السلام عليكم ورحمة الله وبركاته ازاي اتخلص من إدمان سلوكي وقلق
وعليكم السلام ورحمه الله وبركاته..بصي يا بنت الناس الإدمان السلوكي أصله حيلة من النفس عشان تهرب من وجع أو ضغط أو قلق أنتي مش عارفة تواجهيه فالنفس لما بتتزنق بتدور على أي مسكن سريع يديكي لذة لحظية تنسيكي الهم والحل مش إنك تقعدي تعيطي وتجلدي في ذاتك وتقولي أنا برجع وببطل وبرجع تاني لأن جلد الذات دا بيزود المأساة والتوتر جواكي فتقومي هربانة تاني لنفس السلوك الإدماني وتفضلي تلفي في ساقية مش بتخلص ..فلازم تقعدي مع نفسك بصدق وتعرفي إيه هو المحرك الأساسي اللي بيخليكي تجري على الحاجه دي هل هو هروب من ضغط المذاكرة والا خوف من المستقبل والا فراغ عاطفي ولازم تقفلي الأبواب وتصعبي على نفسك الوصول للمثيرات دي يعني شيلها من قدامك وعقديها ..وكمان لازم التخلية والتحلية النفس متتسابش فاضية وتقولي هبطل وبس لأن الفراغ هيرجعك لازم تشغلي وقتك وجوارحك ببديل حقيقي وجاد يملا حياتك ويكون ليه قيمة واصبري على الملل وجفاف المشاعر في أول السكة واعرفي إن طالما فيكي عِرق بيقاوم ويزعل فدا دليل على إن فطرتك لسه سليمة فاستعيني بالله ومتسلميش نفسك لهواها وربنا يقويكي ويبصرك بنفسك..🌷
تم النشر الثلاثاء، ١٦ يونيو ٢٠٢٦
تابعى قناة دكتور بيرج بالعربى على اليوتيوب فى حلقات مخصصة عن الادمان السلوكى و عن الأدمان بشكل عام و الدكتور دا فاهم كويس جدا و بيشرح كل موضوع بالتفصيل عن علم . و بيقدم حلول واضحة و صحيحة . اهم حاجة هى تطبيق الخطوات دى عشان تخرجى من دائرة الأدمان
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته، يا صديقتي. أولاً، أقدر شجاعتك في طرح السؤال ده، لأن الاعتراف بوجود إدمان سلوكي بيسبب انتكاسات وقلق هو خطوة مهمة جداً نحو التغيير. الإدمان السلوكي (زي الإفراط في استخدام الهاتف أو الأكل أو أي عادة تانية) بيحصل فيه دورة "أبطل وأرجع" بسبب الدماغ اللي بيربط السلوك ده بالراحة المؤقتة، والقلق بيزود الضغط ده ويخلّي الانتكاسة أسهل. عشان تتخلصي من الدورة دي، ابدئي بتحديد المحفزات اللي بتدفعك للسلوك ده بالضبط—مثلاً، هل بيحصل في أوقات معينة من اليوم أو بعد موقف محبط؟ اكتبيها في مذكرة يومية عشان تشوفي النمط بوضوح. بعد كده، استبدلي السلوك ده بخطوات صغيرة عملية، زي تخصيص وقت محدد لنشاط بديل مفيد يناسب قيمك الإسلامية، مثل قراءة قرآن أو مساعدة في أعمال منزلية. حددي أهداف يومية بسيطة وقابلة للقياس، وكافئي نفسك بطريقة إيجابية لما تنجحي في يوم كامل بدون انتكاسة. لو القلق بيزيد من الانتكاسات، ركزي على بناء روتين يومي منظم يساعدك على السيطرة، وتذكري إن الانتكاسة مش فشل، بل فرصة للتعلم والرجوع أقوى. بالنسبة لسؤالك عن الحاجة لدكتور نفسي: لو الإدمان ده بيأثر على حياتك اليومية، علاقاتك، أو بيسبب قلق شديد يمنعك من التقدم، فمن الأفضل استشارة متخصص نفسي لأنه هيساعدك بتقنيات مخصصة ودعم مستمر. مش كل الحالات تحتاج كده، لكن لو حاسة إنك مش قادرة تتقدمي لوحدك، فده خيار قوي ومش عيب أبداً. جربي تبحثي عن أسئلة مشابهة على فدني عشان تشوفي تجارب تانية، وخدي خطوة بخطوة—أنتِ قادرة على التغيير، وأنا هنا أدعمك.
تم النشر الثلاثاء، ١٦ يونيو ٢٠٢٦
تحت امرك ولو اقدر افيدك هبعت لحضرتك الارشادات وربنا يصلح حالك لكل خير ويوفقك
تم النشر الأربعاء، ١٧ يونيو ٢٠٢٦
هو التعليق هيظهر لكن مش هيتعرف مين اللي كاتب لكن لو الموضوع حساس او شخصي ممكن تتواصلي خاص مع خبراء فدني وتقدري تختاري المختص المناسب وتحجزي معاه جلسه او استشارة بالخاص
تم النشر الأربعاء، ١٧ يونيو ٢٠٢٦
طيب ينفع اقول بس محدش يشوفها معلش
تم النشر الأربعاء، ١٧ يونيو ٢٠٢٦
هو هيظهر للي هيقرأ التعليقات لكن حساب حضرتك مجهول وبدون اي بيانات شخصية
تم النشر الأربعاء، ١٧ يونيو ٢٠٢٦
لو ممكن حضرتك تقولي نمط السلوك اللي محتاجة تعديلة وان شاء اكتب لحضرتك الارشادات
تم النشر الأربعاء، ١٧ يونيو ٢٠٢٦
اه ممارسة بإستمرار يسبب التعود
تم النشر الأربعاء، ١٧ يونيو ٢٠٢٦
ايوا طبعا بس لما السلوك او الشيء يزيد عن حدة بيكون إدمان صح
تم النشر الأربعاء، ١٧ يونيو ٢٠٢٦
تعديل السلوك هو محاولة اصلاح السلوك الغير مقبول او المنحرف ، السلوك هو الافعال
تم النشر الأربعاء، ١٧ يونيو ٢٠٢٦
هو يعني مش سلوك تعود علي حاجه لغايت ما بقي تعود جدا تمام هشوف حد
تم النشر الأربعاء، ١٧ يونيو ٢٠٢٦
ممكن متابعة مع اخصائية تعديل سلوك من خلال البرنامج أو ممكن متابعة قنوات على اليوتيوب ما يخص السلوك المحدد اللي حضرتك عاوزة تعديله
تم النشر الأربعاء، ١٧ يونيو ٢٠٢٦
طيب ازاي معلش او قنوات الدعم دي
تم النشر الأربعاء، ١٧ يونيو ٢٠٢٦
المتابعة مع مختص او متابعة قنوات الدعم على بعض وسائل التواصل
تم النشر الأربعاء، ١٧ يونيو ٢٠٢٦
متابعة مع طبيبة نفسية افضل
تم النشر الثلاثاء، ١٦ يونيو ٢٠٢٦
لعرض السؤال في فدني اضغط هنا