انا مخطوبه وخطيبي عنده شركه خاصه بيه وكان بيكبر فيها ولكن حصل انه خسر خسارة كبيرة تقريبا رجع للصفر تاني وهو نفسيا مش احسن حاجه بس بيتعامل معايا عادي ولكن نتيجة شغله بيبعد عنى ساعات بالايام وف نفس الوقت لما بعمل حاجه تزعله بيمارس عليا الصمت العقابى فانا بقا حاسه اني اتعلقت بيه لانى بحس حياتي فاضيه لو بعد شويه ومش ببقا مرتاحه بمعنى اصح مش عارفه اتبسط بحياتي من غيره
السلام عليكم ورحمه الله وبركاته هنحتاج نسال شويه اسئله كده. بس قبل الاسئله طبعا بما ان حياتنا توقفت مش قادرين نتبسط في الحياه بدونه فهنا اه في حاله من التعلق احنا ضروري جدا نتخلص منه وبدايه التخلص من التعلق ان احنا نحط الشخص اللي احنا مرتبطين بيه في المكان الصح ايه هو المكان الصح المكان الصح انه الشخص ده جزء من حياتي هو مش كل حياتي تفرق كثير جدا يعني انا ببدا اشوف حياتي زي الشقه اللي فيها اوض كثير الشخص ده موجود في اوضه واحده لو انا اعتبرت حياتي كلها عباره عن اوضه او صاله كبيره وبدون غرف منفصله اذا هبقى حاطه الشخص ده في المكان الواسع ده وعدم وجوده بيلغي ااا الاستمتاع بالمكان كله فاحنا مش محتاجين نعمل ده خالص احنا محتاجين ان احنا نبدا نشوف حياتنا بشكل مختلف. والشخص ده يكون جزء منها فلو الاوضه دي مقفوله لو الاوضه دي مكركبه دلوقتي انا هقدر اتعايش في بقيه الاوض انا عندي مهمات اخرى باديها في الحياه والحاجات دي راحت فين دلوقتي هل من بعد الخطوبه بطلتي تعملي الحاجات دي ولا لسه بتعمليها ولكن بقيتي بتعمليها بقدر قليل ده اول سؤال ثاني سؤال هل خطيبك كان بنفس الشكل ده كان بيبعد نفسه وكان بيقعد بالساعات وبالايام بعيد من قبل ما تحصل معاه الازمه بتاعه شغله خسر فيه ولا الموضوع ده مستجد بس بسبب الازمه لو هو بسبب الازمه فدي مرحله وهتكوني محتاجه انك تدعميني فيها لكن لو ده من ال من البدايه هنا احنا بنتكلم على طبيعه شخصيه انت لازم تقرري عندك استعداد تتعاملي مع طبيعه الشخصيه دي ولا لا؟فهنا نبدا الاسئله وهنقول ايه الحاجات اللي انت بتعمليها لوحدك او من قبل ما تتخطبي ليه اصلا وكنت بتستمتعي بيها وكانت هي دي حياتك ااا
تم النشر السبت، ٢ أغسطس ٢٠٢٥
طب تزوجيه شكله طيب يبقى في ايه🗿
تم النشر الأربعاء، ٦ أغسطس ٢٠٢٥
ما يمكن الشركة دي كذبة عشان تقبلي بيه / ثاني شئ ده تفسيره انه اداكي نوع من الإشباع العاطفي في البداية بعدين حرمك منه فأدمنتي على الاشباع العاطفي اللي في البدايات/
تم النشر الأربعاء، ٦ أغسطس ٢٠٢٥
لعرض السؤال في فدني اضغط هنا