انا في علاقه مع شخص من وانا ١٣ سنه وحاليا
انا ١٨ هو كان بمثابه كل حاجه ليا حرفيا حبني بجد واتقدملي ولكن اهلي رافضيين رفض تام عشان مش متعلم و انا احسن كشكل انا مش بقول دا من وجهه نظري انا بقول من كلام الناس كلو بيقولي انو مش شبهك وفيه فرق شاسع بينكو بس انا قررت اكمل لان دا الشخص الوحيد اللي كنت حاسه انو معايا دايما واقرب من اي حد مع ان عيوبو كتير وسمعتو وحشه وكدا ولكن كنت مصره احارب معاه ضد اهلي وحصلي مشاكل كتير اوييييي كنت علي وشك تدمير حياتي بسبب ان كان اهلي بيعرفو اننا بنتكلم هو كان بيحبني جدا وبيتقدملي كتير وبيحاول مع اهلي ولكن مع الوقت ولما نضجت اكتر بدأت احس ان تصرفاتو مش صح و خاني كذا مره و بيحلف ويكذب كتير اوييي ولكن كان بيخوني بعد فتره وبصراحه بحكم ان كان عقليي صغير وهو كان بيتكلم بطريقه كويسه جدا وعندو طريقه اقناع وانا في سن١٥ او ١٦ بعتلو صور ليا مش كويسه انا عارفه اني غلطانه اوييي بس هو كان كلامنجي اوييي وانا كنت طفله ساعتها بس هو عمرو ما فضحني او قال لحد علي حاجه زي ديي ابدا و كان بيحصل بينا تجاوزات ولكن كان بيحبني اكتر ومصر انو يخطبني لما كبرت ونضجت واكتشفت خيانتو والتصرفات الغير رجوليه بتاعتو و طريقه تفكيرو اللي جايه من انسان غير ناضج او قريبه من غير سوي زهقت جدا مع انو حنين ومتعلق بيا جدا بس بيعمل تصرفات وحشه زي خيانه وطريقه تفكير غير منطقيه وبيبرر اي حاجه ودايما عايش دور الضحيه و دلوقتي انا بعد الادراك دا وحاليا انا ١٨ عاوزه ابعد بعد اكتشافي انو خاني تانيي ولكن قال مبررات كتير وبيقولي اتغيرت بس انا اتقفلت من الشخص دا وعرفت ان مش دا الاختيار الصح ابدا وحاليا بيقولي انو مستحيل يسيبني في حالي لو حبيت بعدو و ان ممكن يعمل اي حاجه عشان يبوظ اي علاقه ليا بعدو حتي لو هنعيش انا وهو من غير ما نتجوز حد غير بعض طول العمر اي الحل لو سمحتم انا عارفه اني غلطانه بس كنت متعلقه بيه و كنت فكراه الحاجه حلوه في حياه كلها مشاكل اسريه وتفكك و قرف
اولا هتتعاملى بهدوء وتخفى نيتك فى الانفصال عنه اذا كنتى تقابلينه فيمكنك ان تاخذى هاتفه وتقومين بحذف الصور ثم ابدأى بالحديث معه فى الالتزام الدينى وانك مهتمه جدا ان تتحرى الحلال والحرام فى كل شىء ابدأى غيرى فى حديثك الى الاستغفار كثيرا وذكر الله وقللى الكلام واخبريه انك رغم تعلقك به الا انك لا تريدين ان تكتسبى ذنوبا اكثر يمكن ايضا ان تخبريه برغبتك فى ارتداء النقاب مثلا كلما تحدثتى هكذا سيبدأ بالنفور لانه لن يجد معك ما يريد وسيبدأ هو بالابتعاد او يكون اكثر حديه فتستطيعين ايجاد سببا له لتقطعى بشكل لن يجعله يفكر فى ايذائك
تم النشر الجمعة، ٢٢ ديسمبر ٢٠٢٣
