تم حذف هذا السؤال
حاولتى الانتحار 33 مرة يبقى فاضلك 17 مرة و يبقوا خمسين و تدخلى موسوعة جينز لأعلى شحص فى العالم عمل حالات انتحار و لسة عايش ........ نتكلم جد بقى بعد الهزار البايخ دا و أقولك هو انتى*** يابت يا آية **** انتى عشان تسيبى كل الحاجات الحلوة اللى ربنا خلقها فيكى و تروحى تدخلى النار برجليكى كافرة ومنتحرة و بدل من تطلعى من عذاب مؤقت تروحى لعذاب دايم فى النار ؟ هو انتى مفكرة كل الأبهات عدلين وملايكة و الحنية بتخر منهم و رايحين جايين يحضنوا فى بناتهم زى بتوع المسلسلات و لا الامهات حلوة و شيك ومتفاهمة و بتمشى مع بنتها زى أختها الأمورة ومصاحباها ؟ مفيش الكلام دا ودى حالات نادرة فى مجتمع كله فيه قرفان من عيشته و جريانه كل يوم ع السكك عشان يوفر لقمة ومصروف لبيته و ولاده و لو قريتى و انتى مثقفة و بتقرى و ليكى فى الادب و الشعر لو قريتى قصص كفاح الناس اللى وصلت و اتشهرت و بقت ناجحة هتلاقى فى حياتهم مآسى عاشوها لكن قدروا يتغلبوا عليها لحد ما مرت و خدت وقتها وخرجوا منها و اتغيرت حياتهم للأفضل زى ما كانوا عاوزينها و مفيش فى سنن الكون حاجة بتفضل على حالها طول ما الأرض بتلف و تتغير الايام و الشهور و السنين و العبرة بالنهاية ما تسيبى اللى يقارن و اللى يبعد يتفلق ما يقارنوكى بأختك هية أختك يعنى كانت نانسى عجرم ولا عالمة ذرة و لا يعنى حضن ابوكى هيزودك حتة دا هو الخسران هو فيه حد يبقى عنده بنوتة و يطلعها من حضنه طيب ياريت كان عندى بنوتة عسل كدة وحنينة مكنتش طلعتها من حضنى لكن فى الفترة دى مش مطلوب منك غير انك تفعلى أوبشن الرخامة و اللامبالاة و كأن الكلام مش ليكى و اللى يقول حاجة يقولها عدى كلامه من جمب ودانك ميدخلهاش يعنى اول ما حد يقول كلمة تدايقك حركى دماغك كدة عشان الكلام يفوت من جمبه ميجيش فى ودنك لحد ما المرحلة السودة دى تعدى و تنجحى و تطلعى بقى برة المحافظة كلها و تنطلقى فى كلية مع اصحاب تانيين وحب جديد و معارف جديدة ومجالات تانية شعر وموسيقى وندوات و رحلات و حاجة تفتح النفس وتعوض الغم اللى فات انما هتقعدى تهلكى فى نفسك وهما لا هاممهم ولا عندهم دم و لا بيحسوا و اطلع كل شوية السطوح عشان ارمى نفسى و يمكن تقعى على دماغ شاب غلبان كان بيدعى ان ربنا يرزقه بعروسة حلوة تروحى واقعة على راسه معوراه تخليه يندم ع الدعوة اللى دعاها هههههههههههههههه روق يا يويو كدة و شوفى الجروح اللى فى ايدك عالجيها و روحى اى مستشفى حكومة او مستوصف اعملى اشعة على دراعك وخلى الدكتور يعدله عشان مفيش عريس هييجى يتجوزك و انتى دراعك مجزوع و الجوازة هتبوظ و سيبك من الافكار دى و استعيذى بالله من الشيطان الرجيم وهاتى الرقية الشرعية من ع اليوتيوب حاجة كدة متعديش نص ساعة و حطى الهيدفون فى ودانك ونامى على ضهرك فى اوضتك وغمضى واسمعيها و فكرى فى الايات و هتلاقى نفسك ارتاحت بس هاتى شيخ بتحبى تسمعيه و لو معرفتيش تعالى اكتبيلى تعليق هنا و انا انزلهالك من عنيا تؤمرينى احنا هنا كلنا اخوات و اهل للى اهله تاعبينه فلما تزهقى من حاجة ادخلى فضفضى معانا نرغى معاكى ونحلها و لا ناوية تكملى وتدخلى موسوعة جينيس ههههههههههههههههههه
تم النشر الثلاثاء، ٧ مايو ٢٠٢٤
السلام عليكم يا ايه يعني مش عارفه ده اسمك ولا لا بس؟ هكلمك بشكل واقعي ممكن ممكن يعني يكون غلس شويه؟ دلوقتي انت قلتي ان في تفرقه كده ما بينك وما بين اختك اختك الكبيره مش بيحصل معها نفس العقاب اللي هو بالضرب ده او بالتعنيف الجامد. عايزين نفكر هو ايه السبب يعني ولا في سبب لو في سبب لازم نحترم السبب ده؟ لانه انت دلوقتي في الثانويه فاكيد السنين اللي فاتت دي كان فيها احداث كتير وانت بني ادمه عاديه وطفله كده عاديه اكيد حصلت منك حاجات زي اي طفل اخطاء سقطات. والحاجات دي ممكن تكون هي السبب اللي عملت كده كل ده بحط احتمالات انا معرفش يعني دي تفاصيل انت ما حكيتيهاش بس ضروري لما نبص على حاجه عشان نحلها صح نبص للصور كامله ما نبصش بس على الجزء اللي مضايقنا او الجزء اللي فيه معاناه لينا احنا بس ان انا لازم ابص على الناحيه التانيه ويا ترى الاب والامم اللي بيطلعه كميته الغضب والعنف ده في اتجاه واحد او في اتجاه يعني واحد بس من من ولادهم اسم يعني ايه بر الاذى اللي ممكن يكون عليهم ويكونوا بيطلعوا كده طبعا في احتمال انه يكون ده ظلم بين منهم صافي من غير ما يكون انت يكون فيه من ناحيتك اي حاجه خالص ولكن في احتمال تاني انه يكون فيه انواع من المساقطات تكون هي السبب في ده حاجه مثلا هم من كتر ما واجهوكي فيها او تعبوا معك فيها وصل الموضوع انهم خلاص فقدوا الامل فبقى دي الطريقه اللي هم بيعملوها. الجزئيه الحسيه بتاعه الاباء والامهات يعني للاسف مشاكل كتير جدا موجوده سواء هنا على التطبيق او لناس تانيه بنقابلهم مشكلتهم ان الاب والام ما بيعرفوش يعبروا عن المشاعر زي اللي بيجي في المسلسلات والافلام كده. ودي مشكله عامه لان هم كمان ربوش على كده فمش هقدر ان انا اكلمه في حاجه. يجوز في منهم ناس بتستجيب لما حد بينابهم وانا استني طب واحنا بيبقى وضعنا ايه في الموضوع ده يعني بنطلع مشوهين للدرجه دي يعني في حياتنا كلها تبوظ هو الحقيقه لا بس لو احنا قررنا نحط الموضوع ده كاساس لدمار لحياتنا ونعتبر القنبله اللي هتفجر لنا كل حياتنا فده هيكون اخ لانه الحياه فعلا فعلا اختيارات. فلو شفنا مثلا اختياراتك من اللي انت حكيتيه بس انت اخترتي انك تجربي تنهي حياتك 33 مره طب ممكن تقولي لي اخترتي كم مره؟ تطوري من حياتك انت بنفسك يعني تحطي المجهود اللي انت كنت هتحطيه في محاولات الانتحار ده تحطيه في محاولات للحياه. اعتقد مش هيكونوا 33 فدي الاختيارات واحنا ربنا في نهايه الحياه هيحاسبني على اختياراتنا وهيبقى حاطط في الاعتبار طبعا لان ربنا في الاعتبار الابتلاءات. في حياتكم اختاروا عليها. الناس اللي استسلمت خلاص كده؟ لكن مش هيكون خد الموضوع بشكل تحدي او الصعوبه اللي موجوده في حياته وهيكون الوضع. فيبقى الشعار بتاع حياته وربنا الابتلاء انا رغم الابتلاء انا علي على حسب البيت لا انا دلوقتي. في الحياه ايه هي اللي هتخليلك وحياتك ان شاء الله للاحسن. جدا لانك وتقدري تعملي حاجه كويسه اللي هي اللي موجوده عندك؟تيارنا.
تم النشر الثلاثاء، ٧ مايو ٢٠٢٤
بصى انتى عنيتى كتير ده ممكن يكون ان اهلك عاشو كدة بنسبلهم معاملتهم ليكى حاجة عديا فى الاول والاخر محدش هايحبك ويخاف عليكى قدهم انتى فى اهم سنة تقدرى تثبتى عكس كلامهم انك فشلة اثبتى دة بنجاحك هى دى خلاص طريقتهم حولى اكلمى معاهم مجاش بنتيجة خلاص حولى تتأقلمى على الوضع بس وانتى بتكملى حلمك شوفى نفسك توصلى لايه واشتغلى على دة ملكيش دعوة بكلام حد قومى واقفى تانى فاضل اقل من شهرين خوديهم تحدى بينك وبين نفسك انا لازم اوصل وحافظى على صلاتك مفيش حد احن من ربنا ويعلم إلى جواكى واكيد شايف إلى انتى بتمرى بيه وهايعوضك بس متستسلميش انتى فى اهم سنة ربنا معاكى يوفقك
تم النشر الاثنين، ٦ مايو ٢٠٢٤
هتلحقي بس اتوكلي على الله
تم النشر الجمعة، ١٠ مايو ٢٠٢٤
طب مستنيه اي ابعتيلي
تم النشر الخميس، ٩ مايو ٢٠٢٤
اللهم امين يا جميل، على فكره انا ثانويه عامه ذيك لو احتجتي اي شيء قوليلي
تم النشر الخميس، ٩ مايو ٢٠٢٤
ان شاء الله خير انا ربنا زي ما يكون بيديني اشارات انوا في حكمة من بقائي في الحياة ده اني انتظم في كل شي ربنا يارب يبعد عني اي شي وحش تاني او افكار زي ده انا توبت لله توبة نصوحا وان شاء الله مش هعمل كدا تاني لاني بجد ربنا اكيد عارف الخير فين ليا ربنا يستر ويهديني ويهدي عيلتي ♥️
تم النشر الخميس، ٩ مايو ٢٠٢٤
انا هبدا تاني لو ملحقتش هضطر اني اخد القرار ده
تم النشر الجمعة، ١٠ مايو ٢٠٢٤
لا طبعا متأجليش، فكري في كل الظروف اللي عدت انتي أكيد مش هتقدري تمري بكل دا تاني، اكتبي المتراكم في كل ماده او حتى لو هتبدأي من الاول وتخلصي الفصل وتحلي عليه من كتب المراجعه ولما تخلصي الماده كامله تحلي شوامل، خدي لكل ماده يومين وبإذن الله تلحقي، الله يعينك يارب، وصدقيني كل واحد عنده مشاكل وبيسعى والباقي مش علينا
تم النشر الجمعة، ١٠ مايو ٢٠٢٤
كنت عايزة اعرف هو انا ممكن اأجل السنة ولا لا مع العلم اني شاطرة جدا جدا الحمد لله بس بصراحة ضيعت مني السنة ده جامد فكنت عايزة اعرف هو عادي أجل
تم النشر الخميس، ٩ مايو ٢٠٢٤
والله انا محتاجة حاجات مش حاجة واحدة بس ربنا المعين ربنا معانا
تم النشر الخميس، ٩ مايو ٢٠٢٤
انتي محتاجه تفوقي من اللي انتي فيه، بما انك بتصلي فأكيد عارفه ان ربنا قادر على كل شيء وان مينفعش نقنط من رحمة ربنا للدرجة إنك تحاولي تنتحري كل دا، انتي مفكره انك لو انتحرتي هترتاحي، مشاكل الدنيا دي كلها باللي فيها متجيش لحظه في النار واعوذ بالله، انصحك بقيام الليل، ربنا بيقول اثناء قيام الليل هل من داعي استجب له هل من مستغفر اغفر له...، اقرأي قرآن واقفلي على نفسك، حطي جدول وظبطي دنيتك، قولي يارب انا هعمل اللي عليا وهجيب اخري ومستنيه العوض منك، سواء جه في المجموع او غيره، اؤجعي دروسك، وخلي حلمك قدامك، خليكي فاكره انك لما تنجحي دي الحاجه الوحيده اللي هتشيلك من اللي انتي فيه، خليكي اهدى واستخيري ربنا في اي قرار بتاخديه، وشوفي ربنا بيحبك قد اي عشان ينقذك في كل مره حاولتي تنتحري فيها، ربنا بيقول ونحن اقرب اليه من حبل الوريد، ويا ستي لو مش عاوزه ترجعي دروس، شوفي اليوتيوب وشوفي كل اللي محتجاه في كل ماده، وصدقيني لسه في وقت بس اصدقي انتي مع نفسك ومع ربنا. رينا يرزقك كل الخير يا جميله.
تم النشر الخميس، ٩ مايو ٢٠٢٤
لعرض السؤال في فدني اضغط هنا