Super Man

اجتهدى دلوقت و سيبى الكلية لما ييجى وقتها حسب مجموعك و اللى سايد وقتها و اللى ربنا كاتبهولك فى مسيرة حياتك هييسره ليكى ومفيش حد و هو بينه و بين البحر 20 كيلو بيقعد يفكر هو هيعدى للشط التانى ازاى لكن هيستنى لما يوصل للبحر و يبص يمكن يلاقى كوبرى او يلاقى مركب تعديه فتوكلى على الله و اجتهدى على قد ما تقدرى و ادعى و قلى اللهم اقدرلى الخير اينما كنت و اكفنى شر الدنيا وما فيها

على فكرة من يوم ما دخلت البرنامج دا من كام شهر و انا لاحظت ملاحظة غريبة جدا إن كل المشاكل اللى هنا اغلبها من بنات من سن 14 سنة ل 18 سنة عايشين حالات ضياع بعد التفوق او حالات عنف أسرى و عدم راحة فى البيت بس قصتك دى ينطبق عليها حل واحد بس انك اتحسدتى و العين صابتك ورشقت فيكى و بدلت حالك من احسن واحدة متألقة وفخورة بنفسها لأوحش وحدة منزوية و قرفانة من نفسها و الحالة مبتجيش فعلا غير من الحسد وعشان ترجعى تانى يبقى لازم تشيلى النظرة اللى رشقت فيكى دى وتخرجيها منك و عشان تخرجيها لازم تستحمى و تجيبى الرقية الشرعية للحسد وموجودة على النت وتحطى الهيدفون فى ودانك وتغمضى و تسمعيها و متجيبيش رقية طويلة هاتى اى رقية لأى شيخ بتحبيه متزيدش عن نص ساعة و أول ما هتسمعيها هتقعدى تدمعى كتير كتير كتير و تاوبى كتير كتير لحد بوقك ما يوجعك من المتاوبة و تزهقى بس اوعى تشيلى الهاند فرى من ودانك وتقومى لكن اسمعيها وكرريها لحد ما نفسك ترتاح و كرريها كل يوم و هاتى ازازة مية معدنية لتر ونص و افتحيها و حطى بوقك عندها كأنك هتشربى منها و هية على مكتب و هاتى الرقية بتاعة الحسد مكتوبة من ع النت هتلاقى فيها ايات اقرييها وانتى مقربة بوقك من الازازة عشان نفسك وصوتك يبقى فى المية و و اشربى منها بعد ما تخلصى و رشى شعرك و امسحى صدرك منها و شيلى الباقى و اعملى كدة 3 ايام ورا بعض و اوعى ترمى الباقى منها فى الحوض او الحمام لأنها بقى فيها قرآن و هتحسى بروقان و امنعى بقى صحبة السوء و اللى علموكى الغلط و ابعدى عنهم و ارجعى البنت الأمورة الحلو العسل اللى كله بيحبها و صدقينى هتتغيرى و هتبقى زى الفل و ربنا هيعينك طالما اعتمدتى عليه و قلتى يارب زيل همى و ريح بالى و اشرح صدرى و ارجعى بعد ما تنفذى قوليلى حالك بقى ايه و فرحينى

حاولتى الانتحار 33 مرة يبقى فاضلك 17 مرة و يبقوا خمسين و تدخلى موسوعة جينز لأعلى شحص فى العالم عمل حالات انتحار و لسة عايش ........ نتكلم جد بقى بعد الهزار البايخ دا و أقولك هو انتى*** يابت يا آية **** انتى عشان تسيبى كل الحاجات الحلوة اللى ربنا خلقها فيكى و تروحى تدخلى النار برجليكى كافرة ومنتحرة و بدل من تطلعى من عذاب مؤقت تروحى لعذاب دايم فى النار ؟ هو انتى مفكرة كل الأبهات عدلين وملايكة و الحنية بتخر منهم و رايحين جايين يحضنوا فى بناتهم زى بتوع المسلسلات و لا الامهات حلوة و شيك ومتفاهمة و بتمشى مع بنتها زى أختها الأمورة ومصاحباها ؟ مفيش الكلام دا ودى حالات نادرة فى مجتمع كله فيه قرفان من عيشته و جريانه كل يوم ع السكك عشان يوفر لقمة ومصروف لبيته و ولاده و لو قريتى و انتى مثقفة و بتقرى و ليكى فى الادب و الشعر لو قريتى قصص كفاح الناس اللى وصلت و اتشهرت و بقت ناجحة هتلاقى فى حياتهم مآسى عاشوها لكن قدروا يتغلبوا عليها لحد ما مرت و خدت وقتها وخرجوا منها و اتغيرت حياتهم للأفضل زى ما كانوا عاوزينها و مفيش فى سنن الكون حاجة بتفضل على حالها طول ما الأرض بتلف و تتغير الايام و الشهور و السنين و العبرة بالنهاية ما تسيبى اللى يقارن و اللى يبعد يتفلق ما يقارنوكى بأختك هية أختك يعنى كانت نانسى عجرم ولا عالمة ذرة و لا يعنى حضن ابوكى هيزودك حتة دا هو الخسران هو فيه حد يبقى عنده بنوتة و يطلعها من حضنه طيب ياريت كان عندى بنوتة عسل كدة وحنينة مكنتش طلعتها من حضنى لكن فى الفترة دى مش مطلوب منك غير انك تفعلى أوبشن الرخامة و اللامبالاة و كأن الكلام مش ليكى و اللى يقول حاجة يقولها عدى كلامه من جمب ودانك ميدخلهاش يعنى اول ما حد يقول كلمة تدايقك حركى دماغك كدة عشان الكلام يفوت من جمبه ميجيش فى ودنك لحد ما المرحلة السودة دى تعدى و تنجحى و تطلعى بقى برة المحافظة كلها و تنطلقى فى كلية مع اصحاب تانيين وحب جديد و معارف جديدة ومجالات تانية شعر وموسيقى وندوات و رحلات و حاجة تفتح النفس وتعوض الغم اللى فات انما هتقعدى تهلكى فى نفسك وهما لا هاممهم ولا عندهم دم و لا بيحسوا و اطلع كل شوية السطوح عشان ارمى نفسى و يمكن تقعى على دماغ شاب غلبان كان بيدعى ان ربنا يرزقه بعروسة حلوة تروحى واقعة على راسه معوراه تخليه يندم ع الدعوة اللى دعاها هههههههههههههههه روق يا يويو كدة و شوفى الجروح اللى فى ايدك عالجيها و روحى اى مستشفى حكومة او مستوصف اعملى اشعة على دراعك وخلى الدكتور يعدله عشان مفيش عريس هييجى يتجوزك و انتى دراعك مجزوع و الجوازة هتبوظ و سيبك من الافكار دى و استعيذى بالله من الشيطان الرجيم وهاتى الرقية الشرعية من ع اليوتيوب حاجة كدة متعديش نص ساعة و حطى الهيدفون فى ودانك ونامى على ضهرك فى اوضتك وغمضى واسمعيها و فكرى فى الايات و هتلاقى نفسك ارتاحت بس هاتى شيخ بتحبى تسمعيه و لو معرفتيش تعالى اكتبيلى تعليق هنا و انا انزلهالك من عنيا تؤمرينى احنا هنا كلنا اخوات و اهل للى اهله تاعبينه فلما تزهقى من حاجة ادخلى فضفضى معانا نرغى معاكى ونحلها و لا ناوية تكملى وتدخلى موسوعة جينيس ههههههههههههههههههه

شوفى ياست الكل ياجميلة مش مفروض فى البنت انها تكون فتوة و لا طالع لها عضلات انما المفروض فيها انها تكون رقيقة و خوافة و دا الطبيعى و العادى مش عيب فى البنت انما طالما خرجت للشارع و اتعاملت مع بشر قليل الادب و الذوق يبقى لازم تتعلم ازاى تواجه و المواجهة نوعين نوع سلبى ان البنت تهرب و تبعد و نوع سلبى ايجابى انها تستغيث بحد ماشى يحميها و نوع تانى ايجابى انها ترد بنفسها على اللى اعتدى عليها او بيحاول و فيه شباب برضه ضعيف زيك كدة مش بيعرف يحمى نفسه مش لأنه جبان لكن لأنه مش عارف ازاى و عشان يعرف ازاى يدافع عن نفسه يبقى لازم يروح نادى او مكان بيعلم فنون الدفاع عن النفس

شوفى ياست الكل الاول صباح الخير ثانيا السن اللى انتى فيه سن مراهقة و بتبقى البنت اشد احتياجا للحنان و الدعم و حضن الأب و اهتمامه لانه بيبقى بالنسبالها أول حب شرعى مسموح بيه و اذا بادلها الاب نفس الشعور بتبقى البنت طايرة من الفرح و عارفة ان وراها ضهر و سند لكن ياحبيبتى احنا موعودين بشوية مشاكل اجتماعية شاغلة الأبهات عن ولادها لكن فيهم اللى فاهم و فيهم اللى مش فاهم بس مسير كل حاجة هتتغير مع الوقت وهتلاقيه هو اللى جاى ومهتم بس انتى حافظى على نفسك و اعرفى ان الحاجة الغلط منك هتدايقه أكيد لأنها هتمس سمعته و اعتباره بين الناس لكن لما تجتهدى و تبقى حاجة حلوة و امورة كدة فى المجتمع هتلاقيه هو اللى جاى يكسب ودك لانه فرحان بيكى انما دلوقت هو بيتعامل معاكى كطفلة صغننة لسة ملهاش مشاعر و لا احتياجات و مزود الاحساس دا انه بعيد عنكم فمتزعليش لان مش انتى لوحدك اللى كدة فيه ابهات كتير مش بتعرف ان بناتها كبرت غير لما بتشوفها مزز فى فرح او مناسبة فبيخاف عليها و يقرب منها و يعوز يفرح بيها ومش كل اللى بتسمعيه من الأبهات قدام المأذون دا بيحصل لما صديقتى بلاشبهة و توأم روحى و رفيقة دربى و الحاجات بتاعة السوشيال دى و انتى اعتبريه مسافر فى الخارج زى اى بنت ابوها مسافر و بتضطر تعتمد على نفسها ومتستعجليش ع الاحضان بكرة تكبرى و تتغيرى و الدنيا كلها تجرى وراكى عاوزة تحضنك

https://www.youtube.com/watch?v=7N4op7qprNE شرح مهم على اليوتيوب يشرح لك كيف تتعامل مع الوسواس القهرى https://www.youtube.com/watch?v=hN4tPZlY77k

https://www.youtube.com/watch?v=r_Mu3x2LGw4 شرح كل ما يتعلق بالوساوس كلها من طبيب متخصص

آيات الوسواس تردديها عندما تكونين بمفردك و قبل الخروج من المنزل و ستشعرك بالطمأنينة و الهدوء لان الله هو الذى سيحفظك من كل شىء يزعجك سورة الناس “قُلْ أَعُوذُ بِرَبّ النّاسِ مَلِكِ النّاسِ إِلَهِ النّاسِ مِن شَرّ الْوَسْوَاسِ الْخَنّاسِ الّذِى يُوَسْوِسُ فِي صُدُورِ النّاسِ* مِنَ الْجِنّةِ وَالنّاسِ”. “وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا” سورة الإسراء 82. “يَا أَيُّهَا النَّاسُ قَدْ جَاءَتْكُم مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ” سورة يونس 57. ” أَلَمْ نَشْرَحْ لَكَ صَدْرَكَ وَوَضَعْنَا عَنكَ وِزْرَك َ الَّذِي أَنقَضَ ظَهْرَكَ وَرَفَعْنَا لَكَ ذِكْرَك فَإِنَّ مَعَ العُسْرِ يُسْراً إِنَّ مَعَ العُسْرِ يُسْراً”. “أَفَمَن شَرَحَ اللَّهُ صَدْرَهُ لِلإِسْلامِ فَهُوَ عَلَىنُورٍ مِّن رَّبِّهِ”. “فَأَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ”. “قَالَ رَبِّ اشْرَحْ لِي صَدْرِي وَيَسِّرْ لِي أَمْرِي”. “هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَّعَ إِيمَانِهِمْ, وَلِلَّهِ جُنُودُ السَّمَاوَاتِ وَالْأَرْضِ, وَكَانَ اللَّهُ عَلِيمًا حَكِيمًا”.

روشتة علاج شرعية لعلاج الوسواس القهري قال الشيخ أحمد ممدوح، مدير إدارة الأبحاث الشرعية وأمين الفتوى بدار الإفتاء المصرية، إن الوسواس عندما يتحول إلى قهري يجب تجاهله تماما، لافتا إلى أن الوسواس من الشيطان. وأضاف الشيخ أحمد ممدوح، أن الأمر الثاني لعلاج الوسواس القهري هو كثرة الذكر، مشيرا إلى أن افضل الذكر لطرد الوسواس هو الصلاة على النبي صلى الله عليه وسلم مائة مرة في اليوم والاستغفار مائة مرة يوميا، ( اللهم صل و سلم وبارك على سيدنا محمد وآل سيدنا محمد استغفر الله العظيم ) بالإضافة إلى قول "يا مُقْسِط" فور الاستيقاظ من النوم مائة مرة، وبالمواظبة على هذا الورد اليومي لن يكون هناك وسواس على الإطلاق بإذن الله.