مبدئيا كده انتى اختى قرار صح انك تبعدى مش بس عشان اكتشفت أنه مش الشخص المناسب لكن كمان عرفتى حقيقتة لما قررت ترميه . بصى اين كان اللى حصل بينكوا أو اللى يقدر يعملوا لازم تبعدى عن الشخص دا وتنهى اى حاجه يوصلك بيها وتبعدى بشكل قاطع وحاولى تحتفظى بكلامه واى ريكوردز يبعتهالك فيها تهديد ليكى وساعتها هددية انتى بيها وأنه لو فكر يضرك أو يعملك اى مشكلة انك بالحاجات دى سهل جدا تعمليلة قضية ابتزاز وتسجنية . وجودك معاه اكتر من كده هيدمر حياتك بجد لانه هيستغل خوفك وضعفك ويطلب منك حاجات اكبر .وهتلاقى نفسك دخلتى فى متاهه هتدمرك حرفيا .دا انك هتعيشى كارهه نفسك . اللى حصل بينكوا كان تصرف من طفله لكن دلوقتى الموضوع اختلف . تبعدى وبدون رجعه ولا مبررات ولا كلام. صفحة واقطعيها وصدقنى اللى زى دا أجبن من أنه يعملك حاجه اصلا .
تم النشر الجمعة، ٢٢ ديسمبر ٢٠٢٣
أنا بنصحك زي بنتي أسمعي كلام أهلك لان هما عارفين مصلحتك أكتر منك. يغور الحب أهم حاجه واحد يكون عارف ربنا عشان يحافظ عليكي ويكون أبن ناس محترمه.. والحب بيجي بعد الجواز أنتي كنتي طفله مش عارفه حاجه.. كلمي واحد من أهلك تكوني بتثقي فيه يكلم الشخص ده يبعد عنك.. الله يرزقك باابن الحلال ياحبيبتي 😍
تم النشر الجمعة، ٢٢ ديسمبر ٢٠٢٣
عاوز اقولك حاجه مهمه جدا اني عمر محد هيخاف جدا عليكي زي والديكي والله العظيم وهما بيحبوكي جدا بس هما مش عايزين ترتبطي بالشخص ده علشان مش شبهك ولا هينفع يكون ليكي علشان دي عشرة عمر كامل ودايما ربنا بيبقي راضي عنا لما بنسمع كلام والدينا وبيرزقنااا بالاحسن ابعدي عن طريقه تماما ومتعرفهوش، حاجه عنك منك او من غيرك هوا ده الحل واتمني لحضرتك الخير من كل قلبي ❤
تم النشر السبت، ٢٣ ديسمبر ٢٠٢٣
بلاش منه هتتندم بعدين حصل معاه بنتي كده بس الحمد لله مافيش صور بينهم ولا كلام من ده بس ابوها وافق أنها تتخطب ليه بس أبوها حظرها كتير منه لان مش مناسب في كل حاجه ولا هعيشها العيشه اللي هي عيشها ولا تعليم ولا نسب وناس أحنا مش شبهم. فضلت مخطوبه لمدة سنه.. بس مش أتفقو سوء وعرفتو ايام الخطوبه كلمت والدها وقالت انا مش عايزاء كان بالنسبه لجوزي ده يوم عيد كان مبسوط لانها طلبت انها تسيبو قال الحمد لله أنا وافقت انها تتخطب ليه واني عارف أن الخطوبه دي مش هتم وقال أنا لو ماكنتش وافقت كانت هتفتكر ان الشخص ده ملاك وهدنها تقول بابا السبب انه مش خلني أخد الشخص اللي حبيته
تم النشر الجمعة، ٢٢ ديسمبر ٢٠٢٣
هتدمري نفسك ابعدي و شوفي حياتك طالما اهلك رافضين متوقفيش حياتك لأجل اي شخص مهما كان
تم النشر السبت، ٢٣ ديسمبر ٢٠٢٣
لعرض السؤال في فدني اضغط هنا