انا بنت عندى 17 سنه عايشه ف بيئه ارياف وانا بحب واحد عندو 17 سنه ومتعلقه بيه بس اهلى شايفين انوا احنا كا ارياف بنتجوز صغيرين والمشكله انى اعترفت لامى بحبيبي بس كذبت عليها انوا عندو سن اكبر من سنوا دلوقتي كلهم محاوطنى وشخصية الولد مش شغال وعايش حياتوا كشخص عندو 17 سنه ومش فارق معاه حاجه وانا مش عارفه اعمل اي وهو من محافظه وانا من محافظه ومن حبي لى سافرت له ودايما انا اللى برحلوا عمرو ما جالى ومش عارفه اتصرف انصحونى اكمل ولا ارجع ولا اعمل اي معنديش اخ يسمعني واهلى مش بيسمعونى ولا حد مصحبني احكيلوا
السلام عليكم، مبدئيا ده شخص غير ناضج وبيتسلى شوية ولو قلتِ له تعالى اتقدم يا هيقول لك إن شاء الله لما أكون جاهز ويفضل معلقك جنبه يا إما هيخلع بأي حجة. أنتِ لسه صغيرة على إنك تاخدي قرار مصيري زي الزواج، مشاعرك وتفكفيرك غير ناضج والتعلق عامي بصيرتك ومش مخليكِ شايفة اللي فيه مصلحتك. ** حتى لو في الريف بتتزوجوا صغير، الأهل هم اللي بيختاروا لبناتهم فبيشوفوا المناسب والأصلح (من وجهة نظرهم) وأكيد مش هيكون شخص عاطل أو مش ناضج ومعندوش مقدرة يفتح بيت ولا يرتبط بكلمة مع رجال. ** أنتِ بتقولي هو عاطل وعايش حياته مش فارق معه، طيب تفتكري ده شخص ينفع تكلمي أهلك عنه وهيوافقوا عليه أصلا؟ (ده أصلا لو فرضنا هو مستعد يتقدم لك، وده مشكوك فيه) ** أنتِ معلقة نفسك بحبال دايبة وبتضيعي في أغلى وقت من عمرك مع شخص مش مقدرك أصلا، أنتِ اللي بتسافري له (وأكيد أهلك ميعرفوش ده)، كدبت على مامتك عشانه، أنتِ اللي شاغلة بالك وقلقانة وهو ولا هو هنا وبس بيكلمك ولا بينتظر تسافري له وتقضوا شوية وقت حلوين بعيد بقى عن الوش والمسؤولية والزواج والحاجات الجد اللي هو مش عاوزها. ** فلو عاوزة مصلحتك ابعدي عنه، أولا، عشان حرام وربنا مش هيرضى عن علاقة زي دي. ثانيا، عشان أهلك وثقتهم فيكِ، ثالثا، عشان أنتِ تستحقي حد تاني يقدرك ويحافظ عليكِ ويستحق فعلا يكون شريك حياتك. فكري كويس واختاري مصلحتك، الحب مش باقي واللي أنتِ فيه أصلا مش حب، ده تعلق.
تم النشر الثلاثاء، ٢٥ أغسطس ٢٠٢٦
بداية انتي بترمي نفسك عليه بتصرفاتك دي ، ودا بيخليه يستقل بيكي ويقول انك بلا كرامة في عقله ، انتي معذورة لإن الحب بيعمل أكتر من كدا بس عاوزاكِ تفوقي كدا وتبصي على الواقع ، كل بيئة بتختلف ، انتي اي ضمَّنك إنك هتعيشي معاه الحياة اللي بتتمنيها ما يمكن يطلَّع عينك ويبهدلك وياما سمعنا بلاوي ضرب واهانات وووووو مع إن الإثنين بيكونوا بيحبوا بعض ، وفي الآخر بيتطلقوا ، لإن " البداية التي لا ترضي الله نهايتها لن ترضيك "
تم النشر الثلاثاء، ٢٥ أغسطس ٢٠٢٦
أنا فاهمة إنك بتمري بفترة صعبة جدًا، وإنك حاسة بالوحدة والضغط من كل الجهات، خاصة إن مفيش حد بيسمعك في البيت. ده شعور ثقيل، وأنا هنا عشان أساعدك تفكري بطريقة عملية وهادية. أول حاجة، خلينا ننظر للواقع بصراحة: الولد عنده 17 سنة زيك، ومن وصفك هو مش ناضج ومش بيبذل أي مجهود عشان يجي لك أو يثبت إنه جاد. أنتِ اللي بتسافري وبتبذلي، وده مش توازن صحي في أي علاقة. كمان كذبتِ على أمك عن سنه، وده هيخلي الأمور أصعب لو اكتشفت الحقيقة. في الريف، الأهل غالبًا بيبقوا شايفين الجواز المبكر حل، لكن ده مش معناه إنك لازم تكملي في علاقة مش مستقرة. من منظور إسلامي، العلاقات العاطفية خارج إطار الزواج بتسبب ضغط نفسي كبير ومش بتكون حلال، فلو بتحبيه فعلاً، الأفضل تفكري في طريقة شرعية زي إن أهله يتقدموا لك رسمي لو هو جاد. لكن من اللي بتقوليه، يبدو إنه مش مستعد لده. نصيحتي: ركزي دلوقتي على نفسك، دراستك، وتطوير شخصيتك، عشان تقدري تختاري قرار صحيح في المستقبل. حاولي تفتحي حوار هادي مع أمك بدون كذب، وقولي لها إنك محتاجة دعمها وإنك بتفكري في مستقبلك. لو عايزة نصائح أكتر عن كيف تتعاملي مع أهلك أو تقيمي علاقتك، ابحثي عن أسئلة مشابهة على فدني عشان تشوفي تجارب بنات تانيين. أنتِ قوية، وتقدري تاخدي قرار يناسبك ويحافظ على راحتك النفسية. لو حابة تحكي أكتر، أنا هنا.
