انا بنت عندي ١٦سنة بابا و ماما جابولي موبايل وانا ف سنة أولي اعدادي او ف إجازة سنة سادسة ابتدائي كدا اول م جبت الفون كنت بحب اوي اتكلم مع اجانب و كدا ف للاسف البرنامج الي نزلتة عشان اكلم اجانب كان ف ناس كتير مش كويسة و كانت بتبعت صور مش لطيفة نهائي و أعرضت ل دا ف الحقيقة من واحد كان ف تاكسي و شفت حاجة وحشة اوي منة و كنت بخاف اوي من التكاسي و كدا المهم اتعرفت ع ناس من اندونيسيا و كدا و حبيتهم جدا و اعرف ع ولد اندونيسي عارفة أن قصتي أولها تافه بس بعد كدا هكمل المهم كان أسمى ريحان و دي كانت اول مرة احب و انا كنت بجد هبلة اوي و انا صغيرة المهم كنت بحبة و كدا بس لما كبرت شوية عرفت أن دا هبل و كلها وقت و خلاص ف المهم بعدت عن كل البرامج دي و الاجانب و كل دا لان دي بتبقا فترة ف طفولتنا و خلاص المهم اتعرفت ع و مصري عادي من بنها و اتكلمت حبة حلوين ممكن يكون شهر و كنت وقتها ف أولي اعدادي و هوا وقتها ف تالتة ثانوي بس انا بطبيعتي عقلي اكبر من سني ف اتكلمنا و كدا و كان عقلي منثق و كبير لأن انا عندي هوايات كتير و بقرا كتب و مثقفة و معلومات و كدا ف نكمل اتكلمنا فترة الي هيا شهر و هوا الولد محترم جدا و قالي عرفي اعلم انك بتكلميني و لو رضيوا خلاص لو مرضيوش يبقا بلاش نتكلم عشان مسببش مشاكل المهم روحت قولت لبابا و طبعا اكيد رفض و قالي امسحية من عندك ف روحت قولتلو و هوا تقبل الفكر و عملت بلوك و كدا ملحوظة اختي التؤام كانت يتكلموا معايا و كدا ف المهم كبرت اكتر و عرفت أن الي كنت بعملة هبل ف هبل و لما بفتكر بقعد اضحك بجد ع دا و دا طبيعي و كدا بس حاليا هوا تقريبا اتخرج و رجع يبعت تاني بعد كل السنين دي و طلع بيحب اختي و عايز يتقدم بس طبعا احنا اصلا. نسينا الحوار و إن كان ف حد اصلا موجود ف حياتنا و كدا و هوا بيحاول يرجع يتكلم تاني و كدا ف احنا بنعتبر زي اخونا مافيش اي حاجة و طبعا هوا رجع تاني بيحاول يوصلنا من اي حتةة بس احنا رافضين تماما و خلاص نسينا المهم انا طول عمري مش بحب شكلي أنا واثقة ف نفسي و ساعات احس اني مش حابة نفسي بس ديما شخصيتي ف الخارج اني واثقة من نفسي انا من صغري عندي حبوب ف وشي و جاتلي ف وقت كنت أنا صغيرة جدا فية و بالتالي ادي أن بقا وشي في حفر و اثار سودا و حبوب كتير وكبيرة و بتوجع و دا ادي اني بقيت مش بحب شكلي و ديما لما بمشي ف الشارع مع صحابي اسمع أن دي ارتبتط و أن دي حد معجب بيها و ديما كان يمشي مع اختي او مع صحابي الاقي مثلا بنات تقولهم شكلك حلو و كدا و انا ولا مرة حد قالي كدا ولا مرة بنت وقفتني قالتلي أن شكلي حلو و بقين احس اني وحشة و شكلي وحش بس بالرغم دا كان عندي امل ف اللة أن اكيد ممكن يكون. معجب بيا و اني مش وحشة و أن ف ناس وشهم بايظ و شكلهم اوحش مني و أن لازم احمد ربنا ع شكلي و كمان انا من النوع المتفأل و بخاف من ربنا اوي أن اعمل حاجة غلط و كدا و عندي روحي حلوة دمي خفيف و بتعامل ع طبيعتي و مش بحط ميك اب و الحمد اللة حلوة ف كل حاجة م عادا وشي الي فئة حبوب و حفر و كل دا بس بالرغم دا راضية و بتعامل عادي و بالرغم دا مافيش حد بيعرف مني و الحمد الله محبوبه من كلو بس عمري متعرضت لكلمة حلوة متوجة ليا ولا عمر حد اعجب بيا أو اي حاجة من دي و دا كان من غبائ بيأثر فيا و بيخليني معتقدة اني شكلي وحش ووحشة وان عمر محد يبصلي اصلا لان اختي و اصحابي اجمل مني و من بعد الولد دا مكنت بكلم حد نهائي و ميعتبرش اني كلمتة لاني كنت صغيرة و مش فاهمة حاجة اصلا المهم ف مرة لقيط حد بيبصلي كان ولد و كدا بس شكلوا كبير يعني ف العشرينات و كان شغال ف محل بتاع قطع غيران سيرات و كدا و شغال ع الكومبيوتر و شكلو راجل يعني محترم متواضع و كدا و تقيل ف نفسة و شخصيتة و شكلو كان نفس الي بتمناة لأنها قريبة من شخصيتي و كدا المهم حسيت أن ف حد مركز معايا اوي و ديما لما كنت ببقا مروحة من الدرس مع صحابي كنت بسيبهم قدام المحل الي كان فية و أكمل انا اروح المهم عدي شهور و هوا برضوا بيبصلي و للاسف انا بدأت اعجب و كنت ببص و كان بيحب مابنا نظرات طول الوقت و صدر منة كذا موقف يعني ف مرة حد عاكسنا ف هوا اتعارك معاة و كان ساعات بيجي ورايا مثلا و انا رايحة الدرس كان ديما بيبص بابتسامة و حسيت أننا شبة بعض بجد ف الشكل و كدا و شكلة شهم و كدا و هوا كان من الشخصيات الي من نوعي المفضل ف مع الوقت ف مرة كلم اختي وقالها لو عايزين اي حاجة انا موجود و كدا و ف مرةلقيتة واقف ف شارع قريب من بيتي و كدا وشكلة كان عايز يفتح معايا كلام بس انا كنت ساعتها متعصبة و شفتة بس مبصتلهوش و مشيت و موقفتش و ف مرة كلم اختي و قالها نفس الكلام ف اختي فكرت انو معجب بيها و ادايقت لأنها عارفة اني معجبة بية طبعا قبلها اختبرتة كتير و كان كل مرة ينجح و بجد مكنش بيبص لاي بنت حتي صحبتي لاحظت دا انو مش بيدي اهتمام لحد و كانت بتقولي انو بيبقا عارف اني معدي من قدامة بس مكنش بيبص بس انتي لما بتبقي موجودة بيبص و بيضحك ع تصرفاتك و كدا ف المهم اختي اليوم دا فكرت انو معجب بيها ف قالتلو انا مرتبطة ملحوظة اختي مرتبطة المهم قالها و انا مش قصدي انك تفهميني غلط و انا مش معجب بيكي ف أنا وقتها روحت عندهم و قولت أن غلط الوقفة كدا ف الشارع ف هوا من غير م يبصلي رد و قال هي عندها حق غلط الوقفة دي ف المهم أما سبتهم ووقفت بعيد اختي جات حكتلي أنهم كانو واقفين بيتكلموا ف اي و كدا قالتلي أنة طلع معجب بيكي و أنة احترمك جدا لما مرضتيش تقفي تكلمية و عندو ٢٣ و اسموا كذا و كدا و انو مستعد انو يعمل اي حاجة عشانك و يتقدملك و كدا و انو منتظر منك رد ف أنا فكرت كتير اوي اليوم دا و كنت مبسوطة اوي أن في حد اصلا بصلي و لا عبرني و دي اول مرة حد يعجب بيا و كدا بس ف نفس الوقت خايفة اكلمة اهلي يعرفوا و اتقفش و انا مش حمل عواقب و إن كدا ثقتهم هتقل بيا و هغضب ربنا و جة تاني يوم و خليت اختي تاخد رقمة و كدا و كلمتة فون عشان اقولة ع الي ف دماغي و أن خايف. اتواصل معاة و أن سني صغير و كدا و بالفعل كلمتة و فهمنا بعض اكتر و طلع شخص محترم جدا بس هوا عايز يكلمني نتعرف و نعرف بعض اكتر لاني اكيد مش هروح يتقدم لحد و هوا مش عارف البنت دي أي و دنياها اي و كدا و انو مش فارق معاة سني و انو شايف اني عاقلة و عقلي كبير عن سني و شايف أن التفاهم اهم من كل دا و للأسف حصل الي كنت خائفة منة كلمتة و فضلنا نتكلم بالايام و حبنا يزيد لبعض امتر و اكتر ملحوظة مكنش فئة اي كلام مابنا خارج الحدود اة فئة ساعات غزل بس مش بقبل ب دا و ديما انا دبش معاة و حاطة حدود و هوا اصارحة محترمين و محترم رأي و علاقتنا محترمة جدا الحمد الله بس ف يوم طلب اننا نشوف بعض و نقعد مع بعض و كدا انا كنت رافضة ف الاول لان خايفة حد يشوفني و كدا المهم ف الآخر وافقت و جة خادني بالعربية و روحنا كافية ف الجنينة و كان معايا صحابي و هوا كان معاة ابن خالة دا معاة ف كل حاجة بجد و زي الاخوات كدا المهم قعدنا مع بعض و للاسف مسكنا ايد بعض و كدا اتكلمنا و بس روحت و ندمت اني عملت كل دا و اني خرجت معاة و مسكت ايدة بس كانت مشاعرنا كتير اوي ف اليوم دا و اتكلمت معاة ف الموضوع و اتفقنا أننا مانعملش كدا تاني و منحاولش انت يبقا في تلامس مابنا عشان ربنا و ندمنا ع دا و هوا ندم بردو و من بعدها مافيش اي حاجة من دي مابنا و علاقتنا محترمة جدا مع بعض بس ساعات كان بيلمح انو عايز يشوف شعري بس انا كنت ديما برفض دا و هوا من اول مرة احترم رأي اصارحة و قالي انا ماليش الحق اني اطلب منك كدا و الكلاما و طبعا معرف مامتة عليا و اختة و إخوة كمان الصغير بس اعتقد بابا ميعرفش عمتا أهلية ديما بيسألو عني و اهلو محترمين و كويسين اصاراحة ناس زيما عادي ف جة موعد انو يروح الجيش و كان نفسوا يشوفني قبل الجيش و كدا بس انا معرفتش ف اليوم الي كان مسافر فئة كلمتة فيديو و للاسف كنت بشعري و كدا و هوا قالي اه انا فرحت انك واثقة فيا و انا اكيد يعني مش هاخد صورة ليكي يعني هعمل بيها اي انشرها يعني اكيد لا بس ماعمليش كدا تاني و متبينيش شعرك تاني اتفقنا ف أنا حسيت و قتها اني ف علا كنت غلطانة و اني كنت عايزة اعمل حاجة كان نفسوا يشوفها قبل م يمشي بس اكدلي اني كنت وقتها انا الي مش كويسة اني عملت كدا و انو طلع كويس اكتر مني و قتها حس اني حسيت اني نزلت ف نظرة ف قالي انتي عمرك م هتنزلي من نظري عشان غلطة بسيطة زي دي بس انا عايز علاقتنا تكون كويسة و مفهاش اي حاجة وحشة عشان تبقا اخرتها كويسة بصوا هوا علاقتنا احنا مش مرتبطين و هوا اصلا مش بيحب الكلام دا بس احنا بنستهبل ع بعض بس عارفين اننا بنحب بعض و اعترفنا لبعض قبل كدا و قالي انا استناكي ثلاث سنين عقبال م تبقي ف أولي جامعة امون كونت نفسي اكتر و هيسافر برا بعد الجيش عشان يشتغل و كدا و قالي انتي هتسنيني سنة و انا هستاكي ثلاث سنين و قالي انا كل م اتأكد ان مشاعري اتجاهك لسة موجودة و مش فرحةة بدايات و خلاص انا ساعتها هعترف رسمي و عرفت بعد كدا انو معقد شوية من العلاقات و كدا بسبب انو كلم بنات كتير ف ثانوي و اتخزل قيهم كلهم ف هوا بقا بيخاف يعترف للشخص دا ف يسيبة بعد كدا و يتخزل فية ف هوا خايف يعترفلي و يخليني اتعشم فئة و ف الاخر ممكن يكون ربنا مش كاتبنا لبعض هوا خايف من كدا ف هوا حاليا ف الجيش و مش زي اي حد هيخلع بالعكس ريتصل عليا كتير بالرغم انو ف اول ثلاث شهور ف الجيش و ضغط و كدا ف بيهربوا موبايلات و بيحاول يرت عليا ع امل اني ارد بس مش بعرف عشان بكون ي قدر ي مع اهلي بس ف مرة عرفت ارد و اطمنت علية كان ساعتها أهلة رايحين لية زيارة و كلمني من فون بابا ة و بس هوا حاليا ف الجيش فضلة شهر من الثلاث شهور دول و هيرجع إجازة اربع ايام و يرجع الجيش تاني انا دلوقت خايفة اخلي يعرفوا اني بكلم حد و كدا هخون ثقتهم فيا اعمل اي و كمان كدا ربنا اكيد مش راضي ع علاقتي بيةةلانها اصلا محرمة اني اكلم ولد ف اعمل اي انا حبيت و اتعلقت بية و ف كل مرة يثبت ليا انو قد وعدة و انو راحل بجد و أهبة محترمين و ف كل مرة يثبتلي انو مش زي ولد بيتسلي و خلاص و انو فعلا بيحبني بجد نظراتة كلها حب ليا و ديما قبل م يسافر الجيش كان ديما مهتم بيا و يعرف انا رايحة فين و جاية منين و كان حافظ كل مواعيدي و معندوش اي مشكلة مع سني بس انا عايزة اعرف دلوقت هل علاقتنا كويسة ولا لا و اعمل اي بجد خايفة من اهلي يعرفوا و ثقتهم تروح و خايفة من ربنا عشان أنا بكلم كدا ولد و اكيد لما يرجع من الجيش هيبقا عايز يشوفني اعمل اي بجماعة انصحوني و قولولي هوا كدا بيحبني بجد ولا بيتسلي و كمان فئة تفاصيل اكتر من كدا بس حاولت اختصر انصحوني عشان اول مرة اكلم ولد و تبقا المشاعر دي بجد و اتكلمت معاة ف الموضوع دا بس احنا مش قادرين أننا نبعد عن بعض و فكرة انو يتقدم هوا صارحني و قالي هكون نفسي لاني بردة لسة ف البداية و ملحوظة انا اهلي عمرهم ما هيوفقوا انوويحي يتقدم وانا ف السن دا و هوا كمان هيكون نفسة و عقبال م اكون ف أولي جامعة ع الأقل و هيكون كون نفسة ف الوقت دا و ك مديا كويس هيبقا يعني و ملحوظة تانية انا لما اتكلمت معاة ف الموضوع دا اتفقنا أننا منتكلمش كل يوم و لو مقدرناش اخرنا نطمئن ع بعض و بس بس مش هيبقا في شات طول الوقت و كدا بس بردو مع الحل دا مش مرتاحة و خايفة اتكلم معاة لما يرجع من الجيش معرفش ممكن يدي ردة فعل ازاي هوا عمتا متفاهم و صريح جدا ف معرفش اجبهالو ازاي و مش عايزة اجبهالو اول ما يرجع ع لطول بس بجد حاسة الي بعملة غلط بس احنا مش قادرين نبعد و لو كان ينفع يتقدم و كنت ضامنة أن اهلي يوافقوا كان زماني قولتلو ف بجد محتارة جدا و هوا اصراحة ديما بيشجعني ع المذاكرة و مش واخد كل وقتي بالعكس بكلمة بليل بس ف وقت فراغي لنا اخلص كل حاجة ورايا و علاقتنا كويسة مع بعض و كل حاجة بس من ناحية ربنا خايفة ميرضيش ع علاقتنا و منبقاش لبعض معرفش بجد اعمل و هوا قالي بالنسبة أننا نبعد عن بعض و منتكلمش خالص ف أنا مش هقدر بجد ف مش عارفه اعمل اي ممكن رد من آنسة شيماء الي علقت من شوية و من كل شخص يشوف كلامي أدونيس رأيكوو
