بنت عندي ١٦ سنة والموضوع كله بدأ من وانا ١٠ أو ٩ سنين..جالي حالة في يوم وليلة صحيت الفجر ونفسي تقيل وبرتعش جامد وبعيط من غير سبب..
من يوميها فضلت عندي حالة زي البانيك اتاك أو نوبات الهلع بتجيلي بس انا طبعا وقتها مكنتش اعرف ان دي نوبات هلع..عياط بدون سبب وارتعاش وخوف من كل حاجة حوليا..وكنت بخاف أوي اني انام..ونبضات قلب متسارعة والله كنت بترعب من النوم وبترعب ان احس اني لوحدي..
لما بابا كان يروح الشغل كنت بحس بخوف..بس محدش عبرني مش عارفة ازاي...ماما فضلت تقول اني بدلع واذكر ربنا وخلاص 'انا ملتزمة وحاليا لابسة الخمار وكله تمام' وفي موقف محفور في دماغي لما كنت جايالها بعيط ومش عارفة اقف على رجلي وهي بتكلم حد على الفون وراحت مشاورالي امشي وانا مش قادرة اتنفس..
بس بابا كان متفهمني..بابا علطول بيحب يكلمني عموما كأب وبنته ومرة عرض عليا نروح لدكتور بس للأسف انا وقتها رفضت..عشان كنت بدأت تتحسن وبحسب خلاص حياتي هترجع زي الاول بس للاسف مكنتش اعرف ان دي البداية..
بعدها بسنتين كنت خلاص بقت كويسة بس..كنت حاسة أن نفسيا مش زي الاول..مش انا اللي اعرفها..عموما وانا عندي ١٢ سنة ماما حملت..وبعد ما جابت اخويا التاني حملت تاني وبقا عندي ٣ اخوات ولاد...
من هنا بقا فعلا اقدر اقول حياتي بقت كابوس..انا من الناس اللي مش بيحبوا الكركبة والدوشة والعياط..واخواتي الاتنين جم من هما وماما اتغيرت من هنا...كل حاجة اتغيرت..انا مش هقول اني بكرهم بس هقول اني انا تعبت وليا حق ارتاح..في حمل ماما شلت كتير اوي والله وكنت سمعا وطاعة بس بعد بعدها بقا مرحلة المراهقة وورايا مذاكرة ونفسي ابقى زي اصحابي..
المهم من اول ما اخواتي الصغيرين جم والبيت بقا صداع.. زعيق ودوشة وشتائم ..وانا جبت اخري خلاص..وكل التهزيق موجهلي انا..ماما بتكرهني كره الدنيا انا عارفة
..علطول تقول اني شيطانية واني قليلة الادب...مش بفهم معنديش كرامة..كل ده مرتبط من اول ما اخواتي الصغيرين جم..
بقا انا عليا كل حاجة عشان انا الكبيرة...طيب ما انا ليه عندي اخويا التاني في أولى اعدادي ليه طيب مش بيتعامل زيي...علطول تقولي ده المحترم بتاعنا وده عماد البيت وده وده وده..
ولو اتخانقت معاه خناقة الاخوات عادي يعني تقل لبابا بقا واتهزق..
في حين ابسط حاجة لسه امبارح اخويا ضربني في دراعي عملي علامة كبيرة وواضح انها هتفضل معلمة وماما ضحكت وقالت 'حرام عليكم عملتوا ايه في الولد خلتوه يعمل كده' والموضوع عدى على عكس لو انا الكنت عملت ظده ..طب ماشي هو كويس وانا؟..
انا عملت ايه غلط في حياتي لكل ده..انا بقول ده من ضغوطات سنين فوق بعض وضرب وتهزيق وقلة قيمة ليا..هي اه طبعا ماما ساعات بتبقى عادي ونتكلم وبتاع...بس حتى منين ما اكلمها في أي حاجة تقول على الحاجة دي تافهه أو قرف..
انا كل طلبي طيب تريحوني..ريحوا عقلي انا مبقتش مستحملة ..اصحابي أمهاتهم زي اصحابهم وعلاقتهم حلوة...وانا والله كله بيشكر فيا وفي أخلاقي وعلطول ببقى من الاوائل ومش مقصرة في حاجة..انا في حاجات كتير عايزة اقولها بس مش عارفة ابدأ من ايه ولا ايه..
