ازاى ابطل من ادمان العاده السريه ومشاهدة الإباحيه ؟
وصلت بيا مراحل الإدمان انى اسمع فيديوهات اباحيه للشواذ وخرجت عن الفطره السليمه وساعات وانا فى اثناء العاده ومشاهدة الاباحيه افتكر ربنا وافتكر الموت واقول فى نفسى طب لو مت بالوضع ده
وبرده مببطلش
يعنى انا مش متخيل ان انا معدتش بخاف من ربنا ومن الموت
اطول مده وصلتلها بدون عاده كانت اسبوعين
فإيه النصيحه او الخطوات الى امشى عليها عشان ابطل الذنب البشع ده
أخي الكريم، أولاً أحييك على شجاعتك في الاعتراف بالمشكلة ووصفها بهذا الوضوح، فهذا دليل على أن قلبك لا يزال يحمل خوفاً من الله ويرفض الاستسلام الكامل. الإدمان على العادة السرية والإباحية شائع جداً، وكثيرون مروا بنفس المراحل التي وصلت إليها، بما في ذلك الوصول إلى محتوى شاذ، ثم الندم اللحظي الذي لا يكفي للإقلاع. أطول فترة لديك أسبوعان تعني أنك قادر على التحكم، والأمر يحتاج فقط إلى خطوات عملية مستمرة. ابدأ بخطوة التوبة الصادقة الآن، وادعُ الله أن يعينك ويصرف عنك هذا الابتلاء، فالدعاء والاستغفار من أقوى الأسلحة. ثم اتخذ إجراءات عملية فورية: احذف كل التطبيقات والمواقع التي تفتح الباب، وغير كلمات البحث أو استخدم فلاتر بسيطة على هاتفك. غير روتينك اليومي، خاصة في الأوقات التي كنت تفعل فيها ذلك، بأن تملأها بصلاة في وقتها، قراءة قرآن قصيرة، أو أي نشاط بدني مثل المشي أو الرياضة الخفيفة. عندما يأتيك الإلحاح، قم فوراً وغير مكانك، أو توضأ وصلِّ ركعتين، فهذا يقطع الدورة. ركز على بناء سلسلة أطول من الأسبوعين تدريجياً، وسجل تقدمك يومياً لترى التحسن. تذكر أن الشيطان يحاول إقناعك بأنك "فقدت الخوف من الله"، لكن مجرد تفكيرك في الموت أثناء الفعل دليل على أن الإيمان لا يزال موجوداً. استمر في الاستغفار والدعاء بـ"اللهم أعني على ذكرك وشكرك وحسن عبادتك"، وإذا شعرت بالضعف مرة أخرى فلا تيأس، بل عد فوراً. يمكنك البحث عن أسئلة مشابهة على فدني لترى تجارب الآخرين وتستفيد منها. أنت قادر على التغيير، وكل خطوة صغيرة تقربك من التحرر.
تم النشر الاثنين، ٢٠ يوليو ٢٠٢٦
في كذا حل اختار اللي يناسب حضرتك اول حل: املأ يومك بحيث انك تتعب طول اليوم ف تيجي علي اخر اليوم تكون فاصل خالص حتي لو فكرت انك تعملها من كتر م انت مرهق متكونش قادر تعمل وتنام علطول تاني حل: حضرتك بتقول اطول مده وصلتلها اسبوعين وده كويس ف حضرتك دلوقتي في الحل ده هتبطلها تدريجيا ازاي يعني يعني بدل م شوف انت بتعملها كل قد اي ف انت هتعملها مره كل اسبوعين يعني مرتين في الشهر وعد مده نخليها مره في الشهر بعدها مره كل شهرين وهكذا لغايت م تبطلها باذن الله تالت حل: حدد الاسباب اللي بتخليك تعملها واتجنب الاسباب دي زائد كمان حاول علي قد م تقدر تجاهد وهتلاقي نتيجه باذن الله رابع حل: انك تاخد تحدي بينك وبين نفسك وتوعد ربنا كل يوم انك مش هتعملها النهاردة وعد 24ساعه يخلصو تبدأ غيرهم طب لو غصب عنك او حتي ب ارادتك عملتها خلاص قدر الله ماشاء فعل مفيش وقت للانهيار احنا لازم نكمل ف هتصلي ركعتين توبه وتدعي وتتوب عادي خالص وتكمل تعد من بعد الوقعه دي 24ساعه تاني وهكذا خامس حل: متقعدش لوحدك كتير واول م تفكر فيها اول حاجه تعملها بدون م تفكر هي انك تغير مكانك روح اي مكان غير اللي هتكون فيه وتتوضي وتقعد تذكر ربنا وتدعي ولو قدرت تصلي يستحسن سادس حل: الصيام وده هدفو تقليل الشهوه وبيساعد كتير بس محتاج برضوا مجاهده حبه بعد الفطار سابع حل: القرآن اشغل نفسك ب الاستماع ليه او تلاوته ويسلام لو تحفظه ويكون صديقك بجد هيغنيك عن اي حاجه دلوقتي لما بنمارس العاده السريه ف الدوبامين عندنا نسبتو بتعلا قوي وده اللي بيخلينا نشعر بالمتعه والسعاده فمن ضمن الحاجات اللي هتساعدنا اننا نسيب العاده السريه هي اننا نعوض هنعوض اي! اقولك انا دلوقتي بنعمل عاده سريه