reham taher

الموضوع هيبدأ عندك تعاملنا مع الناس وتصادمنا معاهم لازم يكشف جوانا شئ محتاجين نشتغل عليه والمشكله دي بتكشف جواكي جزء مهم محتاجه تقربي منه وهو الامان العاطفي ..انتي محتاجه تطمني من الاخر عموما مش الزوج بس انك تعرفي تدي نفسك فرصه انها تحب وتتحب وان المشاعر مهمه لتوازن حياتنا وعشان تدي كفاءه اكتر للي انتي بتحبي تعمليه ...

بصي التعليم عمره مكان مقياس لمدا شطاره الواحد هو بيقيس جزء صغير من المهارات وده شئ مش كافي ابدا ...فاأرجوكي متحكميش على نفسك بالفشل ياما ناس فشلت لكن حققت نجاح عالمي بعد.كده ...قومي وفوقي وصدقيني لما تؤمني بقدرتك انك قادره تبقي احسن ربنا مش هيخذلك ...بالتوفيق

بصي الناس الحساسه ديما ليهم شروط مهمه اوي عشان تقدري تعيشي حياه موزونه مع نفسك ومع الناس ... اول حاجه انك تحترمي مشاعرك وتحاولي تلقطيها قبل ماتطنشيها ...لو لقيتي حاجه زعلتك فاعرفي ان مشاعرك هنا حقيقيه محدش يقدر ينكرها عليكي طالما زعلتي واثرت فيكي يبقا احساسك صح وحقيقي ولازم يحترم منك اولا قبل اي حد ...فالما بنحترم شعورنا ونسمعوا كلمي نفسك ليه زعلت لما حصل كده ... حسيت بأيه بظبط خذلان ..التقليل ... الاستهزاء... ظلم... طيب فرضا لو حسيت بالاستهزاء ...هو انا فعلا حاسه اني شخص غريب وان ده شئ عادي ان حد يستهزء بيه ؟! والا ده كان هزار بس لما هزروه معايا مقدرتش استحمله مع انهم ميقصدوش حاجه ...؟ والا انا متأكده تماما انهم بيعملوا ده عشان يضايقوني ؟! .... طيب هل انا عارفه احط الناس في حدودها الصح اصلا بالنسبالي ؟!... ياترى الاشخاص اللي مبحتاجش احطلهم حدود كتير وبرتاح جدا قي التعامل معاهم دول يستحقوا احطهم في اقرب دايره ليا ؟؟ والا دول مش مريحين خالص مع اني بحبهم بس مش مناسبين ليا ...يبقا انا محتاجه احطهم في دايره ابعد شويه عشان الدايره دي انا لا هنتظر منهم حاجه ولا اصلا هتأثر ب كلامهم لانهم مش قريبين مني ..لكن ممكن نشترك مع بعض في هزار خروجه شغل ...بس .. طيب امتى اقول ان الشخص ده يستحق يبقا في دوايري القريبه ؟؟ ..هل كفايه انه يكون بيحبني او انا بحبه بس؟! والا لازم يكون فيه احترام ...تقبل .... جدعنه .... اخلاص ... ياترى ايه اهم حاجات بالنسبالي لازم تكون في الشخص المقرب ده ؟! طيب انا محتاجه قد ايه عشان اقدر اعرف الشخص ده بحقيقته ؟؟! على حسب مدة العشره والصداقه ومرورنا بظروف مختلفه بشده صعوبتها ...وقتها بس اقدر احكم الصديقه دي تنفع والا لا ... مهم اوي بما اني شخص حساس اعرف كويس ان طبيعي جدا الناس متكونش شبهي لاني نمط مختلف شويه عن انماط الناس التانيه ...انا مشاعري هي اساس كل حاجه وديما ادق الحاجات ممكن اشوفها بشكل مختلف خالص عن غيري ..وده لاهو عيب فيا ولا عيب في الاخرين ...لكن مهم اوي اني اقدر اتعامل مع نمطي صح ...انا ممكن اشوف الامور اكبر من حجمها اه ...يبقا انا محتاجه اقدر اخد لنفسي مساحه اكبر اسيب فيها مشاعري تهدا خالص واقدر احكم عالموقف بشكل اعقل وافضل فمتستعجليش في الحكم عالامور ... طبعا للناس العمليه مبتكنش كده خالص مشاعرهم مبتكونش مشوشره خالص ..وبيقدروا يتحكموا وياخدو قرارات بشكل اسهل شويه ...فتقبلي نفسك وراعيها بالحب والقبول لنفسك لن فعلا مميزة وناس كتير تحب اللي زيك لانهم بيضيفوا في قلوب الناس مشاعر كتبر نفسهم يحسو بيها ...