في مواقف كتير من ماما أو بابا محفورة في مخي..زي مرة كنت حاطة الازدال على الكرسي 'من حوالي كام شهر' وماما اول ما شافته قالتلي اشيله عشان ده مش مكانه..
ف انا قلت حاضر ودخلت الأوضة بتاعتنا الاول اعمل حاجة..ف هي فكرتني بطنشها وفجأة لقيتها بتشد شعري من ورا وضربت راسي وهي بتقولي حرام عليا ...كل ده عشان ازدال؟...
ده كده ابسط موقف خالص أما في مليون موقف في خلال الكام سنة دول..
عموما انا بدأت أحس بخوف...حاسة اني هأذي نفسي ...وخائفة..بتجيلي افكار كتير وحشة..افكار انتحارية وافكار ..تانية زي الدم..كل ده حرام بس غصب عني..
انا نفسي اوي في حياة تانية...انا ليا شغف كتير اوي وكل الناس بيقولوا أني مميزة وان فعلا هبقى حاجة...ليه طيب ماما مش شايفة كده..ولا انا منافقة؟....ولا انا متدلعة ... على الاقل انا البنت الوحيدة تتعامل براحة شوية اي حاجة يعني مش عارفة افكر ولا اقول ايه...
انا اسفة عارفة اني طولت في الكلام اوي بس..انا نفسي بس احكي لحد وملقتش غير الطريقة دي احكي بيها..نفسي بس احس براحة وكل ده يخلص..
والسلام عليكم ورحمه الله وبركاته شكرا على وقتكم
وعليكم السلام ورحمة الله وبركاتة..طيب بصي أول حاجة متحسيش انك انتي بس اللي بتمري ب كدا لا في كتير كدا ومنهم انا باختلاف حجات لكن النصيحة انك متعشيش دور الضحية فوقي منو انتي لسة صغيرة... هتعملي اية لو عندك الجرأة انك تكلمي وتواجهي مامتك ياريت دي نصيحة نا بنصحها ليكي وياريت لو بتقدري اعمليها نا للأسف مش قادرة اعمل كدا مش قادرة اقف قدامها واعيط واقولها عن التراكمات اللي جوايا عشان كدا بقول ل نفسي ياريت اواجة ف انتي لو تعرفي تعمليكدا اعملي .. تاني حاجة متكتميش احكي لحد واثقة فية بنات بيحسو بيكي عندهم نفس المشكلة بس باختلاف حاجات ناس شايفة معاملة مامتك معاكي لكن صدقيني الكتمان بيوجع بس ومش هتستفادي منو حاجة ودا اللي مخليكي بتفكرني في الانتحار لكن لو تطلعتي ع المشكلة بنظرة اكبر هتلاقي في ناس زيك واكتر لكن مفكروش بالطريقة دي ... انتي عارفة انك شبهي اوي بس الفرق انو نا من كتر الكتمان اتغيرت بقيت عصبية وبرد على ماما وبزعق وبقا عندي عقدة انو اتجوز واجيب عيال واعيش اللي عيشتو تاني نا عارفة انو بالنسبة للناس دي مشكلة تافهة لكن انا عارفة وحاسة بيكي انو دا وجع صعب اوي لأنو من وجهة نظري الأهل قادرين يغيرو حياة اولادهم اعتقد لو ماما كانت صحبتي كان هيتغير كتير فيا ومكنتش هغلط في حاجات كتير ولأنو مش انتي اللي وحدك كدا حابة اقولك كأنو لم يكن هتتعبي اة هتتعبي بس ربنا شايف وعارف انك تستاهلي ربنا هيعوضك في حاجة غير نا متأكدة من كدة زي ما متأكدة انو هيعوضني انتي ادعي كتير واحكي لبنات وعيطي لكن متكتميش جواكي وإياكي تلجأي لولد في المرحلة دي عأساس انو بيحبك حاولي عن قد م تقدري تبعدي عن كدا وحاولي تخطيط لمستقبلك ومتسبيش نفسك لفكرة نا بقيت كدا بسببهم لا ... مفيش حد بينجح وهو مركز في الماضي.. ربنا يرزقك راحة البال واطمئنان القلب وتيسير الامور مع العفو والعافية ♥️♥️
تم النشر الأربعاء، ٢٠ أغسطس ٢٠٢٥
