ola Mustafa

تتصرف إنك تذكر نفسك دائماً لاطاعة لمخلوق في معصية الخالق حتي لو أهلك بحجه الخوف تجتهد في عبادتك وتنصح أهلك بالحسني وأن التزامك لايعني أنك متطرف لا ده طاعه لله عز وجل احنا مخلوقين للعباده والعمل زائد لا تهتم لنظره الناس طالما بتطيع رب الناس أنت صح وكمل ربنا يثبتك علي طاعته ويهدي والديك يارب

إذا اقنعتي نفسك أن حياتك مجرد رحلة فيها الحلو والوحش وعلشان تكملي رحلتك لازم تتعلمي من الوحش وتتجاوزيه مش تهربي منه أتعلمي تواجهي مشاكلك والأحداث السيئة اللي مريتي بيها المجهود اللي بتعمليه علشان تتذكري أحداث ده بيرجعك أنك تعيشي الماضي تاني حاولي يكون تذكرك للذكريات الحلوه حسب الصدف اللي هتمر عليك غير كده عدي وتجاوزي علشان نفسك كونك حابسه نفسك في دائرة مغلقه فأي حدث بيمر بيأثر عليكي زائد أن رحلتك زي ما فيها الحلو والوحش فيها ابتلاءات من رب العالمين عليكي الصبر والإحتساب عليها عدي رحلتك وعوضي طفولتك في ولادك بعد كده واستعيني بالله وركزي مع نفسك وحياتك وأهدافك لأن اللي فات مش هيزوك بالعكس هيسحب طاقتك كلها

أنا هقولك جملة بسيطه وهي أن الحب مش بالعافيه مش معني أنك فتحتي قلبك أو أوهمتي نفسك بحب شخص ما أو مبهوره بيه فهو المفروض أنه يبادلك نفس الشعور يا حبيتي دي علاقة غلط حتي لو صحوبيه وتأكدي أن الخير مش بأحساسك الخير بأراده الله واللي ربنا كاتبه خير ليكي هيكون ربنا يهديلك نفسك يارب

شخصيتك قويه وحادة تمام بس في حياتك العمليه مش في بيتك مع زوجك لازم تكوني مرنه في التعامل معاه ثانيا أنتِ للأسف مفهومك عن الطاعه هو الخضوع ومنها بتبدأ مشكلتك أنتوا زوجين بتكملوا بعض نقطه التفاهم هي محور حياتكم مش خضوع زائد طاعتك لزوجك طالما لا يتنافي مع الشرع ده مش عيب ولا يقلل منك ولا من شخصيتك بالعكس أنتي لو مش مقتنعه بكلامه أتناقشي معاه لحد ما توصل لطريق مشترك بينكم الزواج مش أن أنتي حره مع نفسك وهو حر مع نفسه لا أنتوا بتكملوا بعض أعتقد أنتي اللي مش مدركه أن المسؤوليه بينكم مشتركه

الجواز رزق وكله بأمر الله في الوقت المحدد كل واحد رزقه مختلف سواء أنتي أو أختك متركزيش مع أختك لأن لازم يكون عندك رضا داخلي أن رزقها مختلف عنك وده ملوش علاقه بأنها أصغر منك أو أنك جميله الأرزاق بتتوزع حسب إراده الله عز وجل سيبها لله وركزي مع نفسك وأرضي ربنا وأرضي من جواكي بتوزيع ربنا للأرزاق وربنا يفرح قلبك ويسعدك يارب

مقدرش أحكم بالفشل من تجربة أو اثنين وخصوصاً في حاجات ممكن تحتاج لخبرات ناس مرت بنفس التجربة دي ثانياً كونك بتسألي ده كويس ده بيخليكي تكتسبي خبرات بس أهم حاجه مش أعتمادك الأساسي على غيرك لازم أنتي تعتمدي على نفسك في حل مشاكل بتواجهك زائد خبرات بتكتسبيها من اللي حواليكي أو بتتعلمي منهم ده لا عيب ولا غلط ولا فشل خوفك وقلقك المفرط ده ملوش أي مبرر الثانويه زيها زي أي سنه اعملي اللي عليكي وأهدي كده واستعيني بالله وخلي عندك يقين في أن ربنا هيكتب ليكي الخير ويرزقك اللي بتستحقيه وأفضل ربنا يوفقك يارب

