دلوقتي انا مخطوبه وبحب خطيبي اكتر من حبه ليا هو شخص كويس جدا بس ساعات بيمارس عليا الصمت العقابى احنا حصل بينا تجاوزات ودا اللي خلانى اتعلقت بيه اوى اتفقت معاه اننا نمنع التجاوزات عشان حرام وبنغضب ربنا وعشان ربنا يكرمنا ف جوازنا بعد كدا وهو وافق وبنحاول اننا نثبت
دلوقتي انا اتعلقت بيه جامد ببقا عايزاه يكلمني معظم الوقت ولو مكلمنيش بحس انه مش بيحبني خصوصا انه قال كلام فيما معناه اننا عايزين نأجل الخلفه سنه وانه عايز نعرف بعض ف الاول وكدا لان معظم المخطوبين بيظهرو احسن معندهم وبيكتشفو بعض ف اول سنه جواز
بس هو رجع اعتذرلى وعيط واقسم لى بالله انه هو ميقصدش كدا وقالى ان شاء الله لو عايزه من اول شهر جواز ورضانى وكدا بس انا مش قادره انسى الموقف دا عشان كدا كل م يبعد احس انه عايز زوجه تفتحله بيت وخلاص ودى حاجه وجعانى اوى خصوصا انى بحبه اوي عايزه اعرف افك تعلقى بيه🥺
بصي انا مش هعلقلك على الحوارات دي كلها ولكن هكلمك على التعلق وعايز اقولك على حاجه التعلق حاجه والحب حاجه تانيه مش معني انك متعلقه به انك بتحبي ؟؟؟؟ التعلق بالبلدي كده في نقص عندك ولكن محولتيش تكملي ولكن هو لما دخل حياتك عوض النقص (والنقص مش شتيمه ) ممكن يكون نقص بالوحده أو قلة الكلام أو حب او حنان أو تقدير ممكن مثلا مش لاقيه تقدير من حد وهو لما جه بدأ يقدرك بقيتي تحسي بالالفه والسعاده ولكن لما انتي اتعودتي على أنه كمل حياتك خلاص بقي جزء من حياتك هنا مش شرط تحبي ولكن علشان كمل الشئ اللي انتي محتاجه المهم انا عايزك تتقبلي الموضوع ولازم تعرفي إن كل واحد له حياته ومحدش حياته بتقف على حد بمعنى حاولي تشوفي انتي متعلقه به في انهي جانب هل بتستفيدي منه ايه أو بيعوضك بايه وهنا انتي حياتك فيها فراغ ولا بتنجحي ولا بتتقدمي علشان كده مش شايفه غيره لأن الشخص الطموح والناجح والذكي مش بيتعلق لانه معنودش وقت التعلق انا عايزك متستنيش أنه يكلمك عالطول سيبيه حتى لو كلمك مره واحده متنتظريش كلامه ولكن عايزك من جمب تاني تشوفي حاجه مفيده تضيعي فيها وقت مثلا لو في مدرسه ضيعي وقتك في المدرسه او في شغل أو حتى تتعلمي الطبخ وطوري نفسك أو رسم أو او او هنا انتي بتملي الفراغ اللي عندك وفي نفس الوقت هيبقي له وقت معين مش هيبقي متاح طول الوقت مره في مره هيبقي كلامكم في المهم مش بتكلموا عمال على بطال
تم النشر الثلاثاء، ١٥ يوليو ٢٠٢٥
السلام عليكم ورحمه الله وبركاته في احتمال كبير جدا انه اللي انت حاسه خطيبك ده مش تعلق عشان خاطر انت بتحبيه قد ما هو تعلق عشان خاطر انت خايفه لأحسن بعد التجاوزات دي ياخد بعضه ويمشي يسيبك فانت مداريه الخوف من الحته دي غالبا ورا فكره التعلق وان انا مش قادره على بعده ممكن تكوني خايفه من بعده مش مش قادره على عده ودول يفرقوا عن بعض كتير فكري كده كويس هو ايه اكثر فعلا اللي انت بتحسي بيه او بيقلقك اول ما هو بيبعد او هو اول ما هو بيسكت.
تم النشر الثلاثاء، ١٥ يوليو ٢٠٢٥
مرحباً عزيزتي، شكراً لمشاركتك هذا الشعور الصادق والمؤلم. أولاً، أحييك على أنك وعلاقتكما تحاولان تفعيل الحدود والالتزام بما يرضي الله، وهذا دليل نضج ومسؤولية كبيرة منك ومن خطيبك. أريد أن أساعدك خطوة بخطوة في فك التعلق الزائد والتعامل مع مشاعرك بطريقة صحية تدعم علاقتكما وتريحك نفسياً: فهم التعلق المفرط : التعلق الشديد غالباً بيكون بسبب الخوف من فقدان العلاقة أو خوف من الوحدة. هو شعور طبيعي لكن لما يزيد بيقلل من راحتنا وسعادتنا. مهم جداً تعرفي أنه حتى لو كنتِ تحبينه، أنتِ مستقلة بذاتك وقيمتك ليست مرتبطة فقط بكيفية رد فعله عليك. خيارات التعامل مع الصمت العقابي : الصمت العقابي سلوك مؤلم ويؤثر سلباً على العلاقة. من الجيد أنكما اتفقتما على احترام بعض وتجنب التجاوزات، فاستمري في تشجيعه على الحوار المفتوح. عندما يحدث الصمت، حاولي أن ترسلي له رسالة هادئة تعبرين فيها عن مشاعرك وأهمية التواصل دون لوم أو ضغط. كيف تفكين التعلق؟ ركزي على تطوير نفسك : انشغلي بهواياتك، تعلم شيء جديد، أو طوري مهاراتك المهنية والدينية والشخصية. هذا سيعزز ثقتك بنفسك ويقلل الحاجة للشعور بالاعتماد العاطفي الكامل على خطيبك. التذكر والتفكير الإيجابي : كلما شعرتِ بحاجة للتواصل معه بشكل مفرط، تذكري أنك تستحقين الحب والاحترام دون أن تضطرّي لتفعيل هذا التعلق الشديد. خصصي أوقاتاً لنفسك ، لتنمو استقلاليتك، سواء بالقراءة، الرياضة، أو حتى قضاء وقت مع العائلة أو الصديقات. تذكري الحكمة في التريث قبل الزواج : كما قال خطيبك، فترة التعارف ما بعد الزواج مهمة تكتشفون فيها بعضكم بواقعية وليس بالمظهر فقط، فتجربة الزواج ستوضح أشياء كثيرة. الصبر هنا مفتاح. تعزيزه العلاقة بثقة وهدوء : اطلبي منه أن يكون صريح معك في مشاعره واحتياجاته، وحاولي تبادل المشاعر بينكما بنضوج وراحة. أعطي العلاقة فرصة تنمو في حب وتفاهم، ولا تحملي نفسك فوق طاقتك عاطفياً. الدعاء والاستعانة بالله : دائمًا اطلبي من الله أن يعينك وأن يرزقك السكينة والقلب الطيب، وأن يوفقكما لما فيه الخير. في النهاية، تفكيك التعلق مش خطوة سهلة لكنها ممكنة بالصبر والالتزام بالعمل على نفسك. إذا شعرتِ أنك بحاجة لمساعدة أعمق، يمكنكِ دائماً زيارة صفحة الخبراء على فدني [https://www.fedni.net/experts] وستجدين خبراء نفسيين يمكنهم دعمك بشكل مهني. أنا هنا معك دائماً، وإذا حبيتِ تتكلمي أكثر أو تسألي عن خطوات محددة، لا تترددي! ذكّري نفسك دائماً أنك قوية وأنت تستحقين حياة مستقرة وسعيدة.❤️
تم النشر الثلاثاء، ١٥ يوليو ٢٠٢٥
يا اخت هذا لا يحبك هذا يريد فقط التجاوزات والدليل انك لما تمنعي التجاوزات ينقلب عليك ويتمرد ارجعي الي الله وتوبي اليه واحمدي الله ان لم يحصل كبيره والله انتي علي خطر عظيم ان لم تمنعي التجاوزات هذه وان لم يرضي وتمرد عليك بفسخ العقد
تم النشر الخميس، ١٧ يوليو ٢٠٢٥
للأسف البنات مش بيبقوا مدركين ليه ربنا خلى فيه ضوابط للخطوبة وحرم اي علاقه بين بنت وولد والسبب أن مثلا لو حصل واتخطبوا بتلاقي الولد مثلا بيعاملها وحش ممكن يبقي شخص بخيل ممكن مش بيخاف علي شكلها ممكن يشتمها يهزقها قدام اي حد وهي بتزعل وتاخد موقف ويجي هو يصالحها وكأن شيئا لم يكن طب هي بتتصالح ليه عشان بتحبه؟! وهو دا السبب اللي ربنا خلي عطشانه ضوابط لان البنت لو اتخطبت لشخص متعرفوش متربطهاش بيه اي مشاعر بيبقي المتحكم في قراراتها العقل فبتبدأ تشوف الشخص دا مناسب ليها ولا لا مناسب يبقي زوج ومسئول عنها مدي الحياة ولا مش قد المسئولية دي مناسب يبقي اب لولادها ويكون حنين واب مسئول ولا لا لكن خلاص حصل اللي حصل وحبيته اولا تبدأي تخللي المواقف بتاعته هل دا شخص حنين ولا قاسي عنده ضمير ولا بخيل ولا بيحترم أمه أو أخته ولا شخص يوثق فيه ولا لا بتحاولي تخلي العقل يخلل شخصيته تشوفي هل هو مناسب ولا لا اسمحي لنفسك تشوفي عيوبه وكل انسان عنده عيوبه بس اختاري عيوب تقدري تستحمليها متأثرش عليكي ولا علي اولادك مستقبلا
تم النشر الأربعاء، ١٦ يوليو ٢٠٢٥
بصي اولا كويس انك قولتي. انكم بتقللوا كلام عشان حرام ربيثبتكم يارب وبصي يا قمر حاولى الاول اعرفي ايه الحلال والحرام في الخطوبه وازاي تتعرفي عليه بما يرضي الله وبعد كده افهمي دماغه وافهمي هو عايز ايه وما تاخدي كل حاجه على أعصابك ومش عشان هو سكت شويه تزعلي ولا تخافي متكبريش الموضوع وخلي عندك قوة نفسيه شويه وفكرة انك اتعلقتي بيه ده طبيعي عشان حصل تجاوزات لكن توبي إلى الله وادعي كتير وحاولي اشغلك وقتك بنفسك والسكين كير والرياضه وتعلم كورس عن العلاقه الزوجيه وهكذا ومتبقاش متاحه كده ٢٤ ساعه في اليوم عشان هو هيمل وهيزهق وكل ما تشغلي نفسك بنفسك تعلقك بيه هيقل وهتكون علاقه صحية بإذن الله
تم النشر الأربعاء، ١٦ يوليو ٢٠٢٥
لعرض السؤال في فدني اضغط هنا