عارفة ؟ انتى هتطلعى كاتبة مبدعة لما تبقى لسة 14 سنة بس و قمر كدة وبتعرفى تعبرى عن الصراع اللى جواكى دا بس نسيتى ان انتى لسة طفلة وانك لسة فى سن لا تتحاسبى فيه و لا تتسألى على كل اللى بيدور فى دماغك دا لأنك لسة بتكونى شخصيتك و تتعلمى مرة صح ومرة غلط لحد ما تنضجى و تكبرى و تستقرى و حتى الكبار بيغلطوا و مفيش حد معصوم من الغلط لأن ربنا لو مش عاوزنا نغلط كان خلقنا ملايكة مش بشر لكن خلقنا نعمل صح مرة ونشكره و نعمل غلط مرة فنستغفره فيغفرلنا فنشكره و نقول الحمد لله و انتى لا تحاسبى نفسك و لا تعاتبيها و لا تسمعى الكلام دا من جوة و تردديه لكن اتعاملى على انك لسة بنوتة صغيرة من حقها تلعب و تفرح و تجرب و تغلط و تتعلم من غلطها و عارفة لو انتى وحشة زى نفسك ما بتقولك مكنتيش اهتميتى وكتبتى و طلبتى تعرفى ان دا طبيعى ولا لأ و لكن لأنك عاقلة و شاطرة كتبتى و كتبتى كويس و هتبقى كاتبة عظيمة لو حولتى نفسك و تفكيرك لقصص مكتوبة لكن روحى مكتبة المدرسة و هاتى قصص وكتب وحكايات مفيدة و اقرى عشان تعرفى طريقة الكتابة و وأول الكلام و آخره و زى ما كتبتى هنا هاتيلك كراسة 100 ورقة أو أجندة أو أى حاجة و اقعدى اكتبى فيها و فرغى الضغوط و متحمليش نفسك أى عتاب و لا لوم و عيشى حياتك فى حدود سنك زى زمايلك و اتفسحى و متخافيش و اخرجى عادى وسط الناس وخليهم سندك بدل ما تخافى منهم لأن لو حاجة دايقتك هتلاقى 100 واحد منهم واقف جمبك و ساندك و بيحامى عنك و كلنا كبار و صغار بنمر بمواقف حلوة ومواقف صعبة و بنغلط و بنصلح غلطنا بعدها و بنغلط تانى و تالت لأن الحياة كدة تجارب و تعليم و لو احتجتى حاجة ادخلى و اكتبى و هتلاقى ناس كتير هنا بتحبك و هتفضفض معاكى و تدعمك و متخافيش من حد ولا من حاجة و دايما قولى اعوذ بكلمات الله التامة من كل شيطان وهامة ومن كل عين لاَّمة و ربنا هيحفظك يا حبيبتى

ازيك عامل ايه ؟ هأفضفض معاك زى انت ما بتفضفض كدة زمان اوى و انا فى سنك فى ثانوية عامة كنا برضه زمايل زيكم كدة و كان كل واحد حاطط فى دماغه انه يدخل علمى عشان يبقى دكتور و التانى رياضة عشان يبقى مهندس و كان كله تحت الاتنين دول ما يسواش حاجة فى المجتمع و كان فينا اللى بيذاكر و فينا اللى بيلعب شوية و يذاكر شوية و دخلنا الامتحان لكن الامتحان ايامنا كان دح كتابة 3 ساعات و مكنش زى النهاردة كدة اختيار من متعدد و يكفى انك تقرا المعلومة مرة و اتنين وتلاتة عشان مخك يمر عليها بس و يعرف ان دى الصح لكن مش مطلوب حفظ الكتاب من الورقة للورقة ودا يسهل عليك انك تقرا ودايما عشان قدامك مادة علمية يبقى اللى كتب الكتاب عمله زى البيت له باب ومفتاح و غرف و سطوح و مينفعش تدخل بيت من الشباك او تنط من ع السطوح لكن لازم تدخل من الباب و يكون معاك خريطة لتصميم البيت عشان متدخلش تتوه فيه و مفتاح اى كتاب هو المقدمة اللى فى اول الكتاب بتوع الصفحتين اللى فى أوله اللى عليهم توقيع المؤلف و خريطة الكتاب هية الفهرس اللى بيعرفنا جواه ايه و لما تطلع كلية ان شاء الله هتكتشف ان كتب الثانوية الصغيرة دى كانت هايفة جمب مراجع وكتب الكليات و بعد ما طلعت الكلية اكتشفت ان الكتاب عندنا كان الف صفحة فتخيل انت ان عندك مادة الكتب فيها من 800 ل الف فكنت اهرب من رهبة الكتاب بايه ؟ اقرا المقدمة عشان اشوف الكاتب عاوز ايه من المادة دى و بعدين ارجع للفهرس و اقرا الموضوعات و لما الاقى موضوع شدنى فيه وعاوز اعرف بيتكلم عن ايه وازاى اروح جايب رقم الصفحة بتاعته و داخل قاريه و عشان المعلومة اللى فيه كان عندى فضول اعرفها فلما قريتها مرة ثبتت فى دماغى خلاص وموضوع ورا موضوع بقى الكتاب قدامى زى البلد اللى بقيت عارف اغلب شوراعها يعنى لو مشيت فيها مش هأتوه زى كدة ما تروح تصيف فى اسكندرية او شرم او اى حتة وبتنزلها لأول مرة و تبدأ كل يوم تنزل فيها شارع او منطقة تتمشى يبقى تانى مرة لما تروحها هيبقى عندك فكرة عنها وتمشى فيها لوحدك يقوم لو حد قابلك و سألك على شارع فيها هتقوله تطلع يمين فى شمال علطول هتلاقيه و انت مش من سكانها و لا عايش فيها اهو بالظبط الكتاب فى ايدك كدة لا تلتزم بترتيب ولا يدروس فاتت و لا بحاجة غير انك عاوز تعرف المعلومة بس وتركنها جوة دماغك و اللى تلاقيه غامض عليك افتح يوتيوب و اكتب اسم الدرس هتلاقى خمسين شرح له يفهمك اوله من آخره و نسيت أقولك اننا بعد ما خلصنا ثانوية فينا اللى دخل كلية تربية وفينا اداب وفينا حقوق وفينا طب و فينا اعلام و هندسة ومعهد كلنا خلصنا بس اتقابلنا فى الحياة ومفيش حد احسن من حد الا بشغله و حب الناس له بتعامله الحلو معاهم فى شغله و انا باحتاج لدا و التانى بيحتاجلى و غيرى بيحتاجله لان كل المهن بتكمل بعضها فى مجتمع واحد فانت بس قول يارب و اتوضى كدة و متضيعش وقتك بين التنطيط فى الدروس وانت عندك اليوتيوب فيه شرح كل حاجة وهتقدر توقف الدرس وتعيده او تجيب شرح لمدرس تانى وتالت ودايما خلى على لسانك لا حول و لا قوة الا بالله اللهم صل وسلم و بارك على سيدنا محمد و هتفرج و ايام و هتمر و هتفتكرها و تضحك لان دايما النجاح مش بييجى الا بعد مطبات كتير فدوس بنزين وعدى المطب دا يابطل و انطلق

للاسف مش لوحده فى الأخوات الصبيان اللى بيعمل كدة و ياكلوا حق اخواتهم البنات فى الارض لما ابوهم يتوفى و لما نقول الاب يكتب نصيب كل بنت و يوزع الارض وهو عايش تطلع الشيوخ تقولك حراااااااااااااااااااااااااااااام و لما يتاكل ميراث البنت يطلعوا يقولوا للأخ حراااااااااااااااااااااااااام برغم ان كان ما بين الحرامين حلال .. لكن بلاش تتنازلوا و هو شوية و هيهدا و شوفوا حد كبير او اعمامكم او حد له تأثير عليه يبعده عنكم و لو عجزتى اعملوا بلاغ ضده فى النيابة بتاعتكم بامتناعه عن تسليم الميراث بتاعكم وانه تحت ايده ومسيطر عليه و قدمى اعلام وراثة ابوكى و افادة من الجمعية الزراعية اللى تبعها الارض بمساحة الارض و رقم الحيازة بتاعتها و المحامى يقدر يجيب دا و هياخد حكم بالحبس و الغرامة لو مسلمش و من الناحية التانية ارفعى بقى دعوى مدنى بتحديد نصيبك انتى و اللى عاوز يورث معاكى و تسليمك حقك بالمحكمة مع تسليم ريع الارض من يوم وفاة الوالد لحد الحكم فى الدعوى

فين المشكلة ؟ دا العالم بقى قرية صغيرة اظن مش هتحصل مشكلة لما تروحى تسلمى عليه و ازيك عامل ايه ؟ شوف كبرنا ازاى ودخلنا كليات و بقينا مسئولين بعد ما كنا صغار و يتخاف علينا ... و سيبى الباقى يتسرسب لوحده و هيحكيلك الدنيا عملت معاه ايه و الفيسبوك و الواتس هيشتغلوا و لو كانت الظروف تسمح باستمرار العلاقة فى طريقها الطبيعى الشرعى كملى و لو الظروف عنده متسمحش لانه لسة هيسافر و يكِّون نفسه و الخطاب كل شوية هتيجى تخبط على بابك وهو عاجز عن انه يعمل حاجة فخليكى فى نطاق المعرفة و السؤال و بلاش الشعلقة فى حب مستقبله مش مضمون فى ظروف الشباب اللى زى الهباب و خدى الأمور ببساطة و ساعات بتكون الصداقة فى حدودها بالاحترام و التقدير وحسن النوايا احسن 100 مرة من الجواز اللى بينهى الشغف و اللهفة بين اى اتنين بيحبوا بعض إلا إذا العشرة و التعود كان لهم دور

انا هرد عليكى بس ياريت متزعليش لأن ساعات الحق بيزعل بس أنا مش هأكتب التعليق عشانك لكن هأكتبه للى هتاخد منه عبرة و تاخد بالها لو جالها عريس لأن مشكلتنا إن لما بيجينا عريس بنتعمى عن كل عيوبه و عيوب أهله و نجيب التورتة ونفرح و نرقص و ألف مبروك و بننسى خالص إن البيت اللى هتروحه البنت دى شبه بيتهم و الناس اللى فيه شبههم و لاَّ لأ ونتجوز الأول و لما نروح نبقى نغيرهم و نغير اسلوبهم و عيشتهم عشان تتوائم معانا ماهو العريس لما اتنيل على عينه وجه يخطب بيتسأل عليه و على عيلته و بيتهم و العيشة هتكون بيت عيلة و لا مستقلة جوة بيت عيلة و لا سايحة جوة بيت العيلة لأن أمه اللى جوزته وجابت له بنت الحلال اللى تيجى تلبى رغباته بس زى كنبة الأنتريه لما يحب يرتاح يقعد عليها شوية و يقوم ؟ ورأيى بقى فى مشكلتك دى لها حلين اولا الحل الأول ان لو اهلك قادرين يتحملوا مصاريفك انتى و بنتك و بدل ما خرجتى واحدة رجعتى اتنين و البيت واسع و ياخدكم يبقى تفضلى فى بيت أبوكى و ترفعى عليه دعوى نفقة و اعيان جهازك بالقايمة و لو مفيش قايمة تشتكى فى محكمة الاسرة باتنين شهود و هتاخدى عفشك و عشان الموضوع بيطول شوية يبقى قلت قبل ما اقوله دا لو اهلك قادرين يصرفوا او عندك دخل تعيشى منه و الحل التانى و انا لا أحبذه وهو الرجوع لانك مفتقدة الأمان مع واحد اتعود يضرب و يتنرفز و يهين و ممكن فى لحظة عناد منك او تحريض عليكى يخبطك خبطة تكون الأخيرة و هو يتسجن و تبقى البنت فقدت ابوها وامها و ان قررتى تقعدى فى بيت ابوكى وتخلصى منه خالص ارفعى عليه دعوى خُلع و الخلع مش هتخسرى فيه غير المؤخر اللى مكتوب فى القسيمة و نفقة المتعة اللى كانت هتحكملك بيها المحكمة فى حالة الطلاق لكن نفقة بنتك و نفقة الحضانة هتاخديها و لو معاكى قايمة بالعفش هتاخديه و لو اتجوزتى بنتك هتاخدها امك مكانك لو موجودة ومش هياخدها خالص و لو عندك اى استفسار تانى قانونى او اجتماعى اكتبيه و لما ادخل هاجاوب عليه

الواثق من نفسه شبهى كدة يا حمو .. واضح و دوغرى و صريح و الكلمة اللى بتطللع منه عقد نافذ و يقول الحق ولو على نفسه و يكره الكذب و الكدابين و يصاحب اللى شبهه و يتجنب اللى يدايقه و يبعد عن التفاهات و يساعد الناس و يسهل على اى حد له عنده خدمة

صباح الخير ما تيجى نعكسها حطى نفسك مكان بنت خالتك و اتبادلوا الادوار و تخيلى انه خطيبك انتى و فسخ معاكى و بنت خالتك وامها وافقوا عليه او اتقدم و اترفض و احسبى كدة ايه اللى هيتم من ردود فعل بين العيلتين و بينك و بين بنت خالتك اللى خطيبك فضلها عليكى و حبها و حبته .... تخيلى بس انك مكانها و انتى ادرى بطريقة تفكيرها هية وخالتك امها و عيدى حساباتك ان كانت هتنفع خدى قرارك و خليه يتقدم و ان كانت مش نافعة يبقى لو فسخ مع بنت خالتك لازم انتى كمان تفسخى العلاقة اللى بينك و بينه نهائى و لا حب و لا كلام و لا اعذار و لا سهوكة و اجمدى عشان هيبقى منظرك وحش وسط العيلة

خدى ياستى الموقع اللى عليه شرح الدروس اهو ع اليوتيوب

هو انتى مكسلة تدخلى ع اليوتيوب تكتبى تعليم الخط العربى و عاوزة حد يدور لك على قناة ؟ اكتبى فى البحث ع اليوتيوب و اللى يعجبك اسلوبه تابعى معاه

اولا الجواز مش حل لمشكلتك و فيه طرف تالت مش هيسيبك تعيشى مع اللى هتتجوزيه فى سلام و زى ما بنشوف و احنا مش عارفين هو مسجلك ايه فى العلاقة دى هيهددك بيه سواء كانت محادثات او صور او مقابلات و لو هددك بيها هتستجيبى عشان هتخافى من الفضايح رغم ان القانون بيحمى البنت من الابتزاز و فيه سرية لبياناتها وانا مش عارف ايه دوره فى حياتك غير التفريغ كنت معتقد انه هيقولك لا متتخطبيش لحد لان انا اللى هاجى اخطبك لكن انك تتخطبى و تقولى ابعد عنه و خايفة ما اقدرش يبقى انتى بتتسلى و مش فاهمة يعنى ايه جواز و مسئولية وراجل و ولاد مينفعش يكبروا و امهم خاينة او ابوهم قاتلها و دا موجود كل يوم واذا كان ع العادة السرية و التفريغ دا عادى مش لازم له طرف تانى بس من غير اسراف و من غير ضرر مع محاولة التخفيف بالتدريج و اللى هيساعدك على التخفيف هو الصلاة و قراءة القرآن لأنك هتضطرى تبعدى عن اى مثيرات تأثر على طهارتك للصلاة و قراءة القرآن و فرصة و شهر رمضان جاى انك تمنعى الكلام دا و بعد العيد هتتعودى و يبقى مرة كل اسبوع او كل شهر قبل البريود بأسبوع لأن دا وقت الاثارة بسبب الهرمونات و شوية شوية هتتظبطى و تكونى جاهزة نفسيا و بدنيا للجواز بدون مكدرات

فى حالة طلب الزوجة الخلع فشرعا يسقط مؤخر الصداق سواء اللى فى القسيمة او فى الايصال و عليها سداد ما دفعه كمقدم صداق او اعيان جهاز طالما كانت من المهر بالاتفاق و كلام زوج اختك شرعا و قانونا صحيح و المحامى يعلم ذلك و ليس لها سوى نفقة الاولاد و الحضانة و ما اتت به عند الزواج و نفقة العدة

كريم ميبو بيزيل اى اثار على الجلد نتيجة الحروق او العمليات او الحبوب وتستمر عليه 3 شهور

ممكن يكون عنده فرط حركة اعرضيه على دكتور متخصص جايز يكون محتاج علاج و لازم تكون عينك عليه لانه لسة لما يكبر شوية ممكن يشب على شباك او كرسى فى بلكونة فانتبهى ربنا يحرسه من كل سوء

اكتب على جوجل فى البحث اسعار شقق سكن مصر فى التجمع الخامس

جربت تتوضى و تروح جامع تفتح مصحف تقرا فيه ؟

اعوذ بكلمات الله التامة من كل شيطان و هامَّة ومن كل عين لَّامة 7مرات الصبح و بالليل كل دا هينتهى

ما ضاع حق وراءه مطالب و طالما طالب التفوق اسعى وراه و اسئلة الثانوية بقت اختيار من متعدد يعنى يكفى انك تقرا بس و تكرر القراية عشان تمنطق الاجابة لما يجيلك سؤال و هتلاقى نفسك بتجاوب اتوماتيك

انت محسود اقرا الرقية الشرعية للحسد على ازازة مية معدنية و اشرب منها و امسح وشك و شعرك

صاحب بالين كداب و مرحلة الثانوية كوبرى ولازم تعديه و فى تالتة هتخرجى من درس لدرس فركزى فى اللى انتى فيه الا اذا كنتى هتعتبرى البرمجة هواية كأنك هتقطعى من وقتك ساعتين فى الاسبوع تروحى فيهم نادى ومش هيعطلوكى عن المهمة الاساسية و بعد كدة الكلية فيها براح تدرسى اللى عاوزاه سواء ع اليوتيوب او عند حد لان مفيش ضغط دروس هياكل وقتك

اولا مساء الخير ثانيا اللى متعرفوش البنات ان العناد بيقضى ع الجوازة وان اللى بتفضل تزن على كل حاجة و تعاتب ع الكبيرة و الصغيرة بتخلى العيشة معاها لا تطاق و انها لو سابت بيتها فترة طويلة وجوزها حس بالراحة فى غيابها و كان عنده اللى يسد فى أكله و غسيله بيبقى صعب يكلف نفسه و يروح يرجعها و لو رجعت من نفسها تبقى قللت من كرامتها قدامه و قدام اهله و خصوصا لو كانوا سبب مشيانها من البيت والحل تنسى و تهدى و لما ييجى ياخد الولد خليكى جاهزة و قوليله انا جاية اخد شوية حاجات من الشقة وروحى معاه و لما تروحى اتحججى ان الشقة عاوزة تنضيف ونضفى واغسلى و خدى شاور واعملى أكل واقعدى وكلى ابنك و نيميه و الكلام هيجيب بعضه واتكلمى لكن لا تعاتبى ولا تحاسبى لان الشيطان بيدخل فى التفاصيل و قوليله انا هاعمل اللى اقدر عليه عشان مش عاوزة ابننا يتبهدل و يفضل متشتت و عشان انت كمان ترتاح واذا حاسبك قوليلو خلاص بقى قوم خدنى فى حضنك لانك واحشنى

الاستاذة ياسمين توفيق و الاستاذ عبد الرحمن ردوا عليكى رد جميل و انا كمان هرد عليكى بس لما ارجع البيت لكن اللى اقدر اقولهولك دلوقت إنك عندك الرغبة و الارادة انك تصنعى من نفسك حاجة مهمة وفى فترة المراهقة كلنا لما مرينا بيها عشنا فيها كل التناقضات و التخبطات والشك و رفقا بنفسك شوية لا انتى سوبر مان ولا مطلوب منك تكونى ملاك لكن عيشى المرحلة على قد حجمها وركزى فى السنة اللى انتى فيها و خلى علاقتك بماما حاضر و نعم و متاخديش كلامها على انه طاقة سلبية او تكسير مقاديف لكن خديه زى منتى واخداه انه يكون دافع ليكى لاثبات نفسك وبالراحة عليها شوية انتى لسة صغيرة

ان عاجلا ام آجلا كله ليكم يعنى مدخرات بتكبر كل يوم و متشالة و هييجى وقت و هتتفك و تورثى كل دا رغم ان ساعات بتبقى الفلوس مع حياة من غير أب مؤلمة .. بابا ربنا خلقه بخيل والبخل رسول الله استعاذ منه و امرنا بالاستعاذة منه وقال اعوذ بالله من العجز و الكسل ومن الجُبن والبخل و من غلبة الدين و قهر الرجال ... والحياة صعبة فعلا فاعتبرى نفسك يتيمة و اتعاملى فى مصاريفك على ان ماما بتاخد الفين جنيه معاش بتشغل بيه البيت لحد ما ييجى الفرج و عاملى ابوكى معاملة حسنة عشان متندميش بعد ما يروح و لما تاخدى ميراثك منه ابقى اتصدقى كتير لانه اكيد مبيطلعش حق ربنا فى فلوسه

ظابطة و دكتورة و محامية كلها وظايف مرموقة و كل واحدة فيهم محتاجة شخصية و استعداد و لما تعدى الثانوية المجموع و الظروف بتحكم ساعتها ودايما اتعودى تعملى اللى ترتاحى فيه

هاتى قطنة وحتة فزلين و غلفى القطنة بالفزلين و سدى بيها ودانك عشان ازعاج الشارع مش هتحسى بالصوت المزعج زائد انها مش هتتعبك زى السماعة دا بعد ما تجيبى علاج من الصيدلية للطنين

اولا البقاء لله ومفيش أشد من ألم الفراق اللى عارفين ان مفيش بعده رجوع و خصوصا لما يكون حد مرتبطين بيه و فارق معانا غيابه ومفيش اى كلام هيعوض الغياب ولا هيواسيكى لكن عشان ربنا لطيف بعباده بيجعل مرور الايام سلوان للنفس لحد ما تتكيف و تتعود على الوضع الجديد و عملهم مكافأة و قال إنما يُوفَّى الصابرون أجرهم بغير حساب ... ومع الصبر ربنا بيعوض و بيبعت حد تانى مكنش موجود قبل كدة عشان يكون داعم و ساند وسط المحنة .. احنا بقالنا مدة بنفقد كتير من حبايبنا كبار و صغار و مبقاش فيه مقياس لا سن و لا مرض فيه اطفال كتير راحوا و شباب و بنات بعد تخرجهم و فى عز فرحتهم و فرحة اهاليهم بيهم و فيه ناس صلت الضهر فى وسط الناس و العصر كانت فى القبر برة الدنيا خالص و ربنا عشان حكيم جعل عدة المرأة بعد وفاة زوجها اربعة أشهر و عشر ايام وهية فترة النقاهة اللى محتاجاها عشان نفسيتها تتظبط و تهدا و تكمل حياتها و الموت قانون الله فى الخلق و الموت عندنا هو عند ربنا انتقال نفس من عالم المادة الى الحياة فى عالم تانى هو عالم الأرواح بيتأثروا فيه زينا و بيزعلهم اللى بيزعلنا و بيسعدهم اللى بيسعدنا و بتوصلهم هدايانا لهم من الدعاء و الصدقة و بيشوفونا لما بنزورهم لكن احنا مش بنشوفهم و بيعرفوا اخبارنا لو اتكلمنا عندهم او بيسألوا علينا اى حد.يعرفنا لما يموت و يروحلهم هو عالم أحياء فى حياة تانية لكن احنا بنتعامل معاهم غلط على انهم اموات و خلصوا لكن هما بس انتقلوا الى عالم تاني مسيرنا هنروح لهم فيه فاستهدى بالله و انتبهى لحياتك و ارجعى اقرى قرآنك و اهديه ثوابه ولو فيه ولاد احتويهم و عدى بيهم و كملى الرسالة و لو مفيش يبقى لما تروقى لو كان لسة سنك يسمح هتقابلى اللى يعوضك و تكملى معاه حياتك و ربنا يعينك و يخفف عنك

https://www.youtube.com/watch?v=axvWbaI8shE

شاطرة يا يويو ومعلش غلست عليكى بس كنت حابب أنكشك

وايه الميزة اللى محلياكى متمسكة بيه اصلا و هو كله عيوب وجوازة فاشلة من قبل ما تبدأ

عاوزة حد يفيدك بايه ؟ انتى حكيتى القصة و فرغتى اللى جواكى و عبرتى عن قلقك على خالتك لكن انتى فى ايدك ايه تعمليه فى مشاكل بينها و بين جوزها أيا كان سببها اهى مشاكل موجودة فى كل البيوت و بتتحل مع الوقت و هو لو عارف ان طليقته بتعمل له حاجة زى سحر او عمل يبقى حد يقرالهم الرقية الشرعية على ازازة مية معدنية و يشربوا منها كلهم حتى الولاد و ترش منها اركان الشقة ع الحيطة و الرقية موجودة على النت و طريقتها بتفتح الازازة و تقربها من بوقها زى ما تكون هتشرب و تقرا الايات و تقفلها و يشربوا منها

يبقى مفيش حل غير المواجهة و لو خايفة من المواجهة اكتبى اللى انتى حساه و عاوزاه و نفسك فيه منه فى ورقة زى ما كتبتيه هنا كدة و اديهاله و امشى

طالما اعتذر و عرف انك زعلت مش هيكررها و لو كررها ردهاله و اضربه نفس الضربة قدام الموظفين برضه انما المرة دى خلاص عديها لانه عرف غلطه

بصى ياست الكل بالنسبة للاصوات هاتى قطنة وحطى عليها شوية فزلين و افركيها بيهم كويس و حطيها فى ودانك الاتنين هتمنع عنك الصوت خالص اما لما تيجى تنامى فيه غمامة سودا بتتحط على العنين وقت النوم تمنع الضوء عنك يبقى لو حد جه او ولع نور او اتكلم و انتى نايمة مش هتحسى بيه و ساعة المذاكرة سيبى القطنة فى ودانك عشان متسمعيش و لو اختك هتهزر زوقيها برة فى الصالة ترغى براحتها مع اخوكى و ابوكى

ابعد عنه لانه بيغير منك ووجوده جمبك ضرره اكتر من نفعه و دايما هيحبطك عشان متكونش احسن منه دا شخص توكسيك فسيبك منه خالص و هتلاقى غيره احسن منه

مبتتحسبش كدة بين الاخوات لا كسرة نفس و لا كسرة خاطر لكن بنراجع تصرفاتنا و نشوف اللى قدامنا بينرفزه ايه ومنعملوش عشان ميبقاش الاستفزاز مننا و الضرب منه اسلوب حياة و معلش امسحيها فيا و المرة الجاية ادخلى قوليلى احترمت نفسى معاها و ضربتنى و انا هاعملك فيها بلاغ يجيبها البيه الظابط و المخبرين و يعرفوها غلطها

خديها سند بدل ما تاخديها عدو و حبيها هتحبك و احترميها هتحترمك حتى لو دا محصلش فى الاول منها لكن هتراجع نفسها لما تلاقى منك معاملة كويسة وطاعة

يا انسة اتعودى تحترمى الكبير و الصغير وهو هيحترمك لكن لما تتجاوزى مع حد هو هيعاملك برد فعل على حسب طبيعته لو متعودة تضرب هتضرب و لو متعودة تشتم هتشتم و لو فيه كبير تشتكيله هتروح تشتكيله و انا محبش ابدا حد يمد ايده على بنت و الضرب مش مبرر لكن انتى حفظتى ردود افعالها فبلاش تستفزيها و شوشة ادب مع شوية احترام عمرها ما هتمد ايدها عليكى

وبتشدى الغطا ليه وهية نايمة مستورة جايز كانت فى وضع متحبكيش تشوفيها فيه هو احترام الخصوصية بقى عيب ماهى انتى لو مكانها وحد عمل معاكى كدة هتقومى تجيبيه من لغاليغه مش من شعره

لو كل بنت زهقت من بيتها سابته كان زمان الشوارع كلها اتملت بنات شوفى ايه اللى بيستفزها منك و متعمليهوش ساعات بتكون البنت مستفزة للى قدامها ومن كتر خوفه عليها بيهينها لانها عنادية

يمكن انتى احلى منها او عليها ضغوط بتطلعها فيكى

كدة انت بتستسلم برغم ان فى ايدك تعمل اللى عليك و لعل الله يُحدث بعد ذلك أمرا و سيبها لله

طيب هنقعد بقى واقفين بالعربية فى المطب و نسيبها عطلانة و لا نحركها ونمشى من هنا وكفاية كدة تأخير و نعمل اللى علينا وزى ربنا ماهو كاتب لنا هنعيش أقدارنا سواء دخلنا أى كلية أو اشتغلنا اى حاجة المهم انها تكون مفيدة للحياة و نكون مؤثرين ؟

تحياتى لحضرتك لكن احنا بنتعامل مع جيل مش احنا بس اللى بنربيه ولا احنا بس اللى متحكمين فيه هية بتقول انه بيعرف حاجات هية نفسها متعرفهاش وهية كبيرة كدة و انا بأقول تعديل سلوكيات جايز يكون عرفها مع اللى عرفه من الحياة لأن احنا فى حرب مبادىء بدأت بإن الرشوة شاى و انتهت بإن المثلية حق وحرية

عرفت من تعليقك انك فى تالتة ثانوى يعنى اصلا لا انت فاضى لأصحاب ولا قعدات فركز فى السنة اللى انت فيها و فى مذاكرتك و خلى وقتك ما بين المذاكرة و الصلاة و الدروس و شوية ترفيه فى حاجة بتحب تعملها و بعد ما تخلص السنادى هتطلع من مجتمع العيال المراهقة الفارغة دى لمجتمع الجامعة و الكليات و هناك هتلاقى ناس ناضجة وواعية وهتعمل صداقات جميلة وكبيرة ودايمة فى الكلية و هتفضل معاك طول العمر و زى ما كل الناس قالت لك فى التعليقات إنت لا مكتئب ولا فيك عيب انت انسان كويس فى مجتمع عيال فاسدة و البعد عنهم مكسب مش خسارة فاجمد كدة يابطل و نخلص الأول الكام شهر اللى باقيين فى الثانوية و نكبر بقى ونروح لعالم الكبار و تفضل برضه على مبدأك تتعامل مع اللى ترتاح له بس و الشمال و الأنانى و بتاع مصلحته سيبك منه و انت انسان جميل و اللى يصاحبك هيكسبك و يبقى من حسن حظه انه يبقى عنده صديق عمر شبهك

هيكبر بخيل و هيكبر ياخد ميديش و هيكبر انانى و لو بقى فى مهنة مش هيعمل خير و هيبقى مادى سيبك من اى حد يقولك دا طبيعى فى السن دا شوفى ايه مخليه حريص على الفلوس بالشكل دا و خليكم قدوة و لما تلاقى حد محتاج ساعديه قدامه و اديله فلوس يديهاله و خليه يروح المسجد و يتعلم دين فيه فرق بين الشطارة و بين السلوكيات و لازم يستغل شطارته فى تعليم سلوكيات العطاء و ان الفلوس بتروح و تيجى و لو صمم ع اللى بيعمله عامليه بالمثل فى الأول يعنى خد دا و هات دا و بعد كدا خد دا ما انت اخويا و لازم ندى لبعض ومنعملش فرق و خد دا اديه للست الغلبانة دى لان ربنا قالنا لازم نساعد الناس عشان اللى بيساعدهم ربنا بيزود له رزقه و فلوسه و هكذا لان دا طفل فى 2 ابتدائى بتتكون شخصيته فوجهوه من بدرى بدل ما يبقى طبع عنده و يبقى كارثة عليكم و على اللى هتتجوزه و على زمايله وولاده لأن البخل أسوأ عادات البشر

اولا جواز القرايب مصايبه الصحية ع الاولاد بقت امراض صعبة و ثانيا لسة لازمك نضوج عقلى و جسمانى عشان تتحملى كل دا و تبقى الجوازة ناجحة و لما ماما تزعل شوية دلوقت احسن ما تزعل عليكى طول العمر لما تخلفى طفل معاق ذهنى او تطلقى و الجسم مش كل حاجة فى الجواز بس حافظى على نفسك طالما جسمك ملفت و اكبر من سنك ومتخافيش لو مشى هيجيلك كتير و اتكلمى معاه هو قوليله انت زى اخويا الكبير و جواز القرايب كله مشاكل ع الاولاد و بلاش نجيب ولد نلف بيه ع المستشفيات وسيبنى اكمل تعليمى وانت شق طريقك مع واحدة مناسبة لك

العفو تحت امرك فى اى حاجة و احنا هنا عشان نفيد بعض

انتى قلتى مش عارفة اوصل لحاجة ع اليوتيوب

لما تنتهى العلاقة مع الشاب اللى بيفرغك دا بسلام و يبعد عنك و تاخدى فترة راحة وتتأكدى ان اللى جاى يخطبك مناسب ليكى و هترتاحى معاه وافقى بس خليكى حذرة انك لو فتحتى مع اللى هتتخطبيله كلام جنسى يبقى هيتطور لعلاقة و عادة و مش هيقابلك و لا يدخل بيتكم الا عسان ينفرد بيكى و بعد ما يشبع و يشوف و يعمل اللى مكنش ينفع يعمله الا بعد الجواز هيسيبك و يفسخ الخطوبة فخلى العلاقة فى حدودها الصح عشان تفضل ثقته فيكى مستمرة و اعملى مع نفسك اللى يريحك بدون ضرر و اعرفى حدودك فيه

راجعى علاقتك بقى بناء على التوضيح

انت تحاول توفق الحقوقةالماليةةبينهم طالما مالك عليه و سيلة ضغط بالايصال و لو لها حقوق مالية نفقات خليه يدفعها قبل ما تخلصه من الايصال عشان لا تضرها و لا تضره

الحقوق الشرعية ملك لله و ليس للبشر و حكاية مين مسئول عن الطلاق و مين يستحق التعويض مش بتكون فى الخلع لان فيه دعوى التطليق للضرر وكانت هتاخد كل حقوقها لو اثبتت انه غير صالح للمعيشة معاه لكن طالما لجأت للخلع يبقى شرعا اتنازلت عن المقدم و المؤخر و الدهب و اللى خسره الراجل فى الحوازة و جابه وولسة موجود تحت ايدها

انا مستشار قانونى و رديت

انتبه لحياتك و اصنع نفسك عشان الايام هتلف و هتقابلها و هتحتاج تساعدها و ساعتها لازم يكون معاك فلوس و حالتك مستقرة

انا مش هاعلق ع الحالة لان فيه اخصائية نفسية ردت عليكى و هية اهل التخصص لكن تعليقى طالما جالك صبر تكتبى كل دا ابقى اقرى كتب كتير عشان تبقى مؤلفة قصص لان الموهبة متوفرة بس ناقصها ظبط اللغة

خليكى مراية اللى قدامك و زى ما طمع فيكى و دور على مصلحته امشى انتى كمان ورا مصلحتك و لو لازماكى الشقة خديها لان دى اتحسبت عليكى عند الحكومة و مش هتعرفى تقدمى فى اى مشروع اسكان تانى لو احتجتى شقة فافهمى بعيد عن الاصول لان مش هنطبق احنا الاصول مع ناس معملتش بيها معانا و اللى يزعل يبقى يحاسب نفسه الأول

