انا اصغر وحده في اخواتي (بنتين بعدين ولدين و اخيرا انا ) اخواتي البنات كانوا دايما قريبين من بعض بسبب فرق سنين بسيطة ، فانا كنت متعودة انام مع اخويا علشان بخاف ، اخواتي البنات اتجوزوا بدري و انا كبرت و بقيت انام لوحدي ، و بعدين البيت فضي علينا ،
اخويا في اوضة و انا في اوضة فبقيت لم اخاف انام مع ماما ، لو عندي امتحان مبعرفش انام لوحدي انام معاها ، دلوقتي انا 20 سنة و لسه احيانا بنام مع ماما و بابا ،
المشكلة ان الفترة الاخيرة بقيت متعلقة جدا بماما لدرجة اني لو سافرت او هي سافرت ، بتشتغل وساوس في راسي و خوف عليها ، انا مرعوبة من فكرة موتها ، انا بحس ان لو حصلها حاجة ممكن اموت نفسي ،
ماما حياتي انا انطوائية مليش صحاب و دا الي خلى ماما كل حياتي و كياني ، لدرجة اني بقيت رافضة فكرة جواز خوف من البعد عنها
اعتمدي علي نفسك وحاولي تنامي لوحدك واتوضي قبل ما تنامي واقرئي المعوذتين وايه الكرسي وافضلي صلي علي النبي لغاية ما تروحي في النوم انا شخصيا مجربة الطريقة دي -بلاش تفكري في فكرة موتها (ربنا يطول في عمرها يا رب ويخليها ليكي)لانك هتخافي اكتر وهتتعلقي اكتر وحياتك هتبوظ اكتر -وانا والله حاسة بيكي لاني مريت بنفس حالتك
تم النشر الأربعاء، ١٤ يناير ٢٠٢٦
السلام عليكم .. دي مشاعر مفيش لوم عليكي فيها ولكن لازم تتحكمي بيها بدل ما تتحكم بيكي ... افهمي شخصيتك وفسريها وكوني صريحة مع نفسك وان الدنيا لابد فيها من الإبتلاء وان الوالدة هتتوفى لامحالة ... فحاولي ترتبي حياتك على كده .. يعني مثلا حاولي تعيشي يوم كامل منغير الإعتماد على حد وبعدين يومبن وبعدين أسبوع وهكذا / إيمانك بالله وشعورك ان حتى الميت هو بيد الله ده شئ اساسي عشان يكون عندك مرونة
تم النشر الثلاثاء، ١٣ يناير ٢٠٢٦
من توجيهاته صلى الله عليه وسلم (مروهم بالصلاة لسبع واضربوهم لعشر وفرقوا بينهم في المضاجع) .. ده بالنسبة للنوم مع الأخوة
تم النشر الثلاثاء، ١٣ يناير ٢٠٢٦
لعرض السؤال في فدني اضغط هنا