لسه مخطوبه جديد قعدت معاه حوالي تلات مرات عاملين ضوابط شرعيه جبنا الذهب بس لسه ما لبستوش بس في بعض الحاجات كده
عايزه اخد رأيكم فيها انا لما ببقا قاعده معاه مرتاحاله وكل حاجه انا ملتزمه دينيا وأخلاقيا الحمد لله بس دايما كنت عايزه حد بيجاهد وده اللي فهمته من القعده معاه أنه بيجاهد بس مثلا في بعض النقاط اللي انا قلقانه منها وخايفه احسن معرفش اتعايش معاها بسبب أن الحاجات دي في الدين ومش عارفه اذا كان عارف بحرمانيتها ولا لا
هو حاطط صورة البروفايل ( ملحوظه هو مش عارف أن انا معايا رقمه ويشوف البروفايل)وهو لابس شورت قصير خالص واول ما شوفتها معرفتش انام من القلق علشان واحد لو بيجاهد هيبقى عارف أن الحاجه دي فيها حرمانيه علشان عورة الرجل من بين السره والركبه وتاني حاجه حاطط صورة البروفايل على التليجرام صورة وهو لابس حظاظه بس الصورة على ما اعتقد قديمه بس بقول حتى لو قديمه المفروض ما يحطش حاجه فيها حرمانيه يعني معناها كده أنه هو لسه راضي على نفسه
وهو كده يبقى لسه شخص عادي مش عارف ايه اللي لا يجوز في دينه وايه اللي يجوز وانا خايفه ليكون أقل مني دينيا خالص وحاجه تاني دائما بيجيلي احساس أنه ممكن يكون بيكلم بنات معاه في الشغل لانه تمريض واكيد بيكون في بنات معاه بس هو قالي أنه مش بيتعامل مع بنات، بس وهو بيكلمني المره اللي فاتت واحنا بنتكلم عادي بيقولي أن الدكتورة رنت عليه علشان ييجي الشغل لانه كان فيه حالات فأنا اضايقت أنه الدكتورة رنت عليه بس ما وضحتش ليه أن انا مضايقه
اتمنى تكونوا فاهميني وتتفهموا أن دي حاجه مش تافهه بالنسبالي
وانصحوني بكل حاجه في الخطوبه اتعامل ازاي واعرف الشخص اللي قدامي ازاي من جميع النواحي
السلام عليكم ورحمه الله وبركاته بصي الحاجات اللي انت قلتيها. غير الامور اللي واضحه ان هي عندك وانت بناء عليها قرارتي تقبلي الشخص ايه اللي خلاك تعرفي ان هو بيجاهد يعني إيه الكلام اللي تكلمتوا فيه فعرفت ان هو بجد ان هو قال لك ان هو بيجاهد خلي بالك من نقطه مهمه جدا كلمه المجاهده عند كل شخص مختلفه وكمان المجاهده من كل يعني من كل دور مختلفه يعني انا دلوقتي اللي بيجاهد في الدور الاول غير اللي بيجاهد في الدور العاشر يعني مختلفين عن بعض فانت عايزه انهي مجاهد انت عايزه الشخص اللي هو واخد أساسيات الدين وماشي بيها وبيجاهد في انه يتفقه زياده انه يعمل أعمال خير زياده انه هو يقعد يعني يحفظ قرآن زياده يعني انت عايزه انهي ولا المجاهد اللي هو لسه في البدايه خالص اللي يعني لسه كده بيتلمس أول الطريق وبيقع شويه ويقوم شويه يعني انت محتاجه انهي مجاهد ده محتاجه انت تعرفيه ما بينك وما بين نفسك الاول دي اول حاجه يعني ثاني حاجه بعد كده تبداي تتكلمي مع كل وضوح فتره الخطوبه هي للنوع ده من الامور مش عشان على بعض خالص فتره عشان نتعود على بعض الخطوبه عشان نتأكد من بعض نتاكد من بعض نعمل لبعض امتحانات مش لازم تكون امتحانات ولكن استكشافات بحط نفسي في مواقف مع الشخص ده عن طريق بقى إن احنا نطرح مواضيع عامه او مواضيع غير مباشره او مواضيع مباشره ايا كان ده من حقي ومن حقه ان احنا نتكلم في كل حاجه تهمنا وكل حاجه قلقانين منها وكل حاجه تلمسناها او استنتجناها عشان نتاكد منها وانا انصحك انه يعني في وسط الحيرة اللي انت فيها دي ما تسأليش حاجه بشكل مباشر لان هو ممكن يقول لك لا لا دي الصوره قديمه لا مش لا ده تلمسيها بطرق زي الطرق اللي قالتهالك الاستاذه نجمه تبقى طرق غير مباشره نتكلم عن الموضوع بشكل عام واشوف هو رايه ايه؟ فده هيبدا يوضح لك الامور اكتر.
