السلام عليكم
أنا متقدم لي عريس فيه تقريبا معظم مواصفات اللي كنت بتمناها ولكن هو فيه حاجه مش عارفه أتقبلها شكله وجسمه مليان مع العلم انا مشفتوش في الحقيقه ولسه هشوفه عشان هو مسافر بس طلب اننا نتكلم نتعرف على بعض ومامته ست محترمه انا مش عارفه اخد قرار مابين الموافقه والرفض؟
صلي استخارة وشوفي انتي مرتاحة ولا لاء ولو مرتحتيش من حقك ترفضي لانك لو دخلتي العلاقة دي وانتي مش مقتنعه هتتعبي واي كلمة من حد عليه او من صحابك او قريبك هتخليكي تعكنني عليه وعلي نفسك فلو تقبلتيه فلازم تكوني مقتنعه ولو حد جاب سيرته بحاجة وحشه فيه او في شكله تاكليه بسنانك غير كدا يبقي بلاش - وحابه اقولك حاجه والله العظيم حقيقة وكنت بستغرب منها زمان - كنت بشوف بنات أقسم بالله غاية في الجمال وعيون ملونه وجسم مظبوط واستغرب من شكل الرجالة اللي هيتجوزوهم كنت بتجنن لانهم مش لايقين علي جمال البنات دي وأصحاب البنات دي كانوا يبختاروا بالشكل بس دلوقتي شفت معظهم مطلقين (البنات اللي اخدوا بالشكل) والبنات اللي اخدوا بالاخلاق والتدين ما شاء الله ربنا رزقهم ببيت مستقر وحياه سعيدة ورزقهم بذرية والله تشرح القلب ربنا يبارك فيهم - فنصيحه من اختك في الله حاولي تشوفي الجوهر وبلاش المنظر لانك زي ما هتعيشي مع شكله هتعيشي مع طباعه وتربيته وتدينه ولو انسان قمر 14 واخلاقه زفت هتكرهي شكله اللي وافقت عليه دا - ربنا يختارلك الصالح يا رب
تم النشر السبت، ٢٧ ديسمبر ٢٠٢٥
السلام عليكم، هو الشكل طبعا ضمن مواصفات الاختيار، ومن حقك توافقي أو ترفضي عشانه وإذا الشخص اللي هترتبطي به مش مرتاحة له لأي سبب أو مش متقبلة شكله ده هيأثر بعدين على زواجكم خاصة لو كنتِ شخصية حساسة تجاه انتقادات الآخرين (ممكن تسمعي نقد من صديقاتك مثلا أو الأقارب) أو لو كنتِ من الشخصيات اللي بتعطي للمظهر أولوية على أي شيء آخر. ** بس في النهاية الشكل بعد فترة بنعتاد عليه وكمان مش هو اللي بيحدد قيمة الشخص وأخلاقه. ** كمان نقطة (جسمه مليان) من منظورك... هل هي مجرد زيادة وزن ممكن يتغلب عليها بنظام غذائي وتمارين، خاصة لو اهتميتِ في حياتكم بعد كده يكون فيه نظام صحي تمشوا عليه سوا بحيث ميحسش إن فيه انتقاد منك أو محاولة لتغييره بعد الموافقة عليه أو يحصل عناد من جانبه زي ما بيعمل بعض الأزواج لو حس بنقد أو إظهار عيوب فيهم. ** عامة، أنتِ ممكن تصلي استخارة الأول وبعد كده ممكن تقعدي معه وتقيميه على كل المستويات. لقيتِ فيه ارتياح ناحيته وفيه كل المواصفات فعلا اللي عاوزاها في شريك حياتك وهيقدرك إن شاء الله ويعاملك بما يرضي الله فتوكلي على الله وخوضي تجربة الخطبة واحكمي خلالها، ولو فيه خير ونصيب لكم فإن شاء الله مع الوقت مش هتحسي بمشكلة خالص ناحية جزئية الشكل دي.
تم النشر السبت، ٢٧ ديسمبر ٢٠٢٥
من وجهة نظري إنتِ حقك تماماً تختاري شريكك ف المظهر اللي تحبيه،لكن طالما أخلاقه كويسه ومحترم ويتوفر فيه بعض الصفات اللي تتقبليها وصعب تلاقيها تاني ف بشوف انك توافقي عليه وبعد الجواز هو بقى يشوف أكلك وهكذا ويشوفك قد اي مهتميه بنفسك ف بالتالي تأثري عليه ونصيحتي ليكي اوعي تقولي له إنك هتغيريه أو عيبك كذا....ماينفعش وهو ممكن يتغير موقتاً ويرجع بعد الزواج أسوأ.ف الأفضل زي ما قولت لك.وربنا يقدم لك كل خير.واستخيري برضوا ربنا لا يُضيع اهله.
تم النشر الخميس، ٢٥ ديسمبر ٢٠٢٥
انا كنت زيك كده في الحيره دي بس هو مش بالشكل الشكل ده ممكن يتغير اهم حاجه يكون كويس ومحترم ويراعي ربنا فيكي
تم النشر الأحد، ٢٨ ديسمبر ٢٠٢٥
هو عايز نكلم فيديو كول وهو لو نزل اجازه يبقي حاجه رسميه غير كده هو مش هينزل اجازه
تم النشر السبت، ٢٧ ديسمبر ٢٠٢٥
القبول اهم حاجه اتقبل الشخص كله شكله وأخلاقه ودينه وكل حاااجه مش عاجبك خلاص مش قادره تتقبليه خلاص إنما هتوافقي علي امل أنه يخس مش يمكن مش عاوز وبعدين برضو شوفيه في الطبيعه يمكن ارفع وصلي استخاره وقرري
تم النشر السبت، ٢٧ ديسمبر ٢٠٢٥
ادخلي التجربة ولا تخافي ربما تجدي خصال تجعلك لاترين اي عيب ... اعطي نفسك واعصية الفرصة .... ربنا يوفقك
تم النشر السبت، ٢٧ ديسمبر ٢٠٢٥
اطلبى تشوفيه ، دا من حقك ، لكن يعنى بدال فى معظم المواصفات فموضوع التخن دا إن شاء الله يتحل وربنا يرزقك جوز صالح
تم النشر الجمعة، ٢٦ ديسمبر ٢٠٢٥
وافقي وحاولي تتقبلي شكلو ولو معرفتيش اتكلمي معاه وقوليلو مش بتفكر انك تخس علشان صحتك طالما هوا مناسب اخر حل تفكري فيه انك ترفضي علشان النوعيه دي بقت قليله دلوقتي
تم النشر الجمعة، ٢٦ ديسمبر ٢٠٢٥
لعرض السؤال في فدني اضغط هنا