أنا حد فاشل فالتخطيط ودايما لما بيوقف قدامي مشكله مثلاً فالدراسة راكمت حاجه او مثلاً مش بعرف اخد قرار فإني أختار مدرس معين وبحس دايما قراراتي غلط فبروح علطول اسأل اصحابي واهلي أعمل اي فالموضوع كذا لدرجة أني ابتديت احس أنهم زهقوا مني وأنا كمان حد بيقلق من أقل حاجه يعني لسه بداية ثانوي عام وروحت لدكتوره بسبب إن رجلي ورمت من كتر القلق حتى الدكتوره قالتلي دا مش سبب عضوي دا نفسي إنتي بتقلقي كتير وبيظهر على جسمي بالمرض أعمل اي بجد حاسه إني تايهه
مقدرش أحكم بالفشل من تجربة أو اثنين وخصوصاً في حاجات ممكن تحتاج لخبرات ناس مرت بنفس التجربة دي ثانياً كونك بتسألي ده كويس ده بيخليكي تكتسبي خبرات بس أهم حاجه مش أعتمادك الأساسي على غيرك لازم أنتي تعتمدي على نفسك في حل مشاكل بتواجهك زائد خبرات بتكتسبيها من اللي حواليكي أو بتتعلمي منهم ده لا عيب ولا غلط ولا فشل خوفك وقلقك المفرط ده ملوش أي مبرر الثانويه زيها زي أي سنه اعملي اللي عليكي وأهدي كده واستعيني بالله وخلي عندك يقين في أن ربنا هيكتب ليكي الخير ويرزقك اللي بتستحقيه وأفضل ربنا يوفقك يارب
تم النشر الأحد، ١٠ سبتمبر ٢٠٢٣
هل انتي علطول كده؟ ولا المشكلة ديه مستجده معاكي؟ وهل وانتي صغيرة اهلك كان معودينك ع الاعتماديه ولا لا؟
تم النشر الأحد، ١٠ سبتمبر ٢٠٢٣
عارفة المصفاة او القمع اعملى زيهم كده جمعى معلومات كتير ...من اللى تعرفيهم واللى متعرفيهمش . ..حطيهم كلهم جنب بعض ..جمعى المتشابة جنب بعضة ..جمعى مميزات وعيوب ..قارنيهم بظروفك الصحية والمادية و الدراسية ....تلاقى نفسك طلعتى بقرار وهتبقى اشطر كتكوت كمان ....اعمليها حتى لو رايحة تجيبى كيس شيبسى مع الوقت مش هتسألى وهتميلى انك تختارى اللى طالع من جواكى وبس .....لان اراء الناس بتبقي بناءا علي نفسهم ...مش كل مره هتفضلى تاكلى على مزاجهم بقي . القلق بقي من كتر التوقعات السيئة .....زودى توقعات حلوة ...يقل التوتر ع طول ان شاء الله
تم النشر الاثنين، ١١ سبتمبر ٢٠٢٣
مفيش حد فاشل وماينفعش تقولي على نفسك كدا أكيد انتي مميزة في حاجات معينة ممكن تكوني لسا ماكتشفتيهاش ، ولا الدنيا ولا الدراسة تستاهل الموضوع بسيط وكلنا بنغلط وهنغلط لسا مفيش مشكلة أهم حاجه نتعلم وناخد ثقة في نفسنا ونؤمن بتميزنا ونقارن نفسنا بنفسنا مش بحد لأن كل واحد ظروفه مختلفة ، أقرئي في الثقة وأنصحك باستشارة متخصص نفسي سلوكي ( لازم يكون حد ثقة لأن في أطباء هدفهم مادي) هيفهمك شخصيتك أكتر وإن شاء الله يساعدك في تخطي العقبات النفسية وممكن تقرأي كتب نفسية كمان عشان تفهمي شخصيتك أكتر وشجعي نفسك ديماً وبالتوفيق
تم النشر الثلاثاء، ١٢ سبتمبر ٢٠٢٣
جزاك الله خيرا استفدت من الكومنت🤍
تم النشر الأربعاء، ١٣ سبتمبر ٢٠٢٣
لعرض السؤال في فدني اضغط هنا