انا عرفت أو تابعت المحتوي الاباحي من و انا ف سن صغير جدا و ف البدايه كنت بشوف حاجات مغريه أو اباحيه مش مباشره لحد مكبرت شويه و دخلت المواقع الي كلنا عارفينها المشكله اني حتي من وانا ف سن صغير كنت بعمل العاده السريه حتي قبل م ابلُغ و الموضوع بقي اوڤر اوي ف اخر الفترات و ده اثر ع حياتي بالسلب زي اني بقيت شايفه البشر ك سلعه اباحيه مش اكتر و تخيلات كتير و حرفيا ف اوقات بفكر فيها و انا ف دراستي و مش بقدر اوقف تفكير عنها لمدة ساعتين ولا حاجه و تخيلات كاني غايبة عن الواقع وبقى متعب بجد
انا دلوقتي بقيت واعيه اكتر و عارفه اني الي بعمله غلط و مش عايزه ابقى كده و مش حابه اني استغل جسمي و طاقتي ف كده و بجد الموضوع مقرف و متعب جدا بس المشكله بقي عندي ادمان مقدرش اسيبه وبالعكس ده انا لو جاتلي مجرد تخيل أو فكره بجري ع المواقع عشان اطلع الطاقه دي لدرجه اني مش قادره اسيطر ع نفسي و متعطشه جدا،
المشكله بجد ف التعافي انا عايزه اتعالج و دي واحده من احلامي عايزه ابقى نظيفه من جوايه بس انا عمري ف حياتي م هيجيلي الجرأة اني اطلب من اهلي اولا لأنهم كان عندهم خلفيه عن اني بشاهد محتوي شبه اباحي أو هما شايفين اني فضوليه و انا صغيره بس ممكن يكونوا نسوا و ثانيا لاني علاقتي معاهم متدمره و انا اكيد اكيد مش هقولهم ف وشهم اني عايزه اتعالج من الاباحيه لأن عارفه التفكير الي هيكون ف دماغهم و مراقبتهم المفرطه عليا و هكون من الاخر كتبت النار ع نفسي، لو حد عنده نصيحه ليا ميبخلش🤍
أغلبنا بنمروا بالفترة دي بس قربي من ربنا اكتر واعملي الحاجات اللي بتحبيها ،اتكلمي مع صحابك ، قعدي مع أهلك ، اخرجي معاهم أو مع صحابك ، اتعلمي مهارة جديدة ، الحاجات دي ممكن تفيد بالذات في الفترة دي وادعي كتير وانتي بتصلي انك تبطلي
تم النشر الجمعة، ٢١ أغسطس ٢٠٢٦
ضروري المتابعة مع مختصة تعديل سلوك لتجنب عدم الانتكاسة وهطتب لحضرتك بعض الارشادات اتمنى تساعدك على التعافي ١) تجنب الوحدة والفراغ لانهم عامل مساعد على التفكير والاندماج في رغباتك السلبية ٢) ممارسة رياضة مفيدة لتفريغ طاقتك بأكبر قدر ٣) ممارسة هواية مفضلة لينشغل عقلك بالايجابيات مما يقلل انشغاله بالرغبات السلبية ٤) تجنب صحبة السوء والتقرب من الصديقات الصالحات ٥) مسح اي محتوى او صور او اي مثيرات مسجلة بهاتفك ٦) الالتزام بورد يومي من الاذكار والصلاة حتى نقلل ونمنع مداخل الشيطان
تم النشر الجمعة، ٢١ أغسطس ٢٠٢٦
السلوكيات الي ممكن تسبب وصمة مجتمعية مهم منشاركهاش مع حد لو مفيش فايدة من مشاركتها. الاباحية ادمان عشان نغيره مهم نلاقي سلوك بديل. شوفي انتي بتعملي كده امتى وغيري دايرة السلوك الي بتحصل. وحاولي متكونيش لوحدك فالوقت ده
