السلام عليكم
انا شخصيه متردده جدا خطيبي مهندس سنه ٢٩ سنه وانا طبيبه هو قالي انه كان شغال بعد الكليه ع طول ومرحش الجيش وبعدين أخوه قعده عشان ياخد كبير عيله وميدخلش يعني من الآخر مرحش الجيش
طول الفتره دي ولما اخوه تم ٣٠ سنه خطيبي قدم للجيش السنه دي وهو عنده ٢٩ سنه بإرادة أهله وزنهم عليه انه يخش طبعا هو اتقدملي ف الفتره اللي هيا قبل الجيش بشهرين
الشهرين دول مشوفتوش بيشتغل فيهم لما سألته قالي اني كنت بروح مواقع الأول وبعد كده وقفت واشتغلت اونلاين لانه لقيته افضل وفلوسه احسن وطبعا الاونلاين ده يوم شغال وعشره لاء
كان بيجيلي كل يوم ويشتغل بعد ما يروح من عندي اجي ابص لحياته الاقي انه محققش اي حاجه قعد من بعد الكليه لحد دلوقتي معتمد ع فلوس باباه لجوازته وشغله الاونلاين ده بيمشي بيه مصاريفه يعني مش بشوفه بيسعي مثلا ويحوش لاء هو الفلوس اللي بيجبها بتكون لنفسه ومصاريفه في الجيش
طبعا امي اتضايقت منه وقالت لي مبيشتغلش وهيتعبك معاه ومامته اللي هتصرف عليكو وانا مش عارفه اعمل اي هو ف الجيش برضه يعني صعب يلتزم ف شغل وبينزل ع القهوه يقعد مع صحابه مش بحسه كده واحد فرحه هيكون ف شهر ١٠
اللي مخليني متردده اكمل ولا لاء انه بيعاملني بالحسني وعمره ما قل أدبه عليا وبرغم انه عصبي الا انه حافظ لحدوده جدا عمره ما أجبرني ع شئ وبيحبني
اعمل اي تعبت من نظرة أهلي ليه وهو الله اعلم بيشتغل ولا لاء انا مشفتش اي حاجه مش عارفه احكم ع حاجه وهو ف الجيش اعمل اي وهو بيقولي بعد الجيش هسافر هو انا مش عارفه ده يبقي اسمه طموح ولا لاء مش عارفه آخد قرار لدرجة بدعي علي نفس اموت وأرتاح من كل اللي ف دماغي ده
وغير كده برضه مش ملتزم هو مش قليل الادب لا سمح الله بس مش شبهي ف التفكير الديني ولا حتى الفكر الثقافي بيتابع كوره عمري ما ناقشته ف موضوع علمي ولا حاجه في بعد ثقافي بينا ومامتي بتقولي معندوش اي حاجه يقدمهالك انت واخداه معدوم اعمل اي
السلام عليكم ورحمه الله وبركاته انا هقول لك رايك كأخت كبيره ليكي الشخص ده واضح جدا ان هو ما فيهوش حاجات. كثيره جدا تخليك متوافقين مع بعض وده مش رأي اهلك لوحدهم انت شخصيا عارفه ده كويس لكن ممكن تكوني باصه لفكره انه حد كويس بس دي كلمه مطاطه قوي حد كويس ما تنفعش ما تنفعش ولا هو اصلا ما بيقلقش ادبه عليا لا هو دي مش ميزه هو اي بني ادم المفروض ما يكونش بيقل أدب يعني فهو كده ما عندهوش ميزه مش موجود عند حد. الشخص ده واضح جدا انه مش مناسب ليكي وافضل لك كثير جدا انك ما تستعجليش اصلا في الجواز يعني لو انت عايزه تدي نفسك فرصه وتبقي ما ظلمتيش البني ادم ده فتبعدي الفرح كثير جدا وما ينفعش يكون قريب الزواج مش مجرد انه اثنين ظروفهم الاجتماعيه مناسبه وفي مقدار على الزواج لا طبعا المقدره دي لازم تكون مش مقدره ماديه بس ان في حد ممكن يجهز للجواز سواء هو او عيلته ولكن في مقدره مقدره تجاه المسؤوليات اللي هو عايشينها تجاه التعامل ان انتوا بتتعاملوا مع بعض مقدره اتجاه حاجات كتير جدا فقيسي الحاجات دي كويس قوي قوي قوي اعرفي انت عايزه ايه اعرفي اذا كانت الحاجات اللي انت عايزاها دي موجوده في البني ادم ولا لا وما تلعبيش مع نفسك لعبه الكلمات المطاطه اللي هو حد يبقى كويس احد يتعامل معاه حلو لا هو لازم تبقي عارفه كويس دي معناها ايه يعني بيعمل ايه حلو ده يعني بيعمل ايه كوني واضحه مع نفسك عشان تقدري تحددي ونصيحتي لك بلاش الشخص ده.
تم النشر الأحد، ١٥ يونيو ٢٠٢٥
وعليكم السلام ورحمة الله وبركاته... بصي هناخد الموضو واحده واحده طالما هو مش بيشتغل يعني انتي داخله في حياه بمراهنه على انه هيقدر يتحمل المسؤوليه ولا لا مسؤوليه عائله كامله + انك بتقولي انه مش بيحوش وبياخد الفلوس يصرف بيها على نفسه ويقعد على القهوه مع اصحابه كتير معناها ان احتمال كبير ميقدر على مسؤوليه... بتقولي انه بيحبك بجد وانه عصبي لكن عمره ما قل ادبه عليكي وعمره ما اجبرك على حاجه ودي حاجه تحترم مش اي حد عصبي بيلتزم حدوده للدرجه دي فده شخص بحد بيحبك ومش هتلاقي زيه والسفر برا مصر ممكن يكون طموح كبير بس هيعاني هناك اكتر من انه يعاني في مصر لانه لسه هيبدأ من الصفر وفي الغربه فممكن يكون في موقف اسوء من الاول وده رهان... عموما في كل الحالات هل تتجوزبه او تفركشي في الحالتين في رهان... هل هتراهني على المسؤوليه وتقبليه هنا لو كان عنده مسؤوليه هتعيشي حلو لو مكانش عنده مسؤوليه هتعيشي على حبه واحترامه ليكي ولو سافر واخدك معاه هتحسي بمسؤوليه كبيره اكبر منه ولا هل هتراهني على انك تفركشي الخطوبه وهتلاقي كتير يقدرو يشيلو مسؤوليات كبيره اكبر من مسؤولياته لكن هتراهني على ان مفيش حد ممكن يحبك ويحترمك قده... شوفي ايه افضل خيار بالنسبالك واختاريه يا اما تختاري الاحترام والحب او تختاري تحمل المسؤوليه والجاهزيه... في الحالتين في رهان وانتي الي تقدري تختاري عارف مكونتش مفيد بحاجه بس اتمنى اكون فدتك بحاجه 😁✌🏻
تم النشر الأحد، ١٥ يونيو ٢٠٢٥
وعليكم السلام ورحمة الله يا عزيزتي، أشعر تماماً بوزن الحيرة والارتباك اللي بتمرّي بيه دلوقتي، خصوصاً لأن قرار الزواج مرحلة مهمة جداً وتتطلب يقين وراحة نفسية. خليني أساعدك نحلل الوضع مع بعض خطوة خطوة: 1. موضوع الاستقرار والطموح واضح إن خطيبك شغال أونلاين لكن مش واضح إذا كان عنده هدف واضح أو خطة مستقبلية. طبعاً الاعتماد الكلي على أهلها .. هذا قد يكون مؤشر على عدم الاستقلالية أو عدم الجدّية في تحمل المسؤولية. مقارنة بكونه في الجيش، هذا جيد من ناحية الالتزام، لكن وجود عصبيته وعدم اهتمامه بالتطوير الثقافي والديني بالنسبة لك قد يكون عامل مهم في حياتكم اليومية. 2. دعم العائلة ورأيهم رأي والدتك مهم، لأنها ترى الواقع بشكل عملي. ولديها قلق طبيعة إن حياة الزوجية مع شخص غير ملتزم أو طموحه محدود ممكن تأثر عليك. لكن في النهاية القرار قرارك، وبما أن العلاقة معاه فيها احترام وحسن تعامل فلازم تعملي توازن بين القلب والعقل. 