السلام عليكم
انا بعانى من اكتئاب من وانا فى تالته ثانوى كنت وصلت لمرحلة انى مش حاسه بالعالم الواقعى احيانا كنت بكون عاوزه اعاقب نفسى او عاوزه افوق فببدا اجرح فى ايدى وماكنتش بحس باي الم. الحمد لله بعد فتره بقيت افضل وحاليا انا فى رابعه جامعه بس رجعت تانى علطول جسمى مرهق مش عاوزه اقوم من السرير عندى دايما حاله من التشتت وعدم التركيز طول الوقت فى دوشه فى دماغى وحاله من تأنيب الضمير وانا مش عغرفه السبب بحاول على قد مااقدر علاقتى بربنا احافظ عليها بس دايما مش مركزه وانا بصلى وحتى كنت بقيت مواظبه على صلاة الفجر والاذكار بقى صعب بالنسبالى بس بحاول اقاوم نفسى.انا مابقيتش عارفه اتعامل مع الناس وبقت عندى حاله من الرهاب وعدم الثقه فيهم. انا مش عاوزه اخسر تانى وارجع زي ماكنت فى تالته ثانوى انا المفروض بتعلم المانى دلوقتى ومستوايا الدراسى فى السنين اللى فاتت فى الكليه حلو اوى بس حاليا انا مش قادره اروح الكليه او اذاكر او اعمل اي حاجه اصلا بتمنى تنصحونى اعمل ايه
من الاسباب الرئيسية للمشكلة دي هيا الوحدة او عدم وجود صحاب بس مش المقصد هنا صحاب المقصد صاحب بيبق بالنسبة للواحد زي اخ احكيله اي حاجة ويبق محل سري طبعا دا صعب جدا تلاقيه الايام دي بس موجود،عموما الحل ف انك تستعيذي بالله وتقولي دايما الدعاء دا احفظيه او اكتبيه عندك ف نوت "اللهم أخرجني من حولي وقوتى إلى حولك وقوتك ، ومن عزمي إلى عزمك ، ومن ضعفي إلى قوّتك ، ومن انكساري إلى عزّتك ، ومن ضيق اختياري إلى سعة إرادتك ، اللهم اخرجني من ضيق تفكيري إلى سعة تدبيرك .. اللهم أجعل لى من كل ضيق فرجاً ومخرجاً" دخلي عادات جديدة فحياتك زي ممارسة الرياضة قراءة القرآن طبعا رمضان داخل علينا لو عاوزة تعرفي حاجات اكتر عن الدين عندك بودكاست وعي جامد جدا وناس بسيطة بتشرح لاي حد لو مش فاهم اي حاجة فدينه وطبعا الحاجة الأهم اوعي تكوني بتقري فالصلاة وبالذات صلاة الفجر ومعلومة ليكي صلاة الفجر بتقضي ع الاكتئاب نهائي من حياتك. ربنا ييسرلك امورك ويجعلك دائما في افضل حال
تم النشر السبت، ٢٤ فبراير ٢٠٢٤
الزم صلاتك فان بها نجاتك وسوف تنتهي كل مشاكلك وليس لك علاج غير هذا
تم النشر الأحد، ٢٥ فبراير ٢٠٢٤
الاكتئاب ده من وقتها ملجأتيش لاى دعم نفسى ؟ واضح ان الاكتئاب كان نتيجة صدمة فى شخص ..عشان كده دخلتى فى الانعزال والرهاب جميل انك بتحاولى تكونى احسن وزى ما قدرتى لحد دلوقتى تقدرى اكتر اولا اسمعى رقية شرعيه بشكل مستمر ..وبعد المغرب افضل شىء ثانيا : نرجع للاسباب اللى خلتك تكتأبتى من الاساس ونخلص من اثرها عشان منبقاش كل شويه نقع فى نفس الحفره
تم النشر السبت، ٢٤ فبراير ٢٠٢٤
خلى حد يجيبلك عسل نحل اصلى و تملى منه فنجان صغير و يتقرا عليه سورة الجن و الاخلاص و المعوذتين و تشربيه و تكررى دا اسبوع
تم النشر السبت، ٢٤ فبراير ٢٠٢٤
لعرض السؤال في فدني اضغط هنا