Ahmed Hakeem

ايوة بفضل الله هتعود عليكي وهتاخدي اجر قراءتها ويشملك الحديث،مش لازم تقرأها كلها كل يوم ممكن تقسمها ع يومين او تلاتة بس تبقى نيتك انك تعملي بالحديث دا وباذن الله يشملك الحديث وحاولي احفظيها لأن حفظها هيوفر عليكي جدا وحرفيا عن تجربة انا حافظها مش بتاخد مني يومياً ساعة بالحدر(اللي هيا القراءة السريعة مع المحافظة على الأحكام). وربنا ييسرلك امورك ويزيدك به علما

بص يحبيبي انت سنك صغير ولسة قدامك كتير وخليك عارف ومتأكد انو كل شخص بيمر فحياته بفترات وطبيعي جدا تيجي عليك فترة زي دي هيا طولت فعلا اه وممكن تكون طولت لدرجة انك يئست وقولت أنا هفضل كدا طول حياتي ومليش حل. بس انا اخوك اللي قريب من سنك وببشرك اني مريت باللي انت مريت بيه واسوأ كمان والحمدلله طلعت من دا وبقيت احسن من ما كنت عليه قبل كدا كمان الحمدلله دي ك بشريات فالبداية هقولك بقى دلوقتي اي حل مشكلتك باذن الله. في نقطتين هتكلم فيهم الجانب الدنيوي الجانب الديني نبدأ بالدنيوي اول حاجة انت عندك ١٦ سنة يعني ف تانية ثانوي اعتقد او فاولى لو كنت متأخر عندك اي مواد بقى لغات ٣ لغات عربي انجلش ولغة تالتة وعندك المواد العلمية سواء كنت علمي او ادبي حل دا دلوقتي انك لو بتاخد دروس ف سناتر ف هتنزل تلم المواد مع المدرسين فالسناتر وتحل معاهم وترجع البيت تكمل حل ع اللي اخدته فالسنتر ولو بتاخد اونلاين ف في مدرسين كتير بينزلو مراجعات هتسمعها وبرضو تحل وخلي عندك عزيمة كدا وشد حيلك انت راجل وقوي وقد اي حاجة وفكك من اي اي حاجة حصلت معاك قبل كدا. الجانب الديني مشكلتك فالحتة دي اكيد حاجة من ٣ إما مش بتقرأ قرآن أو بتصلي متقطع أو مش بتقرأ اذكار الصباح والمساء أو ال٣ مع بعض ف الحل ببساطة انك تحافظ على صلاة الجماعة فوقتها قدر المستطاع ولازم فالمسجد وبالذات الفجر طبعا وبعد م تصلي الفجر تقول اذكار الصباح ولو مش حافظها موجودة ف تطبيقات كتير ع متجر التطبيقات زي مكتبتي واذكارك وبعدها تقرآ قرآن ولو صفحة واحدة وبعد العصر اذكار المساء كدا انت صلاتك وورد القرآن واذكارك تمام استمر ع كدا فترة يبطل الابطال ونشوف النتيجة مع بعض واخوك موجود عالتطبيق علطول فاي مشكلة تحتاجها او عاوز تحكي عاوز اي حاجة متترددش وشد حيلك يبطل♥️

اولا يصديقي قبل أي شئ كل عام وانتم بخير ♥️ بص انا عاوز اجاوبك ع كذا حاجة ف عشان منتلخبطش نضعها في نقاط من البداية. هل قطرات البول التي تخرج منك هذه تبطل صلاتك؟ هل إذا كانت حقا تبطل الصلاة فيجب تعويض ما فاتك من صلوات؟ هل العادة السرية سبب في هذه المشكلة؟ هل العلاج سيطول وقته؟ نبدأ واحدة واحدة اول حاجة قطرات البول دي بسيطة واسمها سلس البول ودي معفي عنها ولا تؤثر على صحة صلاتك ودا رأي اغلب العلماء ف كدا لا تبطل صلاتك وصلاتك صحيحة ولا إشكال عليك. احنا قولنا انها مش بتبطل الصلاة طبعا ف اكيد اللي فات مش عليك تعويضه ولا كفارته وحتى لو كنت لا تعلم فليس عليك كفارة لانك لم تكن تعلم من قبل وقال الرسول صلى الله عليه وسلم (رُفع عن أمتي الخطأ والنسيان). اللي بعد كدا هل العادة السرية سبب ف دا اكيد طبعا سبب وسبب كبير جدا بس انت الحمدلله ربنا تاب عليك وبطلتها ف اياك ان تعود اليها مرة اخرى قبل ان تكون لسبب جسماني ف هو سبب ديني أن تكون من الذين هم لفروجهم حافظون. اخر حاجة هل العلاج سيطول لا ابدأ لن يطول لكن استمر في مقاطعة هذه الأشياء مثل العادة السرية وادمان الاباحية ولن يطول ابدأ ولا تستمع لوساوس الشيطان وتظن ان صلاتك باطلة وانت لا تخشع في صلاتك ولا اي شئ من هذا استمر في محافظتك على صلاتك ووفقك الله لما يحب ويرضى وكل عام وانتم بخير♥️.

جيتيلي ف ملعبي انتي سنة كام الاول وباذن الله كل حاجة هتتحل

من المتعارف عليه ان مستوى السكر الطبيعي في الدم من ٧٠ ل١٣٠ ملج/دل عند الاستيقاظ من النوم. وعند الاكل طبيعي ان مستوى السكر فدمك بيضرب لفوق وبيوصل ل١٥٠ وساعات ١٨٠ كمان ودا طبيعي جدا لان اكلك معظمه جلوكوز وبيرجع مستوى السكر تاني للطبيعي بعد من ٤ ل٥ ساعات غالبا من الاكلا ف الشخص الطبيعي. عشان تخفض مستوى السكر ف تقلل من الاطعمة اللي بتتباع برا عموما حلويات وتاكل اكل طبيعي يعني متزودش اللي هوا ودا طبعا حسب احتياجك وموضوع يطيل لكن فالمجمل متحرمش نفسك من حاجة وكل فالمعقول.

