تم حذف هذا السؤال
هون عليك كل مشكلة ولها حل يؤسفني انك مريت بكل دا وأكيد اللي هشته أصعب من مجرد كلمتين كتبتهم تواصل مع أخصائي نفسي يقيم وضعك ويعمل لك تشخيص ويحط معاك خطة علاجية مناسبة لك جايز يكون مريت بظروف صعبة وحياة محبطة ولكن لسة اللي جاي من حياتك أكبر وتستحق تعيشه بشكل كويس
تم النشر الخميس، ٢٤ سبتمبر ٢٠٢٦
السلام عليكم، أولًا صراحةً أنا محرجة إني هتكلم أو هرود على الرسالة عشان شايفة إن الشباب المفروض يقوموا بالدور ده، بس أنا مش محرجة من المشكلة بتاعتك بالعكس أنا شايفة جانب مختلف تمامًا.. بس بما إني قرأت الرسالة وصدقًا يعني تأثرت بيها جدًا جدًا فـ هقولك شوية كلام لعل وعسى يكونوا فيهم نفع أو تأثير، أولًا أنت شجاع جدًا جدًا تبارك الله عشان قدرت وعرفت تتكلم وتوضح مشكلتك وشايفة إن في أمل وأمل كبير جدًا جدًا إنك ترجع وتكون أقوى وأفضل من الأول!! وصدقني أنت ضحية بيت مش عارف يعني تربية الرجال فـ طبيعي جدًا تحاول تثبت نفسك حتى لو بطريقة خطأ، فـ هون على نفسك عشان أهلك وخالاتك هما السبب بس مش دي المشكلة دالوقتي، المهم أنت دالوقتي أنت قولت مشكلتك من الجذور وواضح جدًا إنك عايز تقوم من جديد وتكون نسخة أفضل وتبدأ حياة جديدة ولسة في فرص قدامك. أنا معنديش أي علم أو خطوات أقدر أقولك عليها بس أقدر أقولك في هنا أخصائين، وتقدر تتابع مع دكتور نفسي عشان حالتك النفسية، وبلاش تشوف نفسك وحش بالعكس أنت إنسان وأخطأت عادي أرحم نفسك وأنقذها وأديها فرص تقوم بلاش تجلد نفسك!! تابع مع دكتور..وبإذن الله تعالى هترجع أفضل حافظ على فروضك أقرأ كتب د. عماد رشا أعتقد قرأت فيها حاجة حرفيًا شبه قصتك بالضبط!! أرجع وأقولك أنت مش إنسان وحش وربنا سبحانه وتعالى قادر يخرجك من ألمك وتعبك النفسي بس أنت قول يا رب! الإستغفار حرفيًا كنز في ترك الذنوب أستغفر كتير وحط نية إنك تتوب كل يوم أستغفر في اليوم بقوة ذنوبك وإن شاء الله ربنا هيغفرها وعلى فكرة في مليون حل إلا الانتحار واليأس أوعى تيأس من نفسك وتوب وراجع... وعلى فكرة أنت إنسان قوي وكمان أنت لسة صغير وتقدر تبدأ من جديد وتحاول من جديد من دالوقتي خد خطوات وخطوات جدية بلاش تكون محرج مفيش أي إحراج ولما تتكلم مع أخصائي هيفهم مشكلتك وهيقولك ليها مليون حل يا بطل المهم أنت تبدأ من دالوقتي!! وتبدأ تملأ حياتك أنشطة وتروح جيم وتشتغل عشان تخرج من أوضتك المهم المسجد والدعاء والقراءة أنصحك برضو تسمع بودكاست وأسماء الله الحسنى وتعرف رحمة ربنا!! وصدقًا علاقتك بالله هي الـ هترجعك وتقويك!! حاول من جديد وأنت إنسان رائع وقوي حرفيًا أنت بطل ودا مش كلام وخلاص دا كلام حقيقي بجد أول ما قرأت الرسالة شوفتك حد بيحاول يكون أفضل
تم النشر الخميس، ٢٤ سبتمبر ٢٠٢٦
السلام عليكم، أولا ربنا يعينك ويقويك تعدي الابتلاء ده بسلام وتتخلص من السم اللي جواك بأقرب وقت. أنت محتاج تبرمج شوية أفكار في عقلك ونفسك عشان تقدر تتعافى من كل ده، أول حاجة، أنت كنت ضحية بسبب البيئة اللي لقيت نفسك فيها والظروف اللي دفعتك تاخد طريق مدمر في سن صغير. دلوقتي أنت كبرت، وبقيت عارف الصح من الغلط وعارف إنك في طريق مدمر لكن إدمانك غصب عنك بيدفعك تكمل، مشاعرك وإحساسك بالألم والندم وحتى القرف مفهومة لكن حاول تتفهم إن الإدمان اللي وصلت له أيا كان السبب اللي وصلك له هو إدمان سلوكي غير في كيمياء مخك وجسمك وملوش علاقة بتدينك أو أخلاقك. فبلاش تقرف من نفسك وتيأس منها، مش محتاج تتصالح مع الماضي أو الوضع الحاضر اللي ما زلت غارق فيه لكن على الأقل تفهم واسع لإصلاح الوضع. **** ثانيا، كل الناس بلا استثناء بترتكب ذنوب وممكن كتير يقعوا في خطايا أو يرتكبوا كبائر لكن التوبة تجب ما قبلها وربنا بيتقبل العبد مهما كان ذنوبه أو خطاياه طالما باب التوبة مفتوح والإنسان صادق وعازم على التوبة. فمحدش مننا له حق ينظر عليك أو يحتقرك أو يعايرك بمعاصيك وأنت نفسك لازم تتفهم نقصك وبشريتك. وافتكر، "والذين جاهدوا فينا لنهدينهم سبلنا" اليأس اللي أنت فيه وساوس من الشيطان عشان يخليك تكمل في نفس الطريق بحجة إنك خلاص ضعت وربنا عمره ما هيرضى عنك، وأنت باستسلامك للوضع بتسمح له ينتصر. استعن بالله وابدأ ومهما وقعت افضل عافر وارجع اقف وحارب. *** ثالثا، صلح فكرتك عن العلاج النفسي، مفيش حاجة اسمها إزاي رجل وهكشف نفسي وعيوبي قُدام حد. ربنا خلق لكل داء دواء، فبلاش تخلي الأفكار دي تمنعك من تحري العلاج أيًا كان المكان الموجود فيه. المعالج النفسي أو المختص السلوكي دوره يساعدك وميقدرش يحتقرك أو يسفه من مشكلتك وألمك ولا يخرج أسرارك، فخليك شجاع وخد الخطوة وخليك صادق مع المعالج وزي ما كتبت كل حاجة هنا اشرحها له حتى لو بأدق التفاصيل، ده دوره ومسؤوليته. ولو عاوز علاجك ينجح يبقى خليك صادق وفرغ كل السموم اللي جواك، لازم الصديد ده كله يخرج عشان تتعافى بسلام. *** رابعا، الأعضاء اللي قبلي تكلموا وحسب ما قرأت لك في تعليق أنت تابعت مع دكاترة قبل كده لكن خد بالك، لو كلنا أقسمنا لك إن التوبة بابها مفتوح وربنا هيتقبلك عادي وإن التغيير ممكن وأنت قادر تتخلص من الوباء ده ومش أقل من كل اللي تعافوا، إذا أنت مصلحتش الفكرة جواك وصدقت الكلام ده وتيقنته وكانت رغبة التغيير نابعة من جواك، كل كلامنا مش هيساعدك. كلامنا ممكن يوجهك ويعطيك إشارات للمخرج لكن إذا فضلت أسير نفسك وحبيس غرفتك كلامنا هيتنسي مع الوقت والإشارات هتتعامى عنها وترفض تمشي وراها. **** أنت لسه ٢١ سنة، لنفترض ربنا يديك طولة العمر في طاعته، عشت للسبعين ولا الثمانين، هتفضل خمسين ستين سنة حابس نفسك وشايف إن الدنيا انتهت بالنسبة لك؟ أنت لسه صغير والأوان مفاتش، ومهما كان اللي عملته ربنا غفار وحياتك لسه فيها بقية وأهداف أكبر تعيش لها. ناس كتير ارتكبت كبائر عظيمة ومع ذلك تابوا وأصلحوا فأبدا متفكرش إن الأوان فات إنك تكون زيهم. **** أنصحك جدا، اعمل ورد استغفار وحوقلة يومي، أكثر من الاستغفار وردد كتير (لا حول ولا قوة إلا بالله العلي العظيم) رددهم من قلبك وبصدق ويقين وأنت متيقن ومؤمن وحاسس بكل كلمة ومعنى لهم وإن ربنا وحده قادر يمدك بالقوة ويغير حالك. *** أرشح لك سلسلة من ٣ فيديوهات مهمة عن إدمان الإباحية 👇👇 الجزء الأول: متخربش مخك وحياتك بإيدك https://www.youtube.com/watch?v=WGgCY7dEvF8 الجزء الثاني: https://www.youtube.com/watch?v=_qMTk1Jy_Rw الفيديو الثالث: كيف يحدث التغيير؟ https://www.youtube.com/watch?v=sDBX7awuxrA **** كان فيه كلام كتير عندي بس أنا كده طولت عليك. أرجو تكون لسه محذفتش التطبيق وتقدر تشوف كلامي. وربنا يوفقك ويعافيك ويثبتك على الهداية إن شاء الله.💚
تم النشر السبت، ٢٦ سبتمبر ٢٠٢٦
بصي انت مش ذنبك الظروف الصعبة والاهانة اللي شفتها وانت صغير لكن دلوقتي انت راجل كبير ومسؤول عن حياتك والماضي خلاص عدى وربنا غفور رحيم وبيقبل التوبة في أي وقت فمتجلدش نفسك ومتقفلش الباب في وش نفسك والمشكلة مش فيك المشكلة في قعدة الأوضة والعزلة والفراغ اللي بيخلوك تهرب للعادة والخيالات عشان تفرغ كبت وخوف قديم فأول خطوة انك تقوم تخرج من الأوضة وتنزل الشارع وتتحرك وتشوف شغل أو جيم أو أبحاث لكليتك وتملى يومك لحد ما ترجع بالليل مهدود وتنام ومتمسكش التليفون وانت لوحدك في السرير أبدًا ولو حسيت انك مش قادر تسيطر لازم تروح لمعالج نفسي يساعدك تتخطى الصدمات والتعنيف اللي شفته زمان وتتعافى من الإدمان ده خطوة بخطوة لأنك تستاهل تعيش وتشوف نفسك راجل وقوي وتظبط حياتك من جديد وجد والله ربنا يحفظك ويوفقك لما يحب ويرضى
تم النشر الجمعة، ٢٥ سبتمبر ٢٠٢٦
جرب تشغل ياسر الدوسري قبل م تنام أو ااشيخ المنشاوي توطي للصوت وتنام عليه +مفيش والله حاجه فاضيه كله خطوة بتخطيها وكل محاولة عشان تعالج نفسك وترضي الله عمرو ماكان فاضي متقلقش واحنا والله هنا متفائلين بيك خير ربنا يسعدك يارب
تم النشر الجمعة، ٢٥ سبتمبر ٢٠٢٦
وأهم حاجه خليك فاكر ان دا اختبار صعب وانت لازم تجاهد والأهم انك انسان طبيعي بس نفسك غلبتك امسك مسبحه واستغفر وصلي ع النبي وادعي وربنا يعافيك يارب كله هتحل ب اذن الله
تم النشر الجمعة، ٢٥ سبتمبر ٢٠٢٦
بالضبط دكتور نفسي +دكتور مسالك بولية
تم النشر الجمعة، ٢٥ سبتمبر ٢٠٢٦
والله لو عزمت النيه ودعيت والله ربنا ماهتركك في حالات زيك واكتر والحمدلله تعافو تماما ف انت لازم تشوف حد متخصص كويس يخرجك من اللي انت فيه
تم النشر الجمعة، ٢٥ سبتمبر ٢٠٢٦
علي فكرة الدكتور نفسي عمره ماهخرج سرك لان دي امانه قدام ربنا ف انت لازم تحكيلو ب اريحيه عشان يعالجك
تم النشر الجمعة، ٢٥ سبتمبر ٢٠٢٦
ارجع لربنا وسيبك من الناس ومتقنعش نفسك انا ازاي هبص للحواليا معلش انت محدش عارف معاناتك واللي بتتالم بسبب للاسف انت ضحية دماغ بتفكر غلط بالنسبه لعمتك أو غير والذنوب دي قضت ع شخصيتك. كملتها لازم تفوق لحالك الله يكرمك جسمك هرجع طبيعي لما تاخد مدة حلوه تكون بطلت انما انت لسه مجهد ومرهق والله يعينك بجد
تم النشر الجمعة، ٢٥ سبتمبر ٢٠٢٦
انت لو خدت بالك خطوات شيطان وصدقني الادمان دا شباب وبنات كتير وقعو فيه وماشاء الله في ناس تعافت ف انت محتاج تزور دكتور عشان يشوف حالتك وزي مافهمتك فوق شوف منصة واعي اي نظامها والله ربنا هحلهالك كلنا متقلقش ربنا ربنا يعينك يارب
تم النشر الخميس، ٢٤ سبتمبر ٢٠٢٦
السلام عليكم ورحمة الله وبركاته بصي حضرتك صلي ع النبي مشكلتك بنسبة ٥٠%واكتر مش ب ايدك انت ضحية زي اي حد بس والله مشكلتك ليها حل بس هل انت هتقدر تعمل دا أو تنفذه انت كونك كتبت مشكلتك ووقفت واقفه جامده قدام نفسك وندمان وبتعيط ع نفسك ف والله دا شئ عظيم جدا بالنسبة للي مريت بيه ف رفقا ع نفسك يعني متقساش ع حالك انت محتاج تروح دكتور وهو هيعالجك هيعالج جزء من المشكلة الحاجه تانية قرب من ربنا والله احنا مش طالبين منك غير تصلي فروضك وترجع للقرآن اللي هجرته تدريجيا بس دا المطلوب منك والله لو وريت ربنا صدقك وانك بتجاهد عشان تنال رضاه هو شايفك هو حاسس بيك هيقبل توبتك وهيبدل كل السيئات اللي عملتها حسنات والله ما هيتركك انت بس أصدق النيه بالنسبة للاباحية عماد رشاد عامل سلسلة بفهمك طبيعة نفسك قدام الذنب وبخليك تبقي فاهم طبيعه عقلك بتمشي أزاي وبعدها التعافي أو تقدر تشوف واعي منصة كبيره ساعدو الآلاف الناس انها تتخلص من الادمان دا بس باشتراك فلو لقيت شخص أو صديق صالح يشدك لطريق فوالله خير وبركه ملقتش حاول تشترك لأنك في وضع محتاج حد ياخد ب ايدك معلش الفون جايب اكسرو حاول بالله كد ما تقدر تدريجي توقف الذنب جسمك منهك ومرهق وطاقتك مفيش طاقه طبيعي انه شخص مدمن مريض محتاج تتعالج وعلى فكرة ملوش علاقه بأخلاقك يعني المريض لايعني انه عنده فساد أخلاقي لا خالص ملهاش علاقه انت مش تستسلم
تم النشر الخميس، ٢٤ سبتمبر ٢٠٢٦
🌹 كان نفسي الورده دي تكون حقيقيه عشان اديهالك
تم النشر الجمعة، ٢٥ سبتمبر ٢٠٢٦
و اتمني المره دي مكونش دفعت فلوس علي الفاضي زي ما عملت قبل كده
تم النشر الجمعة، ٢٥ سبتمبر ٢٠٢٦
حتي لو كسرته خيالي لسه موجود بس هحاول حاضر و كمان هحاول اجمع فلوس عشان اروح لدكتور في اقرب وقت رغم اني عارف مش هيعملوا حاجه لاني زي ما قولتلك روحت تلات مرات قبل كده
تم النشر الجمعة، ٢٥ سبتمبر ٢٠٢٦
اكسره عشان دا فيه كل الذنوب واخر قرف
تم النشر الجمعة، ٢٥ سبتمبر ٢٠٢٦
وياريت تنام وانت متوضئ دا هحسن مم نفسيتك والفون لة قدرت تكسرون
تم النشر الجمعة، ٢٥ سبتمبر ٢٠٢٦
حاضر اوعدك اول ما همسك فلوس هعمل كده
تم النشر الجمعة، ٢٥ سبتمبر ٢٠٢٦
افهم من حضرتك أن الخطوه الاولى هي اني اروح لمعالج
تم النشر الجمعة، ٢٥ سبتمبر ٢٠٢٦
انا علي فكره روحت لتالت دكاتره نفسيين و كل لما اجي ابدا معاهم الكلام الاقي نفسي بقول كلام تاني غير الي في دماغي و هما مكنوش بيعملوا اي حاجه غير يكتبوا مهدئات أو يقولو كلام من الAi
تم النشر الجمعة، ٢٥ سبتمبر ٢٠٢٦
لازم تصالح مع نفسك من نحية الذنوب دي وقفها حرام ياخي عليك نفسك حد م يغمي علبك لييي كل دا انت لو بدأت في رحلة التعافي من النهارده لو اسبوع وقفت الزنوب دي انت هتحس ب انجاز انت قلل تدريجي محدش هساعدك والله غير ربنا ونفسك لي بتدمر حياتك انت مش كبير لي +بالنسبة لاخر سطر كاتبه لازم تروح دكتور
تم النشر الجمعة، ٢٥ سبتمبر ٢٠٢٦
انا بطلت شهر كامل و مكنش في فرق خالص غير بس أن حالة التوهان خفت من عندي بس انا مشكلتي اكبر من كده بكتير مشكلتي تتعلق بروحي روحي مكسوره مليئة بالألأم
تم النشر الجمعة، ٢٥ سبتمبر ٢٠٢٦
الإباحية حضرتك سم قاتل للاسف انت وصلت لمرحلة عالية مم الادمان لان المخ ببقي عاوز تاني وتاني والعاده هتخليك ملكش ثقه ف نفسك وتوهان وقلة ترك٣يز طب انت لي يبني لي ياخي افترض موت ع وضعك دا انت هتبقي راضي عن نفسك انت ف يوم من الايام هتتجوز
تم النشر الجمعة، ٢٥ سبتمبر ٢٠٢٦
في حاجه محدش واخد باله منها أني مش قادر ارفع راسي من صغري من ايام ما كنت بتهان و كان عندي تبول لا إرادي لحد ما كان عندي١٨ سنه كانت راسي في الأرض من امي و اخواتي الأصغر مني و بنات خالتي و عيال خالتي و كمان جيراني كانو عارفين و قرايبي الي من سني كانو بيكبروهم و يعملو لهم الف حساب و يجو عندي انا و يتقل مني و لما بطلت مقدرتش برضو ارفع راسي لكن دلوقتي مش قادر ارفع راسي قدامهم ولا قدام نفسي و لا حتي ربي لدرجة اني مش عارف ابص لنفسي في المرايا بسبب اني دخلت في منطقة الشذوذ عشان بس أحس بالمتعه و برضو محستش بحاول الاقي مهرب مش عارف بدور علي اي حاجه تحسسني و لو بجزء من المتعه أو تبسطني ولو لحظه مش لاقي و لما قررت ابعد عن كل القرف ده شهر كامل علي اساس أن عقلي يرجع لطبيعته و مستوي الدوبامين يتظبط مفيش اي حاجه حصلت و رجعت تاني عشان مكنتش لاقي حاجه اعملها أو معرفش حاجه اعملها غير الطريق ده بس برضو محستش بالمتعه يمكن الحاجة الوحيده الي باخدها من الطريق ده هو اني بيغمي عليا نص ساعه بعد ما اعمل اكتر من مره وره بعض رغم أن العضو متدمر بس بستحمل الوجع عشان بس يغمي عليا
