بحب واحد بس حاسه ان هو كتير اوى اوى عليا انا معجبه بيه لكن حاسه ان حتى فكرة الاعجاب كتير اوى بجد يعنى حساه احسن بكتير فعلاً يعنى هو محترم وقريب من ربنا عكسي تماما انا قريبه بس مش منتظمه ف الصلاه زيو انا كويسه بردو بس هو ايمانو اقوى يعنى هو رافض فكرة الارتباط والصحوبيه وعمرو ما عملها عكسي انا ليا كذا تجربه ف الماضي ف حاسه ان هو لو عرف مثلا الماضي بتاعى ممكن يغير فكرتو الي هو انا صاحبت قبل كده وهو لا وغير كده هو شكلو احلا وده مسببلي عدم ثقه لأنى حاسه انى بحب حاجه كبيره اوى عليا ومستحيل تكون عليا وعوزاه يكلمنى بس بقول لا حرام بس انا بجد ملقتش حد محترم وكويس زيو كده خالص ومش عارفه استنى كل السنين دى ولا ايه هو احسن منى بكتير اوى اوى فعلا وده مدايقنى جدا يعنى
الافضل انك تبعدي عنه علشان كل إلا حضرتك قولتيه دا هسبب مشاكل ليك فيما بعد البعد والنسيان افضل ليك 🌸
تم النشر الخميس، ١٩ أكتوبر ٢٠٢٣
يحبيبى نتى مش قليله ومتقوليش لنفسك كدا بالنسبه لشكل ف مش كل حاجه وحته انك عارفه نتى مقصره فـ اي دى ذات نفسها كويسه وممكن تصالحيه مش مستحيل نتى ممكن تبقى احسن منوا بكتير بس متقنعيش نفسك انوا لاء نا وحشه مش هقدر ابقا زيوا انتى احسن منوا لو اهتميتى بنفسك والعلاقات الل قبل كدا طلما توبتى عنها خلاص انسى وحتى لو حصل نصيب وبقيتوا لبعض متقليش ع اي حاجه فـ الماضى ليكى واهم حاجه متحاوليش تكلميه لانك بتقولى انوا ملتزم ومش مقتنع بالارتباط والصحوبيه وكدا فـ لو كلمتيه هيحرجكك وهيبقا موقف مش كويس لو قابلته فـ الشارع صدفه واخر حاجه متقليليش من نفسك نتى جميله واشتغلى ع نفسك ومتبصيش لحد ولو نصيبك محدش هياخده منك 🫶🏻❤
تم النشر الأربعاء، ١٨ أكتوبر ٢٠٢٣
هو احساسك بالفرق مفهوم لانه ليه اسباب انتى ذكرتيها واحساسك بالاعجاب مفهوم عدم ثقتك فى نفسك هى جايه من احتياجك للتغيير وانتى متطلعه للولد ده غيرى من نفسك لنفسك فى كل النقط اللى ذكرتيها . هو بقى هيكون ليكى نصيب فيه او لا ...دى حاجة بتاعت ربنا اصلا كفايه انك تكونى بتسعى للاحسن ....ومتحاوليش تسمعى لافكارك انك تحاولى تكلميه عشان متبقيش اسوأ وتبقى بتفتنى شخص لحاجة غلط
تم النشر الأربعاء، ١٨ أكتوبر ٢٠٢٣
هو الحب هيجي منين لما انتم الاتنين حتى مش بتكلموا؟ كفاية نقول (انجذاب) او (اعجاب) .. طبعا شعورك طبيعي ومفهوم. ولكن هو مش وقته، يعني حاليا لما بتفكري حتى في الموضوع بتوصلي ل ايه مع نفسك؟ مش بتلاقي الطريق مسدود؟ هو مسدود بس من جهة الاسباب اللي انتي قولتيها (الفروقات). مسدود من ناحية انه هو اساسا شاب ملتزم، ومش بيصاحب وعارف طريقه كويس جدا بناءا على كلامك. ف الطريق ده كأنك بتبصي لنجمة بعيدة ومتعلقة بيها، وكل شوية تفضلي تبصي عليها، طيب وبعدين؟ ما هو مش هتفضلي تعجبي بحد من بعيد لبعيد وتعلقي نفسك بيه، ده مش كويس ليكي انتي في الاساس... الحب من طرف واحد، او الاعجاب كده من بعيد لبعيد وخاصة للبنت مش كويس، ممكن الراجل يروح يتقدم عادي ول اما يتقبل او يترفض، اما انتي هتعملي ايه؟ ف الافضل انك متعلقيش نفسك بحاجه، اولا هي مش وقتها انتي لسه صغيرة .. اه 3ث ثانوي صغيرة لسه مراهقة. لسه هتنضجي، ومحتاجه تبقى عارفه حاجات كتير، وتفكيرك هيتغير كمان. ف لسه بدري... تاني شئ وده مهم جدا، انتي الاول محتاجه تشتغلي على ثقتك في نفسك، وتعدلي من الاشياء اللي ينفع تتغير زي مثلا انك تبقى مقتنعة اقتناع تام بان الصحوبية حرام، ومتكلميش حد من غير ارتباط رسمي. زي انك تبدأي تحرصي على الصلاة. اما الشكل والحاجات اللي زي كده، احنا مش ب ايدينا نغير فيها اي حاجه. علينا ان تقبلها كما هي. ربنا مش بيخلق حد وحش. حبي نفسك زي ما انتي واقبليها.
تم النشر الخميس، ١٩ أكتوبر ٢٠٢٣
طيب. يعني الشخص دا في تعامل بينكم او كلام في. محيط الشغل او الدراسه. انك ممكن تلفتي نظره ولا لا
تم النشر الأربعاء، ١٨ أكتوبر ٢٠٢٣
ادعي ربنا يصلح حالك و خلصنا
تم النشر الخميس، ١٩ أكتوبر ٢٠٢٣
بطلي عبط
تم النشر الخميس، ١٩ أكتوبر ٢٠٢٣
لعرض السؤال في فدني اضغط هنا