اللي بيحبك يا حبيبتي هيحافظ عليكي من نفسه مش معني أنك بتحبيه أن كل حاجه مباحه خليكي غاليه في نظر نفسك وغضب ربنا غالي عندك وزعل والدك غالي عندك وهو لو مش عاجبه يبقي مش بيحبك اقفلي كل ده واستغفري ربنا واحمدي ربنا على نعمه ستر الذنب ربنا يسترك دنيا وآخره يارب رضا ربنا أهم من زعله و من حبك له وربنا يهدينا ويهديكم يارب

وعليكم السلام ورحمه الله وبركاته حدد أهدافك باهتمامتك في الحياة جرب كل شئ و بالأجتهاد والإرادة القوية لحد ما توصل لهدفك إذا وصلت لهدفك أصبح عندك شغف قوي تجاه هدفك أنك عندك دافع قوي لتحقيقه وكل ما تتقدم في أهدافك هتكتشف قدراتك 

طور نفسك ونمي مهارتك أو أتعلم مهاره جديده احفظ قرآن اتعلم أحكام التجويد والقراءات انزل الجيم واتعلم رياضة جديده أو أي نشاط ترفيهي أقرأ وأكتشف معلومات جديده أعمل أعمال خيريه أو أشترك فيها أهم حاجه تستغل أجازتك بشكل مفيد

على حسب سبب التنمر إيه هل التنمر فيه إهانه أو بيضايقيك ؟ ولا بيتنمر علشان يلفت نظرك لحاجه مضايقاه فيكي ؟

شوفي يا حبيتي نظرتك وتقييمك وتقديرك لنفسك هينعكس على نظره الناس ليكي بصي علي نعم ربنا اللي أنعم بيها عليكي أهتمي بنفسك وطوري نفسك أجتهدي وخلي عندك هدف توصلي له اهتمي بتقدير نفسك مشكلتك أنك شاغله نفسك بغيرك أشغلي نفسك بنفسك وطوريها وحبيها وهتلاقي اللي مهتم بيكي

سريع الغضب أكيد ليها أسباب وتراكمات ممكن من وجهه نظرك أنها تافهه لكن هو له رأي آخر زائد كونه ياخد قرارات مصيرية في كل مره أعتقد أن السبب مش تافه له ونظرتك لتفاهه السبب هي للأسف اللي بتكبر الخلاف بينكم كونه سليط اللسان ممكن يكون حاسس بنقص من جواه ماديا مثلا وبيعوضه أنه يهينك أو أنتي عودتيه أنك أوكي تتقبلي الإهانه مفيش وقفه ليكي معاه ثانياً طبيعي زوجك يكون مضغوط في شغله ومضغوط بسبب بيته وأولاده هو كل اللي محتاجه منك دعم نفسي وتهوين عليه تمام أنتي بتهتمي بس هو مش لامس الإهتمام ده جربي تشوفي الخلاف من وجهه نظره اسمعي واخلقي جو للحوار بينكم سيبيه يطلع كل شحنه الغضب وأكيد من غير إهانه ولازم تأكدي إنك مش هتتقبلي الإهانه ولا تسمحي بيها بأدب لأن أساس العلاقات الإحترام والأدب وده متبادل بينكم اوكي أحترمك و أسمعك وأتحملك وتاخد وقت في الزعل ومساحتك لحد ما تهدي وأنتي خدي مساحتك وتتكلموا وتتناقشوا لما تهدوا لاقي طريق مشترك بينكم للحوار الموضوع محتاج هدوء وصبر وحكمه منك وربنا ييسر حالكم ويهديكم لبعض

صاحبي أختك وحسسيها بحبك وحنانك وعطفك عليها وأظهري حبك ليها مهما تعمل غلط لأنك في يوم من الأيام ومازلتي بتغلطي وكلنا كده أنتي أختها و صاحبتها وسرها وجهيها وعدلي سلوكها  لكن ضربك أو توبيخك ليها لا من حقك ولا واجب عليكي وللأسف هي هتعند أكتر والرحمه هتقل بينكم و هيظهر الكره  عدلي سلوكك الأول معاها علشان هي تعدل سلوكها وتسمع منك وتحبك  وأفتكري دايما أن كلنا بنغلط كبار أو صغيرين

تساقط الشعر له أسباب هل هو وراثي ام نقص فيتامينات ومعادن أم مشاكل في الغدة الدرقية أم مشاكل في الهرمونات أم توتر وضغط نفسي أم مشكلة أمراض جلديه و فطريات بفروة الرأس طريقه الاعتناء بالشعر و أكلك الصحي والمنتجات اللي بتسخدميها لشعرك بيفرق أكيد  بيختلف العلاج حسب نوع الحاله وأفضل زيوت لعلاج التساقط زيت زيتون وزيت خروع مع زيت ثوم مع الكشف أكيد لان فيه شامبو طبي وبخاخ حسب حاله شعرك  

طيب يا حبيبتي ربنا سبحانه وتعالي أحن عليكي من الدنيا كلها ومش مظلومه ولا حاجه كل الحكايه أن طريقك فيه شويه أخطاء وعاوزه تتصلح منك فا بتقعي وتبتلي علشان تفتكري أن ربنا موجود وحل كل مشاكلك عنده وتقربي من ربنا تصلحي أخطاءك وأن طول ما عندك حسن ظن بالله وثقه في ترتيب رب العالمين لأمرك ربنا هيراضيكي وهيعوضك ربنا عادل مين قالك أنه الإبتلاء ظلم أو أنك مظلومه وغيرك لا حاشا لله هو سبحانه وتعالى ابتلاكي علشان أنتي طريقك غلط وعاوز يفوقك وبيحبك الله إذا أحب عبدا إبتلاه لكن غيرك نسأل الله ليهم الهدايه ويهدينا جميعاً يارب أنتي فيكي خير علشان كده ربنا عاوزك تقربي وتبعدي عن الجو اللي مش شبهك المفروض تعملي إيه تقربي في دنيا باب التوبه فيها مفتوح ورب العالمين يقول من تقرب إلي شبرا تقربت إليه ذراعا، ومن تقرب إلي ذراعا تقربت إليه باعا، ومن أتاني يمشي أتيته هرولة ولا تروحي دار الحساب وتأكدي أن سبب الهم والغم والابتلاء هو كثره الذنوب والله يا حبيتي الدنيا أبسط من كده مهما عدت عليكي مشاكل هتقدري تحليها بس وأنتي ماشيه في طريق صح وبترضي الله أنتي ما شاء الله ربنا يحميكي متفوقه ركزي على مستقبلك اجتهدي وأرضي رب العالمين قومي صلي ركعتين وقولي كل اللي في قلبك لربنا وتأكدي إن مفيش حد في الدنيا أحن عليكي بس أصدقي مع الله وخرجي كل الطاقه السلبيه وهترتاحي إن شاء الله ربنا يراضيكي ويرضي عنك ويطيب خاطرك ويسعدك يارب

أكيد فيه سبب لتغير المشاعر شوفي الأول إيه الأسباب وعالجيها ثانيا حاولي تغيري بمعني أنتي طلبتي يقعد يتكلم معاك أو يجي بدري رفض لو فضلتي كتير كده هو هيزهق غيري طريقتك معاه بمعني أهتمي أكتر اسألي أكتر شوفي إيه سبب جفاف المشاعر بينكم بعدك عنه وهو بعده عنك أنتوا مش مستأجرين أنتي منتظره منه أهتمام وسعاده أزرعي أنتي الأول العلاقات متبادله هو لو لاقي منك أهتمام هيقابله باهتمام وهكذا وبعدين الأهتمام والود والرحمه بينكم أساس الحب ابني أنتي بس وهو هيكمل زائد أن ممكن ظروف الحياة مش قادر أنه يلبي كل طلباتك دي حاجه خارجه عن إرادته طالما هو مش مقصر وبيعمل اللي عليه وبيسعي الجواز مسؤوليه خليكي قدها وأتعملي تواجهي مشاكلك وتحليها وربنا يصلح حالكم يارب

أتق الله في حياتك وألا تعطي الشيء اكبر من حجمه، ولا تعطي ثقه اكبر من حجمها، تعدل ف اختياراتك ولا تتسرع ف قراراتك..

أكشفي أفضل جلدية أو نساء والدكتور هيطلب منك تحاليل هرمونات هتوضح إذا كان الشعر طبيعي ولا لا

الزوج في الأول كان طيب أي تدخل بين اثنين كفيل يهدم كل حاجه بينهم الحل يأما الزوج ميدخلش حد في حياتكم نهائي لا بالخير ولا بالشر أتناقشوا وحلو مشاكلكم لحد ما تلاقوا طريق مشترك بينكم يأما الزوج يخرج بره بيت العيله لو فيه إمكانيه لذلك لكن بقاءك من عدمه راجع ليكي ولو مقدرتيش خلاص أشتغلي اللي بيختار طريق لازم يكمله للآخر وانتوا جوازكم سنتين وبينكم طفل الجواز مش رحله معجبناش الطريق ننزل في نص الطريق أنا مش بقولك أتحملي لا أنا بقولك واجهي مشاكلك واتعلمي تحليها ومتختريش طريق سهل ومختصر وأنتي مش عارفه عواقبه

الحياة تجارب وعلشان أنتي تتعلمي لازم تنصدمي مره واتنين وعشره علشان تكتسبي خبره ونضج والإقتناع التام أن الأمان في الله وبالله إذا وصلتي للنقطه ديه أرتحتي لأن كل مشكله تقابلك مره في مره خبرتك هتعلمك إزاي تتعاملي مع مشاكلك بهدوء وأن مفيش مشكله إلا وليها حل بس النضج أنك تجاوزتي مرحله الصدمات الثقة في أن الله مقدر كل شئ وده في حد ذاته طمأنينة

مفيش حد بيبني حياته على تجارب غيره سواء في الجواز أو أي حاجه تانيه ولو فضل يفكر بالمنطق ده هيفشل فعلاً المشاكل والخناق بتتخلق من انعدام التفاهم بينهم والحب هو الحائط اللي بيصد المشاكل بس الحب لوحده مش كفايه وجود التفاهم والموده والرحمة والسكن والطاعه والاحتواء والاهتمام والاحترام والخصوصية والصدق والإخلاص والثقة المتبادل بين الطرفين ده أساس العلاقات الناجحه وأساس الجو الأسري السوي وأطفال أسوياء الجواز تجربة فشله للي فشل في الإختيار فشله للي مش متقي الله من الأول وعف نفسه وعفت نفسها فشله للي مفيش بينهم أي خصوصيه وحياتهم كلها بين أهاليهم فشله للي قرر يخون مراته أو تخون جوزها فشله للي مش قادر يتحمل المسؤولية فشله للي مفيش نقاش وتفاهم بينهم واحترام وتقدير الجواز ستر وعفه وسعاده ومسؤولية ونضج للي قادر يتحمل المسؤولية ويبني أسرة أحسني الإختيار الزوج الصالح اللي يعينك على طاعه الله اللي يقدرك ويحترمك وتأكدي أن الجواز راحه لمن أحسن الإختيار فكري بشكل إيجابي وتخلي عن مخاوفك وقلقك لانه هيأثر بالسلب على حياتك

ببساطه هو مش بيحبك وده مش حب اللي بيدور عن الحلال والحرام مش بيصاحب الأول وبعدين يقول هقلل أو أبعد علشان ربنا هو بس زهق من العلاقه دي وهو مش هيتجوز بنت كانت صاحبته وعصبيتك هي حجه مش سبب فعلي أنه يبعد اللي بيحب مش هيكسرك اللي عاوز يرضي ربنا هو طريق واحد يدخل من الباب ربنا هيبارك غير كده انتي بتهيني نفسك وكرامتك وبتخوني ثقه أهلك وتغضبي الله حتي لو اللي بينكم مجرد كلام بس احفظي كرامتك وابعدي خليكي غاليه ومهما يبعت تجاهليه وتأكدي أن سواء رديتي عليه أو لا لو ليكي نصيب معاه ربنا هيكتب الخير ولو مفيش نصيب تأكدي أنه خير ليكي من ربنا

أعتقد أن ده مش رياء بالمعني الحرفي له بمعني أنك بتعاني من عدم التقدير وقلة إلاهتمام من صغرك وبالتالي حابب أن الناس تظهر الإهتمام والتقدير ليك عن أي حاجه أنت بتعملها

هيفضل محبوس في صندوق لأن حتي لو حكيت مش هحكي كل حاجه أو كل اللي بقوله بيني وبين نفسي هحتفظ بحاجات لنفسي الطبيعي نكون صادقين بس حتي الصدق بحساب مش هكذب ولا هألف بس مش هقول كل حاجه لأن مش بحب كل اللي جوايا يكون مقروءه أو معروف فبختار طريق أسهل أقفل عليه علشان أنهي حاله التردد دي