تم النشر الجمعة، ٢٥ سبتمبر ٢٠٢٦
شكراً ليكي من كل قلبي كلامك جميل جدا و انا جربت حاجات كتير منهم واعي و بتجربتي مع واعي دي منصه هدفها الربح فقط لا غير عشان كده سبتها بس حضرتك لو تاخدي بالك انا دلوقتي مشكلتي مش في الاباحيه انا مشكلتي اكبر من كده بكتير
تم النشر الجمعة، ٢٥ سبتمبر ٢٠٢٦
مش مطلوب منك برضو اى مشاعر حاليا .. ومفيش زرار هتضغط عليه هيحل مشاكلك كلها .. لكنانت لما تبتدى الخطوةالاولى هتلاقى كل حاجه بتتصلح تلقائى نفسيا وجسديا
تم النشر الخميس، ٢٤ سبتمبر ٢٠٢٦
طب بالنسبة بمشاعري الي ساحت علي بعضها و مبقتش عارف اميز أو احس بأي حاجه حلها ايه و هل مستقبلاً العضو الي اتدمر ده ممكن يرجع لطبيعتو ولا هتكسر تاني قدام مراتي زي ما انكسرت وانا صغير
تم النشر الخميس، ٢٤ سبتمبر ٢٠٢٦
الموضوع مش سهل ومحتاج مجهود .. لكن الفرصة قدامك .. ربنا بيقولك التائب كمن لا ذنب له ومحددش ذنوب معينه لاء .. ده قال كل الذنوب مهما كانت .. معاك سن الشباب والطاقة ومعاك الوقت اللى تعمل فيه ده .. وكمان معاك نفسك وشخصيتك اللى مش قابله الحاجات دى وعايزة تتغير .. يعنى نفسك لوامة وعايزة والاستقامة والخير
تم النشر الخميس، ٢٤ سبتمبر ٢٠٢٦
مش مطلوب منك تتصالح مع نفسك .. محتاج تحطها قدامك طول الوقت وانت بتتغير .. ولما يحصل التغيير وقتها بس هترتاح وتتقبل واللى فات هيتدفن
تم النشر الخميس، ٢٤ سبتمبر ٢٠٢٦
لاني مهما كبرت عمري ما هنسي انا كنت ايه
تم النشر الخميس، ٢٤ سبتمبر ٢٠٢٦
فاهمك بس ازاي التصالح مع نفسي
تم النشر الخميس، ٢٤ سبتمبر ٢٠٢٦
مش شايف انه عادى .. لكن شايف انك راجل وشايف ان لسه سنك صغير وشايف اللى جاى من عمرك اكتر واكبر من اللى راح .. اللى عدى كنت صغير و مكنش ليك يد فيه بنسبه كبيره .. لكن الجاى ده بتاعك انت وقرارك انت تكمل ف حياتك دى ولا تكون شخص تانى افضل ف كل حاجه ..
تم النشر الخميس، ٢٤ سبتمبر ٢٠٢٦
يعني انت شايف أن الي انا فيه ده عادي
تم النشر الخميس، ٢٤ سبتمبر ٢٠٢٦
هى دى شغلته هيهندل الدنيا معاك وهو قابل حاجات زى كدا واكتر . لومش هتعرف تعمل ده وتقدر تغير من نفسك من غير مساعدة ابدأ ف ده .. ابدأ
تم النشر الخميس، ٢٤ سبتمبر ٢٠٢٦
هكشف نفسي ازاي قدام حد لما انا مش عارف ابص لنفسي في المرايا
تم النشر الخميس، ٢٤ سبتمبر ٢٠٢٦
التائب من الذنب كم لا ذنب له .. وطالما ناوى تتغير ف سيب كل اللى فات ده ورا ضهرك وابدأ حياة جديدة نضيفة .. وعشان تعمل ده محتاج حد يساعدك وانا نصيحتى تتابع مع اخصائى يمشى معاك خطوة بخطوة
تم النشر الخميس، ٢٤ سبتمبر ٢٠٢٦
لعرض السؤال في فدني اضغط هنا