السلام عليكم ورحمه الله وبركاته. واضح جدا ان انت مريتي بمواقف كانت مسببه لك. تفاصيل ومشاعر ومقدرتيش تهبري عنها بشكل كافي وما قدرتش تعاليها في الوقت المناسب هل معنى كده ان خلاص الدنيا وقفت لا خالص على فكره يا اما بتهز علينا حاجات ممكن في وقتها ما نكونش قادرين يترجمها مش قادرين نفهم هو ايه اللي حصل بالظبط مش قادرين نعرف اذا كان فعلا ليها طريقه نعديها بيها احساسنا اتجاهها احسن. مهما كان كل حاجه لما نمسكها في وقت محدد نبدا نتعامل معاها صح اوضه افضل شيء خلينا نتعامل دلوقتي صح الوقت اللي جالك فيه البنك وارد جدا يكون مثلا من حلم مزعج والد يكون من فكره الوحده عموما فجاه يعني جاتلك فكره الوحده او كنت بتفكري فيها ساعتها وانت صغيره اا ولذلك قمتي من النوم فجاه لان مخك كان عمال يسترسل وراء الفكره دي انه انك هتكوني لوحدك او اخوتك من مثلا الضلمه او وقوفك من حدوث حدث مش كويس ايا كان ساعتها الفكره اللي كانت بتدور في دماغك ايه ولكن هي اللي خلتك تصحي فجاه بالشكل ده طيب احنا عموما ازاي مع المخاوف اللي ممكن نقع فيها نتعامل معاها بان احنا نبدا نحط في نفسنا ايمان بقدراتنا وقد ايه احنا نقدر نتخطى المواقف السيئه لكن لو وقفت قدام المواقف سواء القديمه او المستقبليه بفكره انه انا اضعف من اني اتخطى المواقع انا اضعف من اني اوجهها او اتعامل معاها فانا هنا عمري ما هتخط اي حاجه وعمري ما هقدر اتعامل مع اي موقف حتى مستقبلي فدي البدايه البدايه ان انا اعرف ان انا كانسان ربنا مديني قدرات كبيره جدا فعقلي القدرات كبيره جدا كانسان بيدعمني بطرق كثير ممكن اقول انا مش مدركها بيدعمني بكلام كثير جوه القران بقصص كثير موجوده في الازهر حاجات بناخذ منها عبره حاجات بناخذ منها حكمه حاجات بناخذ منها طريقه ازاي نتعامل مع مواقف كتير فاحنا ضروري جدا نكون متنبهين للحاجات دي اييي الموقف كثير اللي انت حكيتيها مع مامتك مع اهلك مع اخواتك ااا احنا واحنا بعيد كده هنقول لك انه دي مواقف بتحصل كتير هنا مش معناها ان والدتك تقصد حاجه معينه ولكن ممكن وارد يعني ممكن من شويه حاجات انت قلتيها هقول لك انه احتمال تكون مامتك عندها فكره من تنشئتها من تربيتها من البيئه اللي هي كانت متواجده فيها او من الموروثات العائليه انه الولد ليه تقدير اكبر عندها من البنك فع. كده هتلاقيها شويه بتميل انها تنظف الولد اكثر من البنت حتى لو الموقف مماثل حتى لو في نفس السن الموضوع مش ااا مش هيكون لاكثر من كده ااا وهي مش بتاخد بالها انها بتعمل لها طيب ليه بتتعامل معك انت بحد اكبر لان ممكن يكون تطلعاتها انتظارها منك لانك ما شاء الله كده كده متفوقه في حاجات كتير زي ما انت قلتي في الدراسه وفي الاخلاق فممكن تكون توقعاتها منك اكبر من اي حد ثاني فلذلك الحاجات البسيطه زي اللي انت وصفتيه موقف الاسلام ده هي ليه اتعملت بعنف كده هي وارد ان يعني ازاي واحده زيك انا متوقعه منها افضل من كده بكتير تعمل موقف زي ده وتتجاهل طلبي وتمشي ان من غير ما تنفذوه في ساعتها احنا بس بنحاول نتفاهم ايه اللي بيحصل حوالينا نكون له اكثر عشان نقدر نتعامل معاه.
