انا طالبه في اولي ثانوي عام احنا دلوقتي اخر شهر تلاته وانا مبداتش في المنهج لسه نفس اللي حصل الترم الاول وقاعد شهرين تقريباً على امتحان اخر السنة المشكلة اني بكسل ومليش نفس افتح الكتاب ولا بقيت بصلي مش عارفه دا حسد ولاسحر ولا بسبب الشخص اللي بحبه انا ديما بفكر فيه ومش قادره اركز في حاجة وهو دلوقتي كل كلامه عن الجنس وكده ولما اقوله حرام وكفايه يقولي مش قادر اسيطر على شهوتي وانا بقيت زيه ساعات بطلب الحاجات دي وبعد ما نخلص انا بحس بذنب واتوب واقطع علاقتي بيه يوم بس وبرضو مش بيروح من دماغي وبفكر فيه وبحن وبرجع تاني اكلمه بقيت عاوزه اقطع علاقتي ليه مش عارفه ومن ساعت ما بقيت بحبه واكلمه بقيت عاوزه انام دايما ومليش نفس اذاكر مش عاوزه اكلم حد ولا اقابل حد حتي الدروس مش بروحها ومستويا نزل اوي وبقيت بتفرج علي حاجات مش كويسة برغم اني كنت متدينه و عارفه اني دا حرام وكنت بقول عمري ما اعمل كده وكنت بقول علي البنات اللي بتعمل كده قليله ادب دلوقتي بقول علي نفسي كده كرهت نفسي حياتي باظت ودين واخلاق وتعليم وكله تعبت نفسيا دائماً بفكر اني انتحر وكله دا بسببه وسببي وبرضو بعد دا كله مش بقدر ابعد عنه اكتر من يوم اعمل اي بجد مش حياه دي والله انا ليا حلم اني اكون دكتوره ودايما كنت من الاوائل
اولا دا كله ٱه بسبب الشخص البتحبيه او مش بسببه حتى بس لازم اقولك مش هجبلك بقى سيرة و مستقبلك و مذاكرتك اهم ولكن لا دا كلام بديهي لكن ممكن احلفلك عادي ان عمركم م هتتجوزو البدايته مش بترضي ربنا نهايته عمرها مهترضيكي و انه شخص بيستغلك و ان مسيرك هتسبيه بس دا امتى اما تلاقي نفسك عايدة السنه لقدر الله او مشاعرك كلها مستغلة مع واحد زيه و تقرفي منه و انتي خسارانه اقل حاجه مشاعر فى الارض ممكن احلف تاني بردو ان لما بتبعدي هو مش بيسأل و مش هيسأل و يسيبك لدماغك عادي م انتي اصلا بترجعي و مش هيفرق معاه لانه هيقولك مفيش عندي غيرك و بشوفك و مبشوفش غيرك بس معندوش غير كلام فعلا يقدمه ليكي و عنده غيرك عادي او لو متبقيش موجودة مش هيعيش على ذكراكي و متتوقعيش من واحد زي دا الحب لان دا استغلال و استغل حبك ليه بأبشع الطرق لان البيحب بيحافظ انه يجرح البيحبه من الهوا مش يجرحك فى حيائك و دينك و مفيش حاجه اسمها مش بيعرف يتحكم في شهوته معاكي دا كلام فاضي و الله متقتنعيش بيه دا اولا انتي لازم تقطي معاه بدون مبررات و لا انك تحسي بالذنب ولا الهوا دا واحد حيوان عادي مش هيفرق معاه صدقيني دا استغلال مش حب و عمره ميكون حب ليه بقى كلامي دا كله عنه لان دا ذنب و الذنب بيبعد عن اي تقدم ممكن تعمله ف حياتك بدليل اصلا التفكير فيه ف ابعدي و توبي دا اولا و اهم حاجه ثانيا اما تعملي كدا اعملي بقى جدول محترم و هتلحقي عادي تلمي الدنيا تابعي مع المدرسين دلوقت فى الجاي و حاولي تلمي من القديم ع قد م تقدري قبل المراجعات النهائية و إن شاء الله تلحقي و هتلحقي بس انوي و ادعي ربنا يبعده عنك صدقيني وبلاش
تم النشر السبت، ٢١ مارس ٢٠٢٦
