انا عمري ما كلمت ولاد طول فترات دراستي
بس مع بداية الجامعه كان ف تعامل بسبب الدراسه وغير ان الكليه بتاعتي عمليه ف دايما ف اشتراك جروبات وتعامل
المهم كان ف ولد أُعجب بيا وانا مكنش في اي مشاعر اتجاهي وانا صارحته ب دا وهو قال ع الاقل حاولي ومعرفش اي
( فكرة اني كنت ف البداية شخصيتي ضعيفه كان اي حد الاقيه زعلان اراضيه حتي لو علي حساب زعلي انا )
المهم اني قولتله ماشي نبقي صحاب
كان دايما بيحاول عشاني وبيحاول اني احبه كان شخص لطيف خالص
بس انا كنت تعبت من الحوار
( اولا عشان انا م حابه فكرة الاتباط + شخصيتنا مختلفه في حاجات كثير بتزعلني منه .. )
المهم انا بعدت عنه . طبعا حاول كثير وانا برفض طبعا
بعدنا سنه كاملة
سنه حسيت بيها بمشاعر سيئة
اد اي انه مثلا وحشني واني عيزاه بس طبعا كنت بكدب نفسي
كنت برفض اني استسلم
لان كمان أهلي هيرفضوه بسبب انه من مكان بعيد عني خالص
وانا مكنتش حابه الاذي دا
لحد ما السنه دي كان عنده مشكلة وكان محتاجني ووقفت معاه واتعاتبنا
وبقينا صحاب ثاني حاليا
خايفه اني ارجع احن ( لان نهايتنا م هتبقي جواز بسبب ان اهلي هيرفضوا وبسبب اني برضو م حابه ابعد عن أهلي وبسبب ان شخصيتنا مختلفه وانا م هبقي مرتاحه )
دايما بنتكلم ويمكن كثر الكلام يرجع كل حاجه ثاني
+ انا برضو م عارفه ابعد
ودايما بدعي ان لو م خير يبعد عني
بس هو دايما بيبقي موجود بعد كل دعوة
م عارفه اتصرف بجد
كل اللى يتقال بعيد عن الدين اتقال ف التعليقات الاجابات بس عايزه اقولك انو لما تبقى رافضه الولد مش بيتقبل الرفض ف ب يتمسك بيكي اوي وممكن ييجي عند الخطوه الجد ويهرب ف دي نقطه ممكن تكوني مش مدركاها لان الراجل اللى بحب وحده بيخاف عليها من رمش عينو وبيدخل البيت من بابوا مفيش حاجة اسمها صحاب ف بعيد عن انها جمله قاسية بس يظهر انو مغفلك بكلامو ومعاملته تاني حاجة العلاقه اللى بدايتها مترضيش ربنا نهايتها مش هترضي صاحبها وربنا كرم الانثى تكريم يليق بيها حتى ف خلقه ليها خلقها محميه لو كنتي دراستي جزء من ماده النساء لان حرفيا البويضة في مكانها مش بتتحرك ومتخلفة باكتر من غلاف والحيونات المنويه بيتبقا بالملايين واللى يكسب اللى يقدر يدخل من غشاء البويضة ربنا خلق الانثى مغلفه ويتقام حرب عشانها هو لو عايزك مكنش كلمك اصلا ارفضي تقولى انو حراااام فكري ف ولادك لو كانت بنتك مكانك كنتي هتقوليها اي وفكري كويس و خلى ف اولوياتك انو ابنك او بنتك ميسمعش كلمه دي امك كانت مصاحبه فلان ده مش كلام قديم ده الاصل ف الانثى ومتنزليش من نفسك وطبعا ليكي كامل الحريه لان ده رائيي ودي حياتك وربنا يوفقك
تم النشر السبت، ٦ يناير ٢٠٢٤
