أنا في حيرة من أمري
انا معايا مشاكل مع زوجي وقاعدة ف بيت أهلي بقالي 10 أيام وانا عايزة انفصل عنه وهو لسه ميعرفش وهو اتصل وقال خليها ترجع انا مستنيها وانا مرجعتش والمشكلة دي انا السبب فيها وهو لما عرف زعل
بس انا عايزة انفصل عشاان هو شخص متكبر وبيسب الدين ومش بيصلي وبيحلف بالطلاق كتيييير وفي نفس الوقت مش عارفه أعمل إيه وأهلي مستنيين مني رد
ف حين ان فيه طلقتين واقعين وفاضل واحدة بس
فيدوني أرجع ولا لأ
وانا معاه مش بيحسسني إني ليا أهمية الرأي وان هو دايما اللي صح وانا مليش لازمة امشي وراه زي البهيمة اناا اسفه في اللفظ مليش اي كلمة ودايما بيهني قدام أي حد مش بيفرق معاه شكلي هيبقى اي
أنا محتارة مش عارفه أرجع ولا لأ....
وهل لو مرجعتش هندم
طلامه العلاقه اللى بينكم مش قايمة على المودة والرحمة يبقى بلاش تكلمى فى طريق انتى مش متقدرة فيه والا ليكى قيمة وصلى صلاة استخارة وادعى ربنا انه يهديه واصبرى عليه اسبوع وساعتها اشرطى عليه لو هترجعيله ان علاقتكم تبقى بالاحترام والتقدير والموده
تم النشر الأربعاء، ٧ يناير ٢٠٢٦
يا حبيبتي، أنا ذكية، وأشعر بحيرتك دي كويس أوي، الموقف صعب ومرهق نفسياً، خاصة مع الطلقتين اللي فاتوا واللي فاضل واحدة بس. خليني أساعدك تفكري بوضوح خطوة خطوة، من منظور إسلامي وعملي. أولاً، الأسباب اللي ذكرتيها خطيرة جداً: سب الدين وإهمال الصلاة: ده مخالف لأساس الزواج الإسلامي، اللي مبني على التقوى والمودة (زي ما قال الله تعالى: "وَجَعَلَ بَيْنَكُمْ مَوَدَّةً وَرَحْمَةً"). الحلف بالطلاق كتير: ده إسراف وخطر، والطلاق الثالث نهائي وصعب رجوعه. الإهانة والتكبر والتهميش: الزوج لازم يحترمك ويقدر رأيك، مش يعاملك زي "بهيمة" زي ما قلتي. ده إيذاء نفسي مش مقبول، وفي الإسلام الزوج مسؤول عن راحتك. أرجعي ولا لأ؟ مش هقولك "ارجعي" أو "متعمليش"، لأن القرار ده ليكي أنتِ، بس فكري كده: لو رجعتي بدون تغيير حقيقي منه (مش كلام بس)، هتقعي في نفس الدورة، وده هيضعفك أكتر. لو ما رجعتيش، الطلاق الثالث هيفتح باب جديد لرحمة ربنا، وممكن تلاقي شريك يقدرك ويخاف الله. الندم مش مضمون، بس البقاء في علاقة سامة غالباً بيجيب ندم أكبر على الوقت اللي ضاع. خطوات عملية دلوقتي: خذي وقتك مع أهلك: هما مستنيين ردك، قوليلهم الحقيقة واستشيريهم بهدوء (مش ضغط). اطلبي استشارة شرعية فوراً: روحي لشيخ أو عالم دين موثوق يفسر وضعك الشرعي بالضبط، خاصة الطلقات. رتبي مستقبلك: فكري في شغل أو دعم مالي، عشان تكوني قوية لو انفصلتي. لو عايزة تغيير: حددي شروط واضحة (صلاة، احترام، عدم إهانة)، وشوفي لو ملتزم بيها 3 شهور على الأقل قبل الرجوع. يا قمر، أنتِ مش "ملكيش لازمة"، أنتِ قوية وتستاهلي زواج يريح قلبك. لو عايزة آراء تانية، ابحثي في فدني عن "مشاكل زوجية وطلاق" هتلاقي أسئلة مشابهة كتير. ولو محتاجة استشارة متخصصة، روحي للخبراء هنا: https://www.fedni.net/experts – فيه محترفين في الاستشارات الأسرية والنفسية. ربنا يهدي بالك ويختارلك الخير، قوليلي إيه رأيك بعدين؟ 💕
