انا دلوقت مخطوبه لكن انا مش مرتاحه ولا حابه خطيبي بجد مش بطيقو مع العلم في كل حاجه بتمناها متدين طموح مش بيدخن واهلي ببحبوه جدااا بس انا برضو مش قادره حاولت اشرحلهم كتير لكن مش فاهمين دايما يقولولي اقتنعي أن دا نصيبك ودا جوزك لمصلحتك انا تعبانه وفي نفس الوقت بعاملو كويس عشان مش عايزه ازعل اهلي بس مبقتش قادره مجرد الفكره بتخنقني وانا عايزه اكمل تعليمي بس اهلي مش مقتنعين بفكره التعليم وان كدا ولا كدا هتجوز
السلام عليكم، طيب عندك أسباب غير الكره؟ صدقًا أنا مش هقولك هتندمي لأن الزواج نصيب، بس هقولك( الحب) أصلًا حاليًا مش مهم بالعكس أنا عايزاكِ تتعرفي على الشخص أكتر؟ مين قالك الحب مقياس العلاقة الصحية في في الخطوبة لازم تكون من غير حب، أنتِ لازم يكون في قبول فقط عايزين القبول بعدين باقي المشاعر طبعًا والأفضل بعد الزواج هل في قبول؟ لو في قبول كملي وبعدين يا ستي المشاعر هتيجي خاصةً الشخص في كل المواصفات زي ما قولتي، بلاش التعامل يكون بالمشاعر جزئية التعليم أنا مش عارفـة أنتِ في سنة كام بس كملي ليه لأ؟ أنتِ مكلمة في العلاقة عشان أنتِ عايزة مش عشان زعل أهلك، وصدقيني حاليًا الحب مش مقياس الحب بيكون بعد الزواج والتعامل، أهم حاجة في مودة ورحمة 🤍
تم النشر الأربعاء، ٥ أغسطس ٢٠٢٦
السلام عليكم، طيب الكره وإنك مش طايقاه ده كان موجود من أول جلسة تعارف ولا بعد فترة من الخطوبة وتعرفك عليه أكتر؟ وافقتِ عليه رغم عدم وجود ارتياح وقبول مبدئي؟ *** أكيد الكره له أسباب، مثلا هل لإنك حاسة إنه مفروض عليكِ من أهلك أو إنك عاوزة تكملي تعليمك وحاسة إن الزواج منه (أو من غيره) هيوقف حلمك ده. الكره ومشاعرك السلبية عامة هتزيد كل ما تحسي إنك مضغوطة من أهلك ومجبرة توافقي عليه. ** إذا أنتِ مضايقة من الخطوبة نفسها عشان مش حاسة مشاعر حب ناحية خطيبك زي ما في الأفلام وكده، فزي ما قالت فاطم ده مش لازم في الخطوبة ولا هو الأساس عشان يقوم زواج مستقر وسوي، بالعكس زواجات كتيرة قامت على الحب فقط وانتهت بالطلاق أو كره الطرفين لبعض. وزواجات تانية كتير نجحت بعد ما قامت على القبول النفسي والتوافق بين الطرفين وكمان الحب نبت وقوي بعد الزواج. فمتخليش ده الحاجز. ****** صلي استخارة، وحاولي تبعدي مشاعرك السلبية على جنب وارجعي قيمي الشخص ده وتوافقك معه وتقبلك لشخصيته وأخلاقه وهل يصلح كشريك حياة ولا لأ، وراجعي هل كان فيه أي ارتياح وقبول نفسي بينكم ولو كان موجود من البداية فليه اختفى وتبدل لكره؟ لو فهمتِ مشاعرك وأسبابك هتوصلي للحل الأصلح لك إن شاء الله. وإذا في النهاية فضلتِ حاسة بنفور ورفض تجاهه فمفيش قدامك غير إنك تتكلمي مع أهلك وتصممي على رأيك بدل ما تظلمي نفسك وتظلميه معك في زواج غير سعيد. ربنا يوفقك ويكتب لك اللي فيه الخير.💚💚
تم النشر الأربعاء، ٥ أغسطس ٢٠٢٦
أنا آسفة إنك بتمري بهذا الضغط النفسي الكبير، وأقدر تمامًا إنك حاسة بالاختناق والتعب من الموقف ده. مشاعرك حقيقية ومهمة، ومش عيب إنك مش قادرة تتقبلي الخطوبة رغم كل الصفات الإيجابية اللي في خطيبك ودعم أهلك له. الزواج في الإسلام يحتاج راحة نفسية وتوافق، مش مجرد صفات جيدة أو موافقة العائلة. حاولي تفتحي حوار هادئ وواضح مع أهلك مرة أخرى، لكن بطريقة مختلفة: ركزي على رغبتك في إكمال تعليمك أولاً، وأنك مش مستعدة نفسيًا للزواج دلوقتي. قولي لهم إن الضغط ده بيأثر على صحتك، وإنك محتاجة وقت تفكري فيه بهدوء بدون إجبار. لو لقيتي صعوبة في التعبير، ممكن تستعيني بشخص موثوق زي عمة أو خالة تفهم وجهة نظرك وتساعد في إيصالها. كمان، صلي استخارة بصدق واطلبي من الله الهداية، فهو أعلم بما فيه الخير لك. وفكري في مستقبلك: إكمال تعليمك هدف مهم ويستاهل الدفاع عنه، ومش هتندمي لو أخذتي قرار يناسب راحتك النفسية. لو الموضوع مستمر ومأثر عليكِ بشدة، فكري في استشارة متخصص نفسي أو اجتماعي محترف عشان تساعدك تتعاملي مع الضغط ده بطريقة عملية. ابحثي عن أسئلة مشابهة على فدني عشان تشوفي تجارب أخرى وتاخدي أفكار إضافية. أنتِ قوية، وهتقدري تتجاوزي الموقف ده خطوة بخطوة. لو عايزة تتكلمي أكتر، أنا هنا.
تم النشر الأربعاء، ٥ أغسطس ٢٠٢٦
لعرض السؤال في فدني اضغط هنا