اظن انك فاهمه وقادرة تحددي كل حاجه .. ممكن نطلع بره اطار الحب شوية .. يعني مثلا انتوا اساسا غير موضوع بعد المحافظة .. لان ديه حاجه ليا راي فيها .. وهقولك عليه ف الاخر. انتي ازاي بتقولي مختلفين تماما، ومش متقبلة شخصيته اوي، وفيه اختلافات ومدركة ده كويس اوي، ولسه شيفاه انه تمام. رأي هو، لو انتوا الاتنين محدش له مانع ف الاختلافات ديه، يبقى تمام. اهم حاجه تكونوا متقبلين شخصيات بعض. ولكن، لو انتوا شايفين انه لا .. وبالذات انتي .. شايفه ان الموضوع مش هينفع يبقى لازم تبعدي. هنا بقى فيه نقطة، انتي بس اللي بتتكلمي عن الجواز، ومقولتيش انه فاتحك بخصوص الموضوع ده .. يعني هو بيوقل نبقى صحاب! ما معنى هذا؟ علشان هي بتبدأ بكده، وبعد كده بتبقى حاجه تانية غير اللي في دماغك!! علشان ننتقل لمرحلة الزواج يا عزيزتي، يبقى هو لازم يكون مفاتحك اصلا في الموضوع، وبعد كده تقرريبقى اذا كنتي هترفضي ولا لا؟ اما انتي بتفكري في حاجات كتير، انتي متعرفيش اذا كانت هتحصل ولا لا؟ لانه بيقولك خلينا صحاب؟ وبعد كده نرتبط؟ طيب وبعد كل ده؟ لازم تبقى واضحه مع نفسك .. علشان تعرفي تمشي خطوات صح في حياتك. وبعد كده نبقى نشوف موضوع بعد المحافظة لانه ممكن نلاقي له حل بعدين. بس شوفي المهم الاول.
تم النشر الأحد، ١٧ ديسمبر ٢٠٢٣
بعيد عن الحلال والحرام لانى ملاحظ أن التعليقات كلها دخلت فى المجال دا باستفاضة ... بصى انتى صريحة مع نفسك ودى خطوه مهمه جدا انتوا مش هتنفعوا مع بعض والسبب واضح انتوا مش شبة بعض دا اولا ثانيا هو اعجب بيكى من قبل ما بتكلم معاكى اصلا ولا يعرف حاجه عنك. ودا يعتبر مجرد اعجاب ظاهرى . ثالثا انتى متعلقه بيه وبيوحشك لانك مكلمتيش حد غيرة اصلا انتى كنتى منغلقه على نفسك وبداتى تكلمى شخص ومع الوقت اتعودتى على وجوده فى حياتك ودا اللى خلاكى حاسة انك ممكن تحنى . ومفيش حب حقيقى مبنى على أسس يخليكوا ابعدوا عن بعض سنه كامله وتقدورا تعملوا دا عادى .... رابعا الممنوع مرغوب يعنى عشان هو بعيد وحشك لكن لما كنتوا مع بعض اكتشفت شخصيته وعيوبها وانتى بنفسك اللى قررتى تبعدى ... واخيرا حكمى عقلك واحد حاليا مش مقتنعه بيه ولا مرتاحه هتتجوزيه ازاى وكمان تبقى بعيد عن اهلك ... اللى تبقى بعيد عن أهلها لازم ترتبط بالشخص اللى يستاهل واللى هيكون هو بباها ومامتها وأخوها واختها مش بس جوزها لأنها سابت كل أهلها عشانه ... هل انتى شايفه أن الشخص دة هيكون كل دول ويقدر يسعدك ويصونك ...انتى جاوبى بعقلك وسيبى قلبك لأن القلب أعمى مش بيشوف بيحس بس
تم النشر الثلاثاء، ١٩ ديسمبر ٢٠٢٣
شخبطي علي الكلام و قولي كلمه واحده حراااام علاقه بدايتها لا ترضي الله طبيعي نهايتها لا ترضيكي
تم النشر الجمعة، ١٥ ديسمبر ٢٠٢٣
ابعدي عنه وتغلبي علي نفسك فإن النفس تامر بالسوء ولا تتبعي الهوا اقطعي علاقتك بيه مادام انتي بتقولي ان الموضوع مش هينفع يبقي بلاش تتعلقو ببعض اكتر من كده لان مفيش اي فايده هتعود عليكي وعليه انسحي رقمو واحظريه واغير اسم الاكونت بتاعك وكدا وخليه ميعرفش يوصل ليكي وتماسكي وربنا يعوضك ويعوضو خير
تم النشر الجمعة، ١٥ ديسمبر ٢٠٢٣
سبب كده هو عدم وجود اشخاص بتسد احتيجاتك الشخصيه ومع ظهور اي حد يعمل كده هيختفي احساسك ب الشخص ده وكأنه لم يكن والحل هو انك تعرفي الجزئيات الناقصة عندك فين ولازم تعلني التغلب عليها والتخلص منها وماتبقيش محتجاها تاني لاني طول ما هي موجوده طول ما في اشخاص هتحسي انك بتحبيها .. لمجرد انهم سده جزء من النقص ده .. وده بيكون حب احتياج اكتر من كونه حب حقيقي ومش دي النتيجه المطلوب الوصول ليها
تم النشر الاثنين، ٢٥ ديسمبر ٢٠٢٣
بجد شكرا كلامك جميل خالص🤍✨ وانا هحاول افكر ف كلامك دا واعمل بيه🫶
تم النشر الثلاثاء، ١٩ ديسمبر ٢٠٢٣
تذكري داااائما يا أُخَيَّتي"من ترك شيئا لله عوضه الله خيرا منه" فلتكن غايتك إرضاء الله وإرضاء والديك لا إرضاء الناس كي تكوني فتاة ناجحة...ولتعلمي أن الحب الحقيقي لا يناديك في الجامعة ولافي شبكات الهاتف وإنما يطرق باب أهلك ويدخل من الباب الواسع واعلمي أيضا أن مابُنيَ على باطل فهو باطل لذا فلتحذري غواية الشيطان ولتتمسكي بدينك ولاتنسي أن تسألي الله الثبات على الدين وإن شاء الله تكوني قد فهمت قصدي
تم النشر الأحد، ١٧ ديسمبر ٢٠٢٣
اتمنى اكون وضحت حاجة او نفعتكم بشيء
تم النشر السبت، ١٦ ديسمبر ٢٠٢٣
الراجل لازم يعتذر لو قادر يتعامل بصفات الراجل الرجولة.. هو احتل مكان ف وجدانك ومشاعرك بغير حق ولا رخصة يبقى ينصرف او يوعدك لو انتي واثقة فيه .. وانتي ارفضيي الكلام الحالي بحجة الحرمانية وانه لازم ياخد خطوة لو انتي موافقة، او ترفضي وتبعدي عن اقتناع انه مش قد الكلام وتخلعي منه .. هو وعلى كتير من حال الشباب بيكلمك عايز يعوض نقص اجتماعي عنده، بيدور على رقعة يرقع بيها القصور الاجتماعي ف حياته
تم النشر السبت، ١٦ ديسمبر ٢٠٢٣
ابتعدي عن الحرام .......وتجنبيه
تم النشر السبت، ٦ يناير ٢٠٢٤
مالبداية كان الواجب عليكي انك ترفضي المحادثات الل من غير ضرورة دي... نقطة مهمة، مفيش مشاعر صادقة قبل الارتباط الشرعي، لازم تدركي انه ضعيف هو كمان، ومش قد مسؤولية ومش مقدام ولا صاحب أصول لو ماكانش مخطط بصراحة انه يتقدملك في علاقة دايمة .. هو غلطان طبعا ولازم يعتذرلك انه خد مكان ف قلبك بالاستدراج والمماطلة، لازم يعتذرلك ده واجب
تم النشر السبت، ١٦ ديسمبر ٢٠٢٣
لعرض السؤال في فدني اضغط هنا