Abdullah Hussein

بصى انتى حاولى تكونى جد معاه شوية كام يوم الكلام عالقد مفيش وحشتينى والجو ده والرد على قد السؤال . ولو سالك وقالك مالك قوليه عادى منا تمام اهو .. ولو مقلكيش مالك ولا لاحظ زودى الجد شوية خليه يلاحظ انك متغيرة . بس من غير ما يغلطك انك مش بترد أو مش بتتكلم معاه كويس .خليه يحس أن فيه جفاء أنه بيكلم وكأنه بيكلم ابن خالته مش مراته .ولما يلاحظ ويسأل ويبدأ يتضايق هدى وضعية الهجوم بقى على طول قوليله مش انت اللى عايز كده بتتعامل معايا وكأننا اغراب ولا الظاهر أن احنا بقينا اغراب فعلا وانت بطلت تحبنى واللى بعيد عن العين بعيد عن القلب .ودى غلطتى ويدفع تمنها انى سيلتك تسافر وتبعد عنى بقيت غريب عنى وكمان مش واثق فيا ....... خليه يحس قد ايه هو ممكن يخسرك وساعتها هو هيراجع نفسه وهيكتشف أنه ظالمك معاه ويقدر حبك ليه وكل اللى انتى محتاجه منه

بصى مبدأيا كده انتى واضح من كلامك انك ساكنه فى الأرياف .. والحاجات دى وارد جدا تحصل مع كل حد والده متوفى الناس بتحب تساعد من باب الإنسانية وعمل الخير باعتبار أن أنكم ايتام وخاصة لو زى مهو باين من كلامك انكم بنات مفيش اخ ليكوا . بصى متاخديش الأمر بحساسية وبلاش تهديها من باب انكم محتاجين فالناس عاوزه تساعد .لكن ممكن تاخديها من باب قول الله تعالى "وكان ابوهما صالحا .." ممكن ربنا بيرد عمل والدك الصالح على هيئة ناس دائما نفسها تساعد باى شىء . اه ممكن تكونوا مش محتاجين ودى حاجه كويسه ودايخليكى تشكرى ربنا أنه غناكوا عن سؤال الناس وفى نفس الوقت دائما محسسكوا أن موقف ليكوا ولاد الحلال وان عمل والدك باق فى الدنيا . لكن لو الموضوع دا مضايقك فهو ليه حل وان ربنا مدام مأنعم عليكوا من فضله فاظهروا للناس نعم ربنا عليكوا والناس لما تشوف يعنيها أن باين عليكوا فضل ربنا وكرمه ونعمه هتبطل تحاول تساعد بالماديات وهيقتصر المساعدة على الجانب المعنوى فقط

مبدئيا كده انتى اختى قرار صح انك تبعدى مش بس عشان اكتشفت أنه مش الشخص المناسب لكن كمان عرفتى حقيقتة لما قررت ترميه . بصى اين كان اللى حصل بينكوا أو اللى يقدر يعملوا لازم تبعدى عن الشخص دا وتنهى اى حاجه يوصلك بيها وتبعدى بشكل قاطع وحاولى تحتفظى بكلامه واى ريكوردز يبعتهالك فيها تهديد ليكى وساعتها هددية انتى بيها وأنه لو فكر يضرك أو يعملك اى مشكلة انك بالحاجات دى سهل جدا تعمليلة قضية ابتزاز وتسجنية . وجودك معاه اكتر من كده هيدمر حياتك بجد لانه هيستغل خوفك وضعفك ويطلب منك حاجات اكبر .وهتلاقى نفسك دخلتى فى متاهه هتدمرك حرفيا .دا انك هتعيشى كارهه نفسك . اللى حصل بينكوا كان تصرف من طفله لكن دلوقتى الموضوع اختلف . تبعدى وبدون رجعه ولا مبررات ولا كلام. صفحة واقطعيها وصدقنى اللى زى دا أجبن من أنه يعملك حاجه اصلا .

احيانا الشخص الذكى بيكون عنده ازمه وهيا أن عقله دائما شغال مش بيفصل خالص .تفكير كتير وتخيلاتكتير واحلام يقظه . اشغلى عقلك بحاجه كبيرة مهارة تنميها أو هواية تشتغلى عليها أو انك تكتبى تكتبى افكارك احلامك تفاصيل يومك .. الحنية دى حاجه غريزه فينا لكن بتتفاوت فى الدرجة من حد للتانى .بلاش تخلى اللى حصل من عيلتك يأثر على حياتك . انتى ليكى شخصية وليكى إرادة

اولا اللى حصل فى الامتحان دا طبيعى لأنك ذاكرتى ومنمتيش والنوم الكافى بعد المذاكرة عامل زى أيقونة الحفظ اللى بتغطر عليها بعد ما بتخلصى شغل على حاجه وانتى معملتيش حفظ فالشغل كله طار... خلى دائما امورك كلها لله لو كويس قولى الحمد لله ولو وحش قولى الحمد لله اكيد ربنا ليه حكمه وانا نتعلم من الموقف ده درس لباقى حياتى .ولما اعملى كده مش هنلومى نفسك وبلاش جو اعاقب نفسى ده لان آخرته وحشه

