أولا أحب اقولك كلمة قبل ما اقول وجهة نظري في موضوع أرفق بنفسك شوية زي ما قدمت للبنت دي كل الحب و هي مقدرتش قدم لنفسك كمان الحب ده ، و متفكرش في الارتباط و تجربة تانية انت لسه متعفتش من التجربة دي لازم تاخد وقتك و تتعافي منها أولا...ممكن نفسك في الوقت ده تكون محتاجة حد يسندها و يهون عليها ده طبيعي جدا و ساعتها هتفكر ترتبط بس لما هتخش في علاقة ارتباط و انت لم تتعافي من تجربة الاولي هتلاقي نفسك بتظلم الشخص الي معاك ده و هتلاقيك عايز كل الحب و الاهتمام منها المبالغ فيه بس انت مش هتقدر تبادر بحاجة و مش هتقدر تديلاه انت كمان طاقة حب ف ساعتها طرف الآخر هيكون مظلوم ...ف لابد انك تاخد وقتك في معافاة من تجربة دي و ان شاء الله لما تفكر في الارتباط مرة اخري و الشخصية الي هتروح تتقدملها هتشرحلها بكل بساطة عن تجربتك السابقة و هي ساعتها هتعرف انك الطرف المظلوم مش ظالم. الأهم انك تتعلم من تجربة دي كويس اوي متخليش حد يستغلك و متأمنش لناس انت متعرفهمش بسهولة بس ده مش معناه انك تكون شاكك في كل الناس او عندك سوء ظن بيهم احمي كل الافعال السلبية الي ممكن ترتب عليك نتيجة التجربة دي يعني خليك معتدل متأمنش لأي حد بسهولة و في نفس الوقت متخلي موضوع يوصل معاك لشكوك كبيرة في كل الي حواليك لأن ده وارد يحصلك بعد التجربة دي اظن انت دلوقتي بقا عندك وعي كافي عن الأول زي انك قولت فعلا مدة خطوبة قصيرة جدا كمان متعارف عليه ان الخطوبة دي الطرفين بيظهروا فيها اجمل ما فيهم و ما بعد جواز بيكون مختلف انت اختزلت فترة دي جدا مقدرتش تعرف فيها شخصية الي هتتجوزها ولا الاهل كمان و زي ما بيقولوا الأصل غالب البنت بتبقا شبه الأم في الاغلب و شبه البيئة الي اتربت فيها . في حاجة لحظتها في كلامك انك بتقول هي كانت علي طول بتسألك عن مرتب دي شئ مش وحش ان تشارك زوجتك كل حاجة بس الي كان وحش بجد انها كانت حطاك في موضع شك و مش واثقة فيك حتي في امر بسيط زي ده و تدور علي العقد. احساسك بالظلم و احساسك بخيبة الأمل و كل الاحسايس دي هتروح مع الوقت اديلها وقتها بس و اهتمامك بنفسك و بشغلك و انك تدور علي طموحات و احلام جديدة بعيد عن الحياة العاطفية حالياً فقط (مؤقتاً إلي أن تتعافي من هذه تجربة) هيحسن نفسيتك جدا و اقرأ و ثقف نفسك و القراءة كنز بجد هتخلي عندك وعي اقرأ في مجال علم نفس علشان ده هيساعدك في انك تتعامل مع نفسك في فترة دي و ازاي تساعدها تتخطي تجربة دي. و متنساش أن مفيش حق عند ربنا بيضيع حتي لو ربنا مخدلكش حقك منهم في دنيا هتعرف تاخده منهم في الآخرة ربنا مبيسبش حد ظالم . اتمني لك حياة اجمل ان شاء الله
حقيقي فعلا الحمدلله ان مفيش اطفال إلا كان وضع بقا اسوء بكتير هي لا تصلح أن تربي اجيال للأسف... أنا شايفة انك تقطع مع الناس دي تماما ولا يكون في مجال للنقاش انت عملت الي عليك و حاولت كذا مرة ترجع بيتك و هما رفضوا متردش عليهم خالص الناس دي مادية بشكل بشع و الواحد مش قادر يتخيله ربنا يعافينا ازاي قادرين يوقفوا حياة بنتهم بشكل ده علشان خاطر الفلوس بس هما مش مدركين انهم هيطلعوا هما الطرف الخسران في الآخر و هيدمروا حياة بنتهم
تم النشر الأربعاء، ٥ يوليو ٢٠٢٣
والمضحك اكتر انهم كانوا باعتين حد من فتره وبيقولوا انهم موافقين يرجعوا ويعدلوا القايمه لاكن بسعر انهارده! اللى هو على سبيل المثال التلاجه كنا جايبنها ب ٩٢٠٠ انهارده التلاجه ب ٣٠٠٠٠. فعلى رأى المثل فعلا شر البليه ما يضحك.
تم النشر الأربعاء، ٥ يوليو ٢٠٢٣
معاكى حق طبعا و وجهة نظرك صح. انا اكيد مش هحاول ارتبط فى الفتره دى خالص ولفتره مش قليله كمان لحد مالواحد يحس انه نسى تماما اللى حصل. والحمد لله كل يوم بتأكد ان ربنا كتبلى الخير فالموضوع ده لانى نيتى كانت سليمه يكفى ان ربنا مأردش ان يحصل حمل. تخيلى افعالهم دى بدون حمل امال لو كانت خلفت كانوا هيعملوا ايه؟ الحمد لله. اما بالنسبالهم فربنا برضو كان عالم هما بيدبروا لأيه ونيتهم ايه ولذلك القايمه كانت المفروض لا تتعدى ال ١٥٠ الف وكتبوها ب ٢٧٠ على اساس اى مشكله هيطالبوا بالفلوس و حضرتك اكيد شايفه وضع البلد بقى عامل ازاى وسبحان الله اصبح قيمة الحاجه فعلا تساوى ال ٢٧٠ الف وسواء انا هكون مطالب ادفع الفلوس فانا مش هكون خسران اما هما لو هياخدوا الفلوس فهى خسرت مش زى مكانوا مخططين ليها.
تم النشر الأربعاء، ٥ يوليو ٢٠٢٣
لعرض الإجابة في فدني اضغط هنا