بيكون في دوبامين كتير طيب احنا هنسيب الدوبامين ده بس مش ب العاده السريه اومال ب ايه ب اي حاجه تاني شوف اي الحاجه اللي بتخليك مبسوط واعملها لان طول م انت مبسوط مش هتكون محتاجها يعني لو الخروج هو اللي بيسعدك اخرج لو الرسم القراءة الشغل الكتابه صحابك اي حاجه وبالتدريج نبدأ نقلل لان مش هنستحمل النقص اللي هيحصل مره واحده وحاجه كمان دلوقتي لما بيكون عندنا شهوه ف الدم بيتجمع للمناطق اللي فيها الشهوه اظن حضرتك فاهمني المهم ف احنا نقوم ناخد دش مياه بارده كده علشان تنظم الدوره الدمويه والدم ميكونش كلو في المنطقه دي بس وبكده الشهوه هتقل وفي حلول كتير وممكن حضرتك تخترع حل كمان بل الانسان علي نفسه بصيره اتمني من قلبي ان ربنا يعصمك منها يارب ويسعدك في حياتك وييسرلك امورك ويوفقك 🤎
تم النشر الخميس، ٢٣ يوليو ٢٠٢٦
اتفضل اساعدك بالارشادات للتعافي من ادمان العادة السرية والافلام الاباحية وبدون رسوم لحضرتك ولكل شاب بيعاني من نفس المشكلة ربنا يصلح حال كل مبتلى
تم النشر الاثنين، ٢٠ يوليو ٢٠٢٦
للأمانة الكلام ده كتبته لشخص قبلك بس نفس الخطوات امشي عليها و إن شاء الله تتعافي الحل طويل و شرحته قبل كده لأصدقاء ليا في ما لا يقل عن ساعة بس خلاصة الأمر أول حاجة عليك باللجوء لربنا خاصة في قيام الليل ، جاء رجل إلى النبي ﷺ فقال: "يا رسول الله، إنَّ فلانًا يُصَلِّي بالليلِ، فإذا أصبَحَ سَرَقَ"، فقال النبي ﷺ: "سَيَنْهَاهُ ما تَقُولُ" (أي إن صلاته وقيامه سيؤثران فيه يقيناً ويجعلانه يترك السرقة ببركة ما يقيمه ويذكره في صلاته). ثاني حاجة تاخد بسبب بعد التوكل الكامل علي ربنا و السبب ببساطة عليك أنك تعرف ايه الإشارات اللي بتوصلك لهذه العادة هتقولي بتغض بصرك هقولك علشان تشبعت من اللي شوفته علي موبايلك هتقولي بشغل نفسي و بتحرك و الكلام ده هيجي عليك وقت و تقع لأن انت مستحيل تفضل قوي دايما و مستحيل الشيطان يبطل وسوسة هتقولي بحاول هقولك غالبا محاولات دي هتوصلك انك تنتكس مرات و مرات لحد ما تبطل تحاول و في الآخر هتيأس هتقولي لما أتجوز هقولك حياتك هتبقي أتعس من الأول فالحل انك تقفل كل الأبواب تماما المؤدية لهذه العادة القبيحة و ده من معرفة الإشارات الموصلة لها مثلا بتسمع ريلز بتظهر فيهم نساء امسح برامج الريلز تماما /مثلا بتسمع افلام و لا مسلسلات امنع /مثلا بتظهرلك اعلانات غض بصرك أثناء الإعلانات أو خش علي اليوتيوب و اعرف ازاي تمنع ظهور الإعلانات/ مثلا بتشوف بنات في الشارع غصب عنك حاول قدر الإمكان تمشي من شوارع مش بيمشي منها حد أو حط بصرك في الأرض و حطلك ورد استغفار لو عينك وقعت علي بنت /متسمحش لموبايل انه يستهلكك امسح كل تطبيق مش بفيدك أو بضيع عليه وقت مثلا بتسمع انمي امنع الأنمي مثلا بتقرأ مانها امنع قراءة المانها بدل بذلك انك تسمع كتير دروس دينية روح الجامع دورلك علي صحبة قرب من كتاب الله و بعد كده أوكدلك انك هتنتهي من هذا الإدمان بس بشرط و من غيره لن يتم الأمر التوكل ثم التوكل ثم اليقين من غير ربنا لن تحقق اي شئ طبعا انت محتاج متابعة لأن التعافي بيبقي مراحل لما تسمع الكلام اللي فوق ده هتعدي من أول شهر أو أول شهر و نص بنجاح و بدون مشقة تذكر غير في أول أسبوع بعد كده مرحلة تانية المهم أبدأ و لو شاء الله و شوفت ليك بوست تاني هبقي ادلك تعمل ايه في باقي المراحل و نصيحة اخيرة روح ابحث عن معني دعاء ربنا لا تزغ قلوبنا بعد إذ هديتنا و هب لنا من لدنك رحمة إنك أنت الوهاب دي آية لو عشت بمعناها بجد مش هتقع طول الرحلة و أسأل الله لك و لي العافية و لشباب المسلمين جميعا
تم النشر الاثنين، ٢٠ يوليو ٢٠٢٦
ادعى ربنا كثير سورة يوسف ﴿قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ ﴿33﴾﴾
تم النشر الجمعة، ٢٤ يوليو ٢٠٢٦
عليك بالصوم يا اخي
تم النشر الأربعاء، ٢٢ يوليو ٢٠٢٦
لعرض السؤال في فدني اضغط هنا