تم النشر الاثنين، ٢٤ أغسطس ٢٠٢٦
الحب مش ب السن حقك تحبي وتتحبي بسس اتأكدي ان هو ده المناسب اللي تقفي قصاد اهلك وترفضي اي عريس لحد ما يجي يطلبك بحلال ربنا..قولي انك تعبانه ولازم يجي يشوفك اختبريه قولي لو جايلي عريس اي رآيك هعمل اي خدي ب الاسبب حكمي عقلك مع قلبك يحبيبي عشان القلب لوحده غلط وبعدين انتو بتدرسو لسه يعني هو لا شقه ولاه دهب ولاه اي حاجة هترضي ع نفسك الوضع ده قد اي.. زمايلك هيتجوزو ويفرح وانتي هتفضلي متعلقه ع مجرد احساس انه بيحبك!؟؟ انتي تستاهلي احسن من كده وبردو اديلو فرصه عشان تبقي عملتي اللي عليكي
تم النشر الأربعاء، ٢٦ أغسطس ٢٠٢٦
المشاعر يابنتي مش معناها اسباب حقيقيه ولامعناه حب حقيقي...احيانا تكون بسبب ضعف جوا الإنسان! مثلا لو انسان جعان جدا اي اكل بالنسبالو هيبقى لذيذ جدا ....وكذلك العطشان جدا...المشاعر لازم تكون ليها اسباب وميزان حقيقي والا هتنتهي بسرعه ومشروع الجواز هيفشل تماما والإنسان اللي بيختار الاخلاق والصفات الطيبه للإنسان هي اللي هتنتهي علاقه طويله ومشاعر حقيقيه....ومتنسيش ربنا وتوكلي عليه
تم النشر الخميس، ٢٧ أغسطس ٢٠٢٦
بصي، أنا مش هقولك سيبيه وخلاص، ومش هقولك كملي وخلاص، لأن الاتنين قرارات كبيرة ومش هتتحل بمجرد إنك بتحبيه. أول حاجة لازم تفهميها إن إحساسك حقيقي ومش معنى إنك 17 سنة إن مشاعرك ملهاش قيمة، لكن في نفس الوقت الحب لوحده مش كفاية عشان نقرر مستقبلنا. أنتي لسه في سن المفروض فيه يكون عندك مساحة تتعلمي وتكبري وتعرفي نفسك أكتر، مش تحطي نفسك تحت ضغط إن لازم تختاري بينه وبين أهلك دلوقتي. وموضوع إنك قلتي لمامتك إنه أكبر منك، أو إنك بتخبي حاجات، ده محتاج يتوقف؛ مش عشان أهلك دايمًا صح، لكن لأن العلاقة اللي محتاجة كذب مستمر عشان تستمر هتتعبك نفسيًا جدًا، وهتخلي أي مشكلة صغيرة أكبر. كمان متخليش إنك سافرتيله أو عملتي عشانه حاجات يبقى سبب يخليكي تحسي إنك لازم تكملي. اللي اتعمل خلاص اتعمل، ومش معنى إنك ضحيتي بحاجة إن لازم تكملي حتى لو العلاقة بقت مؤذية ليكي. الحل في رأيي إنك تهدي القرار شوية. لا تقطعي العلاقة لمجرد ضغط أهلك، ولا تاخدي خطوات أكبر في السر. حطي حدود واضحة: مفيش تهديد، مفيش ضغط، مفيش تحكم، مفيش طلب منك تعملي حاجات تخافي منها أو تخبيها، ومفيش استعجال على جواز أو قرارات مصيرية. لو هو فعلًا بيحبك وبيحترمك، هيقدر يستنى ويحترم ظروفك بدل ما يحطك في مواجهة مع أهلك. وحاولي تكلمي شخص كبير تثقي فيه فعلًا، حد عاقل من العيلة أو شخص قريب منك، مش عشان يحكم عليكي، لكن عشان يساعدك تشوفي الصورة من بره. والأهم: متخليش خوفك من خسارته يخليكي تخسري نفسك أو دراستك أو علاقتك بأهلك. لو العلاقة صح، الوقت مش هيقتلها؛ بالعكس، الوقت هيبين هل اللي بينكم مجرد تعلق ومشاعر قوية، ولا فعلًا فيه احترام ومسؤولية وقدرة على الاستمرار. أنتي مش مطالبة تحلي حياتك كلها دلوقتي. المطلوب بس تاخدي القرار اللي يحافظ عليكي وعلى مستقبلك، ولما تكبري وتبقى الظروف أنسب، ساعتها أي علاقة جادة ممكن تتاخد بشكل واضح ومحترم.
تم النشر الأربعاء، ٢٦ أغسطس ٢٠٢٦
انا برضو في سنك ومريت بعلاقه شبه اللي انتي فيها فبصي دي الخلاصه
تم النشر الأربعاء، ٢٦ أغسطس ٢٠٢٦
بقولك اي سبيه لو مجالكيش مش بيقدرك حاسه كدا متقلليش من نفسك عايزك يجيي مش عايزك خلاص وبعدين يا حبيبتي الجواز من وانتي صغيره غلط هتستفادي اي يعني قوليلهم لا
تم النشر الثلاثاء، ٢٥ أغسطس ٢٠٢٦
لعرض السؤال في فدني اضغط هنا