🛑 ملحوظة : انا شخص وقته غالي جدا عليه ، وان خدت منه علشان احاول اكتبلك الكلام ده ف دي مش حاجه سهله ، فأتمنى تحاولي تستفيدي من كل كلمة و ما يكونش وقتي ده ضاع في الفاضي 🛑 ملحوظة ٢ : انتي أصلك انسانة ملتزمة متفوقة متدينة ،حصلك انتكاسة ، و ده عادي و طبيعي فأنتي عايزه تبقي نسخه افضل من القديمة و احسن من الحالية بسبب التجربة اللي مريتي بيها ، لو نفذني كلامي و عديتي المرحلة دي ، اضمنلك ان مفيش حاجه ممكن توقفك بعد كده في حياتك المستقبليه إلا مشاكل بسيطة و حلولها هتبقى سهلة ان شاء الله. هجاوبك بترتيب كلامك : لسه ما بدأتيش المنهج و باقي تلت سهور فأعتقد ان دي مدة كفاية جدا لو استغليتيها صح الكسل سببه انك عايشة في حلقة مفرغة ، من الضغط و التهرب ، ضغط بسبب كونك بتعملي حاجه عارفه انها غلط ، ضغط من انك مراكمة مواد عليكي ، ضغط من تقصيرك في دينك حسد و سحر ، أكيد لأ و ما توهميش نفسك ب كده علشان ما توقعيش في دوامة اكبر الشخص اللي انتي بتحبيه ، نيحي هنا لسبب كل المشاكل ، أولا انتي في علاقة سامة لانك مع حد مش شبهك ، بمعنى انه اللي بيحصل بينكم مأثر عليكي انتي بس و مش مأثر عليه فبالتالي انتي الكرف الوحيد اللي هيعاني ، ثانياً عدم قدرتك على بعدك عنه علشان عقلك ربط وجوده بمتعة شهوانية عندك و دي حاجه بتفرز هرمونات ممتعة مؤقتة و علشان كده وجوده بقى مهم ، فأنتي لو قررتي تمنعي ان ده يحصل هتلاقي الغلاقة كلها مالهاش لازمة ليكي لأنه أصلا مش شبهك لكن تدخل الشهوة منعك من انك تشوفي ده ، فالصح و علشان ما تحمليش نفسك فوق طاقتها هو انك تمنعي اي كلام من النوع ده بينكم ، و هو يا ستي لو شاريكي و عايزك هيكمل ، لو بقى و ده اللي انا متأكد منه واخدك لغرض شهوته فالموضوع مش هيبقى على هواه ، علشان اللي بيحب بجد بيتمنى انه يكون احسن مع اللي بيحبه و بيتمنى يكون اللي بيحبه احسن حد انك ما بتعرفيش تبطلي تفكير فيه ، علشان وقتك مش مشغول ، عقلك مش مشغول بحاجه تانيه ، و أكيد بتفكري في إحساس الشهوة اللي كنتي بتحسي معاه خصوصاً بعد مع إحساس الذنب يروح من عندك ، فلو شغلتي وقتك هتقدري تخلصي من ده بسهولة تحلي بقى كل ده ازاي سهلة : أول حاجه تحلي مشكلة العلاقة بأنك تمنعي تماماً تماماً اي كلام ج**ي ، و توضحي للشخص ده انك عايزه تلتزمي و تذاكري و عندك حلم عايزاه ،وافق و شجعك و كان ليكي عون ، يبقى تماما و شخص كويس بس لسه عقله صغير و بيحبك ، ما حصلش و اترفز و اتعصب و قدملك حجج و مبررات ان مش هينفع ، يبقى بيستغلك مش اكتر و ساعتها اعتقد رؤيتك هتبقى أوضح و هتعرفي تبعدي عنه بسهولة اول ما تبعدي تجري عالصلاة و تستغرفي و تتوبي عن كل اللي فات، و تبدأي صفحة جديدة مع نفسك و مع ربك ، وتاخدي عهد انك مش هترجعي للطريق ده تاني ، و تحطي لنفسك كل يوم تقري صفحة واحدة من المصحف ، واحدة بس، كده كل ما عقلك يحن للشهوة ، الصفحة دي هتحميلك يومك و هتردعه التلت شهور اللي فاضلين كفاية اوي ، اعتبري نفسك لسه داخله السنة الجديدة حالا بسبب مشاكل في الوزارة وقرروا ان. السنة دي هتبقى تلت شهور بس ، فأنتي كده مش متأخرة بس لو مالحقتيش هتتأخري ، تمسكي المنهج و المواد و تقسمي كل مادة على جلسات كل جلسة لا تتخطى نص ساعة ، و تحطي في كل يوم من دلوقتي لحد الامتحان ١٠ جلسات من دي كل جلسة بمادة مختلفة ، يعني معاكي ٩٠٠ جلسه يعني ٤٥٠ ساعه ، اعتقد ده وقت كافي جدا تجيبي طب بما انك كنتي متفوقة كده كده و بتحبي المذاكرة فمش هيبقى صعب بالنسبة لك. وبالتوفيق 😊
تم النشر السبت، ٢١ مارس ٢٠٢٦
