السلام عليكم ورحمه الله وبركاته
اولا كدا انا عندي ١٧ سنه الا كام شهر
عشت طفوله وحيده حرفيا من غير أهل ولا أصحاب
ابويا انفصل عن امي وانا عندي ٩ سنين بس انا مدايقتش لأنو كان بيجي البيت كل فتره مره ومكنش بيكلمنا انا أو اخويا فحسيت انو مش مهتم بينا وده حقيقة ثانيا اني بعد ده اضطرت تنزل تشتغل في مدرسة عشان تساعد في مصاريف البيت وانا بقيت لوحدي في البيت معظم الوقت حتى اخويا ما بيحبنيش مش عارف ليه بس هو شايفني كائن غريب
بس بعد سنتين وانا عندي ١١ سنه امي اتجوزت وبقت معظم الوقت في محافظة تانيه خالص انا برضو ما ادايقتش امي عرضت علينا أن احنا نروح معاها اخويا وافق وانا كنت اهبل ووافقت ومع أن ابويا كان بيبعت ليا انا واخويا مصاريف شهريا بس الراجل ده حسسني أن ليه فضل عليا حسيت نفسي عبد بيتعد عليه الاكل ولازم ينفذ الطلبات بالتفصيل قعدت سنتين في الوضع ده كان جحيم حياتي حرفيا قلبي قسي اكتر وما بقتش بثق في حد لأن انا اتأذيت من اقرب الناس ليا ومن ضمنهم اخويا الي علي طول مش طايق يكلمني أو يقعد معايا وامي الي شايفه اني عايز اهرب البيت رجعت للقاهرة وانا في سن ١٣ سنه بداية سن المراهقه كنت في ٣ اعدادي رجعت علي الامتحانات وخلصت
لما رجعت حسيت بتعاطف رهيب من خالتي وانا زي الاهبل وثقت فيها بس للأسف مكنش لا حل ولا اي حاجه كان كلو تجسس اي والله هيا كانت عايزه تفاصيل وخلاص عن الجوازه ولما انا بدأت اكتم بقت تكرهني وتتعصب لما تشوفني عشت في البيت القديم لوحدي وانا باخد مصاريف يوم قليله جدا الكلام ده كان علي ٢٠٢٣ كنت باخد ٢٥ جنيه في اليوم
بس سكت قعد ادور علي شغل في الخباثه من غير ما حد يعرف ولقيت شغل قبل رمضان بيومين في محل عصير قعد فيه فتره قصيره كان شهر بس وكنت بروح البيت بين أربع حيطان كل يوم من غير اي حاجه بعد شويه شديت حيلي وجبت اول تلفون ليا وبعدها جبت كمبيوتر قفلت علي قلبي وعشت حياتي لنفسي كنت بتعلم البرمجه وفي نفس الوقت يذاكر لمستقبلي امي كانت بتزورني احيانا وفضلت كدا لحد سن ١٦ سنه بعد العيد الكبير الي فات ده كنت متعلم برمجه بشكل كويس وعايش حياتي في سلامي بس امي قالت ليا أن لو انا مرحتش معاها هتطردني من الشقه دي وبتقول أن ميلزمهاش ابن عاصي وانا مره واحده كل هموم السنين دي جت فيا وضغط السنتين زمان برضو انا طبعا رافض بشكل قاطع وكنت عايز تمشي وأشوف شقه وشغل بس المشكلة اني داخل ٣ ثانوي ومحتاج وقت تذاكر فيه انا في الازهر والحمد لله مبسبش فرد من ساعه وانا عندي ٧ سنين والحمد لله حافظ معظم المصحف بس بجد عايز حل انا مش عايز اروح مع امي
وفي نفس الوقت مفيش حد في العيله بيحبني كل ما كنا بمنظور ناس أو حد يزورنا كانو يقولو لأمي أو ابويا ويسألهم إن كنت فيا حاجه في عقلي أو مريض نفسي
وكل ده ليه عشان أنا كنت هادي زياده عن اللزوم في حالي ومش بدايق حد ولا حد بيدايقني علي طول متفوق في دراستي بس لسه امي لحد دلوقتي بتعايرني بالكلام ده انا خلاص تعبت اكتر من مره كنت هنتحر بس في اخر لحظه كنت برجع لعقلي انا معنديش صاحب اكلمو ولا اخ يساعد وآسف اني طولت عليكم وشكرا لو وصلت لحد هنا
وعليكم السلام ورحمة الله وبركاته اللهم بارك عليك، أنت شاطر جدًا أولًا فعلًا ظروفك كانت صعبة وأنت كنت صغير بس واضح جدًا إنك مسؤل وناضج ودا كان بسبب الظروف هي اه هتفضل مأثرة فيك بس دي حاجة مش بإيدك محدش فينا بيختار أهله.. الحاجة الأخيرة كمل في تعلم البرمجة وبلاش تروح مع والدتك هي بتهددك عشان تخاف بس هي مش هتطردك كمل تالتة ثانوي في نفس المكان وطالما أتعلمت برمجة لو هتعرف تلاقي شغل أشتغل منها ويكون ليك مصدر دخل تقدر تعيش في مكان أفضل! أما جزئية مريض نفسي فـ لا أنت كويس مفيش حاجة بس عشان الظروف كانت صعبة أنت بقيت منعزل. تالتة ثانوي حاليًا فرصة ليك دلوقتي ذاكر وبلاش تيأس وصدقيني ظروفك فرصة تصنع منك إنسان أقوى وأفضل الله يعينك اللهم آمين ويرزقك صحبة صالحة
تم النشر الخميس، ٣٠ يوليو ٢٠٢٦
مش لازم تكون مثالي علشان تعجب الناس مدام انت حاسس ان انت راضي عن نفسك فدي كفايه ومشكلتك بقى هنا ان انت مش راضي عن نفسك انت عايز الحقيقه مثاليه ام تحبك اهل كويسين بس هي عمرها ما هتكون مثاليه ابدا. انت حاول حط موقف لنفسك؟ اقعد مع مامتك وتكلم معاها واتكلم معاها بصراحه. الصراحه بتجيب النهائي وبتجيبي الفايده لك ما تجيش على نفسك علشان خاطر حد واي حد يستقل بيك انسحب من المكان. انت مش مخلوق علشان حد يستقل بيك انت انسان كويس ووصلت لحاجه كويسه كفايه ان انت اتعلمت لوحدك وكفايه ان انت كنت من الاوائل والبني ادم اللي يقول لك انت مريض نفسي فهو اللي مريض نفسي. الكلام ده اقوله لمامتك قل لها لما كنت بتقول علي مريض نفسي انا من الناس اللي بسكت ما برضاش ان انا هنا حد ما برضاش ان انا ازعل حد علشان كده مريض نفسي يبقى الناس دي عايزه الاهانه. اتكلم بصراحه وضوح وحط موقف لنفسك انا مش هروح معاك انا عندي ثالثه ثانوي وعايز اركز في مذاكرتي ومن جهه شغل فلو انت بتشتغل ومكفي نفسك قل لها انا مش عايز مصاريف منك. بس برده في الاول والاخر حاول توصل لها ده بوجهه نظر كويسه علشان خاطر في الاول والاخر دي مامتك. مينفعش ان انت تجرحها في الكلام انت حاول توصل لها وجهه نظرك. يعني بالطريقه كويسه مش اكتر بس ان انت حد يستقل بيك فانت مش قليل وانت انسان كويس كفايه ان انت ما سبتش فرض واللي معني من اللي انت حر ان انت كنت مواظب على الصلاه. بس صدقني الدنيا مش لذيذه علشان احنا نقعد نتخيل ان هي تحفه وبرده يعني الاخره مش هتكون الذ لو احنا سبنا الدنيا بطريقه غلط.