تم النشر الأحد، ٤ يناير ٢٠٢٦
لو مفيش اولاد اخلعى قبل فوات الاوان علشان لازم الواحد يشارك زوجته معا في اى حاجه وكرمتها من كرمته ربنا يصلح حالك
تم النشر الاثنين، ٥ يناير ٢٠٢٦
لو معاكي اطفال حاولي ترجعي وتديه فرصة اخيرة علشان الاطفال ملهمش ذنب بس لو فيه ضرر وبياثر عليكي وعلي اولادك يبقي بلاش بس ممكن تديه فرصة اخيرة بحيث انك كدا قدام ربنا وقدام نفسك واولادك عملتي اللي عليكي وعلشان متحسيش باي ندم -وادعيله ربنا يصلح حاله-ربنا يصلح حالك ويهديه يا رب
تم النشر الاثنين، ٥ يناير ٢٠٢٦
الراجل بيسب الدين ومبيصليش !!! هترجعي ليه ؟؟؟ هيسبلك الدين برضو وهيعاملك زي البهيمة على كلامك وهيهينك قدام الناس ومحتارة ؟؟؟ في حاجة اسمها دين وكرامة
تم النشر الاثنين، ٥ يناير ٢٠٢٦
تم النشر الأحد، ٤ يناير ٢٠٢٦
لو فيه اولاد لا تنفصلي وادعي له بالهداية او قعدة لاهلك واهله وحطي شروط
تم النشر الأربعاء، ٧ يناير ٢٠٢٦
الحياه تسير وفق نهج الدين ـ من يقول غير هذا جاهل . فإذا كانت تزوجته علي نهج الشريعة الإسلاميه فكيف نرفض ان تنفصل لنقض السبب الذي تزوجت عليه ـ إجماع علماء السلف علي إنفساخ الزواج بترك الزوج او الزوجه الصلاه فكيف بمن يسب دين الله ـ واحد سب الدين كيف نقضي انه مسلم! ـ وجب الصمت او التكلم بالعلم بدلا من التفلسف وإضلال الناس. قال تعالي : فإن تابوا واقاموا الصلاة وآتوا الزكاة فإخوانكم في الدين ـ وسبه للدين بجهل او علم هو كفر مخرج عن المله لا خلاف عليه فنقضي ونقول إذا انحل السبب الذي بني عليه الزواج انحل الزواج معه والحل هو ان يصلي الزوج ويتقي الله ولا يسب دين الله ويصلي كما يصلي المسلم بهذا تعيش حياه سعيده حياه طبيعيه ماهي الحياه مش شهوه او نعيش علشان الأولاد لأنها مش هتحس بالإطمئنان ابدا مادامت العلاقه مفيهاش جانب روحي ديني ـ هتعيش في تعاسه وضنك ـ الله المستعان.
تم النشر الأربعاء، ٧ يناير ٢٠٢٦
مبدئيا ... تقصيره اتجاه ربنا مش انتى اللى هتحاسبيه .. ادعيله بالهدايه والله اعلم مينفعش يكون سبب اساسى فى الطلاق... الجزء التانى من المساوئ.. محدش هيعرف يقولك اعملى ده او متعمليش لان محدش بيحس بحد او يوم ما يحصل انفصال محدش هيعيش معاناتك بكل صورها لو في أطفال او لا.... بس اللى اعرفه كويس ان الحياه بتتعاش مرة واحده ولازم تتعاش صح ... طالما انى حاسبه الخطوه اللى انا واخداها قبل ما انوى ... اقعدى مع نفسك وشوفى ايه اللى هيحصل لو اخدتى الخطوة ... عواقبها... قبل اى حاجه وده محدش هيفيدك فيه انتى اللى لازم تاخدى القرار بعد دراسه وتفكير وانك تحسبي العواقب قبل المزايا لانها خطوة مش سهله... ربنا يهدي لبكى الحال يارب 🌹
تم النشر الثلاثاء، ٦ يناير ٢٠٢٦
لو معاكي أولاد بلاش طلاق
تم النشر الأحد، ٤ يناير ٢٠٢٦
الندم الحقيقي إنك تعيشي مُجبره ومش مبسوطه واللي هو يخالف أمر الزواج اصلا (الموده و الرحمه.)
تم النشر الأحد، ٤ يناير ٢٠٢٦
تم النشر الأحد، ٤ يناير ٢٠٢٦
لعرض السؤال في فدني اضغط هنا