مش عارفه اعمل ايه في حياتي بجد حياتي بقالها فتره ومتدهوره من اول ما دخلت ثانويه عامه وانا كل مره اعمل حاجات كتير غلط من ضمنهم اتفرج على افلام اباحيه
ابويا وامي ما كانش معاهم فلوس ان انا انزل يعني من كل يوم دروس وكده فقررت ان انا اخد دروسي اون لاين تمام بس بقيت اراكم كثير دروس لحد الان على امتحاناتي اسبوع وانا في فصول ما فتحتهاش بالنسبه لي بس بقول لهم ان انا مثلا عايزه اجل وكده عشان انا ودخلت الامتحانات مش هجيب حتى 50% وهم مش راضيين
بيقول ان احنا صرفنا عليك كثير وكمان ضيعنا عمرنا عليك وانا مش عارفه عمال اعيط مش عارفه اعمل ايه ما فيش يوم ما بفكرش فيه ان انا انتحر لدرجه ان انا جبت برشام مره وكنت عايز موت نفسي بس انا مش عارفه اعمل ايه
هل قرار التأجيل ده صح ولا غلط انا فعلا خايفه جدا وخايفه اكون انا بعمل ده عشان اهرب من المذاكره انا فعلا مش بطيئه بطيء نفسك الكتاب نص ساعه اذهب بسرعه وكمان بقيت دايما دايما مش طايقه مذاكره ومش طايقه نفسي حتى وكمان بقيت كل ما الامتحانات تقرب افكر ان انا اموت نفسي
السلام عليكم، أولا ربنا يعينك ويقويك ويبعد عنك وساوس الشيطان. حبيبتي، ربنا مش هيحاسبك على نتيجة الثانوية العامة وهل نجحتِ فيها بتفوق ولا لأ. ربنا ما دام خلقك في الدنيا يبقى لك قيمة وهدف أكبر من مجرد نجاح في امتحانات مش هي اللي هتحدد مستقبلك ونجاحك. قتل النفس مش حل لمشاكلك، أنت مش مستحملة ضغوط الدنيا مستعدة تواجهي ما بعد الموت والآخرة؟ أرجوكِ شيلي من دماغك الوساوس دي واستغلي الوقت في المذاكرة مهما كان إنجازك قليل. ** بالنسبة للتأجيل والمراجعة للامتحانات فممكن تقرأي إجابتي عن التأجيل والمراجعة على السؤال ده ويا رب تنفعك. https://www.fedni.net/q/89227943/هل-أؤجل-امتحانات-الثانوية-العامة-وما استعيني بالله وإن شاء الله يقويكِ على نفسك وشيطانك. بالتوفيق💚💚
تم النشر الأحد، ١٤ يونيو ٢٠٢٦
أنا آسفة جداً إنك بتمري بكل الضغط ده، وإن نفسيتك وصلت للدرجة دي. مشاعرك مفهومة تماماً، والضغط الدراسي مع الظروف العائلية والشعور بالذنب بيخلي الواحد يحس إنه محاصر ومش قادر يتنفس. لكن قرار الانتحار مش حل، وهو هيدمر كل حاجة وهيوجع اللي بيحبوكِ أكتر. حياتك ليها قيمة كبيرة، وفي طرق تانية تقدري تتعاملي بيها مع الوضع ده. بالنسبة لقرار التأجيل: لو فعلاً مش قادرة تفتحي الفصول وهتدخلي الامتحانات وأنتِ مش مستعدة، التأجيل ممكن يكون خطوة عملية عشان ما تتعرضيش لفشل كبير يزود الضغط. بس لازم تكلمي أهلك بهدوء وتوضحي لهم الوضع الحقيقي بدون ما تخافي، وتقولي إن التأجيل هيساعدكِ تجهزي أحسن وتستفيدي من المصاريف اللي صرفوها. حاولي تشرحي إن التراكم ده مش بسبب إهمال متعمد، لكن بسبب الضغط النفسي اللي بيأثر على قدرتكِ على المذاكرة. ابدئي بخطوات صغيرة عملية: قسمي المواد لأجزاء بسيطة جداً، وحددي وقت قصير يومياً حتى لو نص ساعة، وركزي على فهم الأساسيات بدل الكمال. لو الإباحية بتأثر على تركيزكِ، حاولي تقللي التعرض لها تدريجياً عشان ترجعي السيطرة على وقتكِ. ولو الضغط النفسي مستمر، لازم تتواصلي مع متخصص نفسي أو طبيب نفسي عشان يساعدكِ تتعاملي مع الاكتئاب والأفكار دي بشكل آمن وفعال. أنتِ مش بطيئة، ومش لوحدكِ في الشعور ده. ابحثي عن أسئلة مشابهة على فدني عشان تشوفي تجارب تانية وتاخدي أفكار إضافية. خدي خطوة واحدة صغيرة النهاردة عشان تحمي نفسكِ، وتذكري إن التحسن ممكن يحصل لو بدأتِ تطلبي المساعدة المناسبة.
تم النشر الجمعة، ١٢ يونيو ٢٠٢٦
لا اله الا الله .. مش مطلوب منك حاجه غير انك تعملى اللى عليك فى حدود امكانياتك وامكانيات اهلك والنتيجه والدراسه دى توفيق من عند ربنا ف الاخر .. مش هقولك فيه ناس ذاكرت ودروس وعملو وراخو وتعبو وف الاخر نتيجة مكنتش مرضيه .. لكن اللى هقولك انه بصى ف ورقتك وف حياتك ودى مش اخر الدنيا .. لسه صغيره وفيه حياه قدامك وجواز وعيله وده الاهم .. اعملى اللى تقدرى عليه لانه مفيش حل تانى واعرفى ان الرزق ممكن يكون ف حاجات كتير اوى متحصرهوش ف التعليم
تم النشر الجمعة، ١٢ يونيو ٢٠٢٦
المراجعات النهائية تكفيكي حتى لو مافتحتيش المنهج . انتحار إيه ده ؟! إنتي عامله للتعليم القيمة دي كلها ليه ، شوفي الأهم ركزي في دينك وشوفي علاقتك بربنا عامله ازاي وبس أما غير كده فحاجات لا قيمة لها
تم النشر السبت، ١٣ يونيو ٢٠٢٦
لعرض السؤال في فدني اضغط هنا