انا عارف انه قاسى و جرىء بس كان لازم جراحة نشيل بيها السرطان

الولاد اللى احنا فاهمينهم صغار بعد الموبايلات مبقوش صغار و اللى فى تالتة اعدادى يعنى بقى بالغ و بيحس و بيحلم و بيفكر و بيمارس العادة السرية و بيتشجع عليكى بالتفكير حاليا بمد الايد بهزار و بعد كدة هيبقى برغبة وبجد و كونه لازق فيكى و انغيرت نظراته الشهوانية ليكى يبقى بيعمل معاكى علاقة فى خياله وهو بيمارس العادة السرية و الخيال والافلام بتخليه يفترض موافقتك و رغبتك فى اى تصرف هيعمله معاكى و القرار ليكى ومحتاج سرعة انك تتجنبيه و تقصرى معاه فى الكلام و القرب و عادى اللى يزعل يتفلق و متقعديش معاه منفردين و لما اللى فى البيت يناموا يبقى يقوم.يروح بيتهم لان دى اصول لازم.يتربى عليها و سامحينى للجرأة لكن باكلمك عن تجارب قدامنا

عاوزة الحق و لا ابن عمه ؟

مرحلة مراهقة و عدم اتزان فى التصرفات

مفيش حاجة تتقال بعد اللى اتقال دا و لمى الدور عشان اللى فى وضعك بتكون فى محكمة الاسرة بعد شهر بتطلب نفقتها و عفشها و هدومها و دهبها بعد ما طردوها جوزها و اهله من الشقة بالبيجاما اللى عليها لمى الدور انتى مش طفلة خدوا منها اللعبة بتاعتها دا جواز و حقوق و ولاد و اسرة و حياة فاشترى سعادتك بالبعد عن الاشكال دى

لو انت تعرف مكانها ادخل م الباب ابدأ خد معاد منها و اعرف ظروف اهلها ايه و فيه حد فى حياتها ولا لأ و لو مهدتلك السكة عند اهلها اتكل على الله و لو لك نصيب فيها مفيش مخلوق بيمنع قدر الخالق و لو مفيش يبقى تعمل بكلام ربنا و عسى أن تكرهوا شيئا و يجعل الله فيه خيرا كثيرا

توكل على الله و اعمل على قدر جهدك و فرغ نفسك و اعلن حالة الطوارىء

شوف يا برنس و انا شخصيا باعمل كدة و عامل حدول فيه خانات وكل خانة فيها نوع علاقة مثلا اخ او صديق او زميل او معرفة او غريب و على حسب درجة العلاقة و القرب باحط الشخص فى خانته فى الجدول فاذا هو طلع نفسه من الخانة اللى انا حطيته فيها و حط نفسه فى خانة أبعد بأسيبه فيها و ياخد منى نفس معاملته لأن معاملة الأخ غير الصديق المقرب غير الزميل غير المعرفة وحتى لو كان اخويا و استندل معايا و نقل نفسه من خانة الأخ لخانة زميل او معرفة بأعامله نفس المعاملة بدون ندم و دا عقابه منى وهو اللى اختار فمتزعلش على حد استندل و خسر اخلاصك و تضحياتك لكن حطه فى خانته اللى اختارها

وايه خلاكى غير معتقدة انها كمان ممكن تكون بتدور عليكى و مش عارفة و طالما انتى وصلتى لها كلميها و هتفرح و هتقولك الباقيين فين

انك تسكتى

خلى حد يجيبلك عسل نحل اصلى و تملى منه فنجان صغير و يتقرا عليه سورة الجن و الاخلاص و المعوذتين و تشربيه و تكررى دا اسبوع

عندى وصفة تخلصها فى 10 ثوانى بس مش دوا

انتى ايه اللى تاعبك التحرش القديم و لا ممارسة العادة ؟ ولا شكلك ؟ عشان نحل الموضوع

تمام المهم تنظيم الوقت و عدم الانشغال عن الهدف الحالى اللى هو الثانوية و بالتوفيق و ربنا يعينك و ييسر احوالك

جدعة و شاطرة و ابقى ادخلى طمنينا عليكى و اجتهد كدة يا جميل دا النجاح طعمه حلو

لو صدقنا كل اللى بيقوله الناس فينا او مشينا وراه يبقى مش عاملين حاجة و قيمة نفسنا مش بيعرفها غيرنا لكن لما بنوصل بيجروا ورانا و ينسوا اللى قالوه فواصلى يا حبيبتى صناعة نفسك عشان تكونى الحاجة اللى بتتمنى كل اللى قللوا منك يفتخروا بيكى بعدين

شوفى ياست الكل السبب فى العصبية و الغضب هو الشيطان واسمه الأعور فلما تحسى بأى نوبة غضب قدامك من نفسك او من اى حد قدامك قولى 3 مرات أعوذ بكلمات الله التامة من الشيطان الأعور و جنده و أعوانه .... و فى لحظة مش هتلاقى اى غضب لا منك ولا من اى حد غضبان عليكى

سؤالك فيه اجابتك انك معرفتيش توقفى العربيات او تعملى حاجة بتلومى نفسك بقى على ايه هل كان ربنا هيرضى عنك لو نزلتى وقفتى قدام العربيات و عربية داستك و تبقى رميتى نفسك فى التهلكة هية فى كل الأحوال حيوان معرض لأى تصرف ولو مش دا نصيبها كان ربنا بعدها عن الطريق اصلا و مشت على جمب بعيد و زيها زى اللى بياكله الأسد حى هو الاسد لما بيصطاد غزالة حية و ياكلها حية و يقطعها بسنانه حية بيتحاسب على مشاعرها و ألمها ؟ ولا دا نصيبها ؟ خففى ياحبيبتى عن نفسك وارضى ربك بصدقة لحد محتاج فدو عن صحتك

مسا مسا ازميلى عامل ايه أظن الكلام التقيل بتاع سيبك منها و سافر و اللى يقولك اقتل نفسك فى الشغل و اللى يقولك هتلاقى أحسن منها كلام لا يودى و لا يجيب و لا ياكل معاك و يخليك تنسى لكن يا زميلى اللى يبيعك بيعه و اللى يقل منك عشان حد ميستاهلش تقل انت كمان من نفسك و تحمحم حواليه هية كانت بتملى معاك وقت فراغ فاضى عندها و انت عشان اصيل و جدع كنت واخد الحكاية جد و جدعنة و كنت جدع جدا معاها رجولة اوى مش هتشوفها تانى مع حد غيرك و عيش حياتك اصاحبى و حقك هيجيلك لحد عندك و انت قاعد و الزمن دوار واللى بيستندل فى اول المشوار اخرته دمار و زى ما انت اخترتلك اسم تدخل بيه وكتبته مالوش لازمة يبقى الحوار مع بت زى دى ملوش لازمة برضه و كان حوار و نركنه فى الذكريات و نكمل التاريخ و اللى خلق دى خلق اللى احسن منها و اللى هتيجى وتعرف قيمتنا و اللى بيبعد عنا بيخسر حناننا مش كدة و لا ايه

انتى بتهزرى فكرتينى باللى عاوزة تخس بس محدش يمنعها من الاكل اللى بتحبه لكن يا حبيبتى انتى فى سن تكوين فهاتى اكل صحى و كترى من الخضروات ووالفاكهة و بطلى عك الاطفال لو عاوزة تبقى رايقة و جميلة و لو حد قالك اعملى روتين بشرة وانتى مستمرة فى شحن جسمك بالبلاوى يبقى بيضحك عليكى فاشتغلى على نفسك بارادة و قوة جوة و برة