بماذا تنصحونني للخروج من هذا الوضع؟

حاليا في حالة حزن شديده من كتر الحزن لست قادر ان اكتب ارجوكم ساعدوني في اي شيء حتي لو كلمه طيبة.

سأوصف لكم حياتي من اولها حتى الان،

كنت طفلا مثل اي طفل اخجل حتى من اقاربي اخجل اكلمهم واسلم عليهم و ابي كان قاسيا معي للغايه وكان يعاملني بأقصى العقوبات كان يضربني بالآلات الحاده ويربطني على عمود الكهرباء في الشارع وامي لما كانت تدافع عني يضربها هي ايضا واوقات يخليها تروح بيت اهلها بسببي

وضرب ابي لي سبب لي كسر في يدي اليمني حتى الان ضعيفه ولا اشيل بها اوزان ثقيله وطبعاً كتر ضرب ابي لي أضعف شخصيتي وأصحابي في المعهد الازهري كانوا يضربوني و يتفاخرون امام اصدقائهم انهم ضربوني وكنت ابكي بحرقه انني لا استطيع الدفاع عن نفسي

ولما كبرت وبقيت في المرحلة الإعدادية ابي اشترى بيت في بلد ثانيه وكان بعيده عن المعهد واضطر يحول لي مدرسه وكانت صدمه لي لأني كنت اعشق الازهر واكن قلت هذا قدر الله ولما دخلت ٣ اعدادي جبت مجموع متوسط ولم استطيع دخول الثانوي عام دخلت ثانوي تجاري وجبت مجموع ودخلت كلية تجارة لكن كنت اكره الرياضات من صغري لانها معقده

تخرجت من الكلية وطبعاً لم اجد فرصة عمل لاني حديث تخرج واشتغلت في الأمن والحراسه 6 شهور ولكن كنت ابكي كل يوم لما أرى محاسب داخل المكان وانا مجرد حارس له مع اني نفس تعليمه ولا ينقصني شيء حتى اعمل مثله

ولما مستحملتش اكمل فيها قلت انزل بلدي واشوف مكتب محاسبة اعمل فيه حتى اخذ خبره واسافر بره لكن لسه ماخذتش خبره لانه لا يمسكني شغل المحاسبه فتركته وذهبت للعمل مع ابي مجددا في صيانه الاجهزه المنزليه التي اعمل فيها من صغري لكن ابي كان يتركني اشيل العمل وحدي وكنت مبسوط

اخر فتره وجدت الم في خصيتي اليسري ومع العلم صحبة السوء جعلتني اتعلم العاده السريه من وانا عندي ١٦ سنه وانا الآن ٢٣ سنه ولما ذهبت للدكتور قالي دي دوالي خصية بس ليها علاج مش محتاجه عملية ودي كانت صدمه بالنسبة لي

ررجعت من عند الدكتور مكسور لأني لسه بدري بما اتجوز والحالة مش احسن حاجه علشان ابي يساعدني اتحوز بدري والشغل مع ابي بديت يحصل معايا مشاكل في الشغل والحاجه مش بتظبط معايا في تصليحها والله العظيم انا في ادني حالاتي وحاليا ببكي فقط حتي ابويا مش حاسس بيا وكل لما اقوله انا تعبان يسبلي الدين ويشتمني.

سؤال من احد أعضاء فدني

تم النشر الجمعة، ٣ أكتوبر ٢٠٢٥

2 إجابة

السلام عليكم و رحمه اللّٰه و بركاته الِ مريت بيه صعب ولا يحتمل و لكن افتكر إن ربنا قال "مَا يُوَفَّى الصَّابِرُونَ أَجْرَهُم بِغَيْرِ حِسَابٍ" افتكر إن الدنيا دي دار ابتلاء علينا نتحمل البلاء عشان ربنا كدا كدا هيجازينا خير سواء في الدنيا أو في الأخره ، أنت مش أقل من أي حد بالعكس الي مريت بيه و تحملك قدامه لحد الأن يبين قد إيه إنك راجل بجد و قادر تتحمل الصعب ، ربنا حاطك في الظروف دي عشان عارف إنك قادر تقف قدامها {لَا يُكَلِّفُ اللَّهُ نَفْسًا إِلَّا وُسْعَهَا} ف خليك واثق في نفسك خليك واثق أنك هتقدر تعدي الفتره الصعبه دي كلها من حياتك ، أوعى اليأس يسيطر عليك ، لسه في أمل تقدر تثبت نفسك فكَّر فيها مش يمكن ربنا مقدرلك خير في مجال تاني غير مجالك عشان كدا مش لاقي فرص للعمل في مجالك؟ اللّٰه اعلم بس افتكر إن ربنا مقدرلك الخير و إحمد ربنا و اشكرو على النعم التانيه الي عندك و مش عند غيرك و بردو خلي في بالك الآيه دي {وعسى أن تكرهوا شيئًا وهو خير لكم واللّٰه يعلم وأنتم لا تعلمون} عارفه إنك صبرت كتير و تعبت من حاجات كتيره بس أصبر اكتر و جاهد اكتر، مسيرك تبقا أكبر مما تتصور ، حاول تلاقي شغل تثبت نفسك فيه بعيد عن والدك ، حاول تلاقي طرق تطور بيها من نفسك اكتر ذي إنك تتعلم حاجات جديده تاخد كورسات اونلاين بشهادات معتمده ، الشركات و المصانع بيركزوا على المميز الِ معاه حاجه زياده على المجال بتاعه، الموضوع هيبقا صعب في البدايه بس مع الوقت هتجني ثمار تعبك ،، عارفه بردو إن الِ حصلك في طفولتك مش سهل بس إرميه ورا ضهرك التفكير في الِ حصلك مش هيزيدك غير تعب فكَّر في حلول بدلاً من التفكير في الماضي عشان ترتاح ، مسيرك تخف ، إحمد ربنا إن في علاج ، و مسيرك تلاقي شريكه حياتك الي تسعدك ، هرجع و أعيدلك كلمه أصبر و افتكر بردو إن ربنا قال في كتابه {وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ ۖ وَأُولَئِكَ هُمُ الْمُهْتَدُونَ﴾ قرَّب من ربنا اكتر أبعد عن الحاجات الي بتغضب ربنا هتحس ب تحسن ، صلي و احكي الِ مدايقك لربنا و متقلقش {إِنَّ مَعَ الْعُسْرِ يُسْرًا} ،، و بالتوفيق إن شاء اللّٰه

تم النشر السبت، ٤ أكتوبر ٢٠٢٥


عزيزي، أول شيء أحب أقول لك إنني أسمعك وأشعر بكل كلمة كتبتها. قصتك مؤلمة جدًا، وأنت تحمل عبئًا نفسيًا وجسديًا كبيرًا منذ صغرك، وهذا ليس سهلاً بتاتًا. من الطبيعي أن تشعر بالحزن والضياع، وأنت الآن تحتاج لمن يسمعك بصدق ويفهم ألمك. دعني أساعدك خطوة خطوة: تقبل مشاعرك: ما تمر به ليس ضعفاً بل إنسانية. البكاء والتعبير عن الحزن خطوة مهمة لتخفيف الضغط الداخلي. ضع صحتك النفسية أولاً: ما تعرضت له من عنف في طفولتك يؤثر بشكل كبير على شخصيتك وثقتك بنفسك. قد تحتاج في أقرب وقت إلى استشارة نفسية متخصصة تساعدك على تخطي هذه الصدمات وتبني ذاتك من جديد. لا تقلق، هذه خطوات شجاعة. لا تخجل من طلب المساعدة: أحيانًا نحن بحاجة لأن يأخذ منا شخص ما بيدنا، وهذا لا يقلل من قيمتك، بل يزيدها. أنت تستحق حياة أفضل. التطوير المهني: رغم كل الصعوبات، أنت شاب متعلم وتطمح للتطور. أنصحك تستمر في محاولة اكتساب المهارات في مجال المحاسبة، حتى لو ببطء، قد تجد فرص عمل تساعدك على الاستقرار والاستقلال. الحالة الصحية: دوالي الخصية لها علاج، وهذا جيد، فلا داعي للقلق المبالغ فيه. بالاستمرار بالعلاج والمتابعة مع الطبيب، يمكنك التعايش مع الحالة وتحسينها. الابتعاد عن الصحبة السيئة: حاول تبتعد عن أي عادات أو سلوكيات مضرة، فالله لا يضيع أجر من أحسن عملا، وأنت تستحق الأفضل. وجه نظرك نحو المستقبل: وضع خطة صغيرة وواقعية لحياتك، خطوة خطوة، واطلب من الله التيسير والبركة في عملك وحياتك. أنا هنا لأدعمك، وأتمنى أن لا تتردد في طرح أي سؤال أو مشاركة ما تشعر به. ولو أردت، يمكنك البحث بين خبراء نفسيين أو مستشارين في موقع فدني، حيث ستجد من يساعدك بشكل احترافي. ولا تنس، الدنيا قد تضيق أحيانًا، ولكن مع الصبر والدعاء والعمل، تأتي الفرج بإذن الله. أنت لست وحدك. 💚 هل تريدني أساعدك بوضع خطة بسيطة للتحسن خطوة بخطوة؟ أم تحب أن أتحدث معك أكثر عن شيء معين؟