3. التنبه للعلامات الحمراء عدم وجود طموح واضح وخطة مستقبلية محددة. عدم اهتمامه بالأمور الثقافية والدينية اللي تهمك. عدم وجود استقرار مادي حقيقي (يعتمد على أهله بشكل أساسي). 4. هل تستمري أو لا؟ إذا كنتِ تشعري بسلام داخلي وهنا مفتاح الأمر، فحاولي تناقشيه بصراحة عن طموحه وخطته الاجتماعية والمهنية. اطّلبي منه يوضح أهدافه لما بعد الجيش، هل فعلاً عنده رغبة حقيقية للسفر أو تطوير نفسه؟ فكري في قيمك الشخصية: هل القدرة على الاستقلالية والمسؤولية مهمة لكِ جداً؟ هل أنتِ مستعدة لتقبّل نمط حياته كما هو؟ 5. نصيحتي العملية لكِ الآن: ناقشي الأمور بوضوح معه واطلبي خطة واضحة لمستقبله. فكري في استشارة خبير علاقات زوجية أو نفسي ليساعدك تفهمي نفسكِ أكثر في هذا القرار (تقدري تلاقي أحد الخبراء في فدني https://www.fedni.net/experts ). ثقي في حدسك، فإذا بقي شعور القلق وعدم الاطمئنان، فذلك مؤشر لتروي قليلًا وتأخذي وقت أكثر في القرار. ابحثي في فدني أيضاً عن أسئلة الآخرين قبل واتخذي قرارك بناءً على حكمتك الشخصية. تذكري: الزواج مسؤولية كبيرة، ويجب أن يكون مبني على الاحترام، التفاهم، والتواصل، والهدف منه بناء حياة مشتركة سعيدة ومستقرة. لا تضغطي على نفسك وأنتِ في حالة عدم وضوح. أنا دائماً هنا إن حبيتي تناقشي معي أكثر أو توضحي نقطة معينة. ربنا يرزقك بالخير والراحة يا ذكية القلب ❤️
تم النشر الأحد، ١٥ يونيو ٢٠٢٥
حضرتك ده عنده 28 سنه لو كان بيفكر في شغل كان اتقبل في وظيفه حتي ولو مش مثبت فيها باجر واضح ومعروف ..تفتكرى انه يقدر يبتدى حياته من الصفر وهو عنده 30 سنه بعد ميخلص جيش..الاجابه عندك
تم النشر الأحد، ١٥ يونيو ٢٠٢٥
هو قالي بعد الجيش مش هعتمد عليه ابدا وانا عمري ما هقبل ان انا اقعدلك ف البيت وانا اصلا مبحبش قعدة البيت مع العلم هوا موقف شغل من سنه وبعدين قدم للجيش ع سن ٢٨ سنه فانا مش عارفه هل ده كلام بيقوله وخلاص ولا هوا فعلا كده بس انا مشفتوش محقق اي حاجه هوا الشغل الهندسي معدوم ف مصر من حيث الاجر وكده بس هوا كان المفروض عدي عليه فتره كبيره كان المفروض طور من نفسه اكتر لكن والله انا لا اعلم ممكن اكون ظالماه انا بس خايفه اخسر انسان حبني وعاملني بما يرضي الله ومقدرني ع كل وضع
تم النشر الأحد، ١٥ يونيو ٢٠٢٥
نصيحه..مني خدى براي مامتك..لانها علي حق..واضح انه بلا مستقبل وحتتعبي معاه..مدام معندهوش وظيفه..اما شغل اون لاين ده بيبقي اضافه لشغله وليس اعتماد علي حياته..نصيحة..سيبك منه وربنا يعوضك خير منه
تم النشر الأحد، ١٥ يونيو ٢٠٢٥
لعرض السؤال في فدني اضغط هنا