اولا انتي في مرحله فيها تقلبات كتير جدا وعدم استقرار عاطفي زيك زي بنات كتير ..فامهم اوي لما تكوني حاسه بأي مشاعر غريبه تتفهمي ده وتسيبي نفسك شويه مضايقه بس بعدها لازم تحاولي تقومي نفسك ... اكيد طبعا احتياجك لمشاعر الاب مهم جدا خصوصا في مرحلتك دي وتأكدي ان اكيد ربنا هيعوضك عن ده بطريقه ما ...المهم ان خلي عندك مبدأ في الحيه تعيشي عشانه اهداف ماشيه بتحققيها في حياتك ملهاش علاقه بأشخص...لو عايزه تكوني ست قويه فعلا قوي نفسك بالثقافه والخلق ... تابعي ناس بتكتب حاجات مفيده ..اتعلمي منهم .. احضري لناس بتقدم محتوى محترم ...خلي ليكي اي نشاط بتعمليه بتزودي بيه حصيلتك الدينيه ان شالله تقري او تسمعي حاجه واحده كل يوم صدقيني بعد مده صغيره هتتغيري تماما ومش هيهمك الناس خالص

ساعات الاهل بيبقوا مقبره لولادهم للاسف ..سيبك من كلامهم لو عرفتي تعملي كده من غير مايعرفوا ومتحتاجلهمش في حاجه اعملي كده حياتك هتتغير لما تلاقي نفسك

الحل فيكي انتي مش فيهم خالص... مهم اوي قبل ماتفكري في مستقبلك مع مين ومين شاغل دماغك انتي كبنت عايزه ايه من نفسك ...بتشوفي ايه في نفسك حلو ونفسك تبقي ازاي !؟ بتحلمي ببيت عامل ازاي لما تحوزي ولادك عايزاهم يبقو ازاي ...ايه الحاجات اللي تهمك انتي تكون جواكي لنفسك ...يعني نفسك تكوني مثلا مثققه والا نفسك تكوني موهوبه او نفسك تكوني شاطره في شغلك ..او حد كريم وبتحبي تكرمي اللي حوليكي ...انتي نفسك تكوني فين ...مشكلتنا للاسف اننا ديما بنكرز على العالم اللي حولينا وده حلو وده وحش وده ينفع وده مينفعش وبننسا خالص نفسنا اللي اصلا هتقولك وهتسهل عليكي كل التوهه دي .... ليه مقلله من نفسك وهاملاها وسيباها تتوجع بماضي وماشيه كمان في مستقبل وانتي مش عارفه انتي عايزه ايه .... ركزي على نفسك واشتغلي عليها كتير زكي نفسك واعرفي انتي مين محتاجه ايه من نفسك ومحتاجه ايه من اللي حوليكي ...متسبيش نفسك لاهواء هتخليكي في الاخر تندمي للاسف ...لانها نستك اهم حاجه وهي انتي

بصي منكرش اني كنت زعلانه جدا وقتها بس بعد فتره اكتشفت اني كنت حطاهم في مكان جوايا اكبر منهم بكتير ...خليكي واعيه انه مش شرط ان الناس اللي بتتعامل بشكل كويس ولطيف و تعاملهم حلو ان جواهم نفسهم حلوة ... مفيش اي حاجه بتكشف دواخل الناس تجاهك الا المواقف هي دي الحاجه الوحيده اللي بتبين اللي قدامك بيتعامل بشكل سوي والا لا ... وصدقيني احنا عايشين في الدنيا دي عشان نزكي نفسنا ونحاول نتعامل مع ضعف الناس اللي حولينا بحكمه و اتزان..لانفرط في القرب ولا نفرط في التجنب ..