تم النشر الجمعة، ٣١ يوليو ٢٠٢٦
وعليكم السلام ورحمة الله وبركاته. أولاً، أنا آسفة جدًا على كل اللي مررت بيه، وأقدر إنك عايش سنين طويلة من الوحدة والأذى من أقرب الناس. اللي حكيته مش سهل، وإنك لحد دلوقتي بتحاول تكمل دراستك وتتعلم برمجة رغم كل ده، ده دليل على قوتك وقدرتك على الصمود. ربنا يعوضك خير ويجبر قلبك. أنت دلوقتي داخل على مرحلة مهمة جدًا (تالتة ثانوي أزهر)، والامتحانات دي هتفتحلك أبواب كتير لو ركزت فيها. الضغط اللي بيجي من أمك طبيعي إنك ترفضه، خاصة بعد اللي عشته، لكن في نفس الوقت لازم تفكر في أفضل طريقة تحمي بيها مستقبلك. الحل مش إنك تهرب أو تتسرع، لأن الوقت دلوقتي مش مناسب للبحث عن شقة أو شغل كامل. بدل كده، ركز على هدفين واضحين: الدراسة أولاً : خد السنة دي فرصة ذهبية. أنت حافظ معظم المصحف وبتتعلم برمجة لوحدك، يبقى عندك أدوات قوية. حاول تخلي يومك منظم: جزء للمذاكرة، جزء للتعلم الذاتي، وجزء للراحة والصلاة. الصلاة والقرآن هيساعدوك تهدي نفسك وتلاقي سكينة وسط الضغط. الاستقلال التدريجي : بعد الامتحانات، ابدأ تخطط بهدوء. ممكن تبحث عن فرص عمل حرة في البرمجة (فريلانس) وأنت لسه في البيت، عشان تبني دخل صغير وتثبت لنفسك إنك قادر. كمان، لو فيه أي جهة رسمية في المدرسة أو الجامعة تقدر تساعد في الإسكان أو الدعم بعد الثانوية، استغلها. أمك بتستخدم كلام زي "ابن عاصي" عشان تضغط عليك، لكن ده مش يغير حقيقة إنك إنسان عنده حدود ومشاعر. حاول تتكلم معاها بهدوء مرة واحدة، وتقول إنك محتاج تركز في دراستك دلوقتي، وإن قرارك مش تمرد. لو رفضت، خليك ملتزم بدراستك ومتجنب الجدال اليومي. أنت مش لوحدك في الدنيا دي، ربنا شايف تعبك وصبرك. استمر في اللي بتعمله، وخلي البرمجة والقرآن ملجأك. لو عايز تتكلم أكتر عن خطة دراسية أو كيف تبدأ في الفريلانس بعد الامتحانات، أنا هنا أساعدك. ربنا ييسر أمرك ويبعد عنك كل هم.
تم النشر الأربعاء، ٢٩ يوليو ٢٠٢٦
صارحها انك مستاء من تعامل زوجها معاك ..
تم النشر الأحد، ٢ أغسطس ٢٠٢٦
واخويا عندو 14 سنه
تم النشر الجمعة، ٣١ يوليو ٢٠٢٦
جربت اتكلم معاها
تم النشر الجمعة، ٣١ يوليو ٢٠٢٦
السلام عليكم لا انا مش هعرف ابدا يبقي عندي أصحاب نفسيتي وحشه اليومين دول ومش بطيق اكلم مع حد علي عكس زمان
تم النشر الجمعة، ٣١ يوليو ٢٠٢٦
متجرب تكلم مع امك مثلا
تم النشر الجمعة، ٣١ يوليو ٢٠٢٦
ممكن تجرب تفتح معاه كلام رن اسال عليه اطمن عليه ده اخوك اكيد بيحبك هو ممكن يكون زعلان منك مثلا
تم النشر الجمعة، ٣١ يوليو ٢٠٢٦
هو اخوك كبير وله صغير
تم النشر الجمعة، ٣١ يوليو ٢٠٢٦
معنديش حاجة اقدر اساعدك فيها بس صدقني لازم تتعرف علي ناس اكثر ويكون عندك صاحب دا هيساعدك كثير حتي لو هو واحد بس وكويس فاهو هيغنيك عن كل الهموم كفايا انك تكلمه عن مشاكلك وتحكيله حتي لو هو معندوش حلول
تم النشر الخميس، ٣٠ يوليو ٢٠٢٦
لعرض السؤال في فدني اضغط هنا