بماذا تنصحونني للتعامل مع هذا الوضع في حياتي؟

Question

السلام عليكم انا دايما ماشية بجملة ان الشكوى لغير الله مذلة وكنت دايما بسمع الناس واحاول اساعدهم بس انا دلوقتي الي محتاجة حد يسمعني ساعات الواحد بيبقى خلاص تعب اوي لدرجة انه عايز يتكلم وللأسف لو في الاخر ما لقاش حد نفس دماغه يتكلم معاه انا حاليا عندي ١٨ سنة انا والدي ووالدتي منفصلين بدأ الخلاف من وانا عندي ٥ سنين بس ساعة ما جدو ابو والدي توفاه الله والدي بدا للأسف يلجأ زي ما كان بيقول انه مقوي علشان يقدر يشتغل بعد ما جدو اتوفى بسنة جيه احلى واجمل شخص في حياتي على الدنيا الي مصبرني اساسا اخويا أصغر مني ب ٦ سنين المهم والدي زي ما قلت بدأ يشرب حاجات وماما وبابا بدأوا يضربوا كتير اوي وانا كنت ببقى واقفة مش عارفة اعمل اي عيلتي بتتفكك قدامي بدأ الوالد الله يسامحه يروح يعمل قروض وياخد ماما ضامن له لحد ما بقوا مديونين وكان كل ما يعمل قرض يمشي ويسيب ماما تسده ويرجع تاني بعد ما بتخلص انا كنت متعلقة بوالدي اوي بس فضلت بسببه الله يسامحه ويهديه اصحى كل يوم لا على صوت بوليس جاي ياخده او صوت حد جاي يضربه علشان الفلوس الي عليه ماما فضلت كل شوية تسيب البيت لدرجة انهم باعوا العفش بتاعهم كله دا رغم ان ماما اصلا متجوزة علشان خلاط😶 اسفة على التداخل بس علشان ما يبقاش كله كئابة مش ناقصة المهم كنا كل شوية نروح نقعد عند جدو ابو ماما كان قاسي اوي علينا انا واخويا وكان علطول يضرب اخويا وماما قدامي لدرجة انه فتح دماغ ماما قبل كدا برموت التليفزيون لحد ما روحت قلت له ادعي ربنا ياخدك قريب بدل ما تموت على ايدي احسن ساعتها ممكن نقول حس شوية وبدأ ما يمدش ايده وكان دايما بيفرق بينا وبين ولاد خالتي ربنا توفاه ربنا يسامحه يارب انا حاليا كل المشاكل دي رغم أنها أثرت عليا بالسلب بس في جزء منها إيجابي انها ادتني قوة رهيبة اقدر اهد جبل بيها انا معروفة عندنا في البيت اني القوية الي مش بتهزر الي مش بتضحك ودايما مقارنة مع بنت خالتي الي اكبر مني بسنة ودايما طبعا انا الي وحشة الحمد لله انا دلوقتي حاسة اني مخنوقة اوي وممكن الرسالة دي تريحني لو حد دخل اداني نصيحة شكر مسبقا اه نسيت اقول اني ثانوية عامة السنادي فا ممكن دعوة مع النصيحة يبقى كتر خيركم يارب🤍 السلام عليكم ورحمة الله وبركاته

Accepted Answer

وعليكم السلام ورحمة الله وبركاته قبل اى حاجه ما شاء الله عليكى بجد يا رب يزيدك صبر فوق صبرك وبصراحة حياتك هي قصة نتعلم منها كلنا علشان كل واحد يرضى باللى فيه بس عموما انتى بنت بألف راجل بجد انتى ومامتك يعنى ما شاء الله عليكى استحملت اللى ناس كتير بتموت بسبب الحجات دى فأنتى لازم تعرفى انك superhero انتى ومامتك اقسم بالله أنا اصغر منك بسنة تقريبا وربنا يكرمك فى الأمتحانات ويا رب تدخلى الكليه اللى انتى عايزاها أو اللى ربنا كاتبهولك المهم شدى حيلك علشان تقدر تعوض مامتك وحتى انتى واخوكى عن المعلومات اللى عشتوها والله انتى كبرتى فى نظرى من كلامك انتى ومامتك يعنى ربنا يحفظكو وربنا يهدى بباكى واخيرا كلنا محتاجين حد يسمعنا بس وعن تجربة مش هتلاقى احسن من الله والله ايام ما والدتى اتوفت كنت يعنى مش اقلك ورغم حالتى مش لقيت حد جنبى فهيا ماتت من هنا وانا رحت اصلى من هنا والله قعدت حاولى ساعتين فى المسجد وحكيلت لربنا ودعيت لوادتى اللى هيا اصلا حياتى روحى قلبى كل حاجه كانت بالنسبالى بس سعتها بقا ربنا صبرنى وروحت كان مش فى حاجه والله من سعتها وانا مؤمن إيمان تام أن مش فى اى حد تحكيلو همك غير ربنا احنا ملناش غيره اصلا وبس كدة🙂🤍

