انابقى نفسى ادخل شرطه بس بابا عايزنى دكتوره وماما عيزانى محاميه ومش عارفه اسمع كلام مين بصراحه، لحد من فتره قررت امشى بدماغى بس لما عملت كده الكل غلطنى ازاى تعملى كده وانتوا طبعا عارفين المجتمع المصري عامل ازاى ولحد دلوقت مش عارفه اعمل ايه
طالما انتي معملتيش حاجة تخالف الدين و طالما انتي شايفة نفسك في المكان الي انتي فيه يبقى استمري و تجاهلي اي كلام سلبي لأن المجتمع عمره ما بيوقف كلام حتى لو كنتي في قمة النجاح و لأن الأهل بيبقوا عاوزين يحققوا من خلالنا الي مقدروش يحققوه لكن في النهاية الحياة حياتك و القرار قرارك و المسؤولية مسئوليتك
تم النشر الثلاثاء، ١٦ يناير ٢٠٢٤
شوفت من التعليقات انك لسه في اولى .. عايزة اقولك ان في خلال ال3 سنيين هتحصل حاجات كتير اوي .. ف ياريت متسبقيش الاحداث، وقولي لكل واحد فيهم طيب ومشي الدنيا، وانتي ذاكري واعملي اللي عليكي، ووقت اللحظة المناسبة نبقى نشوف ايه اللي هيحصل. زمان كان الواحد بيحط خطط لمدة 5 سنيين قدام، بس حاليا كل اسبوع بيبقى فيه جديد، وكمان اقل من كده .. ياريت متسبقيش الاحداث، واهم حاجه ركزي ع اللحظة اللي قدامك، اللي هي المذاكرة. وسيبي الباقي لما يجي وقتها .. علشان بس مترهقيش نفسك ع الفاضي.
تم النشر الاثنين، ١٥ يناير ٢٠٢٤
حضرتك لسه ف اولى ف احتمال كبير جدا انتم تغيري نظرتك بعد فتره ولو لقيتي نفسك بعد النتيجه النهائيه انك لسه شغفك ف الكليه اللى انتي بتحبيها ادخليها لان بابا وماما مش هيذاكرو معاكي ومش هيمارسو المهنه وارشحلك تسمعى فيلم 3 odious هيوضحلك خطوره انك تمشي ف مكان انتي مش حباه وشخصيه البطل بتهوى الكليه اللى هو فيها
تم النشر الثلاثاء، ١٦ يناير ٢٠٢٤
ظابطة و دكتورة و محامية كلها وظايف مرموقة و كل واحدة فيهم محتاجة شخصية و استعداد و لما تعدى الثانوية المجموع و الظروف بتحكم ساعتها ودايما اتعودى تعملى اللى ترتاحى فيه
تم النشر الاثنين، ١٥ يناير ٢٠٢٤
• مع إحترامي أنتِ بنت أليس كذلك ! لماذا تلتحقي بكُلية الشُّرطة .. هل هذه وظيفة تليق بالمرأة ! أو تتناسب فيما بعد مع الحياة الزوجية ورعاية أبناء ؟ أنا أرى أنه إذا كُنتِ أنتِ متفوقة وبإمكانكِ الإلتحاق بكُلية الطّب فهذا أنسب شئ طبعًا.
تم النشر الجمعة، ١٩ يناير ٢٠٢٤
انا بابا بيقولى ان مجال الشرطه والتمريض اصلا مش مجال للبنت لانه فى مشقه وتعب وسفر وانى هبات بره وكده
تم النشر الأربعاء، ١٧ يناير ٢٠٢٤
اعملي الي تحبيه لا تستمعي لا احد
تم النشر الاثنين، ١٥ يناير ٢٠٢٤
هو بالنسبه ان مجال الشرطه ده مش للبنت صح دي هتتبعي فعلا وشوفي في الاول وفي الاخر ده قراراك انتي والي هيريحك
تم النشر الخميس، ١٨ يناير ٢٠٢٤
كلام بابا
تم النشر الأربعاء، ١٧ يناير ٢٠٢٤
حاولي اقنعيهم وقوليلهم ان ده حلمك ومش عايزه تضيعيه وانك مش حابه اي مجال تاني عشان لو دخلتي فيه وانتي مش حباه مش هتقدري تتفوقي فيه
تم النشر الأربعاء، ١٧ يناير ٢٠٢٤
اسعى وراء حلم و لكن يجب أيضا أن تعلم أنه رزق فوق كل شيء
تم النشر الثلاثاء، ١٦ يناير ٢٠٢٤
اعملي اللي نفسك فيه عشان تقدري تنجحي في مجالك وتكوني حباه
تم النشر الاثنين، ١٥ يناير ٢٠٢٤
لعرض السؤال في فدني اضغط هنا