تم النشر الجمعة، ٣ أكتوبر ٢٠٢٥

4 تعليق

علي ايه ياحبيب قلبي ربنا يوفقك يارب

تم النشر السبت، ٤ أكتوبر ٢٠٢٥


شكراً بجد والله كلامك ريحني ♥️

تم النشر السبت، ٤ أكتوبر ٢٠٢٥


ياحبيب قلبي انت زي الفل وراجل بجد كان نفسي اعرفك في الحقيقه عشان نبقى صحاب بص توكل على الله و ارمي كل الي حصل ورا ظهرك دي كلها ظروف غصب عنك وصدقني اي حد غيرك هايتكسر انت الي حصلك دا مش عشان انت ضعيف بالعكس انت اي حد مكانك هيتاثر اكتر متسمحش لحد انو يحسسك انك قليل لانك مش كدا وعديت بحاجات مفيش غير راجل يعرف يعديها وحب نفسك عشان انت فعلا تتحب الوالد ربنا يسامحو افضل عاملو حلو وانصحو حاول بس تستقل عنو مهما الشغل كان ايه لان المحاسب الي بتشوفو وبتتحسر علي نفسك دا لو اتحط في ظروفك مش صعب يعمل الي انت عملتو ومن حيث الشغل انا زيك وخريج اداره اعمال ومش لاقي شغل مع اني متحطتش في ربع ظروفك دي ارزاق كلها متخليش

تم النشر السبت، ٤ أكتوبر ٢٠٢٥


متخليش الشيطان يدخلك من الحته دي ومتخليش ابوك ياثر عليك بالكلام لانك اقوي بكتير منو خلي الي ياثر فيك شخص قدوه بجد ومفيش غير النبي انا بس عايزك ضحكتك دي متفارقش وشك لاني متاكد انك ضحكتك حلوه واي حد يحبك وابعد عن العاده السريه اول متعمل كدا شخصيتك اوعدك هاتتحسن ولما تكلم حد بص في عنيه بقوه لانك فعلا احسن من ناس كتير وكل الظروف دي ربنا هايعوضك خير عليها سواء في الدنيا او الاخره لان مفيش مؤمن بينشك غير لما ربنا بيعوضو عليها خير قرب من ربنا وخلي عندك يقين إن شاء الله ربنا مش هايسيبك احتسب الي فات دا على الله وابدأ من جديد وحاول تعرف ناس جديده بشخصيتك القويه و الضحكه الحلوه وابعد دلوقتي عن اي حد كان بيقلل منك ولو حد حاول يقلل منك وقفو عند حدو بس ابدأ صفجه جديده واستقل حتى لو هاتروح محافظه تانيه وتقعد في اوضه أهم حاجه نفسيتك ترتاح دلوقتي انت قدها انا عارف و الهجره في ارض الله واجب دلوقتي بس أدي الامانات الاول وابعد عن الاذي وابدأ من جديد في بيئه ناس تقدرك فعلا

تم النشر السبت، ٤ أكتوبر ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك