عندي 18 سنه ولما دخلت ثانويه عامه كان اهلي قبل الثانويه فاكرين ان انا اكون علمي وهكون دكتوره كنت انا كمان نفسي في الحلم ده بس في سنه اولى ثانوي اكتشفت مش اكتشفت انا حبيت حبيت شخص بس هو ما كانش زيي هو كان دبلوم زراعه واهلي ما كانش عليهم كان اخواته فاتحين محله منظفات وهو كان اكبر مني بست سنين وانا كنت بحبه وفي مره لما كنا خارجين سوا كانت اول خروجه لينا تقريبا وهو حكى لي عنه عن عيلته وعرفت حاجات ما كانتش المفروض ان انا اعرفها بس هو حكايه لي لان انت مش صادق معايا وما كانش بيكدب وكان بيحاول يرضيني على انه ما يقدر وانا برده كنت يعني بدي له من غير حدود هو هو وعيلته ما كانوش مناسبين لينا اهلي كان باصين بنظره استعلائيه قوي لما هم عرفوا ان انا بحبه بالصدفه رفض الموضوع جدا ويعايروني ان هو ازاي بيشتغل في محل المنظفات واخواته كده وعيلته اللي فيهم من الناس الوحشه وناس مش كويسين تجاهلت ده كله وهم فاكرين ان انا دلوقتي مش بحبه ومش عايزاه انما انا لسه بحبه وبكلمهم من وراه بس انا الفتره دي بقيت احاول ابعد عنه مش عارفه ليه مع اني بحبه وهو ما بقاش زي اول حب ليه مش عارفه ليه بقيت احس فعلا بالفرق بيننا هيفاء اكون انا اللي بلعب بيه خايفه انه ما يكونش الشخص المناسب ليا انا بحبه وعايزاه بس في نفس الوقت هو اه في مميزات بس برده في عيوب وعيش شخص كده بس بس انا حاسه ان بقيت عيوب واكثر من مميزاته فعلا احس انه لما اقول حاجه احنا مش نفس التفكير احنا انا لازم اوضح كل حاجه بقولها لو ما وضحتهاش ممكن هو ما يفهمهاش خايفه ما اعرفش اتعامل مع حالته عملنا عملنا كل حاجه عشان نكون كويسين مع بعض جدا وهو لسه متقدمليش هو كان في جيش هو لسه بيقضي منطقه الجيش بتاعته بقى له سنتين وهو بس جامد اول سنه في علاقتنا الله اللي عرفوه بس فضلوا يعيروني بقيت السنين احنا مالنا دلوقتي وانا بقيت اتضايق ما بقتش عندي صبر لما هو يقول لي انا عندي مشاكل بقيت ازهق ما بيفتكرنيش غير في المشاكل ويعطي يشيلني الهم قوي كنت الاول بحب الموضوع ده عشان بحس ان هو كده بيشاركني في كل حاجه مؤخرا بقت اتضايق خايفه اكون انا بظلمه مش عارفه اسيبه ولا لا بس انا كنت حاسه ان احنا كويسين وهنكون افضل بس ما فيش حاجه واضحه قدامي تبين لي اللي احنا فعلا هنكون كويسين هو ما بيشتغلش ولما يخرج من الجيش لسه هيدور على شغل ويا علي ما يشتغل ايه لانه في الاخر معهوش كليه انا الموضوع مضايقني قوي حاسه ان انا ظلمته ولعبت بيه وكنت مخلياه هو كل حاجه بابا كان متجوز على ماما انا من ساعه ما بابا كان متجوز على ماما وانا كل رجاله وحشه جنب حبيبته وحسيت كل حاجه هتكون كويسه واني فعلا في امل بعد ما دخلت ادبي وانا ما كانش حلمي ادبي حسيت ان انا اقلب اللي حواليا انه علمي لما حسيت ان انا اقل من اللي حواليا كانت كلامهم عني دايما بيحاولوا يحكروا مني لما يجي ويتكلموا عليا بحس ان انا فعلا قليله حبيت