حبيبتي فيه فرق بينكم أنتي أخته هي خطيبته مفيش أي مقارنه بينكم كونه هو أختار واحده على حسب وصفك ليها يبقي أكيد عنده مشكله في دينه ومشكله في تعامله مع والدته وأخته لأن هو لو متدين كفايه وعاوز ربنا يبارك فيه هيختار اللي شبهه اللي تعينه على طاعه الله الزوجه الصالحه وهي لو زوجه صالحه هتختار الزوج الصالح أعتقد أن أخوكي كان مدلع كفايه وكل طلباته مجابه وده الحصاد ثانياً هي كونها هي كده مش ذنبها أنها مش متربيه نفس مستوي تربيتك ولا حد وجهها للصح أنا مش بدافع عنها قد ما يهمني قبل ما ننتقد الناس نحمد ربنا أن ربنا عفانا احمدي ربنا وأدعيلهم بالهداية يا حبيتي أنتي عند ربنا أحسن بطاعتك وعفتك لنفسك ورضاكي له وحب الخير للغير حتي لو الغير ده ناقص تربية أنتي بس باصه لنص الكوبايه الفاضي وغيرتك منها مشوشه الصوره عندك حاسه أنها أخدت أخوكي منك وأنها باهتمامها الزائد بتحاول تقلل ثقتك في نفسك أنتي مختلفه أنتي أخته وهي أن كان عندها نقص بتعوضه سبيها خرجيها من حساباتك وكونه أختارها هيحاسب على اختياره أنتي عليكي تنصحيه مره واتنين وعشره هو مسمعش هو حر يشيل شيلته إنك لا تهدي من احببت هما الاثنين محتاجين يعرفوا دينهم لأن الجواز اللي بالشكل ده أستحاله ربنا يبارك فيه وادعيلهم ربنا يهديهم يارب وأنتي طول ما انتي بترضي ربنا ربنا هيراضيكي ويسعدك

أكثري من الإستغفار (أستغفر الله الذي لا إله إلا هو الحي القيوم و اتوب اليه) اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي و أبوء بذنبي فاغفر لي فإنه لا يغفر الذنوب إلا أنت ودائماً تقولي اللهم أعني على ذكرك وشكرك وحسن عبادتك وثبتنا على طاعتك وطلعي صدقات كتير وأهم حاجه الندم وتجاهدي نفسك في طاعه الله وربنا يرضي عنك ويتوب عليك يارب ويهدي حالك وحالنا ويثبتك على طاعته يارب العالمين اللهم آمين

مين قالك أن التهافت ده غرضه تعارف وأنه عريس اللي عاوز يتجوز فعلا مش هيتعرف في الشارع إلا إذا كان غرضه إعجاب أو صحوبيه بس كده لكن لو عاوز يكمل هيدخل البيت غير كده بيلعب ثانياً عدم معرفتك بالرجاله ده عفه وستر ورضا ربنا وأنتي صح وأكيد اللي يرضي الله مش هيعاقب بمنع الرزق دي وسوسه شيطان يا حبيبتي الجواز رزق بس كل واحد له وقت معين وحكمه من رب العالمين وممكن أخوكي شايف أنك غاليه أوي ونصيبك هيجيلك في الوقت اللي ربنا مقدره مش أنانية ولا حاجه أستعيني بالله وكلها وسوسه شيطان أنتي صح ربنا مش بينسي حد حاشا لله ربنا عالم بكل شئ أنتي بس متتهزيش وربنا يرزقك بالزوج الصالح عاجلا غير اجلا ويفرح قلبك ويسعدك يارب العالمين اللهم آمين

مفيش حد بيكره الناس في المطلق من غيرأسباب وحتي الكره بيكون لفئه معينه سلبيه أو ليها آثر سئ في حياتك علشان توصل لشعور الكره لازم تكون تجاوزت مراحل كتير مش كل الناس سلبيه ومجرد التفكير اكيد مش من فراغ ثانياً جميل أنك تحب نفسك بس ممكن تكون حابب نفسك بطريقه أنك مش شايف الناس وده سبب تفكيرك

