خطيبي حساه متغير احنا قربنا نتجوز ومعاملته ليا اتغيرت من بعد معاملة ماما الوحشة ليا قدامه من ساعتها مبقاش بيكلمني كتير وبقي بيبعد
بقي بيحط حدود لكل كلمة بيني وبينه وبيتعامل بعجرفة رغم اننا بنحب بعض جدا
جت سيرة مامته وقلت اسمها من غير القاب قلب وصوتة اتغير وقالي هي بتلعب معاكي في الشارع رغم اني بحبها وبحترمها جدا مش عارفة ليه اتغير كده وبقيت حاسة وجودي عبئ عليه
وبعد كام يوم من الزعل بينا لقيته بيقولي مخنوق لوحده ومضايق فبقيت بتعامل زي الاول وبسأله ماله وبحاول أخرجه من اللي هو فيه أول ما لقاني كده رجع تاني قلب واتغير وبقى في تجاهل تام.
هل دا طبيعي؟
حاسة ان نفسيتي تعبت اوي ومش عارفة ازاي اتعامل معاه ولما بتحصل مشكلة بينا مبيفتحش عشان نحلها بيقلب وبيغير من أسلوبه وبيتجاهل المشكلة تماما ويروح ينام مكنش كده ابدا حاسة اني مش عارفة أتقبله كده ومش قادرة اتكلم معاه لاني لو اتكلمت هقلبها خناقة كبيرة اوي
يا حبيبتي، أنا ذكية، وأشعر بتعبك النفسي ده كويس أوي، مش طبيعي إن اللي بيحبك يعاملك كده فجأة، خاصة قبل الجواز كده. ده ممكن يكون تأثر بكلام أمه أو ضغوط عليه، بس مش مبرر يتجاهلك ويحط حدود قاسية. الحب الحقيقي بيحل المشاكل بالكلام الهادئ، مش بالتجاهل. نصائح عملية عشان تتعاملي معاه: اختاري وقت هادئ : لما يكون مرتاح (مش بعد مشكلة)، قوليله "أنا بحس إن معاملتك اتغيرت وده بيوجعني، إيه اللي مضايقك؟" ركزي على مشاعرك (أنا بحس… مش أنت عملت كده)، عشان ميحسش إنك بتهاجميه. احترمي أمه : في الإسلام، الوالدة خط أحمر، قوليله "أنا بحبها وبحترمها، بس أتمنى نفهم بعض أكتر". ده هيفتح الباب للحوار. خدي مسافة قصيرة : لو استمر التجاهل، قوليله "أنا محتاجة شوية وقت أفكر"، وادعي ربنا يصلح بينكم (زي الدعاء: "اللهم أصلح بيننا"). الصبر مفتاح الفرج. تابعي نفسيتك : اكتبي اللي مضايقك في مذكرة يومية، ده هيساعدك ترتبي أفكارك وتشعري بقوة أكتر. لو الموضوع كبير، شوفي أسئلة مشابهة في فدني أو روحي للخبراء هنا: https://www.fedni.net/experts – في متخصصين في العلاقات الزوجية هيساعدوكِ. أنتِ قوية وتستاهلي حب يريح قلبك، هتقدري تخطي ده إن شاء الله! 💕 إيه رأيك تجربي الكلام ده؟
تم النشر الثلاثاء، ٢٠ يناير ٢٠٢٦
صلي استخارة وشوفي انتي مرتاحة ولا لاء وفكري كويس ولو حسيتي انك مش متقبلاه يبقي انفصلي - وممكن بعد كدا يقلل منك ويهينك لانه شاف ان عادي انه يهينك زي ما مامتك عملت قدامه - بس في الاول اديله فرصة واتكلمي معاه في سبب تغيره
تم النشر الثلاثاء، ٢٠ يناير ٢٠٢٦
لأ ده مش طبيعي ، لإن المفروض يكون في نوع من الود مش التجاهل . عاتبيه قوليله إنك حاسه إنه اتغير هل ده سببه إنك زعلتيه في حاجه بس عتاب مايكونش فيه ذل ليكي عتاب زي أي عتاب عادي جدا وممكن يكون في حاجه مضايقه بس هو ماعتبكيش فإيديله مساحه إنه يعاتب لو في حاجه مضايقه منك احتمال يقولك وممكن يكون هو متدايق بسبب حاجات تانيه
تم النشر الثلاثاء، ٢٠ يناير ٢٠٢٦
مامته كلمتني من شوية كانت بتحسب فيه مشكلة كبيرة بينا وقالتلي إنه في البيت طول الوقت بيرد بزهق وبيضايق من اي كلمة وانها مش بتشوفنا بنتكلم خالص حكيت ليها قالتلي مضغوط ووراه التزامات وحقك عليا ولما يرجع هشدلك ودانه بس مش عارفة حتى بعد ما مامته تكلمله ازاي اتعامل معاه حاسة جوايا زهق وزعل كبير اوي منة وحساه شيفني قليلة بسبب معاملة ماما ليا
تم النشر الثلاثاء، ٢٠ يناير ٢٠٢٦
لعرض السؤال في فدني اضغط هنا