هناك تطبيق أسمه دراج آى . يحتوى على كل الأدوية والسعر والمواد الفعاله وهناك طريقه يمكنك قرائة الصنف عن طريق وضع بعض الحروف التى تستطيعين قرائتها وهو يكون بالتحليل وإظهار اقرب دواء لهذة الحروف

قدم المرأة عورة عند بعض الفقهاء وليست بعورة عند البعض الآخر .. وعليه يجوز لك اظهار قدمك مدام ذلك لحاجة

فى ناس بتفكر ان جواز الصالونات بيكون بارد من المشاعر . لكن العكس صحيح لأن الاتنين بيكون عندهم مشاعر وأحاسيس بتتخزن لحد لما يرتبطوا ويبدوا يطلعوهافى الخطوبة وبداية الجواز .. هل كان نفس الشخص دا دلوقتى معاكى كده من وقت الخطوبة ولا كان مختلف معاكى . كل كنتى بتحسى باشتياقه ليكى . وهل اول ماسافر وبعد عنك كنتى بتحسين أنه مشتاق ليكى وتعبان من غيرك ولما بينزل اجازات بيبقى عامل ازاى معاكى

بالنسبة بقى للمشاعر والأحاسيس.. مبدأيا كده قولى ارتباطكوا ببعض ابتدى ازاى .حب. ولا صالونات ومعارف

هيا دى المشكلة .. أنه شخصيته ضعيفه تجاة اللى بيتقاله أو اللى بيسمعه . بيتأثر جدا بيه .ولو أهله مسيطرين عليه احيانا الأهل بيحاولو أنهم سيطروا بزياده على ابنهم اللى مسافر برة على اعتبار أن سفرك دا خير لينا كلنا مش ليك ولمراتك بس .وبالتالى يفضلوا طول الوقت يقولوه مراتك مشرفه مراتك مش مدبرة مراتك مش تعبانه فى القرش. متسمعش كلام مراتك كل ماتقولك عايزه فلوس .وهكذا لكن كل دا حلال ليهم هما عادى .

ايه هيا اكتر حاجه بتحبيها فى زوجك .. مميزاته ايه ؟

هو شخص بخيل مع أهله فى المشاعر والماديات ولا وضع محتلف

٣سنين المفروض تكونى عايشة احلى سنين عمرك .. فى تفاصيل كتير فى موضوعك تخصك وتخصه وتخص أهله كمان ونظام البيت والمصاريف . مش عارف كل التفاصيل دى هينفع تتكلمى فيها هما عالعام ولا لا

لا كده ابموضزع اكبر من مجرد كلام حلو هو حارمك منه .. انتو متجوزين من امتى

دا قرارك واختيارك .. وانتى لوحدك اللى هتدفعى نتيجته .... كل واحد فينا عنده قلب وعقل قلب يحس وعقل يفكر ومهما القلب يحاول يلغى العقل لكن العقل بيفكر وبيحلل وبيوصل لنتائج انتى بس اللى عارفاها تاخدى بيها أو لا انتى اللى هتختارى . وبالنسبة لجمالك فادى نعمه غيرك بيتمناها ومش لازم تعتزلى البشر عشان انتى جميلة ممكن تبقى جميلة وذكية جميلة وعاقله جميلة وقوية جميلة ومسؤولة جميلة وواعية ... ساعتها جمالك هيزيده جمال شخصيتك لكن انطوائك ضعف شخصية وهيقلل خبراتك وهيضيع عليكى حاجات كتير كان ممكن تعشيها وتتعلمى منها

انا عشان مريت ياللى انتى حساه دا بالظبط بقولك مش هينفع ولازم تبعدى وعارف انك تقدرى . انا فاهم هو قد ايه بيوجع وقد ايه صعب انك تبعد عن شخص بتحبه . بس صدقيني تبعدى عنه بارادتك افضل ما تبعدى عنه غصب عنك لأن الوجع هيبقى أضعاف .. انطوائك بيقلل خبراتك فى الحياة واكبر دليل على كده الحاله إلى عشتيها دى ..عشان كنتى وحيده وقربتى منه بقى زى توأم روحك دا مش حب لكن تعلق بزيادة

لأن الممنوع مرغوب . انتى اتعودتى عليه ودا مخليكى مش عارفه تبعدى ..لكن هو مينفعش ليكى وانتى عارفه ده ووجع ساعه ولا كل ساعه .. اشغلى نفسك بهواياتك قربى من اصدقائك اكتر ساعتها هتقدرى