أنا كنت يعاني فترة كبيرة من التفكير الزايد للأسف مدمر نفسياً وصحياً لما تعبت جداً أخدت القرار أن عاوزه أتخلص منه بالصدفة سمعت شيخ بيتكلم عن حسن الظن بالله وأن كل شئ مقدر ومكتوب وأن تفكيري لا هيرجع الماضي ولا هيعدل أي شئ لازم أفكر بشكل إيجابي في ناس كان ليها دور إن أتخلص منه لما لاحظوا عليه أن تقريبا مش بنام من التفكير ووصل لشئ مرضي جاهدت نفسي أن أفكر بشكل إيجابي في كل مره ويقين في الله أن أي حاجه حصلت في الماضي هي خير ليه وأي خطأ هو لازم يحصل وأقع علشان اعرف أتعلم إزاي أقوم تاني حولت طاقتي السلبيه أن أقرب من ربنا واجتهد في العبادة واعرف ديني اكتر أن أعيط كتير في الصلاه وأتكلم مع ربنا إن اقرأ كتير وأرسم وألعب رياضه و اشارك أهلي وأخرج في النهاية أيقنت أن راحتي النفسية أهم من كل حاجه وأن ربنا له حكمه من تدبير أمري وأن حسابات ربنا وترتيبه للأمور غير حساباتي وأن يقيني في حسن الظن بالله هو السبب الرئيسي في راحتي النفسية وكل شئ مقدر من الله سبحانه وانا عليه أجتهد والنتيجه بتاعه ربنا سبحانه وتعالى يمكن أنا شرحت ولو جزء من تجربة مؤثره في حياتي علشان اقولك أنك تقدري الحياة مش بتوقف عند موقف ولا عند أشخاص بعينهم الحياة بتستمر والموقف بيعدي والأشخاص بيعيشوا حياتهم عادي ومفيش حد هالك نفسه غيرك وتأكدي بدون المواقف وبدون ما تنصدمي بالدنيا مش هتتعلمي ولا تكتسبي خبرات جاهدي نفسك وقعي عادي وقومي تاني وهكذا لحد ما توصلي لنقطه الرضا النفسي وإن شاء الله هتقدري ربنا يريح بالك يارب

من وجهه نظري أن الغلط من الأم اللي المفروض تصاحب بنتها وتوجهها للصح وتقوم سلوكها وتربيها علي الحلال والحرام والغلط من الأب وهو سبب رئيسي أنه مسمعش بنته كلام حلو ولا حسسها بحنانه للأسف الأهل ليهم دور كبير في التربية والتوجيه والإهتمام والحنان والحب والصداقة والرعاية والنصح والمراقبة الأسرة السوية والمستقره واللي بتخلق جو نفسي مريح لأولادها بيفرق كتير في تربيتهم واي بنت تعمل غلط تحت مسمي ضعف راجع انعدام دين وانعدام تربية وأخلاق لأنها لو أتربت وأتعلمت دينها صح هيفرق في نشأتها وأن أي شاب مهما ضحك عليها هي تعرف توقفه عند حده

حبيبتي أفتقادك للحب والإهتمام من الأهل نتج عنه قلة ثقتك بنفسك وبالتالي مجرد أهتمام لايذكر انتي الوحيده اللي موهومه بيه كان سبب في تعلقك بالشخص الغلط أولاً ده مش حب ده تعلق وحاسه أن هو مفتاح سعادتك بدليل انك بتدعي أنه يكون نصيبك بالرغم أنه هو مش شايفك ولا انتي في حساباته فوقي يا حبيتي ده تعلق بوهم ربنا خلق كل بنت جميلة بس كل واحده لها جمال خاص بيها وأنتي لفقدان ثقتك بنفسك مش شايفه الجمال ده حبي نفسك واهتمي بيها وعفيها واكتشفي جمالك في شخصيتك وربنا هيرزقك باللي يشوفك أجمل بنت بس تعفي نفسك وترضى ربنا وتبعدي عن أي حاجه تغضب ربنا وتأكدي أن ربنا بيختار الخير دائماً أحسني الظن بالله وأرضيه وربنا هيراضيكي ويسعدك يارب

طيب طالما مبدأ الصداقة بينكم منين اتوجد الحب لدرجه الحب الحقيقي؟ ربنا سبحانه وتعالي خلقنا وكل جنس بينجذب للجنس الآخر دي طبيعه بشريه لذلك الطبيعي أي علاقة بين شاب وفتاة تحت أي مسمي أخ أو صديق لازم هتتحرك المشاعر وظهور الفتن بينهم ولذلك هي حرام سواء الشاب ده مسلم أوملحد ثانياً الحب الحقيقي هو أنك تحب الشخص اللي قدامك زي ماهو تمام بس مش في الحرام وفي معصيه وغضب لربنا وفكره زي ماهو يعني ملحد وأحبه إذا كان هو كاره نفسه العلاقات بتبني على التكافؤ بين الاثنين مش بس في مستوي ثقافي واجتماعي لا وديني ويرضي الله أهم حاجه

أولاً هي قبل ما تخونك هي خانت ربها ومحتاجه تصدق مع الله في توبتها وتندم وربنا يتوب عليها ده الشق الخاص بيها أما أنت علي حسب نوع الخيانة بيأتي تقبلك أنت لازم تسأل نفسك هل هتتقبلها هل هترجع تبني الثقه بينكم تاني هل هتقدر تمحي الصوره دي من ذاكرتك وتتعامل طبيعي هل أنت محتاج وجودها في حياتك يعني باقي عليها بعيدا عن كرامتك ورجولتك لان الخيانه صعب أي حد يتقبلها مفيش حاجه اسمها هي عايزه نتصالح ..أنت عاوز إيه لو أنت عاوز الخطوه دي يبقي محتاج تسترجع الثقه بينكم العلاقات أساسها الثقه وإذا دخل الشك انتهت العلاقه قدرتك على مسامحتها راجعه ليك أنت

لأسباب كتير ممكن سمعه أهلها وسمعتها أو هي بتشتغل أو جاي من طرف أي حد قريب منها أو المكانه الأجتماعيه أو علاقه حب بينهم وده حرام وغيرها في النهايه كل واحد له رزقه دي أقدار وربنا دايما كاتب الخير تحسن الظن بالله و تحسن الاختيار زوج صالح الجواز رزق زيه زي المال والصحه وغيره وربنا مقسم الأرزاق على عباده فيه اللي بيستعجل وبيصاحب وعلاقات تحت مسمي التعارف وده لا يرضي الله ولا ربنا هيبارك في جوازتهم ده إذا اتخطبوا وفي اللي بيعف نفسه وربنا بيرزقه بالعفيف

وإذا كان التعلق ده لا يرضي الله ولا يرضي أهلك حبيبتي قريب من ربنا لنفسه والمفروض ترجمه قربه من ربنا أن علاقته بيكي لا تجوز وإن يتقي الله في نفسه وفيكي ولا ربنا هيبارك في اي حاجه بينكم

الصداقة الحقيقية بتبان مع المواقف والدعم اللي كل طرف بيقدمه للتاني الثقة والإخلاص بينهم والمساندة دائما الصديق بيساعدك أنك تتطور ويشجعك من غير مقابل أما الصحاب اللي يعطلوك دول صحاب مزيفين

كلام الأهل بيأثر فينا بالتأكيد بس طالما مفيش أي دعم يبقي أتعلم تتجاهل ده خلي دائما هدفك واضح ليك أشتغل على نفسك وأثبت لنفسك وللي حواليك أنك تقدر أسعي علشان أنت تستاهل ده

وإياكِ يا حبيتي

أنت ليه متردد بترجع في كلامك هل خوف مثلاً من رده فعل الطرف التاني ولا بتأنب نفسك على أصغر غلطه

أنت سألت بتعمل إيه في الوقت ده ؟أنا جاوبت عن نفسي

أنت تابعت مع متخصص و خوضت تجربة وخدت خطوه إيجابيه يبقي لازم تكمل للآخر

أنت محتاج تستثمر وقتك وجهدك في طاقة إيجابية وتتابع مع مختص أفضل

وأنت مش سعيد بأفكارك ولا حاجه أنت تركيزك عليها اعطاك شعور الإرتياح النفسي لكن الواقع أنت مش سعيد والا مكنتش كتبت مشكلتك وحسيت بالخوف

الأفكار السلبيه بتتغذي دايما على تركيزك واهتمامك بيها

أنا فاهمه ان كل واحد فينا مشاكله مختلفه وساعات المسؤوليه بتكون أكبر منا بس لما يكون الأمر متعلق بين أثنين يبقي لازم ألاقي طريق مشترك للحوار وأخلق جو هادئ وأكيد الزعيق له سبب يبقي لازم أعالج السبب الأول

