يمك انا مش كبيرة اوى يس بحس دائما انى ممكن اضيع حياتى بسبب خوفى من الجواز و انى اعيش تجربة قاسية زى تجارب اللى حواليا و دائما مش عارفة اقتنع غير بفكرة ان كل علاقة حب او جواز مبيكملش و لو كمل بيكمل فى مشاكل و خناق عشان فى اطفال .. بحس انى ببعد عن ناس كويسة عشان خوفى من انى امر بحاجة توجع
مفيش حد بيبني حياته على تجارب غيره سواء في الجواز أو أي حاجه تانيه ولو فضل يفكر بالمنطق ده هيفشل فعلاً المشاكل والخناق بتتخلق من انعدام التفاهم بينهم والحب هو الحائط اللي بيصد المشاكل بس الحب لوحده مش كفايه وجود التفاهم والموده والرحمة والسكن والطاعه والاحتواء والاهتمام والاحترام والخصوصية والصدق والإخلاص والثقة المتبادل بين الطرفين ده أساس العلاقات الناجحه وأساس الجو الأسري السوي وأطفال أسوياء الجواز تجربة فشله للي فشل في الإختيار فشله للي مش متقي الله من الأول وعف نفسه وعفت نفسها فشله للي مفيش بينهم أي خصوصيه وحياتهم كلها بين أهاليهم فشله للي قرر يخون مراته أو تخون جوزها فشله للي مش قادر يتحمل المسؤولية فشله للي مفيش نقاش وتفاهم بينهم واحترام وتقدير الجواز ستر وعفه وسعاده ومسؤولية ونضج للي قادر يتحمل المسؤولية ويبني أسرة أحسني الإختيار الزوج الصالح اللي يعينك على طاعه الله اللي يقدرك ويحترمك وتأكدي أن الجواز راحه لمن أحسن الإختيار فكري بشكل إيجابي وتخلي عن مخاوفك وقلقك لانه هيأثر بالسلب على حياتك
تم النشر الثلاثاء، ٢٥ يوليو ٢٠٢٣
في الحقيقة مقدرش اقولك على ضمانات .. وان تجربتك هتنجح علشان اطمنك. بس اللي هقدر اقولوا ليكي .. ان مش لازم تكون تجربتك زي كل التجارب .. ليه؟ التجربة عبارة عن شخصين ذكر وانثي .. تمام انتي ليه بقى بتعممي تجربة شخصين غيرك على نفسك؟ شخصين مختلفين في كل حاجه عنك، ليه تحسي بانك ممكن تبقى زيهم .. ليه مش قادرة طيب تستفيدي من تجارب الناس اللي حواليكي .. وتحاولي تحسني من نفسك مثلا! انتي لو شخصية سوية يبقى مبدايا كده هتعرفي تختاري بنسبة لا بأس بها شخص صح وسوي .. وانتم الاتنين تعملوا حياة كويسة وسوية مع بعض ليكم ول اطفالكم. لكن لو اختارتي شخص غلط ده هيبقى مسؤوليتك في الاخر .. لو اتعاملتي في العلاقة غلط هيبقى مسؤوليتك .. ف فكرة انك تفشلي او لا .. ديه ب ايدك بنسبة كبيرة .. وطبعا العاتق التاني برضه ع الطرف الاخر. الوجع ضروري علشان يبقى فيه توازن في حياتنا .. مستحيل تلاقي شخص متوجعش من اي حاجه .. من غير وجع مش هنعرف نتعلم .. ف لازم نتوجع علشان نعرف الصح والغلط .. اتمنى ليكي التوفيق
تم النشر الثلاثاء، ٢٥ يوليو ٢٠٢٣
حقك طبعا تخافي وتشيلي الهم من الموضوع ده لان فعلا كمية المشاكل والتجارب القاسيه ال بقينا نسمع عنها ونشوفها بقيت مرعبه ولكن متخليش خوفك ده يسيطر عليك ويحرمك حق فطري طبيعي عشان كده لازم توزني الامور بعقلك شويه يعني التجارب القاسيه كثيرة جدا بدل ما اسمعها واخاف لا انا اسمعها واتعلم منها احاول اعرف ايه ال سبب المشكله دي واسجله في دفتر عندي عشان استفيد منه لما يتقدملي عريس ان شاء الله وابدأ اكون معايري الخاصه في ناس حاليا بقيت بترفض بيت العيله بسبب كثرة المشاكل ال بتحصل من النقطه دي في مشاكل بتحصل بسبب عدم التدين والبعد عن ربنا في مشاكل بتحصل بسبب انه مدخن او مدلل او بخيل او غير مسؤول او انه هو او هي فاكرين ان الزواج مفهوش خلافات خالص وان الحياة ورديه زي المسلسلات او او او اذن انا كل ما اسمع مشكله اتعلم واستفيد منها في اختياري بعد كده ان شاء الله كمان في حاليا دورات كتير اثبتت نجاحها اسمها دورات تأهيل للزواج لو في استطاعتك تقدري تاخدي دورة منهم دايما ادعي اللهم ارزقني زوجا صالحا تقيا نقيا بارا حنونا مقدرا يعينني على طاعتك
تم النشر الثلاثاء، ٢٥ يوليو ٢٠٢٣
والله انا برده فيه حاجات فى المستقبل بقكر فيها ولكن دايما بفتكر قول الله تعالى {أَلَيۡسَ ٱللَّهُ بِكَافٍ عَبۡدَهُۥ} الزُّمَر : 36
تم النشر الاثنين، ٢٤ يوليو ٢٠٢٣
مش كل العلاقات بتنتهي بالفشل. فيه ناس كتير بيحققوا السعادة والاستقرار مع بعض. المهم إنك تختاري الشخص المناسب اللي يفهمك ويقدرك ويسعدك. ومتستسلميش للخوف. خلي بالك إن فيه حلول لأي مشاكل ممكن تواجهك في المستقبل إن شاء الله .. المهم إنك تبني علاقة صحية مبنية على التفاهم والاحترام المتبادل. الجواز مش حاجة مخيفة زي ما بتفكري. في ناس كتير بتعيش حياة سعيدة مع بعضها. بس لازم تختاري الشخص المناسب اللي يقدرك ويحترمك. وسيبك من تجارب الناس التانية، انتِ شخصية مختلفة وممكن تعيشي تجربة مختلفة. ما تسبيش الخوف يمنعك من انك تعيشي حياة سعيدة
تم النشر الاثنين، ٢٤ يوليو ٢٠٢٣
غلط جدا لان دايما بنبص ع الي ظاهر ف كتير حياتهم حلوه بس مش بيظهروا ده ودايما المصايب الي بتكون ظاهره فليه ابص ع الي حياتهم بايظه ومكنش انا من الناس الي حياتهم تمام ❤كل فكره نوجهه تفكيرنا ونظرنا صح
تم النشر الثلاثاء، ٢٥ يوليو ٢٠٢٣
لعرض السؤال في فدني اضغط هنا