السلام عليكم
يارب تكونوا بخير
سؤال بخصوص السوشيال ميديا بالنسبة للمخطوبين انا حاليا خاطب وخطيبتي في كلية بحكم الشغل والمشاريع اللي بتعملها بتحتاج تنشرها علي سوشيل ميديا وكدة ف انا بطبعي مبحبش يكون في ولاد عند خطيبتي زي ما تتعود ان والدتي مفيش عندها ولاد واتربيت علي كدة واني بغير واخاف علي أهل بيتي من كل حاجة بس انا بيبقي عندي حساسية ف موضوع البوستات رغم أن هيا بتبقي عادية وفي بوستات بتبقي للشغل بلاحظ أن في اولاد بيعملوا اعجابات علي البوستات المتشيرة بس مش بيعملوا كومنتات كلمتها ف دي قالتلي انها مش شايفة ان اللايك دا حاجة وأنها بتتعامل بحدود وانا عارف كدة لأنها ما شاء الله من بيت كويس وأهل كويسين بس انا كل فترة اتخانق بسبب لايكات اولاد مش عارف اتكيف مع الفكرة دي وبحكم أنها فيما بعد ما تشتغل هيبقي الشغل فيه اولاد زملاء عمل وانا شغلي ببقي اغلب الوقت برا البيت ف اتعامل مع الموضوع ازاي والتكيف معاه لاني واثق فيها جدا وحصل كذا موقف قدامي وكان تعاملها فيها بحدود فعلا
وعليكم السلام ورحمة الله وبركاته مهم جدا أن يكون عندك ثقه في نفسك أكتر من كده علشان تقدر تتدي الثقه دي لي الناس القريبة منك ودي حاجه مهمه جدآ في علاقتكم لان موضوع الثقه ده لو متححقش من دلوقتي بعد كده ها يقلب بشك ووسواس مافيش من داعي منها وتدي للشيطان فرصة للدخول بينكو يعمل ثغره في حياتكم طالما هي بنت كويسه بتتعامل في حدود الشغل والإحترام وأهلها ناس كويسه خلاص أديها مساحتها مديقش عليها بال بالعكس لو تقدر تساعده أعمل كده هاتلاقي الموضوع عاد عليك بالايجاب وهاتعمل الف حسب او مش هايجي في بالها إنها ممكن تعمل حاجه تزعلك او حاجةو ربنا يسعدكم
تم النشر الثلاثاء، ١٦ أبريل ٢٠٢٤
وعليكم السلام ورحمة الله وبركاته .. بخصوص سؤال حضرتك، ايه اللي بتحس بيه او الافكار اللي بتدور في دماغك بالظبط لما حد مثلا يعمل لايك، خصوصا ان اي حد ممكن يعمل لايك، حتى لو هو مش عندها (صديق) .. ف ده وارد جدا. فكر ف الموضوع بعقلانية شوية هتلاقيه انه عادي جدا والله، خصوصا ان البنت مش بتعمل اي حاجه، وهي محافظة على نفسها وعارفه حدودها وبيتها محترم وهي كذلك. ف ملوش لزوم تنكدوا على بعض بخناقات زي ديه، لان شوية بشوية الحاجات دي بتكبر خلي بالك. وهي ممكن تحس كل شوية ان فيه مشكلة ومتكونش مرتاحه من الجزء ده. ف ياريت تتحكم في الموضوع ده .. وربنا يكمل ليكم على خير باذن الله ..
تم النشر الثلاثاء، ١٦ أبريل ٢٠٢٤
هل الأمر متعلق بغيرتك فقط أم تسأل بخصوص الدين ؟ لو هنتكلم في نقطه الدين فحدود الاختلاط المسموح به في الشرع هو ما تؤمن معه الفتنة، على وصفك خطيبة حضرتك بتتعامل بحدود وإلتزام ومفيش خلوة ولا خضوع بالقول وملتزمه بضوابط الشرع في التعامل و لا حرج في وجود ذكور في اللايكات او المتابعات بقصد الاستفادة او العمل، إلا إذا ترتب على ذلك فتنة أو حديث بينهما بلا حاجة .
تم النشر الثلاثاء، ١٦ أبريل ٢٠٢٤
أنا فاهم تماما إحساسك اللايكات مش قضية كبيرة لأنها ماتقدرش تتحكم فيها .. اللي تقدر تتحكم فيه هو قبول الصداقات على الفيس (لو مفيش ولد بيشتغل معاها في مشاريع وهناك داعي للتواصل بينهم بخصوص الشغل) واختيار الجروب اللي تشتغل معاه في المشاريع وانصحها أن الجروب اللي تشتغل فيه يكون كله بنات بقدر الإمكان ..
تم النشر الثلاثاء، ١٦ أبريل ٢٠٢٤
طالما انت واثق فيها وعارفها كويس يبقى خلاص اطمن بقى وسيبها..بس من الواضح انك هتفضل كده حتى لبعد الجواز ويمكن الموضوع هيكبر والغيرة الي جواك دي تزيد ف الافضل وحفاظاً على علاقتكو وتجنباً للمشاكل قولها انا مش حابب انك تشتغلي وشوف ردها هيكون اي
تم النشر الثلاثاء، ١٦ أبريل ٢٠٢٤
لو خيرتها بين شغلها في المستقبل وبينك هتختار مين ؟ اعتقد لازم تسألها السؤال ده عشان انت بالك يرتاح ومايحصلش خلافات مستقبلية!
تم النشر الثلاثاء، ١٦ أبريل ٢٠٢٤
لعرض السؤال في فدني اضغط هنا