يا حبيبتي، أنا ذكية هنا معاكي، وأنا فاهمة تماماً اللي بتمرّي بيه.. ده شعور صعب أوي، بس أنتِ مش لوحدك، وده مش نهاية الدنيا خالص. أنتِ كنتِ من الأوائل وبتحلمي تكوني دكتورة، يعني جواكِ قوة كبيرة، وهترجعي أقوى إن شاء الله. خلينا نرتب اللي حصل: العلاقة دي سامة، بتسرق تركيزك وطاقتك، وبتخليكِ تحسي بالذنب والكره لنفسك. مش حسد ولا سحر، ده تشتت عاطفي بيأثر على الدراسة والنفسية زي السم البطيء. خطوات عملية عشان تقطعي نهائي وترجعي لدراستك: اقطعي العلاقة دلوقتي وإلى الأبد : احذفي رقمه، احظريه من كل حتة (واتساب، إنستا، سناب)، وامسحي الشاتات. لو رجع يتواصل، مترديش خالص. قولي لنفسك: "ده حرام ومش هيبني حياتي". بعد يوم هتحسي براحة، ومع الوقت هيروح من دماغك إن شاء الله. (توبي بجد دلوقتي، واستغفري ربنا كتير). رجّعي دينك الأساس : صلي الخمس فروض، اقري قرآن يومياً صفحة واحدة بس (سورة البقرة أو يس)، وادعي ربنا يقوّيكِ. ده هيملى الفراغ ويبعد الوساوس. كنتِ متدينة، يعني هترجعي أحسن. الدراسة خطوة خطوة : آخر شهر 3، عندك شهرين للامتحانات. ابدئي النهارده بـ30 دقيقة بس: اختاري مادة واحدة (زي الرياضة أو العربي)، افتحي الكتاب واقري درس واحد. اعملي جدول بسيط: صباح دراسة، مساء مراجعة. اقفلي التليفون في أوضة تانية، وامسحي التطبيقات اللي بتفرجي فيها حاجات مش كويسة (استبدليها بقنوات دراسية على يوتيوب). روحي الدروس غداً، هتحسي بفرق فوري. نفسيتك والكسل : النوم الكتير ده علامة إرهاق نفسي، فابدئي يومك بفجر (صلاة + كوب مية)، وامشي 10 دقايق في البيت. كل يوم اكتبي 3 حاجات شاكرة عليها (زي صحتك وحلمك). لو فكرتِ في الانتحار، قولي "لا، أنا أغلى من كده عند ربنا"، واتصلي بأمك أو حد من العيلة يقعد معاكِ. أنتِ بنت طيبة وقعتِ في فخ، بس ربنا غفور رحيم. حياتك مش باظت، ده اختبار هيخليكِ دكتورة ناجحة إن شاء الله. ابحثي في فدني عن أسئلة زي "كيف أركز في الدراسة" أو "التعامل مع التعلق العاطفي"، هتلاقي إجابات كتير مفيدة. لو عايزة استشارة خبراء (نفسيين أو دراسيين)، روحي https://www.fedni.net/experts. ابدئي دلوقتي يا قمر، أنتِ تستاهلي الأفضل. قوليلي بعد أسبوع إيه اللي عملتيه! 💪❤️
تم النشر السبت، ٢١ مارس ٢٠٢٦
يجب ان تنتهي من هذا وتتخلصي من بعض المعتقدات الخاطئة مثل عدم الصلاة من الحسد هذا غير صحيح والمتدين يفعل مثل هذه الفواحش هذا ايضا خطأ ـ يجب ان تنتهي من هذا الوضع وتتغيري بشكل كلي من بداية نظام النوم حتى المذاكرة ـ وان تعلمي قدرك الحقيقي وتتزودي في العلم وتتزكي في دين الله وهكذا. وان تحافظي على الصلاة والقرآن. وان تحافظي على نفسك للصالح اذا وجد.
تم النشر السبت، ٢١ مارس ٢٠٢٦
وقفي حالا علاقتك بالانسان المجرم دا انتي لسه صغيرة ولسه عندك فرصة للرجوع وتصحيح افتكري دايما وضعك وانتي متدينه وبتصلي راحت قلبك عامله ازاي محتاجه حد تكلميه اخوكي انسب حد تتكلمي معاه ويشجعك بلاش الشاب دا هيوديكي في داهيه صاحبي والدك او والدتك افتكري فرحه والدك لما يلاقيكي متفوقه في المدرسة
تم النشر السبت، ٢١ مارس ٢٠٢٦
لو كنتي بتحضري دروسك أونلاين انزلي سنتر علشان امتحانات المدرسين في السنتر هتشجعك على المذاكرة ده غير التنافس بين الطلاب اللي هيشجعك تبقي افضل وده هيقلل الوقت اللي بتقعديه على التليفون. نزلي تطبيقات حظر زي Blocker X . وتابعي سلسله موهجه لعلاج التعلق وكافه انواع الإدمان + نزلي تطبيق زمالة (واعي - تحدي التعافي ) . اتمنى اكون قدرت افيدك ولو بحاجه بسيطه ❤️ وربنا يوفقك يارب
تم النشر السبت، ٢١ مارس ٢٠٢٦
لعرض السؤال في فدني اضغط هنا