طب لو عرفتنى أنه بيخونك أو بيتسلى بيكى هتعملى ايه ؟

هنسيب المشاعر على جمب دلوقتى وتعالى نبص للموضوع كده من فوق اعتبرى نفسك بتقرأى مشكلة حد تانى ... انتى شايفه الموضوع دا ازاى .. هل العلاقة دى طبيعية ... طبعا لا . لا فى صدق ولا حب ولا تضحية ولا صراحة ولا اخلاص ... هو معملش معاكى اى حاجه من دول. بتدعى ربنا تكونى من نصيب ليه .. ايه اللميز فيه اللى مخليكى تسافرى دوله تانية وتعيشى معاه اتحداك انك تكونى حاسة بالأمان معاه دلوقتى .امال لما تكونى معاه لوحدك فى بلد تانية انتى اللى معلقه نفسك فيه من غير سبب لمجرد أن فى حاجه عاجباكى فيه احنا مش عارفين هيا لكن اللى انا متأكد منه أنه شخص لا يصلح ليكى ويجب أنك تبعدى عنه

بعيد عن الحلال والحرام لانى ملاحظ أن التعليقات كلها دخلت فى المجال دا باستفاضة ... بصى انتى صريحة مع نفسك ودى خطوه مهمه جدا انتوا مش هتنفعوا مع بعض والسبب واضح انتوا مش شبة بعض دا اولا ثانيا هو اعجب بيكى من قبل ما بتكلم معاكى اصلا ولا يعرف حاجه عنك. ودا يعتبر مجرد اعجاب ظاهرى . ثالثا انتى متعلقه بيه وبيوحشك لانك مكلمتيش حد غيرة اصلا انتى كنتى منغلقه على نفسك وبداتى تكلمى شخص ومع الوقت اتعودتى على وجوده فى حياتك ودا اللى خلاكى حاسة انك ممكن تحنى . ومفيش حب حقيقى مبنى على أسس يخليكوا ابعدوا عن بعض سنه كامله وتقدورا تعملوا دا عادى .... رابعا الممنوع مرغوب يعنى عشان هو بعيد وحشك لكن لما كنتوا مع بعض اكتشفت شخصيته وعيوبها وانتى بنفسك اللى قررتى تبعدى ... واخيرا حكمى عقلك واحد حاليا مش مقتنعه بيه ولا مرتاحه هتتجوزيه ازاى وكمان تبقى بعيد عن اهلك ... اللى تبقى بعيد عن أهلها لازم ترتبط بالشخص اللى يستاهل واللى هيكون هو بباها ومامتها وأخوها واختها مش بس جوزها لأنها سابت كل أهلها عشانه ... هل انتى شايفه أن الشخص دة هيكون كل دول ويقدر يسعدك ويصونك ...انتى جاوبى بعقلك وسيبى قلبك لأن القلب أعمى مش بيشوف بيحس بس

بصى كل حاجه فى حياتنا ليها سبب وليها نتيجه السبب ممكن نكون عارفينه لكن النتيجة دى حاجه فى علم الغيب ... مهما تكونى خايفه وقلقانه دا طبيعى بس جربى انك تحسى جوه قلبك ب ربنا ... على فكرة لا أنا ولا اى حد هطمنك ولا يصبرك ولا يخفف عنك قد الاحساس ده أن تحسي أن ربنا دا هو بباكى ومامتك اخوكىواختك جوزك وحبيبك وهو كل حاجه ليكى وهو اللى معاكى السند والشهر ... وان مهما تشوف فى حياتك فى مصائب وهموم اكتر بكتير وربنا مكتبهاش عليكى . ربنا عاوزك فى وسط كل ده تجرى عليه وتقولى يارب ربنا عاوز يختبر صبرك وايمانك ربنا عاوزك بعد كل اللى

يجب تحديد .مصطلح أى شىء دا يشمل ايه ؟لان حضرتك ماشاء الله أصدرت الحكم الشرعى بعدم الجواز على كل جسد المرأة وان كل جسد المرأة عورة . ومفيش إجماع من الفقهاء على كده والموضوع محل خلاف لكن ميفعش تاخد برأى واحد وتقوله

قولي لها ايه رايك نصلى جماعه انا وانتى .. وخديها وقوليلها تعالى نخرج نتمشى ونروح نصلى فى الجامع الكبير اللى قريب ليكون .. قبل كل فرض ب نص ساعه قوليلها ماما انا هقوم اصلى لحسن معدتش على الصلاة إلا نص ساعه لو مكنتيش انتى كمان صليتى قومى يلا بسرعه ..لما يحصل حاجه حلوه قوليلها ربنا كان راضى عنى عشان صليت كل فروضى النهارده ولما تحصل حاجه وحشه قوليها دا طبيعى لانى مصلتش النهارده ... وان شاء الله لما اعملى كده هتبقى بتوجهى رسائل غير مباشرة وهيا واحده واحده هتستجيي وتصاى

اعتقد انك بنيتى فكرة ومشيتى وراها وارد يكون فعلا عندك حقك . لكن كان التجاهل افضل حل خصوصا أنه واضح من شخصيته أن التجاهل كفاية عليه اوى ..بس بردوا احنا معرفناش سنك وسنه كام