اكيد خلينا نعتبر انهم معندهم خبره كافيه في التعامل مع الناس كويس اتعاملي مع الموضوع انهم مساكين واكيد لما يكبروا وينضجوا هيفهموا ان تصرفاتهم دي طفوليه ...تجاهلي وابتسمي من بعيد وخليكي واثقه من نفسك ومتتهزيش انتي كفايه ومش محتاجه لحد فكري نفسك بده على طول ...ولو حد جالك وكلمك فاهو اللي محتاجك مش انتي ..برافو بحيكي ❤

حاسه بيكي جدا لاني مريت باللي مريتي بيه ده قبل كده ...صدقيني الحل جواكي انتي بس ...مقدرة حزنك ورغبتك ان يكون ليكي شله او مجموعه صحاب تنتمي ليهم ويبقوا معاكي ...وعكس ده بيحسسك بإنك غلط وان اللي بيحصل ده حاطتك في مكان غريب عليكي ..بس انا جايه اقولك متقلقيش خالص ...كل ده بيتغير جواكي اول ماتركزي بس في انك تحطي لنفسك هدف حلو وانتي رايحه الجامعه حاجه ومعنى بيخليكي رايحه وانتي مبسوطه ومش هامك مين عمل ومين قال ومين سوا ...انتي قادره تثبتلهم انك هتفضلي جميله ومتألقه حتى وهما مش معاكي ..انبسطي واضحكي وهزري حتى لو بتكلمي نفسك انا عارفه ان عدد البنات بتقولي قليل اتصاحبي على بنات من اقسام تانيه اشتركي في نشاط اعملي روابط جديده غيرهم مؤقتا ...وشوفي ده هينعكس عليكي وعليهم ازاي ..ومتقلقيش انتي هتتغيري وهما كمان هيتغيروا ومفيش حد بيفضل وحش على طول ولا فيه حد بيفضل حلو على طول ..المهم عيشي يومك كأنه هتخلصي فيه كل اللي نفسك فيه ..متخليش حاجات تعكنن عليكي وهي اصلا فعلا مش اهم منك .. اتمنالك التوفيق

كده يبين انه فعلا مش بدايه كويسه رأي انهي الموضوع والوقت كفيل يخليك تنسى وصدقني بعد وقت هتلاقي نظرك اختلفت للموضوع

لو هي عارفه من الاول يبقا البنت غير امينه معاك في شئ ما مش مظبوط ومش واضح وارد يكون في عريس تاني المهم انت مش دورك تعرف السبب اصلا ..لكن طالما الامور من البدايه مش واضحه او فيها تضارب كده يبقا ابعد احسن ..وصدقني احنا اللي بنتوهم الحب ده لان الحب مبيجيش من البدايه كده ده مفهوم غير صحيح انت بتكون عايز تحس بالحب وبيتملي جواك لما تلاقي الشخص مش بيتعارض معاك ومكمل ... لكن المواقف هي اكتر حاجه بتبين الشخص ده اصلا اهل للثقه والا لا الاول ...