تم النشر الثلاثاء، ٢٠ مايو ٢٠٢٥
بصي يا جميلة من أساسيات الزواج أننا نعين ونقوم بعض عشان نعيش حياة ترضى الله و رسوله .. فكون إنه بيجاهد نفسه وبيحاول يكون أحسن فدي حاجة تتحسب له ودورك هنا إنك تساعديه ع ده وده الله هيخليكي تحسمي قرارك .. هل هو حابب إنه يواصل سعيه في الطريق ده ولو هو كده يبقى شوية شوية هيكون أحسن مما تتوقعي بمساعدتك أكيد أو هو مكتفي بنفسه كده .. ده هيكون الفيصل
تم النشر الأحد، ١٨ مايو ٢٠٢٥
السلام عليكم، بالنسبة لهاي الأمور لا هي مش تافهة، بس ممكن هو ما بعرف حكم مثلا الشورت بالنسبة للشباب، في اشخاص ببداية التزامهن ما بعرفو هاي الأمور، وكذلك الأمر بالنسبة لل"حظاظة" كيف فهمت الحظاظة هي سوار بيلبسوها بالايد صح؟ اما اذا كان في من وراها اعتقاد بالنفع او الضر او جلب الحظ ، فهون صار عندك مسألة عقيدة، الي هي اهم اشي بالدين... بس مادام الشخص بيصلي وعقيدته سليمة، وبيجاهد نفسه وبيعترف بغلطه حتى لو ما صلحو مباشرة؛ فهون الاشي اهون شوي... برأيي صارحيه بهاي المواضيع بس جيبيها بشكل غير مباشر، اهم اشي يكون شخص ما بيعاند وبيتفلسف بالدين، شخص ما بقول "بس انا حسب رأيي.." بالدين. انتبهي للعقيدة وللخلق، الله يوفقك
تم النشر الأحد، ١٨ مايو ٢٠٢٥
🎤 إجابة صوتية
تم النشر الخميس، ٢٢ مايو ٢٠٢٥
السلام عليكِ ورحمة الله، أنا ذكية، ويسعدني أكون معكِ في هذا النقاش المهم. أولًا، أحب أقول لكِ إن مثل هذه المخاوف والتساؤلات طبيعية جدًا في فترة الخطوبة، خصوصًا عندما يكون قرار الزواج مصيري ومهم في حياتك. ووجهة نظرك أنك تريدين شخص مجاهد ومتمسك بدينه، وهذا شيء محمود وشرعي، والله يسهل لكِ. دعيني أساعدك بتحليل النقاط التي أثرت عليكِ ونعطي معًا خطوات عملية تساعدك تحسمي قرارك: موضوع صورة الشورت وصورة الحذاء (الحظاظة): بالفعل، لباس الرجل له حدود في الإسلام، وعورة الرجل من السرة إلى الركبة، وارتداء الشورت القصير قد لا يتناسب مع هذه الضوابط. لذا من حقك أن تشعري بالقلق. مع ذلك، يجب أن تتأكدي هل هذه الصور حديثة أم من فترة قبل أن يلتزم بجدية؟ أم أنه ربما في بيئة العمل أو بين أصدقائه يتصرف بطريقة أقل التزامًا؟ من حقك إنك تسأليه بصراحة بأسلوب لطيف وغير اتهامي: "حبيبي، أنا لاحظت صورة الشورت في بروفايلك، وحاسة إنها متعارضة مع القيم اللي بحبها فينا، ممكن توضح لي وضعها؟" الحوار المفتوح مفيد جدًا. مسألة الحديث مع بنات في الشغل: من الطبيعي أن يكون في عمل مشترك مع بنات وخصوصًا في مجال التمريض، وهذا لا يعني بالضرورة أنه يتعدى الحدود. مهم جداً أن يكون بينكم ثقة وأن تشعري بالأمان، وإذا شعرتِ بالقلق، أطلبي منه تفاصيل كيف يحافظ على الحدود الشرعية مع زميلاته بأسلوب ودي وليس اتهامي. الثقة تُبنى مع الوقت، ولا مانع أن تسأليه عن موقف معين لتعرفي رد فعله. كيف تتعاملين في فترة الخطوبة وتعرفي شخصيته وحقيقته؟ اجعلي هناك تواصل واضح وصريح، اسأليه عن أفكاره ومبادئه الدينية، مشاعره تجاه الزواج، كيف يتعامل مع المواقف الصعبة، وما هي خططه المستقبلية. تابعي تصرفاته العملية أكثر من كلامه فقط، الأفعال أصدق من الأقوال. راقبي احترامه لكِ، واهتمامه بأن يكون ملتزمًا معك ومع دينه. تذكري أن الخطوبة فرصة للتعرف، وليست عقد زواج نهائي، فلا تستعجلي القرار إذا كنتي في شك. نصائح عامة لك: حاولي أن تجعلي دعائك مستمر، واطلبي من الله الهدى والتيسير، ولا تيأسي من الخير في زوجك. لا تهملي حدسك، لكن أيضاً امنحيه فرصة لتغيير أو توضيح الأمور. تحدثي مع عائلتك أو شخص امرأة تثقين فيها تساعدك في تقييم الموقف. وأخيرًا، إذا احتجتي للمزيد من المشورة المتخصصة، يمكنكِ زيارة صفحة الخبراء في فدني لتتلقّي استشارة نفسية واجتماعية تساعدك أكثر في هذا الجانب. أنا هنا دائمًا إذا أردتِ الحديث أكثر، تذكري أن القرار السليم يبدأ من المعرفة والوضوح، والله ييسر لك الخير. هل ترغبين أن أساعدك في صياغة أسئلة معينة أو كيف تتحدثين معه؟
تم النشر الأحد، ١٨ مايو ٢٠٢٥
لربما كان يجاهد وانت اللي تاخديه من طريق لطريق لحد ما تدخلوا الجنة سوى
تم النشر الثلاثاء، ٢٠ مايو ٢٠٢٥
المواجهة والمصارحة بشكل فيه ود وليس حساب هو اقرب الأبواب.. خاصة ان نيتك خيرة وفيها خير. لذلك تحدثوا سوية عن ما يقلقك، اما تجدين قبوولا او لا. ف كلا الحالتين انت ستعرفين الحقيقة والصواب.
تم النشر الثلاثاء، ٢٠ مايو ٢٠٢٥
بصي يا جميلة.ناس كتير بتصلي وبتعمل كل العبادات بس مش بيبقوا عارفين ان الحاجات دي حرام.في حاجات كتير الناس غصب عنهم بتكون معتقدة أنها حاجات عاديه.ف مفيش مشكلة لو كلمتيه ف النقاط دى وعرفتيه ممكن يكون ميعرفش. عشان بس متكونيش ظلمتيه.وعليكي بردو بالدعاء ليه ان ربنا يصلح حاله.وعليكي بردو بصلاة. الاستخارة وربنا طبعاً بيكتبلنا دايما الخير .
تم النشر الاثنين، ١٩ مايو ٢٠٢٥
لعرض السؤال في فدني اضغط هنا