مقدرش اطمنك .. لان الحقيقة نفسها غير مطمئنة بالمرة. انتي عارفه كويس طبعا ان ده كله حرام، وطبعا لو اهلك عرفوا هتبقى مشكلة كبيرة جدا. ف ليه عايزة تكوني في الموقف ده؟ وليه عايزة تكوني في الموقف ده مع ربنا نفسه؟ انا هسالك كذا سؤال وفكري فيهم ايه هو الحب النسبالك؟ هل الحب شكل وانجذاب وكيميا ما بين الطرفين؟ ازاي حكمتى على الشخص ده بانك حبتيه؟ انتي ليه مش شايفة ان الشخص ده ممكن يكون بيتسلى؟ هو فيه شخص محترم يطلب من البنت اللي المفروض يحافظ عليها .. يشوف شعرها، او يمسك ايديها؟ ولا بيحافظ عليها اكتر من نفسه؟ ايه اللي يضمن ليكي بعد 4 سنيين او 5 انه هيجي ويتقدم؟ وليه اساسا تفضلي طول المدة ديه متعلقة بواحد وتستنزفي مشاعرك في سبيل العلاقة ديه وانتي متعرفيش ايه اللي هيحصل، حتى لو هيجي ويتقدم! حاجات كتير اوي بتتغير في شهور مش في 4 او 5 سنيين .. مشاعر بتتغير، التفكير بيتغير .. خصوصا انكم في مرحلة شائكة جدا، هو سنه صغير ومش ناضج، وانتي كمان مراهقة .. يعني الشخصيات ديه هتتغير 100% .. ايه اللي يضمن ان الشخصيات ديه هتكون هي هي نفس الشخصيات اللي هتحبوها بعد كده؟ 100 الف سؤال وسؤال .. و100 خط احمر من جهات كتير واولهم الدين .. بيقولك ابعدي، الطريق ده مش طريقك. متفقديش ثقة اهلك فيكي، ومتعمليش حاجه حرام علشان ترضي حد .. ولا حتى اهوائك الشخصية .. ارضي ربنا علشان بعد كده يقف معاكي، وفرحي اهلك بيكي وبتربيتهم علشان يتباهوا بيكي قدام كل الناس .. ربنا يلهمك الصواب
تم النشر الخميس، ٢٩ فبراير ٢٠٢٤
إنتِ عارفه ان علاقتك معاه حرام وممكن يكون بيتسلى وبعد ما يخلص جيش ويكون نفسه وتستنيه كل دا يسيبك .. إنتِ بنفسك قلتي كان بيكلم بنات كتير.. وفي البدايه كان قال لاختك إنه مستعد يتقدملك ولما كلمتيه في الموبايل قالك إنه عايز يكلمك وتعرفوا بعض أكتر وإنه أكيد مش هيروح يتقدم ليكي وهو مش عارفك ! كلامه متناقض ودا بيدل إنه كان بيقول أي حاجه عشان بس يوصل لهدفه إنه يكلمك في السر ويقابلك ويمسك إيدك ويطلب يشوف شعرك وكل ما حاجه منهم توافقي عليها كان هيطلب تنازلات اكتر.. ودا بيدل على إنه شخص بيتسلى ومش جاد نهائي لازم كمان تعرفي قيمه نفسك انتي وافقتي على الشخص دا عشان واهمه نفسك إنك قليله بسبب شويه حبوب في وشك ! الحبوب وآثار الحبوب و كل مشاكل البشره بتزيد ففتره البلوغ ودا أمر طبيعي جدا و البشره بتبدأ ترجع لطبيعتها مجرد ما هرمونات الجسم بتبدأ تستقر والوقتي الإسكين كير ودكاتره الجلديه متاحين و تقدري تتابعي مع أي دكتورة وتكتبلك روتين مناسب لبشرتك وتتخلصي من أي مشاكل فيها بإذن الله .. نرجع لموضوعنا لازم تعرفي إن إختيار الشخص المناسب مش متوقف بس على الشكل .. لازم يكون في توافق فكري بينكم وانتي ماشاء الله تفكيرك سابق سنك تخيلي لما تكوني في الجامعه تفكيرك هيكون إزاي؟ هل هو دا الشخص اللي تفكيره هيكون مناسب معاكي؟ نصيحتي ليكي إنك تعرفيه إنك مش هتقدري تكملي لأن العلاقه دي حرام ومش واضح نهايتها إيه وتقطعي كل سبل التواصل بينكم . . من ترك شيئا لله عوضه الله خيرا منه..
تم النشر السبت، ٢ مارس ٢٠٢٤
حقيقي كان نفسي اساعدك ببس انتي كاتهب كلام كتير جدا نصيحه بعيد عن الموضوع طالما جالك صبر تكتبي ده كله اتعلمي الكتابه وحاولي تخصري في اي كلام تقوليه بعد كده وقسمي الموضوع فقرات لان حتى لو حد بيقرا هيتور
تم النشر السبت، ٢ مارس ٢٠٢٤
بصي ي حبيبتي العلاقة الي بدايتها مترضيش ربنا نهايتها مش هترضيكي ابدا..دنتي حتى لو هتقوليلي دا احنا بنصحي بعض عشان نصلي الفجر ..هقولك برده غلط وحرام ..ربنا قال" لا تواعدوهن سرا"..وقال كمان " ليس البر بأن تأتوا البيوت من ظهورها ولكن البر من اتقى وأتوا البيوت من أبوابها"..متستأذنيهوش انك هتسيبيه اعملي بلوك ع طول من كل حاجة وسيبي ربنا يرجعهولك بالحلال ومتخليش الشيطان يغلبك ويضحك عليكي ولا نفسك وتكملي ف العلاقة وهي كده هو عارف طريق بيتك..والله تمام خلص جيشك وظبط دنيتك وتعالى كلم الرجالة الي ف البيت حتى يفهم انك غاليه
تم النشر السبت، ٢ مارس ٢٠٢٤
انا من رأي ان انتي تتفقوا انكم متتكلموش مع بعض خالص غير لما يكون هو جاهز انه يتقدم وانتي تكوني جاهزة صدقني لما هتخشي الجامعه هتقابلي ناس تانية وهتعجبي بناس فمتخليش مشاعرك تسيطر عليكي ركزي علي دراستك وبس وملكيش دعوة باصحابك اللي بيرتطبوا ويجي يقولوا انهم بيتعاكسوا وان مفيش منهم اتنين انا كان معايا بنات كدا في السكن كنت بتقرف منهم مش بغير منهم ومتقلليش من نفسك ولا من شكلك انتي لو شوفتي وصفات للبشرة وجبتي كريمات من صيدلة بشرتك هترجع لطبيعتها وهتنور انا كنت زيك في بشرتي بس مع شوية اهتمام مني بشرتي بقت تمام
تم النشر الجمعة، ١ مارس ٢٠٢٤
بصي حبيبتي. فين اشراف الاب والام من ده كلو من ساعه مجبولك الفون ده. يعني فلحظه أن انتي فابتدائي. ,يعني طفلة جيبينلك قون وكمان بتستغليه غلط. ده غير استغلال الناس ليكي فالفون وهما ولا هما هنا 💔 المهم جبولك اللي انتي عايزاه. وخلاص بعدوا اسفه اني وجعتك. بس هي دي الحقيقه. ودي كارثه فحد ذاتها. التنشئة غلط من الاول 💔💔
تم النشر الخميس، ٢٩ فبراير ٢٠٢٤
تم النشر الخميس، ٢٩ فبراير ٢٠٢٤
لعرض السؤال في فدني اضغط هنا