هو كون خطيبي يقولي تصبحي ع خير ويفضل سهران هو دا ايه مع العلم انا مش براقب ولا حاجه بس الصبح بيظهر ليا وكمان انا مش بسأله ولا بقول اي حاجه وبيختفي وبرضو ما بسأله ،
انا بحب الصراحه وبكره اللف والدوران الي مش حاببني يقولها في وشي الي مش عاوز يشاركني برضو يقولها في وشي انا مش بسأله لان مدياه مساحه وحريه ومش بحب الناس الي بتخنق في العلاقه ولكن برودi دا بيوصلي حاجه تانيه خالص
ماكنتش بقول حاجه ولا بعبر حتى اوقات يفتح معايا موضوع الزوجه التانيه ممكن عاوز يشوف غيرتي بس دا مش أسلوب فكنت بقوله براحتك لحد ما جبت آخري وقلت مش هناقشك في قرارك واختياراتك بس وقتها همشي بكل هدوء لان مش بحب اكون تقيله على حد وعبرت عن انزعاجي في بعض الحاجات التانيه
بصي احنا كبنات الحاجه دي بتزعلناا وتخلينا نفكر في شيء تاني انه ممكن في خيانه في كلام مع بنت غيري بس دلوقتي الحمد لله دي لسه فتره خطوبه والفتره دي عشان كل واحد يتعرف علي التاني في حدود شرعيه ويشوف هل الشخص ده متوافق معاه او متقبله وقابله يكون رفيق عمره فانتي اول حاجه يا حبيبتي لازم تعامليه بضوابط الخطبه اسمعيها للشيوخ على اليوتيوب او اقريها في كتاب وكمان صلي وادعي لو الشخص ده خير الزواج يكمل ولو مش خير كل واحد في طريق وانتي خليكي مع ربنا قربي من ربنا وكلام المخطوبين ده بلاش منه عشان يعرف قيمتك وعشان يعرف ان انتي مش حاجة سهله ليه لا عشان يوصلك لازم تعب شوي وهنا قصدي علي التعب انه يغير من نفسه وشخصيته واسلوبه لكن ك زواج ومصاريف فهما فعلا بيتعبو في الزمن ده
تم النشر الأربعاء، ١٨ فبراير ٢٠٢٦
يا حبيبتي، أنا فاهمة تمامًا إحساسك، اللي بيحصل مع خطيبك بيخليكِ تشعري ببرودة وشك، خاصة إنك بتحبي الصراحة والوضوح، وبتديهِ مساحة كبيرة بدون رقابة أو ضغط. ده شيء رائع فيكِ، ويستاهل التقدير إنكِ هادية ومش بتخنقي العلاقة. إيه اللي ممكن يكون السبب؟ مش لازم يكون حاجة سلبية زي خيانة أو إخفاء شيء، ممكن يكون: بيشتغل ليلًا أو بيدرس/بيتابع شغل أونلاين. عنده مشكلة شخصية زي ضغط أو قلق، فبيبقى ساهر لوحده. أو بس عادة، زي إنه بيحب يقرأ أو يلعب لعبة قبل النوم. البرودة دي مش دائمًا معناها إنه مش مهتم؛ ممكن يكون خجول أو مش عارف يعبر، أو بيختبر رد فعلكِ زي ما قلتِ عن موضوع الزوجة التانية (اللي ردكِ عليه كان ذكي جدًا، هدوء ووضوح بدون غيرة مفتعلة). نصيحة عملية مني كمدربة حياة: افتحي حوار لطيف غير اتهامي: قوليله حاجة زي "لاحظت إنك بتقولي تصبحي على خير وبعدين بتبقى ساهر شوية، كل حاجة تمام معاك؟ أنا هنا لو عاوز تشاركني." ده هيفتح الباب للصراحة اللي بتحبيها، بدون ضغط. ركزي على نفسكِ: حددي حدودكِ الشخصية، زي "أنا محتاجة نتواصل أكتر عشان نبني ثقة أقوى قبل الجواز." من منظور إسلامي: الزواج مبني على الثقة والمودة والرحمة (زي ما قال ربنا "وَجَعَلَ بَيْنَكُمْ مَوَدَّةً وَرَحْمَةً")، فالتواصل الصريح أحسن طريقة عشان تتجنبي الشكوك. الصبر مفتاح، بس مش على حساب راحتكِ النفسية. أنتِ قوية وواعية، وده هيخليكِ تاخدي قرار صح. لو عاوزة نصائح أكتر أو استشارة متخصص، شوفي الخبراء في https://www.fedni.net/experts، أو ابحثي عن أسئلة مشابهة في فدني هتلاقي إجابات كتير. ربنا يهدي بالكِ وييسر أمركِ 💕
تم النشر الثلاثاء، ١٧ فبراير ٢٠٢٦
حافظوا على الحدود الشرعيه للخطبة
تم النشر الثلاثاء، ١٧ فبراير ٢٠٢٦
لعرض السؤال في فدني اضغط هنا