شخص هات حاجات غلط ودخلت ادبي لما نج حت مش بذاكر كنت فاقد الشغف تماما والله بذاكر عشان مش عشان هو اكون انا نفس مستواه ولا دخلت ادبي عشان اكون نفسي مستواي بس انا اكتشفت ان انا زعلانه ده اهلي بيعملوني كده انهم لسه فاكرين وان هم دايما بيحكروا مني واخده الزغب في اي حاجه دايما بحاول اكون لوحدي بحاول ابعد عنهم انا مريضه بحس ان انا عندي حاله نفسيه مش عارفه من ايه من ان بابا اتجوز على ماما ولا من ان بابا كان بيضربنا واحنا صغيرين وبيضرب ماما وبيعملنا وحش وساعات هو كان بيعمل لي حلو انا مش عارفه هل هو كويس بابا ولا لا ساعات احس ان انا بحبه وساعات بحس ان انا بكره انا ما بقتش عارفه حاجه لما نجحت ما كانش عاجبهم مجموعي لما دخلت كليه انا كان نفسي فيها في الادبي مش عاجباهم ما حسيتش بفرحه لما انا نجحت اللي حواليا ما كانوش فرحانين بيحاولوا يرضوا باللي انا وصلت له دلوقتي انا في الاجازه وداخله خلاص على الكليه بابا ساعات يعمل لنا كويس وساعات لا ودايما بيكلمنا بطريقه الامر لازم كلامه يتنفس بالحرف انا تعبت زهقت ولما ما بعرفش احكي لحد حتى لما بحكي لحد بحس ان هو مش بيساعدني انا عايزه اعرف بس هو انا مريضه نفسيا ولا ولا لا واصحابي دايما بتعامل معاهم عادي مش عندي بيست فريند لما كان عندي بيست فريند وانا صغيره هي هي ساعات كانت بتتخانق معايا عشان كده اسيبنا بعض انا ما كانش عندي اصحاب وانا صغيره كانوا بيحاولوا يتجنبوني لاني كنا عايشين بره بره بلدي فكانت ناس غريبه عني من جنسيات مختلفه انا زعلانه ولا انا وصلت له عايزه اعرف بس هو انا مريضه نفسيه ولا لا وهل انا اكمل مع الشخص ده ولا لا فهمني بقول ان انا ممكن اكمل معاه وممكن لا بنسبه 50% دلوقتي انا مقتنعه ان انا ممكن اكمل بنسبه 50% وممكن ما اكملش برده بنسبه 50% عشان كده انا حاسه ان انا باذي اللي انا بحبه عايزه اعرف كمان هو انا غلطت ان انا دخلت ادبي وحاسه ان انا بعيد عن ربنا قوي فاخده اشتغل في كل حاجه مش عايزه اعمل اي حاجه ولا اروقها اروق اوضتي يعني ولا ولا انظف في البيت اللي حواليا مش عايزه اعمل اي حاجه عايزه تطلعيها بس عايزه ارتاح بس مش عايزه اعمل اي حاجه اللي حوالي يعمل اي حاجه عايزه اعرف هو انا مريضه نفسيا عندي اكتئاب محتاجه اتعالج انا ما بقتش عارفه هل لو انا فضلت كده ايه اللي هيحصل انا عايزه اعرف اكمل مع الشخص اللي انا بحبه ولا لا انا تعبت وعايره اهلي ليا وكلامهم وفي نفس الوقت بحس ان هو كلامه مساعد بيبقى صح وهم بيحبوني وانا مش فاهمه احبهم ساعات بحس ان هم مش بيحبوني انا تعبت عايزه اعرف لو انا هسيب الشخص اللي انا بحبه ازاي اقدر انسى كل حاجه مش عايزه افتكر حاجه وعايزه اعرف ازاي اقرب لربنا عشان حاسه ان انا بعيده قوي ما بقتش بصلي عايزه اعرف ازاي اطور من نفسي عشان انا زهقت من كلامهم السلبي لي وانا عايزه اكون شخص كويس عايزه اكون نفسي راضيه بجد دايما بحاول اصطنع الضحكه مش حاسه بسعاده في اي حاجه انا بعملها او بتكون لحظات وما بحسش ان انا اكتفيت انا ما بحسش براحه غير لما بعيط وانا عايزه اتحسن لاني تعبت
