معايا زميلة ليا ف الاوضة ف السكن جات من الترم تانى واحنا كنا تلاتة مع بعض صحاب وهى جديدة لسة تصرفاتها مريبة وغريبة كدة المهم اتعودنا عليها والتعامل بقى احسن، بس تصرفاتها بتستفزنيي يعنى تاكل بصوت كل شوية تقول على نفسها انا سمرا ووحشة يابختك انتى بيضة ومهما اقنعها زى ما هى برضو وانا بضايق من كدة حتى لو مش قصدها وقولتلها لا متقوليش كدة ، يعنى يااه يابختك شعرك حلو وانا لا، شافت صورة ليا انا واختى يااه يابختك ياريتنى انا واختى زى كدة، قوليلى ابقى بيضة ازاى يابختك انتوا اللى بتتجوزوا وانا لا، انتى بتذاكرى يابختك انا مش عارفة اذاكر، وانا بكون قاعدة بالعافية والله، يا اما تيجي جنبى وتفضل تقولى انا حزينة انتى شباب وعايشة حياتك انا عجزت والزعل بقى فى قلبى مع انها اكبر منى بسنة واحدة بس، هى حرفيا منعدمة الثقة بالنفس وكمان مامتها تعاملها وحش ومسببالها كل العقد دى ، الفكرة انى مش عايزة اتعامل معاها وف نفس الوقت بتصعب عليا وكمان لما تفضل تقول اشمعنا انتوا صحاب وانا معنديش صحاب ولا حد بيحبنى، حاولت اساعدها او انصحها بس هى مقتنعة بافكار معينة ومش بتغيرها وتفضل تجادل، انا مش عارفة هى بتعيش دور الضحية ولا هى كدة مش عارفه المفروض اتعامل معاها ازاى
ارقي نفسك ، واخلعي من السكن ده بمعنى اخلعي حفاظًا على نفسك يا بنتي ده الحل الوحي مع شخص زي ده
تم النشر الخميس، ١٨ مايو ٢٠٢٣
وجهيلها جملة واحده قوليلها انا مبحبش اسمع كلام سلبي ولو هتتملمى معايا وجنبي اتكلمى كلام افضل من ده والا هعتبر نفسي مش سامعاكى ومتزعليش انى مش برد. ونبهيها تقول الحمدلله على نعمته بدل ما ربنا يعاقبها بزوالها وساعتها شعرها اى كانت هتتمناه ولون جلدها هتقول ياريت يرجع وكل حاجة بنفس الشكل . ونفذى ده فعلا ومترديش عليها وعلى قد ما تقدرى اقرأى المعوذتين وقولى قدامها ماشاء الله لو اتكلمت على حاجة عاجباها فيكى.
تم النشر الأربعاء، ١٧ مايو ٢٠٢٣
ادعلها ربنا يهديها وتجنبيها على قد ما تقدري وكل اللى عليكي الابتسامه الطيبة و الكلمه الطيبه غير كده مش ليكي دعوه انتي مش مسئوله عن معانات أو عقد أو مشاعر حد كل واحد مسئول عن نفسه
تم النشر الثلاثاء، ١٦ مايو ٢٠٢٣
حاضر، شكرا جدا
تم النشر الثلاثاء، ١٦ مايو ٢٠٢٣
حاولي .. تعملي كده فعلا لان النقاش هيستنزفك على الفاضي.
تم النشر الثلاثاء، ١٦ مايو ٢٠٢٣
هحاول خصوصا انه مبقاش عندي طاقة ادخل ف نقاشات
تم النشر الثلاثاء، ١٦ مايو ٢٠٢٣
اهم حاجه اليومين دول تتجنبي الكلام معاها ع اد ما تقدري .. وتقللي احتكاكك بيها .. متحاوليش تصلحي من حد هو اساسا مش سامعك.
تم النشر الثلاثاء، ١٦ مايو ٢٠٢٣
بحاول والله ، طنط مش حباها ف هتمشيها عشان مش بتسمع الكلام وانها مش بتنتظم بمواعيد النزول وكدة
تم النشر الثلاثاء، ١٦ مايو ٢٠٢٣
يبقى حاولي تستحملي الكام شهر دول .. وعلى ما اعتقد خلاص الامتحانات قربت .. وانتي متهيألي عملتي اللي عليكي معاها ف انها تحاول تعدل من نفسها .. الجزء الجاي هو انك تتجنبيها بالتدريج كده. لحد ما صاحبة السكن تمشيها. ويستحسن لو هي قعدت السنة الجاية حاولي تشوفي سكن تاني.
تم النشر الثلاثاء، ١٦ مايو ٢٠٢٣
للاسف لا، بس طنط صاحبة السكن قالت هتمشيها السنة الجاية
تم النشر الثلاثاء، ١٦ مايو ٢٠٢٣
عفوا يا جميل
تم النشر الثلاثاء، ١٦ مايو ٢٠٢٣
فيه امكانية انك تشوفي سكن تاني؟
تم النشر الثلاثاء، ١٦ مايو ٢٠٢٣
لعرض السؤال في فدني اضغط هنا