من الاسباب الرئيسية للمشكلة دي هيا الوحدة او عدم وجود صحاب بس مش المقصد هنا صحاب المقصد صاحب بيبق بالنسبة للواحد زي اخ احكيله اي حاجة ويبق محل سري طبعا دا صعب جدا تلاقيه الايام دي بس موجود،عموما الحل ف انك تستعيذي بالله وتقولي دايما الدعاء دا احفظيه او اكتبيه عندك ف نوت "اللهم أخرجني من حولي وقوتى إلى حولك وقوتك ، ومن عزمي إلى عزمك ، ومن ضعفي إلى قوّتك ، ومن انكساري إلى عزّتك ، ومن ضيق اختياري إلى سعة إرادتك ، اللهم اخرجني من ضيق تفكيري إلى سعة تدبيرك .. اللهم أجعل لى من كل ضيق فرجاً ومخرجاً" دخلي عادات جديدة فحياتك زي ممارسة الرياضة قراءة القرآن طبعا رمضان داخل علينا لو عاوزة تعرفي حاجات اكتر عن الدين عندك بودكاست وعي جامد جدا وناس بسيطة بتشرح لاي حد لو مش فاهم اي حاجة فدينه وطبعا الحاجة الأهم اوعي تكوني بتقري فالصلاة وبالذات صلاة الفجر ومعلومة ليكي صلاة الفجر بتقضي ع الاكتئاب نهائي من حياتك. ربنا ييسرلك امورك ويجعلك دائما في افضل حال

بصي موضوعك دا يتلخص ك كل انك انتي كنتي هبلة وبتثقي فالجنس الاخر وانتي مش عارفة ان احنا ك جنس ذكور استغلاليين جدا بغبااء يعني معظم الشباب دلوقتي تلاقيه بيستدرج البنت بطريقة ذكية وبيعمل حيل كتيير عشان بس لمجرد يشوف جسمها ولا يتكلم معاها كلام غلط،ف المهم هنحط انك كنتي هبلة دي ع جنب وننسي اللي حصلك زمان كله ونفكر ف دلوقتي ان انتي نفسيتك متدمرة وحاسة نفسك وحشة وغلط ومحدش بيحبك فالدنيا دي رغم ان كلو شايفك كويسة بس انتي بينك وبين نفسك مش شايفة الحتة دي ف ازاي بقي تشوفي نفسك وتحسي انك كويسة وحلوة وواثقة ف نفسك الحل ك بداية انك تحاولي متجلديش ذاتك ومتحسسيش نفسك انك غلط ولا انك وحشة،انتي اه غلطتي وغلطتي غلطات كبيرة كمان بس هل معني دا مفيش حل،لا طبعا دا اصلا بداية الحل انتي اوريدي فيه انك عاوزة تبقي كويسة ومتغلطيش وتحسي بانك مقدرة ومش وحشة. تمم قولنا الاول اياكي انك تجلدي ذاتك واشغلي يومك بحاجات مفيدة بلاش تسيبي نفسك لتفكيرك يعني تخلي يومك كله مشغول بحاجات مفيدة زي شغلك زي بودكاست ديني او اي حاجة فالحياة تفيدك حتي لو ف حياتك العملية تبدأي تعملي لنفسك ورد قرآن ولو تلات اربع صفحات فاليوم وتواظبي عليهم كل يوم وتنسي حاجة اسمها صنف اخر دي دلوقتي لغاية م يجيبك واحد يدخل الباب من بيته. صح بالنسبة لحتة الزواج دي اللي انتي هاسفة منها ف انتي خايفة منه لانك اخدتي فكرة غلط عن الزواج ومحتاجة تصحيح مفاهيم ولازم تعرفي ان الزواج مش الحاجات اللي بعتهالك صاحبنا دي بس بل الزواج حياة كاملة ومودة ورحمة وحب وحياة تانية خالص مختلفة عن اللي انتي متخيلاها وعن اللي بنشوفه فالافلام والمسلسلات والحاجات دي. الواحد كان عاوز يكتب كتير بس مفيش وقت معايا بس باذن الله معانا اخواتنا فالتطبيق هنا برضو هيحاولو يساعدوكي ويجاوبو عليكي برضو وانا لو عرفت اعلقلك تاني مش هتردد ف دا المهم انتي دلوقتي متثقيش ف حد غير ربنا وقربي منه واعملي اللي قولتلك عليه ومتحسسيش نفسك بنقص ولا انك قليلة حسسي نفسك انك حلوة وكويسة وكل حاجة تمام حتي لو مش تمام بس مجرد تقدير النفس هتحسي انك ماشية فالطريق الصح ونسيتي الماضي اللي التفكير فيه ملوش اي لازمة.

واظب علي اذكار الصباح والمساء وسورة البقرة يوميا لازم والرقية الشرعية بصوت الشيخ احمد النفيس شغلها يوميا في منزلك صباحا ومساءا وكل شئ سيتم حله بإذن الله اهم شئ تكون متيقن ان ربنا الرزق بيد ربنا ومش شرط تكون مسحور ممكن تكون موسوس بس او محسود ف اعمل اللي قولتلك عليه وابعد عن الدجالين وباذن الله ربنا الشافي♥️

اعمل dns ادخل ع الاعدادات ابحثي عن dns هتلاقي private dns اختاري اخر اختيار private dns provider hostname اكتبي دي dns.adguard.com وخلاص كدا مش هتلاقي اي اعلانات تاني فالفون

ربنل يشفي عن الوالدة يارب ويعافيها وترجع بصحتها واحلى م الاول،اذا كنت تريد شغل اوفلاين ف متوفر عندي شغل أمن ومصانع ف جميع انحاء القاهرة

مش بتتقل ولا حاجة يحبيبي ربنا يوفقك يارب ويكرمك❤️

واياكم حبيبي ولكم المثل وأكثر،ربنا يجعلنا جميعا من أهل القرآن،وانتم بخير جميعا حبيبي♥️🌹

طبعا معروف أن شهر رمضان شهر القرآن ف من هنا بقولك حاول تفهم معاني كلمات القرآن وتفهم تفسيرها التفسير الميسر بس ابسط حاجة هيفرق معاك جدا فالقراءة وهتلاقي نفسك بتربط الآيات ببعضها تلقائي اكنها حكاية وربنا يجعلنا من أهل القرآن ويبلغنا رمضان♥️

اعملي اللي عليكي وشدي حيلك وربنا معاكي،مش هيفرق معاكي الصحاب اوي يعني،حاولي تستغلي الموضوع بطريقة أفضل انك تتحدي نفسك وتبقي زيهم واحسن منهم كمان بس ميبقاش دا هدفك الرئيسي،هدفك الرئيسي يكون انك تبقي كل يوم احسن من الللي قبله وربنا يوفقك ووصيى ليكي حاولي قربي من ربنا واسمعي حاجات مفيدة فوقت فراغك عشان متديش لنفسك وقت للتفكير فاي حاجة وحشة وارشحلك وبشدة بودكاست وعي

طب معلش هرد عليكي بالليل عشان دلوقتي مشغول بس المهم دلوقتي الحتة اللي لفتت نظري ولازم اعلق عليها حالا حتة لي سابوني اما قربو وكدا انا وحشة وحتة ان وجهة نظرك ان اللي بيحب حد مبيحبش غيره ومبيروحش لحد تاني،بصي انهم سابوكي قولتلك دي حاجة ترجع ليهم الاول كان حكاك وبيحب يكام بنات من وجه التسلية والدليل مكلم خمسين واحدة غيرك والتاني انتي دارس عواطف صنف البنات وعشان اقولك انا اتعمقت ف دراسة الموضوع دا وعارف البنت بتتمسك من فين وتعرف تستميلها من فين وتخليها تحبك ازاي بالاستدراج وتكسر قلبها ازاي وحاجات وحشة خالص م اللي بتقع فيها بنات اليومين دول بسبب شباب زي م تقولي ذكي بش بيستخدم ذكاؤه ف حاجة حرام وهتضره وتضر غيره ومش بعيد تتسبب ف كسرة قلب حد او ان واحدة تنتحر بسبب واحد،وكل دا تحت بند زي م قولتلك انو ذكي وذكي جدا واتعامل مع مليار بنت قبلك وكسر دي واتسبي ف مرض دي واهمل دي واتجاهل دي وكلو دا ف ميزان سيئاته وهيتحاسب عليه،وطبعا متقوليش بتعرف دا ازاي انا بقولك دارس الموضوع دا بعمق يعني،واخر حاجة دلوقتي عشان مشغول هبقي ارد بالليل بالتفصيل لو عرفتي تسيبي المكان دا لازم تسيبيه فورا وتخلصي من وجع القلب دا حتي لو بتستفادي ف الافضل ليكي تقطعي اي سبيل يفكرك ب حاجة زي كدا+قريب هخليكي تشرحي لاختي علوم ملييش تانية اعدادي دعوة😂❤️،ربنا ييسرلك امرك يارب،بالليل هرجع تاني بس عشان مشغول معلش

بالنسبة لاهلك ف كلنا عارفين ان اهلك بيحبوكي اكتر من اي حد فالدنيا حتي لو انتي شايفة عكس دا او معاملتهم معاكي وحشة ف نظرتهم ليكي دايما كويسة واهم حاجة علاقتك مع ربنا تبقي كويسة واهلك كدا كدا هتتحل مشكلتك معاهم ببساطة مع الوقت المهم انتي متحسيش انك قليلة ولا وحشة ولا انك خزلتيهم والكلام دا وفالنهاية اتمني اكون فهمت قصدك من كل كلمة كتبتيها وجاوبت ع كل سؤال سٱلتيه ولو في حاجة فهمتها غلط ف قوليلي وانا معاكي للاخر باذن الله وربنا ييسرلك امرك يارب

السؤال الرابع بق بيلعب ف حتة التزكية ابحثي اكتر عن الموضوع دا واسمعي وطبقي علطول وبعدها هتحسي ان الدنيا دي ملهاش لازمة باللي فيها والله وان اهم حاجة انتي بينك وبين نفسك اي ساعتها هتصارحي نفسك وتقولي انا كدا لازم اشد عشان انا لازم ابقي احسن من كدا واطور من نفسي اكتر عشان اللي بعمله دا ميكفينيش وهتلاقي نفسك بتصارعي نفسك عشان تبقي كل يوم احسن م اليوم اللي قبله وحبي نفسك جامد عشان انتي ك بنت بتحبي تبقي ممدوحة ومقدرة ودا طبيعي ك انثي ف حبي نفسك وامدحي نفسك واتغزلي ف نفسك حتي ودا عادي المهم انو متسمحيش لحد يفتح بوقه معاكي ولا يقولك حتي كلمة وحشة بالنسبة لحتة قيام الليل دي بقي تعود وهقولك قصة الصلاة دي كلها ف جملتين تلاتة قالهم الشيخ محمد الغليظ،قال ان الصلاة اعتبرها بيت اساس البيت دا الصلوات الخمسة والعواميد بتاعت البيت هيا النوافل ف انت لو واحد مواظب عالنوافل وبطلت تصليها ف كدا هتلاقي العواميد وقعت والبيت من غير عواميد هيبدأ يقع وحدة وحدة لغاية م يقع كله ف انتي دوري ع نفسك هتلاقي نفسك مش بتصلي نوافل اليوم اللي هما ١٢ ركعة وقال عليهم الرسول صلي الله عليه وسلم من صلي في اليوم والليلة ثنتي عشرة ركعة بني الله بهن بيتا في الجنة والبيت فالجنة طبعا مش زي بيوتنا دي دا البيت فالجنة مالاعين رأت ولا اذن سمعت ف تخيلي ١٢ ركعة سنة فاليوم ببيت فالجنة ومع الوقت تلاقي نفسك عاوزة اكتر ف تلاقي نفسك بتصلي قيام ليل بسهولة وخلي بالك قيام الليل مش اي حد يصليه والله الموضوع صعب ف وحدة وحدة البناء صعب جدا لكن الهدم اسهل حاجة ف انتي دلوقتي بتبني ف براحة خالص ع نفسك وبالتدريج ومتستعجليش نتايج وربنا ييسرلك امرك

السؤال التالت مش فاهم لي بتقولي السؤال دا او اي سببه اصلا بس انتي مش محتاجة حاجة غير انك تبقي كويسة وانتي اوريدي كدا ف اللي يبعد عنك ف داهية واللي يقرب تمم طبعا اللي يقرب يكون بنت مش جنس اخر دا كدا كدا لكن لو جنس اخر ميحقلوش اصلا يقرب منك وانك بتتحرجي دا اصلا اساسك ك انثي ومعناه انك طبيعية وعالفطرة ف دا ميزعلش بس انتي تبقي ع طبيعتك ويبق تعاملك مع الجنس الآخر بحذر

السؤال التاني بق ازاي تتخطي الشخص دا او تنسيه برضو عشان اكون صريح معاكي فالنوضوع دا صعب جدا ومش ف يدك وانا عديت ع ناس كتير مجربة والله وكان صعب جدا انها تنسي حد حبته او اتعلقت بيه بس هوا مش مستحيل ف انتي الحل انك متحطيش ف دماغك انك تفكري فيه انتي حطي فدماغك انك كويسة وعاوزة تعملي حاجات كويسة ف حياتك وتشغلي يومك كله بحياتك الشخصية ومعلش اسمعي مني الحتة دي ولازم تطبقيها اسمعي بودكاست حازم الصديق وصحابه اللي هوا اسمه حازكاست واسمعي بودكاست ايه المشكلة مفيد جدا وفرحتيني جدا انك بتنزلي تدريب وبتشرحي لاعدادي وكمان عاوز اعرف انتي بتدرسي اي يمكن يكون في تعامل بيننا ولا تدي اخواتي الصغيرين اونلاين😀،المهم عشان مبقاش طلعت عن الموضوع انتي مشكلتك ان ثقتك ف نفسك قلت جدا ولازم ترجعي ثقتك ف نفسك ومتستنيش مدح من حد ولا متستنيش اي حد يفرحك فالدنيا دي اكتر من اهلك واللي بإذن الله هيكون زوجك وهتكلم عن حتة زوجك دي ف السؤال الاخير بس بالله عليكي تفهمي الحتة دي انك والله كويسة جدا ومش وحشة وبتشتغلي ع نفسك ودا كويس جدا وطبيعي جدا انك تفكري ف حد حبيتيه قبل كدا او اتعلقتي بيه بس من كتر م هتشغلي دنيتك ويومك اكتر هتنسي دا بإذن الله وحاولي متعلقيش قلبك بحد غير ربنا والموضوع دا اسمه التزكية ابحثي عنه هيفيدك جدا وكان ليه كورس كامل او حاجة كدا هبقي افتكر اشوف لمين وابعتلك او انتي ابحثي

الاتنين كانو مبهورين بيكي من بعيد لأن شايفين فيكي صفات كويسة وطبيعي اي حد يشوف واحدة كويسة ينجذب ليها وصراحة انا معاكي فالحتة دي بس هقولك السبب من غير زعل انه الاول صراحة مش فاهمه بس اكيد لقي اللي تنفعله احسن منك بالنسباااله وحطي مليون خط تحت كلمة بالنسباله ومش معناها انك وحشة وبالنسبة للتاني بق سابك بسبب انو كان بيستدرجك وانتي مش حاسة بس بيستدرجك بطريقة محترمة من غير م تحسي ف انتي حبيتي دا ف هوا اللي كان بيشتغل عليه انو يحببك فيه وفطريقة كلامه عشاان تعمليله اللي عاوزه واي حاجة يطلبها منك وفعلا عملتيله اللي عاوزه ف حاجات كتيرة لكن اما وقفتيه عند حقه حس ان مش هيا دي اللي هعرف ادحك عليها اكتر من كدا ف بدأ يتجاهلك

اكيد مع طبعا مش محتاجة استشارة دي اولا دينيا ثانيا اخلاقيا دي حاجة متنفعش اصلا

هوا عموما المشروع كويس م ارباح بس برضو الاول تشوف المكان نفسه الدنيا ماشية فيه ولا والشريك نفسه امانته اهم حاجة وتدرس الموضوع كويس قبل م تبدأ عشان متبقاش بتخاطر وكدا وربنا هوا الموفق❤️🤍

سيبك منهم وخليكي ع رأيك واللي هترتاحي فيه لانهم مش هكا اللي هيدخلو الكلية ولا هما اللي هيدرسو انتي اعملي اللي يريحك واللي شايفة نفسك فيه فالمستقبل بالذات ف حتة الكلية دي عشان معلش احنا هنا ف مصر بالذات اهالينا عندها شلل ف دماغها ف حتة الكليات دي بالذات ومش فاهمين ان اختياري للكلية اللي هدخلها بيبقي بناءا ع رغبتي فيها واني شايف نفسي هبقي حاجة كويسة فالمستقبل بالكلية دي

عندك لو هتسمع يوتيوب ف في مدرسين كتار جدا،ولو ناوي تشترك منصة ف في منصات متكاملة زي الخطة التعليمية وزي هنذاكر اونلاين وفي حاجات كتير بس انتي حددي عاوزة اي بالظبط يوتيوب او منصات كاملة يعني منصة فيها كل المدرسين او منصات منفصلة يعني كل مدرس بمنصته زي خالد صقر كدا او محمد صلاح او احمد الجوهري محمد ايمن هكذا،ف فهميني هتختاري اي وهديكي افضل المدرسين فيها

بص هوا الانسان مسير ومخير ف نفس الوقت مسير ف اي بقي مسير ف انه اتولد وانه ابن مين يعني امه وابوه مش هوا اختارهم ومسير ف أهله كلهم عموما مش هوا اللي اختارهم ومسير ف انه ذكر او انثي ومسير ف انه ابيض او اسود ومسير جنسيتك ايه مش انت اللي اخترت بلدك اللي اتولدت فيها وفي حاجاات كتير مسير فيها ودي الحاجات اللي انت ملكش ذنب فيها ولا هتتحاسب عليها،ومخير ف اي بقي مخير ف انه يصلي او لا مخير ف انه يصوم او لا مخير م الاخر ف حاجة اسمها اجتناب المعاصي واحراز الطاعات يعني انك عملت المعصية او لا دا خيارك انت محدش اجبرك عليها انك اكلت كذا او كذا محدش مشاركك ف دي اختياراتك والموضوع اوسع من كدا بكتير صراحة عاوز حد متخصص انا مجرد عارف معلومة بس

بصي اول حاجة رسولنا الكريم صلي الله عليه وسلم قال فيما معناه ان اما تضيق معاك ارجع لربك مش تسيب نفسك للتفكير والحاجات الوحشة ارجع لربنا واحكيله واطلب منه كل حاجة هوا عارفك هتق ل كدا بس عاوز يسمع منك كل حاجة ف زي م قولتلك ترجعي لربنا دا يبقي اول حاجة تفكري فيها،وبالنسبة لانك بتأذي نفسك دي الرسول برضو قايل ف لحظة الغضب تستعيذ بالله من الشيطان وتغير قعدتك وتقوم تتوضي ومتنسيش إن لبدنك عليك حق وانك هتتسألي يوم القيامة ع نفسك وبدنك وانك ظلمتي نفسك ولا ودا ظلم لنفسك وهتتحاسبي عليه ف فكري فالنقطتين دول بس كدا كفيلين باذن الله انهم يحلو مشاكلك،ومتنسيش حاجة تانية تحاولي تحكي لحد من اهلك او واحدة صاحبتك بس بفضل الاهل اما الدنيا تضيق معاكي خالص ترجعي للشخص دا تحكيله وتفضفضي معاه هتلاقي حالتك بقت تمام بعد م تحكي بس بأكد انو يكون حد ثقة مش حد من برا او حد مش موثوق فيه

اي يعم الوهم دا😂،م تغور الناس كلها يجدع المهم انت متتصنعش وخليك ع طبيعتك وخلاص مش محتاج اللي بتقوله دا خالص

شوفي دكتور متخصص احسن عشان متاخديش حاجة نفعت مع حد وممكن تضرك

اللام لا محل لها من الاعراب،أن حرف ناسخ،الهاء ضمير مبني في محل نصب اسم إن،ينير فعل مضارع مرفوع بالضمة والفاعل ضمير مستتر تقديره هو والجملة الفعلية(ينير)في محل رفع خبر إن،لك جار ومجرور،هذه اسم اشارة مبني في محل نصب مفعول به،الحياة بدل منصوب بالفتحة

العربي محمد صلاح بسطتهالك،انجلش اسمه محمد صلاح برضو ابحث عنه،فرنساوي او لغة تانية ايا كانت قناة هنذاكر اونلاين،فيزيا دكتور كرولس،كيميا عبجواد وخالد صقر،احياء الجوهري،وفالآخر متنساش ان المدرس مش عليه الا ٣٠ فالمية بالكتير والباقي عليك انت ف شد حيلك وخد دروسك اول باول شرح وحل ومتنساش تحل كتير من كل المصادر عشان متتضربش زي م احنا اتضربنا فالكيميا والاحياء

تمم طب هل الدروس دي كلها لازمة يعني بمعني اصح مينفعش تاخدي اي حاجة فيهم اونلاين؟!,وسؤال تاني هل الاماكن بعيدة وكدا وبتاخدي فترة كبيرة فالمواصلات؟لو الاجابة اه يبقي انتي بتضيعي وقت ومش اسمهل استفادة والاونلاين هيبقي افضل بكتير معاكي

سمعت عن ان التوم والبصل الاخضر والكركم والكرنب والشاي الاخضر والزنجبيل من الاطعمة المفيدة للي عنده جرثومة المعدة وناس مجرباهم يعني

في حديث عن الرسول صلي الله عليه وسلم بيقول(لا يحل لإمرأة تؤمن بالله ورسوله أن تسافر مسيرة ثلاثة ايام الا مع محرم)او في نص تاني(لا تسافر إمرأة إلا مع ذي محرم) والمحرم دا يعني حد من محارم المرأة زي اب او اخ او عم او خال والكلام دا لصون المرأة وحمايتها وليس لمنعها من التعلم فالتعليم موجود فكل حتة مش شرط تسافر عشان تتعلم ولو مكانش في فرصة غيره فمتنساش ان من ترك شيئا لله عوضه الله خيرا منه

الموضوع عاوز تعود وطبيعي جدا الفترة دي لانك يعتبر لسة بادئة ف انا بقولك عن تجربة الحل انك متقعديش فترة كبيرة عالكتاب انتي قسميها جلسات يعني مثلا لو هتذاكري النهاردة ٦ ساعات ف قسميهم مثلا ساعة وخدي بريك عشر دقايق وهكذا لغاية م يخلصو الست ساعات ومتضغطيش نفسك جامد لسة السنة طويلة وهتستوعبي كل حاجة باذن الله لا تقلقي وقربي من ربنا اكتر برضو خلال السنة كل انا تتعبي متنسيش (ومن يتق الله يجعل له مخرجا ويرزقه من حيث لا يحتسب)،(وأن ليس للإنسان إلا ما سعي وأن سعيه سوف يُري ثم يُجزاه الجزاء الأوفي)،بالتوفيق♥️🤍

سؤالك عام جدا وصعب يترد عليه ف قولي وانا اردلك رد مفصل هل انت عاوز تنزل سناتر ولا عاوز تاخد اونلاين والاونلاين بينقسم لحاجتين اشتراكات مدرسين او يوتيوب بالنسبة لاشتراكات المدرسين بتنقسم لحاجتين في مواقع زي الخطة وهنذاكر اونلاين دول بتشترك معاهم المدرسين كلهم اللي الموقع جايبهم فموقع واحد وباشتراك بيكون غالبا سنوي وعليه تخفيض وفي اشتراكات مدرسين كل مدرس وحده ودي ميزتها انك انت اللي بتختار المدرس اللي يعجبك وتشترك معاه ودي بتكون اغلي،ف انت اي قولي هتعمل اي فيهم ع اساس ارشحلك افضل المدرسين

متواجد كتير جدا عالنت https://t.me/elmaqraaelhura2 شوفي دي. وعندك دي برضو بينزلوا اعلانات حلقات تحفيظ مجاني تماما اللي يعجبك سجلي فيه https://t.me/joinchat/Tl9OdB22i9haQUdd

حاولي تقرأي قرآن كتير ع قد م تقدري ناس كبار قالو بيفك عقدة اللسان وعن تجربة يعني،هوا الموضوع داخل ف نفسي اكتر ف حاولي تقعدي مع ناس بين فترة وفترة تجنبي الوحدة والقعدة وحدك حكي مع اي حد من صحابك مع امك او ابوكي وكدا يعني،م الاخر الحل ف انك تتكلمي كتير ع قد متقدري ومتخافيش من انك تأتأي ف الكلام هتلاقيها بتمشي وحدها وابعدي عن الوحدة واقرأي قرآن كتير ع قد م تقدري منها انك بتاخدي اجران زي م الرسول صلي الله عليه وسلم ومن يقرأه وهو عليه شاق ويتتعتع به فله اجران ومنها انك هتتفك عقدة لسانك

ممكن تكوني لابسة حاجة ف ايدك او كدا ف بيفتكروكي مخطوبة غير كدا محدش هينجم يعني اكيد بيجيلهم السؤال ف بيسألوكي مش اكتر

الكلام دا حصل مع والدتي من فترة راحت لدكتور عظام ومشت ع العلاج وخفت بس الدكتور اكد عليها انها تاخد الجرعة زي م هوا قايل ولا اقل ولا اكتر وانها متبطلش العلاج غير اما هوا يقولها خلاص كدا انتي مش محتاجة علاج تاني،الموضوع داخل ف عصب اه بس دكتور العظام هتلاقيه فاهم فيها وعارف دا كله يعني

الفكرة مش ف والدك الفكرة انتي نفسك اي رأيك ف حاجة زي كدا وهل متقبلاها وقدها ولا مش هتقدري ع دا انك يعني يعتبر البلد مختلفة ف عادات مختلفة وكلام مختلف واكل مختلف ولبس مختلف وكل المجتمع مختلف عن عيشتك ف هل هتقدري تتأقلمي مع دا ولا لأ لو ردك ايوة هتقدري ع دا يبقي ندخل ع الخطوة اللي بعدها لو جوابك لأ عن اي رد من دول ف الموضوع مينفعش يكمل مستني ردك عشان اجاوبك ع اساسه

صباحو ع اجمد صاحب،اي اخبارك النهاردة وعملت اللي اخوك قالك اعمله امبارح ولا لأ اتمني تكون عملته عشان نمشي مع بعض خطوات يوم بعد يوم،طمني عليك كدا و ع حالتك النفسية واي مشكلة بتواجهك قولي عليها وانا معاك علطول،بالنسبة للبرمجة انا هحاول اجيب لاب الفترة اللي جاية بما اني هبقي طالب جامعي وكدا كمان شهرين😀،كان نفسي ادخل حاسبات عشان اوصل لاول الطريق منها بس مجموعي ٧٧ مجابهاش بس ناوي اتعلمها اونلاين باذن الله اول م تتيسر الحالة المادية واجيب اللاب،المهم دلوقتي انت تكون بخير واي مشكلة معاك قولي وانا معاك لغاية م تبقي تمم خالص🤍♥️

طب بصي انتي ماشية صح جدا وتفكيرك كويس ومل اللي بتعمليه صح جدا واستمري ف تطوير نفسك زي م انتي كدا،لكن حتة الشغل دي مش بتاعتك لان انتي ك بنت غير الشباب انتي ملزمة من اهلك انهم يصرفوا عليكي لغاية م تتجوزي وبعد م تتجوزي يصرف عليكي جوزك وكمان اما يكون معاكي فلوس وكدا ف بيتك ملكيش انك تصرفي اي حاجة من مالك ف بيتك غير بارادتك مش بالاجبار،ف تفكير انك مش بتشتغلي دا متخليهوش يأثر عليكي وخليكي مقتنعة انك مش ولد ومش مطلوب منك اصلا شغل او انك تصرفي ع حد وركزي كدا ف مستقبلك لسة بدري عليكي،وكملي ف تطوير نفسك وحاولي تحفظي قرآن لو مش بتحفظي واسمعي دورات دينية في للدكتور حازم شومان وللمهندس علاء حامد دورات جامدة اليومين دول واشغلي نفسك بما يفيد ومتفكريش فالشغل خالص هوا دا شغلك.

حبيبي انت اجدع والله وانك تعمل بكلامي دي حاجة تفرحني جدا،الحمدلله الواحد مش بيتكبر ع حد ومفيش حد احسن من حد وكلنا اخوات وانا معاك علطول والله ويسعدني جدا ان تعمل بالنصيحة وكل يوم انا معاك وانا قبلت شرطك مش مهم اعرف شخصيتك الحقيقية المهم ان انا اكتشفت ان جوهرك من جواك كويس وفيك خير كبير ربنا سايبهولك بس انت مكونتش اكتشفته ف اقتحم دلوقتي وربنا معاك ويقويك وتوصل لافضل حاجة ان شاء الله،وانا ع فكرا اخوك الصغير مش الكبير انا ١٨ سنة بس😂،وانت اللي هتعلمني المجال دا ان شاء الله لاني حاطه ف اهدافي😂♥️❤️،ومتنساش دي انك فيك خير كبير ربنا مخبيهولك وهيظهر فيك الايام اللي جاية اما تعمل بالنصايح يخويا الكبير🤍♥️،بتمنالك كل خير🤍♥️

لا مش ولاد ناس مش بالمظاهر خالص هيا هتعملي اي لرقمه يعني وبعدين هيستفاد اي من انو يعرف انتي منين ولا ساكنة فين غير لو كان واحد سألك عن رقم حد م الوالدين دا تمام غير كدا حكاك

مينفع السلام ع حد غير من الرجال محارمك ومين محارمك دول زي ابوكي واخواتك وجدك وعمك وخالك وزوج الام ووالد الزوج والاخ من الرضاعة وابناء اخواتك اكتر من كدا حرام تسلمي عليهم ولو حد حاول قوليله مش بسلم حرام مفهاش جدال

بسهولة انت مالك دي حاجة متخصكش وخدي بعضك وامشي،دي ناس معظمها حكاكة اصلا

بصي مش احباط ليكي،بس ربنا بيغفر اي ذنب بينك وبينه لكن ذنوب العباد حاجة تاني لازم الشخص نفسه اللي يسامحك،بس انا سمعت مقطع للشيخ سعد العتيق من فترة قال في حل ان ربنا يغفرلك الذنب اللي بينك وبين حد وهوا انك تستغفر للشخص دا وتتصدق عنه بنية ربنا يغفرلك،بس انا بفضل مهما كان انك تروح للشخص وتطلب منه السماح ولو مسامحش ترجع تعمل دا عشان ساعتها مش هيكون ف ايدك حل،وخلي بالك بعدين وفكري قبل م تأذي حد

اختنا في الله،مشكلتك متعتبرش مشكلة بس انتي شايفاها مشكلة فالحل اصلا بدايته انك تقتنعي انك معندكش مشكلة وانك طبيعية وبخير،موضوع والعذرية اللي بتتكلمي فيه دا اصلا بصي في حاجة اسمها غشاء البكارة وكيف يفقد غشاء البكارة دا بق؟! معظم الاطباء والمختصين قالو لا يتم فقده الا اذا ادخل جسم صلب في المهبل بقوة كمان يكون قطره اكبر من الفتحة ف دا مبيحصلش غير ف حالة واحدة وهيا الزواج او الممارسة مع رجل عموما(الزنا) وحتي الان الحمدلله اختنا تعرف ان الزنا محرم ولم تفعله،ونسأل الله ان يزوجها رجل خير يعرف الله وتقيه فيها،المهم ان كل اللي عندك دي وسوسة ومش من المنطقي انك تتفقدي عذريتك قبل الزواج لان هذا يعتبر من العادات السيئة والغبية في المجتمع واردفنا انو لا يفقد الا في الحالة اللي قولناها،ف المطلوب منك دلوقتي انك متقلقيش من اي حاجة وتفهمي انك طبيعية ومفيش فيكي اي مشكلة وان العذرية عندك تمام ولسة غشاء البكارة متلمسش وثقي في نفسك. كدا يبق الغشاء عندك سليم والحمدلله فكري بقي فالمستقبل الباهر اللي متنظرك ومتخليش حتجة توقفك عن مستقبلك عشان لسة الدنيا قدامك انتي لسة صغيرة ف شوفي اللي يتقي الله فيكي واتوكلي علي الله🤍♥️