الموضوع كله يتلخص في اليقين في الله تعمل اللي عليك واللي أنت شايفه صح يعني تريح ضميرك وسيب النتيجه لربنا وأين كان أختيار ربنا وتدبيره للأموره فهو خير وهتعرف حكمته بعد كده الحياة مهما كان اللي بتمر بيه فهي مش مستهله المجهود النفسي اللي بتبذله ولا مستحيله كل مشكله و ليها حل وخد بالأسباب ولو أنت عاوز تروح لدكتور روح يمكن أنا بتكلم بسهوله لأن عيشت تجربه كبيره جدا ويقيني في الله علمني حاجه أن كل اختيار ربنا خير وأن كل المشاكل هتتحل بس عاوزه الحكمه و الصبر والرضا وحسن الظن بالله وده شوفته الحمد لله

هو صعب بس مش مستحيل صدقيني انا مريت بتجربه صعبه جدا وصلت فيها أن المنوم مش جايب معايا نتيجه وتعبت في اعصابي فوقفت لقيت نفسي بفكر وبموت نفسي وانا صغيره ع حاجه مليش اختيار فيها أو نقولها بطريقه صح على حكمه ربنا

علشان دائما حاطه في دماغك انك مش هتعرفي

بعدها لجئت للقراءة بالقدر برده تقريبا وقتي الفراغ كله بقضيه في القراءه علشان أفصل عقلي عن التفكير منها لقيت نفسي بكتب اللي جوايا وبعبر عنه

وبعدها بالقدر الناس اللي سبب في تفكيري السلبي خرجتهم من حياتي أخترت راحتي وتجاهلت أي حد يأذيني

قربت من ربنا أكتر ووثقت أن كل شئ بيدبر بأمر الله وله حكمه وثقت في الجمله دي جدا

أنت مشكلتك حبك ليها كبير جدا زائد ثقة زايده أدي لخيانه وده صدمك فيها مش معني انكم منفصلين أن دي مش خيانه لا دي خيانة لربها وليك لانها على ذمتك طيب هي قررت الرجوع واعترفت بخطأها اعتقد أنها ندمت وبالتالي عاوز تدي لنفسك وليها فرصه عينها على التوبه والتقرب من الله وده لوحده كفيل يبني العلاقة بينكم طالما الأساس موجود وهو الحب ده بعيدا عن رجولتك وكرامتك لكن لو هتفضل تحارب نفسك ورجولتك وكرامتك مش متقبل الخيانه رغم الحب يبقي أبعد أفضل ليك

الخيانه صعبه وعلى حسب قدرتك مش هقولك تقبل الأمر أو تعالي على نفسك ولا أنسي هقولك هل مقدار حبك ليها يقدر يمحي الصوره الذهنيه دي وتتخطي الأمر لانك طبيعي مش هتتخطاه بسهوله

أنت أولاً لازم تفصل بين تعاملك مع صحابك وتعاملك مع أهلك مفيش مقارنه زائد أنك تحاول تتخلص من الشعور اللي جواك أنك بتتخنق وتضايق من مجرد دخولك البيت لأن ده شعور سلبي هيأثر أكتر على نفسيتك ويخنقك حاول تلاقي طريفه مناسبه تتعامل بيها مع أهلك زي ما بتتعامل بأريحية مع صحابك لاقي طريقه مناسبه مع أهلك أتقرب ليهم خنقتك دي لأن مفيش تقارب بينكم مفيش ود بينكم حاول تخلق الود ده وتهزر معاهم وتشاركهم أوجد نفسك وسط أهلك ده هيساعدك وهيخليك تحس أنك موجود وأن وجودك فارق معاهم وهما وجودهم فارق معاك

مقاييس الجمال مختلفة وكل إنسان له نظرته للجمال يعني مش شرط البنت تكون بشرتها بيضاء علشان تكون جميلة حبي نفسك كل واحد عنده جمال مختلف خاص بيه أكتشفي جمالك في شخصيتك وبطلي تقارني نفسك بأي حد لأن مفيش حد شبهه التاني كلنا مختلفين أنتي لسه صغيره كل اللي مطلوب منك أنك تحبي نفسك وتهتمي بيها كوني جميله في عيون نفسك علشان ده ينعكس على كل اللي يشوفك ويتعامل معاكي طلعي الحلو اللي جواكي وأكتشفي شخصيتك ربنا يسعدك