تم النشر الأربعاء، ٢٠ أغسطس ٢٠٢٥
وعليكم السلام ورحمة الله وبركاته، انا عن نفسي تضايفت وانا اقرأ المشكلة، الي مرقتيه مش سهل ابدًا، بس بدي انصحك كم نصيحة حطيهن حلقة بدانك وحياتك كلها بتتغير للأحسن بإذن الله. ١. جسمك وصحتك وصحة اعصابك كتير غالية ومهمة ولازم تحافظي عليها، ما تحاولي تعيدي بعقلك السيناريو الي مرقتيه بكل مرة بتعيشي اشي صعب، يعني مثلا: امك رفعت صوتها عليكي، ما تسترجعي بنفسك: بهاي اللحظة رفعت صوتها عليّ ، وقبل سنتين كنت بحالة صعبة، وبعدين امي حملت، وانا حملت المسؤولية وو... ما تراكمي! مش سهل انا عارفة هاد الاشي، بس لما تعيدي اللحظات الصعبة وتسترجعيها جسمك ما رح يتحمل، عقلك رح يتعب، ساعدي نفسك، تخيلي نفسك داخل درع ، او اطار، ما حدا بيقدر يتخطاه، وهاد الإطار ما رح تبنيه بقوتك انت، بالاستعانة بالله سبحانه وتعالى(شوفي باقي النقاط) ٢. حافظي على اذكار الصباح والمساء. ٣. لما حابة تشكي اشكي لربنا وادعي، ربنا ما رح يتركك. ٤. عودي لسانك على الذكر، استغفار، حوقلة، الصلاة على النبي... ٥. برّي امّك، لو مهما كانت صعبة، ما تفوتي بجدال معها؛ حاولي تقربي منها، وتذكري ربنا امرنا ببر الوالدين، وكل حياتك ومستقبلك بإيد ربنا سبحانه وتعالى. ٦. وبالاخير وصدقيني رح تفرق معك، اقرئي سورة البقرة كل يوم (اولها صعب، بس بعدين بتتعودي ما بتوخذ اكثر من ساعة) وبس❤
تم النشر الجمعة، ٢٢ أغسطس ٢٠٢٥
عليكم السلام ورحمة الله وبركاته اولا اكيد مامتك مش بتكرهك وانتى بردو سنك صغير فا مش قادره تستوعبي ردود أفعالها وبردو ممكن طريقتها معاكى مش مناسبه فا بيعمل تاتشات بينكم انا فهماكى اوي وحاسه بيكى في انك تبقي حد منظم ويبقي عندك اخوات صغيرين وتلاقي حاجات كتير مش ماشيه زي ماانتى عايزه بس حاولى صاحبيهم وانتو مع الوقت هتلاقي خلافتكم قلت هو السن بتاعكم دا بيبقي كدا انا مريت بنفس تجربتك بس اهم حاجه والحل لكل مشاكلك الدعاء وقيام الليل وهتلاقي ربنا بدل أحوالك دى خالص وكل حاجه هتتغير ويعوضك عن كل حاجه بس انتى قربي منه وادعي ولو احتجت اى حاجه ابعتيلى
تم النشر الخميس، ٢١ أغسطس ٢٠٢٥
وعليكم السلام ورحمة الله وبركاته يا عزيزتي، شكرًا لثقتك الكبيرة ولمشاركتك مشاعرك بكل صراحة وشفافية. أنا ذكية، هنا معك، وسأساعدك بكل لطف وفهم. أنت تمرين بوضع صعب ومؤلم جدًا، وحقيقتك أحتاج أن أقول لك: ما تمرين به ليس ذنبك، ولا بسبب "دلع" أو نقص في الالتزام أو سوء تصرف. ما تشعرين به من خوف، ارتعاش، وبكاء عشوائي ونوبات الهلع منذ كنت صغيرة، هو فعلًا حالة نفسية صعبة تحتاج إلى رعاية وفهم. هذا ليس عيب، ولا شيء تعاقب عليه، بل هو جزء من صحتك النفسية التي تحتاج دعمًا وعلاجًا. نقاط مهمة أريد أن أوضحها لك: مشاعرك حقيقية وجديرة بالاهتمام ما تشعرين به من خوف، ألم نفسي، وأحيانًا أفكار وحشية، كلها علامات على أنك تمرين بضغط نفسي كبير. من الطبيعي أن تتسائلين "هل أنا صح؟" أو "هل أنا