صباحو يعمنا♥️🤍،كويس جدا انك عارف انك غلط ومعترف ب غلطك دي اول خطوة من خطوات الحل اصلا يعني انت يعتبر دخلت فالخطوات من غير م تحس اهو،ايوة اسمو الامن السيبراني صح بس انا الاسم متغيب عني ف قولتلك بيعمل ايه،لو عاوز توصلي ف اي وقت هتوصلي بس اوعي تخترق فوني😂😂،انا بقولك ع الحل مش اكتر اوعي تأذيني يولا😂😂،المهم يغالي الحل ببساطة انت يعتبر دخلت ف اول خطواته ب اعترافك انك غلط ولازم ترجع للصح وتتوب عن كل اللي عملته،بص بقي نيجي للخطوة التانية وهيا انك هتقرب من ربنا هتقولي وهل دا حل اصلا هقولك اه حل وجرب وشوف لان مشكلتك اصلا سببها حاجتين البعد عن ربنا ودي ملهاش سبب والبعد عن الناس ودي سببها انك مبقتش تثق ف حد. بالنسبة للبعد عن ربنا حلها ف انك تصلي الخمس صلوات كل يوم فوقتهم بالذات الفجر والمسجد بكرر تاني فالمسجد وانت واحد باين عليك من كلامك فيك خير كتير بس مش عارف تستخدمه،بص هتصلي في المسجد الصلوات الخمسة زي م قولتلك واتا قولتلك لي بالذات الفجر لان ركعتين سنة الفجر بس خير من الدنيا وما فيها وماعليا تخيل الفجر نفسه الفرض وبعد الفجر شرط لازم تقعد جلسة الشروق في مساجد كتير جدا اليومين دول بتقعد مفتوحة جلسة الشروق ودي عبارة عن انك بتقعد تذكر الله باي طريقة يعني تقرأ اذكار الصباح تستغفر تدعي تقرأ قرآن اللي يعجبك فيهم كلو من ذكر الله من بعد لفجر لحد الشروق ب ربع ساعة وتصلي بعدها ركعتين وتروح بيتك،طبعا اللي بتعمله ف جلسة الشروق دا بيهيألك يوم جميل من بدايته وطول اليوم تفكر انك بدأت يومك صح ف مينفعش تعمل فيه حاجة غلط وتغضب ربنا،دي الخطوة التانية فيها تفصيل كتير برضو بس انا بديك ك بدايات اقل حاجة تعملها بس وقولتلك انا معاك للآخر يصديقي،الخطوة اللي بعدها بقي انك تعمل صحاب هتقولي منين برضو هقولك مش من اي مكان انت هتصاحب الناس اللي هتلاقيها قاعدة معاك جلسة الشروق بس اوعي تخترق فوناتهم يولا😂😂😂،بهزر معاك،المهم هما دول الصحبة الصح ومتخترقش فوناتهم باكد عليك كل واحد له اسراره وحرام تتبع عورات الناس عشان الرسول صلي الله عليه وسلم قايل حديث صعب جدا ف تتبع العورات هبقي اقولهولك بعدين بس،قولنا هتصاحبهم معرفة سطحية بس مجرد تاخد رقمه بس وتقوله لو صلاة فاتنني ترن عليا تذكرني بس كدا،ومع الوقت هتلاقيهم كترو وهتلاقي نفسك بتحكي معاهم ف حاجات كتير وبدأت الثقة فالناس ترجعلك مع الوقت وكدا تبق ضربت عصفورين بحجر وهيا انك قربت من الناس ومن رب الناس ف نفس الوقت. مش هطول عليك النهاردة كل يوم هصبح عليك بشوية حلوين زي كدا ونهارك سعيد يغالي🤍♥️

بص ياصديقي البداية طبعا انت اكيد عارف ومقر ان مفيش حد فالدنيا دي كامل ومفيش حد بالدنيا دي مش بيعمل ذنوب ومعاصي ايا كانت هيا اي بس محدش يعرفها غير ربنا وربنا بيستر ع عباده وبيتوب عليهم كل اما يعملو ذنوب ومعاصي ويرجعو اكيد انت مقر ب دا كله صح،ومقر كمان ان اللي انت عملته دا غلط وغلط كبير كمان وتتبع لعورات الناس وحرام وملكش حق فاي حاجة م اللي عملته دا واختراق تلفونات الناس دا كله حرام ولازم ترجع لربنا وتتوب م اللي عملته دا وتتوب يعني مترجعش للي بتعمله دا باي شكل م الاشكال تمم دا كله ك بداية اوك،بعدين بقي اي تدخل بمجالك دا بدل م بتعمل اختراق لهواتف الناس في حاجة احلي ف مجالك انك تكتشف ثغرات وحاجات غلط فالمواقع وتبلغ الشركات صاحبة المواقع وتديك عليها مقابل كبير وعندك شغل كتير جدا ف مجال الهاكر الاخلاقي بعيدا عن الحاجات الحرام والغلط اللي بتغضي ربنا،انا عارف ان موقفك صعب جدا وحاسس نفسك بقيت وحش وكدا بس دا ميمنعش ان ربنا بيتوب ع اي حد اي كان عمل اي م اللي خلاه يتوب ع اللي زني واللي قتل واللي واللي ف اكيد رحمته وسعت كل شئ ويتوب عليك بس انت تروحله بس وترجعله وتقوله يارب انا من غيرك ولا حاجة يارب ساعدني وخليك جنبي وغيرني للافضل وانا مش هرجع ل دا تاني خالص،بعدين تغير نظرتك للناس عشان كدا انت اتعقدت من حاجة اسمها بشر اصلا لدرجة انك عرفت الاسرار بتاعت الناس وتتبعت عوراتهم وانت مش حمل دا عشان كدا ربنا مخبي عننا دا كله ومش بيفضح حد من عباده عشان انت لو عرفت ذنوب اللي قاعد جنبك هتشمئز منه وكله هيكره بعضه،بالنسبة لسكة التدخين دي ربنا يقدرك تبعد عنها هيا صعبة جدا بس انت لو شغلت يومك بحاجة غيرها هتبعد عنها ولازم تعمل صحاب كويسين عشان معظم اللي انت فيه دا انك وحيد ومش عامل صحاب كويسين ادخل مسجد اقعد مع مشايخ بو لقيت حلقة قراءة قرآن او درس ديني اقعد معاهم مش لازم تقرآ معاهم بس اقعد مش اكتر هتلاقي ربنا بيفك القيود اللي علي قلبك دي كلها مرة ف مرة هتلاقي نفسك راضي عن نفسك ومرتاح داخليا،فالنهاية انا كنت عاوز اساعدك واقولك كلام كتير خالص عن دا بس مفيش وقت للاسف واكيد هرجعلك ف يوم اتطمن عليك واعلقلك ع حاجات كتير بعد النهاردة ومتزعلش من اي كلمة قولتهالك كلو لاجل مصلحتك الشخصية.