الراجل الخاين او اللي عنده استعداد للخيانه ليه مؤشرات من البدايه ...مهم جدا انتي الاول تكوني واعيه بنفسك وبيه هل هو مش على درجه بالالتزام من البدايه وانتي عارفه ده ؟! لو هو فعلا مكنش ملتزم وكان عنده علاقات وصحاب ستات بعلمك فااعذريني انتي كده قابله بيه من البدايه ...فامهم تعرفي ده وعليه بتبني قرارك ...اما لو مش ده طبيعته وان ده حصل باستدراج مثلا او لحظه ضعف وانا اشك في الاحتمال ده ...مهم تعرفي ايه اللي وصلوا لانه يكسر كل الحواجز الاخلاقيه ويعمل كده !؟ العلاقه اللي بنكم مستقره والا لا ...هل بيعرف يكلمك ويتفاهم معاكي ولا لا ..انتي اصلا واخده بالك منه والا لا ؟! لو كان الموضوع خيانه بس مع انه صعب جدا كان ممكن تكون ضعف منه لكن التسجيل دي حاجه غير اخلاقيه بالمره وبتبين سوء خلق شديد.. محتاجه تدعي كتير وتستخيري واعرفي ان قرار الانفصال حمايه ليكي ولابنك ..ولو قررتي ترجعي مهم جدا يبقا فيه وقفه شديده محتاج حد كبير من اهلك يقفلوا ويشد عليه ويبقا نظام حياتكم بعد كده مختلف ...يفهم انه ده ميثاق غليظ وان اللي فات حاجه واللي جاي بعد ابنك حاجه تانيه خالص .... كلنا بشر ووارد نغلط اكيد الغلطات مش بنفس الحجم لكن كل بني ادم بيحتاج فرصه لكن خلي بالك هي فرصه ...لو حصل حاجه تاني بعد الفرصه دي مهم جدا تقفي مع نفسك وتعرفي هل هو فعلا يستحق انك تكملي معاه هل هو عنده اللي يكفيكي انتي كزوجه هو محلل ليه انه يتزوج تاني وتالت ...هل ده حل مطروح ؟! لانه احيانا الزواج الثاني بيكون عفه وبيعمل توازن للراجل لو هو اصلا هيعرف يعدل بينك وبين الزوجه التانيه ...لكن والله لو انتي بتخافي من انك لو اطلقتي هتبقا اخر الدنيا ...لا في كتير اطلقوا ورحموا نفسهم من بلاوي كان ممكن تحصل ..بس هو محتاج حد يخليه يفوق ويشتغل على نفسه ويقرب من ربنا

ياعزيزي ..للاسف البدايه مبتكونش كده.مابنيا على باطل فهو باطل ...ليه اصلا تبتدي علاقه مع بنت وتعلق نفسك وتعلقها معاك وانت مش عارف اهلها هيوافقوا ولا لا ..وانا لو مكانهم مش هوافق لانك مدخلتش البيت من بابه ..ايه لازمة الخطوبه طالما انت بتكلمها وبتقرب منها بدون علم اهلها ..لو فعلا عايز تبتدي حياه صح حاول تنهي الموضوع ده وتبعد عنها شويه وتروح تزور اهلها وتعتذرلهم ولو رفضوا تقبل ده واستعين بالله وبلاش تعلق نفسك وتعلق حد تاني ..صدقني ده غلط عليك قبل مايكون غلط عليها

الفكره انه ليه مشغول بالك انك عايز تعمل بيهم حاجه خليهم وكمل شغل حاول تمتن بنعم الله التي رزقك بيها من صحه وعمل خصص جزء من مالك تطوير روحك و تعزيز قدراتك استمتع بالحياه و بلاش تأزم نفسك في مسؤوليات انت مش مستعد لها في الوقت الحالي ...الجواز مينفعش بدون ماتكون جاهز ليه ماديا وصعب جدا تتزوج وتقول بكره احسن من دخلي صعب برضو ...والعربيه نفس الحال ...فاليه شيل الهم وانت لسه صغير ...اسعى وادعي ربنا يرزقك بالخير ويعوض عليك عوض الصابرين

التآلف الشعوري ده شئ جميل خصوصا لما يكون تجاه طفل ..لكن من خلال وصفك ممكن تكوني بتميلي شويه للانغماس في مشاعرك في العموم ..وده بيحتاج انك تشغلي جزء العملي جواكي يعني كل ماتحسي بمشاعر زياده مهم اوي تفتكري انه ربنا هو بس اللي يقدر يتحكم في عباده وهو بس اللي مسير خلقه ومحدد نصيب كل واحد حتى في الاجل او في الالم اللي ممكن يحس بيه وان مشاعرك اللي بتذوب معاه هي انعكاس لشعور عندك محتاج يخرج وتعبري عنه لكن هو مش واضح في كلامك بظبط ... الاطفال اوقات بتوضحلنا مشاعرنا الطفوليه جوانا وهل تم الاهتمام بيها والا لا ... خوفك وانشغالك محتاج انك تعرفي تتعاملي معاه متتجاهلهوش ابدا ..ليه انا حاسه بكده هل انا بحس زيه بنفس مشاعره بس مبعرفش اعبر عنها ...هل انا حاسه بتقصير تجاهه ...هل انا بحس بمعاني مبحسهاش مع نفسي ؟؟ كلها اسألها محتاجه تجاوبس عليها ...وممكن يكون احتياج جواكي مش لاقي منفذ فبيخرج في انغماسك الشعوري مع الطفل ده ...فااهم حاجه ابعدي عنه للحظه وركزي مع نفسك واقبليها وسامحيها على اي شعور سئ حستيه زمان او دلوقتي من اي حد انك شخص واعي ومسؤول عن توجيه مشاعره مش مشاعرك هي اللي مسؤوله عن توجيهك