انا مقدرة اللغبطة اللي في دماغك ... كل ما في الحكاية انك كنتي زي اي بنت، اكيد كان نفسك في وقت ما تحسي بانك عايزة تحبي وتتحبي، خاصةً مع وجود مشاكل في البيت. وخاصة ان الشخص ده اللي كان بيقدم ليكي الدعم بشكل مستمر. نتكلم في الوقت الحالي بقى.. من الواضح انك بدأتي تعيدي حساباتك وده شئ عظيم .. انتي عايزة تعرفي دلوقتي هل كنتي غلط لما اختارتي تدخلي ادبي؟ ديه حاجه انتي اللي تقيميها بنفسك، انتي دخلتي ادبي علشان تعندي مع اهلك؟ ولا علشان ايه بالظبط! ايا كان هل الاجابة هتفيدك في حاجه دلوقت، خصوصا انك خلاص داخله ع الكلية! وانتي بتقولي كمان انها كلية كويسة .. طيب بالنسبة لسؤالك التاني .. عايزة تعرفي تسبيه ولا لا؟ نتكلم في الموضوع ده بشكل مفصل شوية .. اول حاجه الكلام اساسا والارتباط بشكل بدون بيكون ارتباط رسمي ده حرام شرعا، ده اول الكلام. تاني شئ انتي قولتي ان اهلك اساسا رفضوه؟ ف دلوقت انتي مكملة معاه ع اي اساس؟ يعني اهلك ورفضوه اساسا؟ ف انتي مكملة معاه ع اساس ايه بالظبط؟ ما هو اترفض خلاص .. اهلك مش موافقين عليه لما عرفوا. فالمفروض العلاقة ديه تكون انتهت من وقت ما عرفتي ان اهلك مش موافقين على الشخص. لان اي ارتباط بينكم هيكون في الوقت ده هيكون عبث .. ملوش وجود ولا نهاية. طيب ... انتي دلوقت محتاجه تعرفي هل مناسب ليكي ولا لا؟ هقولك ع حاجه حلوة، سؤالك ده دلوقت وهنا وبالشكل ده ان دل على شئ يدل بس انك اساسا مش متاكده من العلاقة ديه. انتي من جواكي حاسه ان فيه حاجه غلط، حاسه انه لا مش هو ده الشخص، انتي من جواكي عايزة حد يقولك الشخص ده مش مناسب وسبيه. ومن هنا بقولك سبيه ..مش علشان هو مش مناسب ليكي بس، طبعا انتي قولتي في كلامك انك حاسه ان فيه فروق في التفكير .. غض النظر بقى عن الحب هنا، فيه حاجات مهمه جدا غير الحب، لازم تكوني انتي وشريك حياتك ع وفاق في جميع او معظم الاشياء التفكير، التوافق المادي، الاجتماعي، حاجات كتير اهم من الحب. علشان ديه بتكون اول المشاكل اللي بتواجهم بعد كده، اوعي تفكري ان الحب بعد كده هيرفف بجناحاته ... خالص الموضوع بعد كده هياخد منحنى تاني خالص. فالانسب ليكي انك تسبيه .. وده طبعا لكل الاسباب اللي قولناها فوق. طيب حاجه تاني - انتي بتقولي حاسه اني مريضة نفسيا؟ ممكن اعرف الاحساس ده ميني على ايه بالظبط؟ يعني بنسبة لمشكلة الشخص ده ف اتحلت .. احساسك ده مبني ع ايه؟ ايه هي المشكلات اللي بتواجهك .. مع العلم اني عايزة اوضحه ليكي حاجه مهمه جدا. اي حد عنده مشاكل .. اهل - صحاب - علاقات .. ولكن مش لازم يكون عنده مرض نفسي .. كلنا عندنا مشاكل ولكن احنا مش كلنا بنمر ب اضطراب نفسي. ف ياريت نفرق بس ما بين ان فيه مشكلة في حياتنا معينه وهنحلها، وما بين ان فيه اضطراب نفسي او مرض. لا اظن ان من خلال اللي قولتيه ده ان فيه مرض نفسي خالص، كل ما في الموضوع انتي ف مرحلة بتمري بيها بشوية تغييرات كده مع اثار مشاكل قديمة محتاجه بس توعية وتوضيح وحد يوجهك مش اكتر. بالنسبة لمشاكل البيت - لا يخلو اي بيت من المشاكل يعني لو بابا تزوج مرة تانية ديه حاجه تخص بابا وماما .. انتي علاقتك ب بابا المفروض تبقى زي ما هي لا ينقصها شئ. لو على زعلهم منك او تقليلهم ليكي، ف ديه حاجه معظمها ف اي بيت لان بيشوفوا ان ديه الطريقة الصح ف انهم يخلوا اولادهم احسن واشطر. وانتي قولتي بنفسك اوقات كتير بيعاملوكي كويس وبحب، ف لا بأس من وجود بعض المشاكل. بتمنى ليكي التوفيق
تم النشر الجمعة، ٨ سبتمبر ٢٠٢٣
الله يبعد عنك تشتت الامور وركز في مستقبلك اهم شيء وتوقف عن شغل الحب والمراهقة لان هذا السن يحب اكتشاف مشاعر جديدة لذلك قد تقع قي غرام اي فتاة تقابلك ..الله يهديك ويصلح حالك
تم النشر الجمعة، ٨ سبتمبر ٢٠٢٣
كل الحدوتة انك طفلة وبدأت تنضج وتكبر الاطفال بيعملوا اللى فى مزاجهم وخلاص ....وكل حدوتك كده لقيتى احساس حلو شبطتى فيه واتعودتى عليه ....لان ده مش الحب اصلا ...انتى لسه هتكبرى اكتر وهتتاكدى من المعلومه دى جالك احساس انك تعاندى رغبة اهلك وتخشى ادبى ...دخلتى ادبى كلها احداث بدون تفكير .....تصرفات طفولية رغم انك عديتى سن البلوغ الا انك اتعاملتى بشخصية الطفلة انسى بقى الطفولة دى لان زى ما انتى قولتى كده ....احساسى بيه اتغير ولقيت نظرتى مختلفة كل اوضاعك الحاليه هتحتاج ترتيبات جديدة بناءا على العقل والنضج انتى مش واصله مرحلة مرض نفسي ...انتى بس محبطة من انك مش قادره تكملى فى اللى فات اللى فاكره انها كانت اختياراتك ....انتى كنتى منساقة ورا احساس طفلة وبس دلوقتى هتبدأى تفكرى وتقررى وتنفذى دى فرصتك بقى
تم النشر الجمعة، ٨ سبتمبر ٢٠٢٣
آمين ولك بالمثل وزيادة
تم النشر الجمعة، ٨ سبتمبر ٢٠٢٣
شكرا ربنا يكرمك و يباركلك علي وصحتك مش عارفه اقولك انك فدتيني ازاي ربنا يكرمك و يصلح حالك يارب
تم النشر الجمعة، ٨ سبتمبر ٢٠٢٣
بصي هو حرام تتكلموا لوحدكم وحرام تخرجوا لوحدكم دون محرم فعشان كدة سيبيه إنما قضية انك تتجوزيه فدا مش مستحيل لو شاء الله لجعلك زوجة له اليوم قبل بكرة لكن ربنا بيختبر صبرك ويريد أن يجعلك تتقربي منه اكتر وتدعيه بالشخص اللي انت بتحبيه سيبيه وماتسيبهوش يعني سيبي الكلام والخروج وادعي ربنا واتمسكي بيه عند ربنا لو هو صالح ولو مش صالح ادعي ربنا أنه يصلحه ويجعله زوج صالح وربنا يقدر يزوجكما اللحظة دي إن شاء الله اوعي تيأسي وتتخلي عن حلمك الحب دا طبع بشري وجميل لكن العلاقات المحرمة هي اللي وحشة
تم النشر الجمعة، ٨ سبتمبر ٢٠٢٣
يعني اسيبه
تم النشر الجمعة، ٨ سبتمبر ٢٠٢٣
استعيني بالله وهوني علي نفسك حرمان الله هو قمة العطاء
تم النشر الجمعة، ٨ سبتمبر ٢٠٢٣
لعرض السؤال في فدني اضغط هنا