تم النشر الجمعة، ٢١ أغسطس ٢٠٢٦
يا حبيبتي، أول حاجة أقولها لك إن شعورك بالندم والرغبة في التغيير ده دليل قوي على قوتك الداخلية، وإنك مش لوحدك في المعركة دي. الإدمان ده بيبدأ من سن صغير ويتراكم، وبيأثر على التركيز والنظرة للناس، بس الوعي اللي وصلتي له دلوقتي هو أول خطوة حقيقية نحو التعافي. ربنا سبحانه وتعالى بيقول "إن الله لا يغير ما بقوم حتى يغيروا ما بأنفسهم"، وده يعني إن التغيير ممكن لما ننوي ونبدأ بخطوات عملية. ابدئي بخطة يومية بسيطة: حددي أوقات اليوم اللي بتجيلك فيها الأفكار دي (زي أوقات الدراسة) وحطي فيها نشاط بديل زي قراءة القرآن أو حفظ آيات قصيرة أو حتى تمارين رياضية خفيفة في البيت. امسحي التطبيقات والمواقع اللي بتفتحيها، واستخدمي خاصية الحظر على المتصفح عشان تخلّي الوصول صعب. لما تجيلك فكرة أو تخيل، قومي فورًا وغيّري المكان أو صلّي ركعتين، وادعي ربنا بصدق إنه يبعد عنك الشهوة ويثبتك. الاستغفار الكتير والصلاة في وقتها بيساعدوا جدًا في تهدئة النفس وإعادة التوازن. كمان، حاولي تملي يومك بأهداف دراسية صغيرة أو هوايات بتحبيها عشان الطاقة دي تتوجه لحاجة مفيدة. لو حسيتي إن السيطرة صعبة جدًا، فكري في استشارة متخصص نفسي من خلال تطبيقات أو خدمات موثوقة بدون ما تحتاجي تتكلمي مع أهلك. التغيير مش بيحصل بين يوم وليلة، بس كل يوم بتتغلبي فيه على إغراء صغير بيقربك خطوة للنظافة اللي بتحلمي بيها. ابحثي عن أسئلة مشابهة على فدني عشان تشوفي تجارب ناس تانيين وتاخدي أفكار إضافية. أنتِ قادرة، وأنا هنا لو عايزة تتكلمي أكتر.
تم النشر الجمعة، ٢١ أغسطس ٢٠٢٦
بصي اضغطي علي " خبراء فدني " هنا من الثلاث خطوط اللي فوق علي اليمين وهتلاقي كتيير تقدري تتواصلي مع أي واحده
تم النشر الجمعة، ٢١ أغسطس ٢٠٢٦
انا مش برشح فكرة انك تقولي لأهلك ، انتي لو محتاجة معالج حاليا في مواقع التواصل في معالجين نفسيين بيعملوا جلسات اونلاين برده ، هنا في الموقع في معالجين نفسيين كمان
تم النشر الجمعة، ٢١ أغسطس ٢٠٢٦
متقوليش لأهلك خالص ، ربنا ساترك لي تفضحي نفسك ؟ ، بصي هو هيبقا صعب عليكي جدا انك تتغيري تمام عشان بس متيأسيش ، كل مشكلة وليها حل بإذن الله ، الإستعانة بالله أهم حاجه ، ومحتاجة متابعة من حد كل يشوية يتابع التغير والإرشاد معاكِ ، انا ممكن أتطوع لوجه الله لو حابة
تم النشر الجمعة، ٢١ أغسطس ٢٠٢٦
دورت كتير اوي ع الحوار ده و مش لاقيه ثربيست اونلاين
تم النشر الجمعة، ٢١ أغسطس ٢٠٢٦
الحوار اني محتاجه اروح لثيربست مش هتعالج من نفسي و ده محتاج أن اهلي يعرفوا لاني قاصر
تم النشر الجمعة، ٢١ أغسطس ٢٠٢٦
لعرض السؤال في فدني اضغط هنا