حاولتى الانتحار 33 مرة يبقى فاضلك 17 مرة و يبقوا خمسين و تدخلى موسوعة جينز لأعلى شحص فى العالم عمل حالات انتحار و لسة عايش ........ نتكلم جد بقى بعد الهزار البايخ دا و أقولك هو انتى*** يابت يا آية **** انتى عشان تسيبى كل الحاجات الحلوة اللى ربنا خلقها فيكى و تروحى تدخلى النار برجليكى كافرة ومنتحرة و بدل من تطلعى من عذاب مؤقت تروحى لعذاب دايم فى النار ؟ هو انتى مفكرة كل الأبهات عدلين وملايكة و الحنية بتخر منهم و رايحين جايين يحضنوا فى بناتهم زى بتوع المسلسلات و لا الامهات حلوة و شيك ومتفاهمة و بتمشى مع بنتها زى أختها الأمورة ومصاحباها ؟ مفيش الكلام دا ودى حالات نادرة فى مجتمع كله فيه قرفان من عيشته و جريانه كل يوم ع السكك عشان يوفر لقمة ومصروف لبيته و ولاده و لو قريتى و انتى مثقفة و بتقرى و ليكى فى الادب و الشعر لو قريتى قصص كفاح الناس اللى وصلت و اتشهرت و بقت ناجحة هتلاقى فى حياتهم مآسى عاشوها لكن قدروا يتغلبوا عليها لحد ما مرت و خدت وقتها وخرجوا منها و اتغيرت حياتهم للأفضل زى ما كانوا عاوزينها و مفيش فى سنن الكون حاجة بتفضل على حالها طول ما الأرض بتلف و تتغير الايام و الشهور و السنين و العبرة بالنهاية ما تسيبى اللى يقارن و اللى يبعد يتفلق ما يقارنوكى بأختك هية أختك يعنى كانت نانسى عجرم ولا عالمة ذرة و لا يعنى حضن ابوكى هيزودك حتة دا هو الخسران هو فيه حد يبقى عنده بنوتة و يطلعها من حضنه طيب ياريت كان عندى بنوتة عسل كدة وحنينة مكنتش طلعتها من حضنى لكن فى الفترة دى مش مطلوب منك غير انك تفعلى أوبشن الرخامة و اللامبالاة و كأن الكلام مش ليكى و اللى يقول حاجة يقولها عدى كلامه من جمب ودانك ميدخلهاش يعنى اول ما حد يقول كلمة تدايقك حركى دماغك كدة عشان الكلام يفوت من جمبه ميجيش فى ودنك لحد ما المرحلة السودة دى تعدى و تنجحى و تطلعى بقى برة المحافظة كلها و تنطلقى فى كلية مع اصحاب تانيين وحب جديد و معارف جديدة ومجالات تانية شعر وموسيقى وندوات و رحلات و حاجة تفتح النفس وتعوض الغم اللى فات انما هتقعدى تهلكى فى نفسك وهما لا هاممهم ولا عندهم دم و لا بيحسوا و اطلع كل شوية السطوح عشان ارمى نفسى و يمكن تقعى على دماغ شاب غلبان كان بيدعى ان ربنا يرزقه بعروسة حلوة تروحى واقعة على راسه معوراه تخليه يندم ع الدعوة اللى دعاها هههههههههههههههه روق يا يويو كدة و شوفى الجروح اللى فى ايدك عالجيها و روحى اى مستشفى حكومة او مستوصف اعملى اشعة على دراعك وخلى الدكتور يعدله عشان مفيش عريس هييجى يتجوزك و انتى دراعك مجزوع و الجوازة هتبوظ و سيبك من الافكار دى و استعيذى بالله من الشيطان الرجيم وهاتى الرقية الشرعية من ع اليوتيوب حاجة كدة متعديش نص ساعة و حطى الهيدفون فى ودانك ونامى على ضهرك فى اوضتك وغمضى واسمعيها و فكرى فى الايات و هتلاقى نفسك ارتاحت بس هاتى شيخ بتحبى تسمعيه و لو معرفتيش تعالى اكتبيلى تعليق هنا و انا انزلهالك من عنيا تؤمرينى احنا هنا كلنا اخوات و اهل للى اهله تاعبينه فلما تزهقى من حاجة ادخلى فضفضى معانا نرغى معاكى ونحلها و لا ناوية تكملى وتدخلى موسوعة جينيس ههههههههههههههههههه
لا مش غلاسة خالص والله ده حضرتك تناولت كل حل للي بعانه منه ورضبت عليه بشكل مفرد في الكلام وبشكرك جدا وان شاء الله هعمل بيه جدا وصباح النور يا اخواتي وربنا يفرحنا يارب وشكرا للمجاملة اللطيفة من حضرتك ♥️
تم النشر الثلاثاء، ٧ مايو ٢٠٢٤
شاطرة يا يويو ومعلش غلست عليكى بس كنت حابب أنكشك
تم النشر الثلاثاء، ٧ مايو ٢٠٢٤
انا بشكركوا جدا علي كل الكلام دا مع اني معرفش حد فيكوا بصراحة بس كفاية ان حد بيساهم في انه بيخفف عن وجع غيره كل اللي هقدر اقوله اني هشتغل علي الورقة الربحانة اللي معايا وهجيب اعلي مجموع كويس باذن الله وخش كلية بعيدة عن الوش ده بجد لاني بجد جبت اخري بصراحه وبردك هدعيلهم بالهداية ممكن يكونوا مضغوطين فبيفرغوا غضبهم بصورة غلط ومش هخش موسوعة جينيس لأرقام الانتحار كفاية كدا لان ربنا انقذني 33مرة ومكنش حد منعني الا الله فمش هروح للموت تاني برجلي وعاهدت ربنا من اليوم تاني والله اني مش هفكر حتي وهبطل عياط تاني وربنا اكيد هيرزقني بأي حاجة تعوض الحزن والهم ده اما رجل يحفظني اما ذرية صالحة الله اعلم الخير فين وعاهدت ربنا بردك اني هنتظم تاني في الصلاة وورد القران تاني يارب اهدني واجعلني من عبادك التوابين 🤲🏻
تم النشر الثلاثاء، ٧ مايو ٢٠٢٤
لعرض الإجابة في فدني اضغط هنا