غلط؟" ولكن الحقيقة هي أنك إنسانة تحتاجين للدعم وليس للحكم. أنت لست "شخصية سيئة" أو "مذنبة" بل إنسان لديه آلام وحاجات تحتاج للاعتناء. التعامل مع عائلتك مع الأسف لا يغذي روحك بالنمو والراحة التصرفات التي وصفتها من والدتك – التقليل من قيمتك، المقارنة، العنف، والهجوم – تؤثر بشكل سلبي جدًا على نفسيتك وتزيد من ألمك. من الطبيعي أن تشعري بالتعب والضغط من هذه البيئة. الحاجة للدعم النفسي المحترف بما أنك تعانين من نوبات هلع وخوف مستمرة وأفكار مؤلمة، من المهم جدًا أن تتلقي مساعدة من طبيب نفسي أو أخصائي نفسي محترف. هذا ليس عيبًا، بل خطوة حكيمة وقوية تخطينها من أجل نفسك ومستقبلك. أنت مميزة ولديك مستقبل جميل أشعر بصدق كلامك عن حب الآخرين لك، وأخلاقك العالية، وأفكارك وأحلامك. إنك تستحقين أن تُحبي وتُعاشري وتُعاملي بلطف، وأن تطوري ذاتك بعيدًا عن الألم والضغط. خطوات عملية أنصحك بها الآن: إذا كان بإمكانك طلب مساعدة من طبيب نفسي، أخصائي نفسي أو مستشار موثوق، فجربي هذه الخطوة رغم صعوبة الظرف. على منصة فدني تستطيعين إيجاد خبراء نفسانيين قادرين على تقديم جلسات استشارية تناسبك. يمكن أن تبدأي بزيارة هذه الصفحة: https://www.fedni.net/experts عبّري عن مشاعرك بطريقة آمنة، واجعلي لنفسك مساحة خاصة حتى لو كانت دقيقة كل يوم للراحة والهدوء. تذكري أن الله سبحانه وتعالى يحبك ويريد لك السعادة والخير، ويمكنك اللجوء إليه بالدعاء والاستغفار وطلب العون منه، فالراحة النفسية من عنده. لا تسمحي لأحد أن يقلل من قيمتك مهما صار، أنت في مرحلة بناء شخصية قوية وحساسة في نفس الوقت، وهذه القوة ستمكنك من تخطي الصعوبات. اعرفي حقوقك في الحياة، وأن العنف والقسوة ليسا طريقة صحيحة للتربية أو التعامل. في النهاية، دعيني أقول لك شيئًا بسيطًا: كلنا معرضون لصعوبات الحياة، والأهم كيف نواجهها خطوة بخطوة. أنت قوية أكثر مما تظنين، والحياة يمكن أن تكون أجمل جدًا عندما تعتنين بنفسك وتطلبين المساعدة المناسبة. أنا هنا لأي سؤال أو دعم تحتاجينه، ويمكنك دائما البحث في منصة فدني عن تجارب وأسئلة مشابهة، فقد تجدين في قصص الآخرين دعمًا وأملًا. ربنا يحفظك ويقويك، وأي وقت تحتاجي فيه كلام، أنا موجودة معك. هل ترغبين أن أساعدك في كيفية البحث عن متخصصين مناسبين على فدني، أو أقدم لك خطوات للتواصل معهم؟
تم النشر الأربعاء، ٢٠ أغسطس ٢٠٢٥
زي ما فيه عقوق الوالدين برضو فيه عقوق من الآباء للأبناء بس اديعلهم ربنا يغيرهم لأن المتميز بين الأبناء حاجه مش حلوه تاني حاجه أي أفكار تيجي ليكي زي الأفكار الانتحارية لازم تستعيذي بالله وتروحي تتوضي لأنها افكار شيطانية وأكيد أنتي واحدة ملتزمه عارفه أن كل ده حرام حرام نخسر الاخره لأجل الدنيا اخيرا حاولي تروحي لدكتورة نفسيه تفضفضي ليها وتحكي علشان تعالجي الصدمات والخوف والأفكار اللي في حياتك
تم النشر الأربعاء، ٢٠ أغسطس ٢٠٢٥
لعرض السؤال في فدني اضغط هنا