الحل العام في القرب من الله والتواصل الدائم معه من خلال الصلاة انك تكلم ربنا بكل اللي بتحس بيه وتشكيله عن كل حاجة بتضايقك واي حاجة ولو كانت صغيرة ف دا ربك اللي عالم بكل شئ وبعد م تخلص صلاة هتحس براحة نفسية رائعة وسلام نفسي داخلي كدا،حل العصبية بقي انك تعمل بنصيحة النبي صلي الله عليه وسلم (لا تغضب) واما تغضب تغير جلستك يعني لو واقف اقعد ولو قاعد اقف واستعيذ بالله من الشيطان الرجيم وقال ابن القيم:الشهوة والغضب جمرتين من نار في قلب ابن ادم وامر ان يطفئهما بالوضوء والصلاة والاستعاذة بالله من الشيطان الرجيم،الاكتئاب بقي حله انك تقرب من ربنا باقل حاجة ك بداية وردك اليومي يعني تعملك جزء او نص جزء او حزبين عالاقل من القرآن تقرآه كل يوم وصلوات الفروض الاربعة فوقتهم والنوافل ١٢ ركعة سنن للصلوات(اثنين قبل الفجر واربعة قبل الظهر واثنين بعده واثنين بعد المغرب واثنين بعد العشاء) وتدعي ربنا كتير فالسجود انو ربنا يوفقك ف حياتك ويجعلك عبدا حكيما عاقل سديد رشيد❤️♥️

تشغيل القرآن في اي وقت ايا كان لا اشكال به عشان محدش يقولك لا يجوز ومش عارف اي طب اللي بيقول لا يجوز تشغيله اثناء التركيز والعمل وكدا طب م في ناس مبتعرفش تركز غير اما تشغل موسيقي واغاني للمغني كذا والكلام دا ف دي مش حجة انو مينفعش تشغله اثناء التركيز وانا مجرب كمان تشغيل القرآن وقت التركيز بالذات المذاكرة بكون مركز جدا بس دا بيحتاج تعود مش اكتر لو حاسس ان كلامي بيجرح ف حد ف انا بدافع عن القرآن من الناس اللي دماغها تعبانة وبتفتي من دماغها وفالنهاية ربنا يجعل القرآن ربيع قلوبنا❤️♥️

قبل اي كلمة لازمة تكوني مؤمنة بأن الخيرة فيما اختاره الله لك ف متزعليش م اللي حصل دا ربنا كاتبه واكيد انكم تبقو مع بعض وتكملو دي مكانش فيها خير بس احنا بصيرتنا ضعيفة،بالنسبة لانك مش عارفة تنسيبه ف دا صعب يحصل من يوم وليلة عشان اكون صريح معاكي الموضوع انا سائل فيه ناس كتير مجربة المواضيع دي وفي ناس حرفيا اتجوزت وهلفت ولسة منسيتش العلاقات القديمة بس كل ردهم انهم مش متأثرين ب دا دلوقتي وانهم عايشين حياتهم ودي دروس الواحد بيتعلمها وعادي كل حاجة بتتنسي مع الايام ف انتي تقربي من ربنا وتطلبي من ربنا يكتبلك اللي فيه الخير وتكتري من دعاء"ياحي ياقيوم برحمتك استغيث اصلح لي شأني كله ولا تكلني إلى نفسي طرفة عين" وربنا يقويكي ويصبرك

في حل بسيط اسمه تقنية البومودورو وهيا انك تركز جدا فالحاجة اللي بتعملها لمدة ٢٥ دقيقة وتاخد بريك ٥ دقايق وترجع تركز تاني بس احنا هنعمل عليها تعديل عشان ٢٥ دقيقة دي قليلة ف نخليها تركيز من ٤٥ ل٥٠ دقيقة وراحة او بريك من عشر دقايق لربع ساعة وهكذا وبكدا تكون بتنجز اكتر ومفيش ملل ف نفس الوقت وتلغي اشعارات التطبيقات كمان عشان متتشتتش اثناء التعلم ومتنسيش ان اللي عنده عزيمة بيعمل اي حاجة ف استعن بالله ولا تعجز وخلي عندك العزيمة وربنا يكرمك يارب

الموضوع ممكن يكون غلط ع صحتك ف مش عشان خروجة الواحد يضيع صحته ف الافضل تمشي حالك كدا احسن من الطرق السريعة اللي مش بتجيب غير نتيجة عكسية

في ابليكيشن اسمه نوشن حلو جدا بس ممكن يكون صعب عليك ك بداية بس لسه شروحات كتير عاليوتيوب دا لو اعتمدت عليه حرفيا تقدر تحط عليه حياتك كلها بالثانية

الحل الامثل هما هوا القرب من ربنا والصلاة ع وقتها واذكار الصباح والمساء لو ذكرين او تلاتة زي الفل كبداية وتحاولي تدخلي صلوات سنن ف يومك ولو ركتين بعد المغرب واتنين بعد العشا كبداية برضو وتحاولي تفتحي القرآن كل يوم ولو هتقرأي آيتين بس الحاجات دي لازم تتعمل كل يوم هتلاقي نفسك اما تقربي من ربنا حاسة نفسك بتنجزي كتير ومبسوطة ومشاعرك طبيعية مفيش حاجة غلط بس الفكرا انك تقتنعي دلوقتي انك كويسة وطبيعية ومفكيش حاجة

الاحساس دا مشترك تقريبا عند كل طالب ثانوية عامة بسبب الضغط اللي مر بيه خلال السنة والامتحانات واللي حصلنا فيها ولغاية دلوقتي ومستنين النتيجة ف الموضوع عند كله بما فيهم انا وصحاابي نفس الملام ف طبيعي جدا الاحساس دا اليومين دول بس احنا يبق عندنا يقين بربنا بس انو هيكرمنا ونرضي بالقدر ايا كان ف هوا خير لينا والخيرة فيما اختاره الله لك🤍❤️. رغبة البعد عن البشر دي بق حلها انك تحاولي تقربي من اهلك اكتر تقعدي مع امك وابوكي واخواتك لو ليكي اخوات وتقعدي كتير وتحكي معاهم فاي حاجة حتي لو ملهاش لازمة دي تحسسك بالامان ف هيمشي الاحساس دا وحده كدا وباذن الله ربنا يجبرنا كلنا🤍❤️

تعريف التنكيس للي ميعرفهوش "هو انك تقرأ من سورة بترتيب المصحف وترجع تقرأ من سورة قبلها في نفس الركعة". يعني علي سبيل المثال الترتيب الصحيح ان سورة النساء بعد آل عمران ف التنكيس انك تقرأ النساء بعدها تقرأ آل عمران ودا ذهب بعض العلماء لكراهته والبعض الآخر انه مباح لكن الافضل انك تحاول تقرأ بترتيب المصحف لان دي السنة