ازاي واحدة عاشت طول حياتها لواحدها وابوها راميها تتعلم تطمن وتخضع لزوجها
هي دايما خايفة تطمن له خصوصا انه مختلف تماما عنها فمش بتقدر تحسن الظن في تصرفاته ولا تخضعله وعايزة تمشي حياتها بنفسها ودا واصل للطلاق بينهم
هو برضو مش بيحاول يقرب منها ومش مدرك لسة لمسؤولية الزواج وبيتحكم فيها بزيادة وعنده مفهوم خاطئ للطاعة بس هي عايزة تتغير وتبدأ بنفسها
هي شخصيتها قوية ومنطقية وعملية وحادة وعندها قوانين لكل شيء وهو عاطفي وعشوائي جدا وواخد الدنيا ببساطة زيادة عن اللزوم وبيكره القيود والقواعد وبيبحث عن المتعة فقط
في الانياجرام هي نمط ٨ i&we
هو نمط ٧ i&u
تقريبا المشكلة عندك .. انك مش عايزة تسيبي مشاعرك شوية .. العقل والمنطقية طبعا كويس .. ولكن من غير مشاعر مش كويس ابدا .. هيبقى مفيش توازن كده. يمكن انتوا الاتنين محتاجين اكتر لبعض، كل واحد هنا بينقصه شئ مش عند التاني .. سيبي نفسك شوية واطمني لو فيه شئ مش كويس او حاسه ان فيه حاجه غلط .. او هيتحكم فيكي يبقى فيه كلام تاني. لكن الحب او المشاعر مش معناها الخضوع .. انتي فاهمه الموضوع غلط. الحب مش ضعف/ انتي لو معاكي انسان كويس وبيتقي الله فيكي بالعكس الحب هيبقى معاه قوة. الحب في ذاته اساسا قوة، ولكن فيه طبعا اللي بيستخدم ويشوه الحب ده. حاولوا تتكلموا مع بعض وتحاولي تفهميه وانتي كمان تفهمي نفسك.. وتلاقوا ارضية وسط تقدروا منها تعيشوا مع بعض.
تم النشر الثلاثاء، ١٢ سبتمبر ٢٠٢٣
الموضوع هيبدأ عندك تعاملنا مع الناس وتصادمنا معاهم لازم يكشف جوانا شئ محتاجين نشتغل عليه والمشكله دي بتكشف جواكي جزء مهم محتاجه تقربي منه وهو الامان العاطفي ..انتي محتاجه تطمني من الاخر عموما مش الزوج بس انك تعرفي تدي نفسك فرصه انها تحب وتتحب وان المشاعر مهمه لتوازن حياتنا وعشان تدي كفاءه اكتر للي انتي بتحبي تعمليه ...
تم النشر الأربعاء، ١٣ سبتمبر ٢٠٢٣
شخصيتك قويه وحادة تمام بس في حياتك العمليه مش في بيتك مع زوجك لازم تكوني مرنه في التعامل معاه ثانيا أنتِ للأسف مفهومك عن الطاعه هو الخضوع ومنها بتبدأ مشكلتك أنتوا زوجين بتكملوا بعض نقطه التفاهم هي محور حياتكم مش خضوع زائد طاعتك لزوجك طالما لا يتنافي مع الشرع ده مش عيب ولا يقلل منك ولا من شخصيتك بالعكس أنتي لو مش مقتنعه بكلامه أتناقشي معاه لحد ما توصل لطريق مشترك بينكم الزواج مش أن أنتي حره مع نفسك وهو حر مع نفسه لا أنتوا بتكملوا بعض أعتقد أنتي اللي مش مدركه أن المسؤوليه بينكم مشتركه
تم النشر الثلاثاء، ١٢ سبتمبر ٢٠٢٣
وعليكم السلام ورحمة الله وبركاته الزواج تجربة كتبها الله على الجنس البشري لكي ينضج ويتطور ليس فقط للتكاثر والإنسان بينضج ويتطور ويصبح حكيما بالشدائد والابتلاءات ولذلك الأنبياء أشد الناس بلاء أنت ابتليت بعلاقات غير صحية مع أهلك كما وضحت في سؤالك وأبتليت كذلك بزوج مختلف في طباعه عنك وهذا ليس صدفة بل فيه حكم خفية من الله عز وجل لتدخلي هذه التجربةا وتستفيدي منها القراءة ومتابعة المتخصصين في العلاقات مثل ياسر الحزيمي وداليا رشوان وأحمد الدملاوي وأحمد الأهواني .. سيفيدوك جدا جدا فهم طبيعة النفس البشرية والاختلاف بين الذكر والأنثى سيوصلك للتعامل السليم مع زوجك
تم النشر الثلاثاء، ١٢ سبتمبر ٢٠٢٣
اعتقد ان رغم الاختلاف اللي شبه تضاد تكمن الحكمة من ربنا ان كل واحد يكمل التاني بحيث مع الوقت كل واحد ياخد جزء من طباع الاخر الامر ببساطة بالتفاهم والاتفاق على رسم حياتنا المستقبلية ودور كل واحد فيها مبدئيا التفاهم والمناقشة والسماع للآخر وفي نفس الوقت ايوه للزوج الطاعة بس عمرها ما كانت بالإكراه مش تستقيم الحياة فوقفه وجلسة تصالح مع بعض وكل واحد يقول محتاج ايه من الطرف التاني وربنا يصلح ما بينكم
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا