تم حذف هذا السؤال
الكويس في اللي انتي قولتيه انك معترفة بغلطك .. محتاجه اعرف الفوبيا من الجواز عموما جتلك بعد ما دخلتي ف علاقة حب مع الشخص الاول؟ يعني لو سألتك سؤل دلوقت .. ايه الفايدة من دخول علاقة حب وانتي اساسا رافضة الزواج؟ الشئ التاني كويس اوي انك ندمانه على اللي حصل، وكويس انك عرفتي ان اساسا كل ده لعب، واللي حصلك عموما ناتج طبيعي شوية لان خبرتك قليلة في الحياة، ف مش عارفه لما حد يتصرف التصرف ده يبقى ليه، ونيته اتجاهك ايه؟ ف انتي دلوقتي عرفتي، عرفتي ان اساسا حتى لو حد كلمك بالاسلوب ده هيكون اساسا شخص مش كويس، من اول كلمة هو قالها ساعة ما جه عرفك بنفسه، ولكن انتي مفهمتيش كان غرضه من الكلام اللي قاله ده ايه بالظبط، وعلشان كده اي تجربة انتي دخلتيها ياريت تاخديها على محمل التجربة الحياتيه. يعني اتعلمي من كل حاجه انتي مريتي بيها، اكيد اللي حصلك ده كان لحكمة من عند ربنا، اكيد لسبب، ف مش المفروض انك تتجاهلي رسالة ربنا ليكي، وتفكري بس انك عايزة تقفلي على نفسك وانك تقولي لنفسك انا اوحش حد ف العالم، ليه؟ احنا كلنا بنعمل اخطاء، وهنفضل نغلط، المهم نتعلم من الخطأ ده، قربي من ربنا، وسامحي نفسك .. ده اول طريق انتي محتاجه تاخديه. مسامحه نفسك اولا ثم تغيري بقى اللي انتي محتاجه تغيريه.
تم النشر السبت، ٧ أكتوبر ٢٠٢٣
بصي موضوعك دا يتلخص ك كل انك انتي كنتي هبلة وبتثقي فالجنس الاخر وانتي مش عارفة ان احنا ك جنس ذكور استغلاليين جدا بغبااء يعني معظم الشباب دلوقتي تلاقيه بيستدرج البنت بطريقة ذكية وبيعمل حيل كتيير عشان بس لمجرد يشوف جسمها ولا يتكلم معاها كلام غلط،ف المهم هنحط انك كنتي هبلة دي ع جنب وننسي اللي حصلك زمان كله ونفكر ف دلوقتي ان انتي نفسيتك متدمرة وحاسة نفسك وحشة وغلط ومحدش بيحبك فالدنيا دي رغم ان كلو شايفك كويسة بس انتي بينك وبين نفسك مش شايفة الحتة دي ف ازاي بقي تشوفي نفسك وتحسي انك كويسة وحلوة وواثقة ف نفسك الحل ك بداية انك تحاولي متجلديش ذاتك ومتحسسيش نفسك انك غلط ولا انك وحشة،انتي اه غلطتي وغلطتي غلطات كبيرة كمان بس هل معني دا مفيش حل،لا طبعا دا اصلا بداية الحل انتي اوريدي فيه انك عاوزة تبقي كويسة ومتغلطيش وتحسي بانك مقدرة ومش وحشة. تمم قولنا الاول اياكي انك تجلدي ذاتك واشغلي يومك بحاجات مفيدة بلاش تسيبي نفسك لتفكيرك يعني تخلي يومك كله مشغول بحاجات مفيدة زي شغلك زي بودكاست ديني او اي حاجة فالحياة تفيدك حتي لو ف حياتك العملية تبدأي تعملي لنفسك ورد قرآن ولو تلات اربع صفحات فاليوم وتواظبي عليهم كل يوم وتنسي حاجة اسمها صنف اخر دي دلوقتي لغاية م يجيبك واحد يدخل الباب من بيته. صح بالنسبة لحتة الزواج دي اللي انتي هاسفة منها ف انتي خايفة منه لانك اخدتي فكرة غلط عن الزواج ومحتاجة تصحيح مفاهيم ولازم تعرفي ان الزواج مش الحاجات اللي بعتهالك صاحبنا دي بس بل الزواج حياة كاملة ومودة ورحمة وحب وحياة تانية خالص مختلفة عن اللي انتي متخيلاها وعن اللي بنشوفه فالافلام والمسلسلات والحاجات دي. الواحد كان عاوز يكتب كتير بس مفيش وقت معايا بس باذن الله معانا اخواتنا فالتطبيق هنا برضو هيحاولو يساعدوكي ويجاوبو عليكي برضو وانا لو عرفت اعلقلك تاني مش هتردد ف دا المهم انتي دلوقتي متثقيش ف حد غير ربنا وقربي منه واعملي اللي قولتلك عليه ومتحسسيش نفسك بنقص ولا انك قليلة حسسي نفسك انك حلوة وكويسة وكل حاجة تمام حتي لو مش تمام بس مجرد تقدير النفس هتحسي انك ماشية فالطريق الصح ونسيتي الماضي اللي التفكير فيه ملوش اي لازمة.
تم النشر الجمعة، ٦ أكتوبر ٢٠٢٣
لعرض السؤال في فدني اضغط هنا