Answer

وعليكم السلام ورحمة الله وبركاته يا غالية، أولاً، أود أن أقول لكِ بكل حب وتعاطف: أنتِ شجاعة وقوية جداً لأنكِ تحملتِ كل هذا بداخل قلبك في عمر صغير، وهذا بحد ذاته إنجاز عظيم. ما مررتِ به من صعوبات وتجارب قاسية قد تركت أثراً عميقاً، ولكن رغم كل شيء، أنتِ تستمدين القوة من داخلك وهذا هو ما يميزكِ ويجعل منك شخصية مميزة. دعيني أقول لكِ بعض الأمور التي قد تساعدك في هذه المرحلة: اعتني بنفسكِ أولاً أنت الآن في مرحلة مهمة جداً وهي الثانوية العامة، وضغوط الحياة أحياناً تجعل التركيز صعب. حاولي تنظيم وقتكِ وبعض اللحظات اليومية لتخلي عن الضغوط وتكوني أنتِ مع نفسكِ، حتى لو كان ذلك مجرد لحظة قصيرة. امنحي نفسكِ فرصة للتعبير من حقك تماماً أن تتكلمي مع شخص تثقين به، سواء كان مرشداً نفسياً أو شخصاً أكبر في السن وتثقين به، لا تخجلي من طلب الدعم، فالشكوى إلى الله تعالى هو الأساس، ثم التحدث لمن يمكنه فهمكِ ومساندتكِ خطوة مهمة. لا تقسي على نفسك كثيراً ما نكون أقسى من أي شخص آخر علينا، فتقبلي نفسكِ بكل ما فيها من ضعف وقوة، ولا تحكمي على نفسكِ بأنكِ "وحشة" أو "غير جيدة". أنتِ رائعة بطريقتك الخاصة والله يحبك كما أنتِ. احتفظي بالأمل والدعاء استمري في الدعاء والتوكل على الله، فهو القادر أن يغير الأحوال للأفضل. ادعي الله أن يفرج همك ويرزقكِ القوة والراحة، وذكري نفسك دائماً أن الصبر مفتاح الفرج. استخدمي قوتكِ لما فيه خير لكِ نعم، أنتِ قوية، وهذه القوة يمكن أن تكون سلاحك لتتحكمي في مستقبلك، وتصبحي قدوة لأخيكِ ولمن حولكِ. لا تسمحي لتجاربك الصعبة أن تكسرك، بل اجعليها حافزاً للمضي قدماً. أما بالنسبة للثانوية العامة، فأنا أدعو لكِ من قلبي بالتوفيق والنجاح الباهر، واسألي الله أن يجعل هذا العام نقطة تحول في حياتك، تفتحي به الأبواب لأحلامك الكبيرة. وأخيراً، إذا شعرتِ أن الكلام يحتاج لمن يفهمكِ أكثر، تذكري أن في تطبيق فدني لدينا خبراء في علم النفس والاستشارات يمكنكِ التواصل معهم ليقدموا لكِ الدعم المتخصص المناسب. لا تترددي في مشاركة أي شيء يجول في بالك أو طلب أي نصيحة إضافية، فأنا هنا دائماً لأرد عليكِ وأدعمكِ. دمتِ بخير وسلام يا غالية، وعلّمكِ الله الصبر والرضا والتيسير، وأكرمكِ بما تحبين وأنتِ على طريق الخير. تحياتي الحارة، ذكية 🌷

بماذا تنصحونني للتعامل مع هذا الوضع في حياتي؟

نفسية

اجتماعية

أهل

سؤال من احد أعضاء فدني

تم النشر الأربعاء، ٢ يوليو ٢٠٢٥

2 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك