شوفى ياست الكل الاول صباح الخير ثانيا السن اللى انتى فيه سن مراهقة و بتبقى البنت اشد احتياجا للحنان و الدعم و حضن الأب و اهتمامه لانه بيبقى بالنسبالها أول حب شرعى مسموح بيه و اذا بادلها الاب نفس الشعور بتبقى البنت طايرة من الفرح و عارفة ان وراها ضهر و سند لكن ياحبيبتى احنا موعودين بشوية مشاكل اجتماعية شاغلة الأبهات عن ولادها لكن فيهم اللى فاهم و فيهم اللى مش فاهم بس مسير كل حاجة هتتغير مع الوقت وهتلاقيه هو اللى جاى ومهتم بس انتى حافظى على نفسك و اعرفى ان الحاجة الغلط منك هتدايقه أكيد لأنها هتمس سمعته و اعتباره بين الناس لكن لما تجتهدى و تبقى حاجة حلوة و امورة كدة فى المجتمع هتلاقيه هو اللى جاى يكسب ودك لانه فرحان بيكى انما دلوقت هو بيتعامل معاكى كطفلة صغننة لسة ملهاش مشاعر و لا احتياجات و مزود الاحساس دا انه بعيد عنكم فمتزعليش لان مش انتى لوحدك اللى كدة فيه ابهات كتير مش بتعرف ان بناتها كبرت غير لما بتشوفها مزز فى فرح او مناسبة فبيخاف عليها و يقرب منها و يعوز يفرح بيها ومش كل اللى بتسمعيه من الأبهات قدام المأذون دا بيحصل لما صديقتى بلاشبهة و توأم روحى و رفيقة دربى و الحاجات بتاعة السوشيال دى و انتى اعتبريه مسافر فى الخارج زى اى بنت ابوها مسافر و بتضطر تعتمد على نفسها ومتستعجليش ع الاحضان بكرة تكبرى و تتغيرى و الدنيا كلها تجرى وراكى عاوزة تحضنك
يبقى مفيش حل غير المواجهة و لو خايفة من المواجهة اكتبى اللى انتى حساه و عاوزاه و نفسك فيه منه فى ورقة زى ما كتبتيه هنا كدة و اديهاله و امشى
تم النشر الأربعاء، ١ مايو ٢٠٢٤
ليه هييجي يهتم بعد اي طيب انا عندي ١٦ اختي الكبيرة عندها ٢٧ سنة هي تعمل اي عاشت كل مراحل حياتها بشخص المفروش باباها بس عايش معانا في البيت كأنو ضيف.
تم النشر الأربعاء، ١ مايو ٢٠٢٤
بس مازال الموضوع مش بالسهولة دي اني اقول انو مسافر طيب مانا عارفة انو مش مسافر ولا هكذب على نفسي لحد ماصدق الكذبة وكمان بابا مش عندو مشاكل تشغله اصلا ماما هيا الي بتعمل كل حاجه اي الي يخليه ينشغل عن خمس عيال؟!
تم النشر الأربعاء، ١ مايو ٢٠٢٤
لعرض الإجابة في فدني اضغط هنا