شعورنا بالحرج او الخزي من اي شئ ده احنا اللي بنحطه حسب مفهومنا تجاه الحاجه دي ...يعني انتي ممكن تكوني اتثبت جواكي من اراء الناس اللي حوليكي او الاهل ان المكان شئ الواحد يكسف منه وانه شئ مخجل ودي معاني محتاجه تصلحيها جواكي الاول قبل ماتصرحي بيها لحد ...شوفي ناس حولينا ناجحين ومميزين ومشهورين ومبيكسفوش انهم يقولو المنطقه اللي كانو ساكنين فيها او اهلهم ساكنين فيها لحد دلوقتي ..المكان واللبس والشكل والمظاهر الخارجيه كلها هي مجرد صورة مبتبينش حقيقتك او جوهرك الحقيقي فاحولي تغيري المعنى ده جواكي ..انتي بتثبتي نفسك من غير اي زيادات ...لو سمعتي كان فيه بلوجر اجنبي مشهور اسمه براين ويلز شوفي قد ايه مستمتع وهو بيبع خضار او وهو كمسري او وهو بيعمل محشي ...الحاجات دي ممكن حد تاني يشوفها تقليل لكن الحقيقه ان احنا بس اللي بنحط المعاني وبنقدمها للناس ...يعني اكيد قابلتي بنات جمالها الشكلي مش احسن حاجه لكن روحها حلوة والناس كلها بتتفق انها جميله ..واكيد شوفتي عامل في اي مكان دمه خفيف جدا مع انه ممكن يكون فقير جدا ...كل دول بيشتركو في حاجه واحده انهم قرروا يتقبلوا وضعهم ويستمتعوا بالحياه عادي..اشتغلي على نفسك في نظرتك للامور و بلاش تبصي للامور بشكل فيه تصنيف التصميف ديما بيظلم صاحبه تماما ...

مشكلتك مهمه جدا ..بتكشف صعوبات بيواجهها كتيى زيك ...بس اكتر حاجه تخليكي تفهمي المشكله جايه منين هي الوعي مهم اوي تبدأي رحله اكتشاف نفسك داخليا مهم اوي تعرفي انتي مين وبتحبي ايه وايه اكتر حاجه بتهتمي بيها ايه اللي بتحبي تسمعيه ومحتاجه رأي الناس ليه !! جربي افهمي ايه اللي بيدور جواكي وطريقه كلامك مع نفسك عامله ازاي ...احضري محاضرات تطوير للذات هتلاقي نفسك لمستي مناطق مهمه تخليكي فاهمه اكتر ايه سبب احساسك ...تقديرك لنفسك والselfsteem هيخليكي تشوفي مناطق قوتك وانك مميزة فيها وبتستمعي بيها بدون ماتحتاجي رأي حد ..اكيد كلنا بنحتاج للدعم والكلام الحلو بس صدقيني هو ده جزء صغير اوي من صورتك الكامله تجاه نفسك ..

من حقك الغضب والحزن كل المشاعر التي تحملتيها من تنمر وتقليل انتي محقه فيها جدا ...الامر يحتاج منك فقط ان تعملي على اعادة بناء ثقتك مره اخرى اكتشفي انوثتك وجمالك الداخلي ان تستطيعي تكوين صورة سليمه وصحيه بعيدا عن عبارات ونظارت اهلك لكي وهذا يحتاج للكثير من الوقت والتركيز منك والعزيمه على ان طريقة المصارحه تجاه انفسنا طريق طويل فيه بعض مشاعر الالم وبعض مشاعر السعاده لكنه في نهايته سلام داخلي كبير وراحه وامتنان يستحق كل بذلك ووقتك ...التخلص من اراء وافعال الوالدين ليس بسهل لكنه ممكن ...تعلمي كيفيه ممارسه التعاطف مع نفسك قبول مشاعرك التام لها دائما في كل مره تتذكري العبارات الجارحه ...كلما تتذكري والدك او تتعاملين معه دائما تذكري انه ليس عليك اثبات اي شئ فااخفاقه وذلاته تجاهك هو نابع من اشياء عديدة قد يكون مشاعر سلبيه من الطفوله او جهل في التعامل وهو شئ خاص به فقط ..لاعلاقه لكي به ...انتي تستحقيك كل الحب والدعم والتقبل ذكري نفسك بذلك دائما ..

وممكن تتابع من منصه باز كل جمعه الاستاذه ريهام حلمي ومعاها نماذج مشرفه بتكلم عن العلاقات وتقدر تحاول تشارك لو محتاج مشاركه

حسب اهتمامك بأي توجه بظبط محتاج تطور نفسك فيه ..لان المجالات واسعه ...هرشحلك كتب وهقولك موضوعها عشان تسهل عليك لو مهتم تقراها ....كتاب الخروج عن النص ...لو محتاج تتجرد من تشوهات الطفوله او ضغوطات اثرت فيك من الاهل ......كتاب اطمئن بيساعدك تشوف الحياه بشكل مختلف ..قواعد السعاده السبعون بيديك نماذج واقعيه من مشاكل الناس فيبقا عندك ادراك لفهم الامور المشوهه بين الناس ...في 3 فديوهات بنصح اي شاب يشوفهم ده اول فديو .....https://www.instagram.com/tv/B-3N8tLBbX0/?igshid=MzRlODBiNWFlZA==

اعملي حساب واعملي الاختبار تقدري تحولي للغه العربيه عادي لو في صعوبه بالانجليزي ..وابقي شاركينا اللي قدرتي تعرفيه من الاختبار ..واتمنالك التوفيق

الاهم من انك تبحثي عن رضا الاخرين وتقبلهم ليكي محتاجه تبحثي داخلك عن مواطن القوه والحب ..ايه اللي انتي بتحبي تعمليه فعلا وايه اللي لما بتقدميه لحد بتحسي انك مبسوطه فعلا ...فيه اختبار جميل جدا هيساعدك تعرفي مواطن قوتك لما تعرفي الحاجات دي هتعرفي تقربي من نفسك اوي وبالتالي تقدري تقربي من الناس وتعرفي تعملي حدودك الشخصيه بسهوله ..https://www.viacharacter.org/Account/Login?ReturnUrl=%2FDashboard%2FResearchProjects

مقدره جدا معاناتك ربنا يكون في العون ...محتاجه تتعلمي انك تفصلي نفسك عاطفيا في البيت...انك تتعاملي مع الوضع ده تعامل بر فقط ... حاولي تكوني لنفسك بيئة امنه تانيه تعوضك عن الامان والقبول اللي انتي محتجاه ...وثقي تماما انك كبنت تستحق الاحترام الكامل وانك مهمه وتستحقي الحب والقبول اللي يكفيكي ...وان مشاكلهم ملهاش علاقه بشخصك خالص ..هما ابتلاءهم في نفسهم مخليهم مش قادرين يتعاملوا معاكي بشكل سليم ...فالانك انتي المتألمه فمحتاجه تحمي نفسك داخليا من تأثيرهم عليكي شوفي اي مصدر بيسعدك و استثمري فيه ولو عندك الطاقه انك تعوضيهم الشئ اللي بيخليهم اهدا او مبسوطين شويه اعملي كده حتى لو حاجه بسيطه اوي ...فكره انك تبني حدود بينك وبينهم وتثبتي العلاقه الطيبه بينك وبينهم بيخليهم يفكروا في وقت ما انك اكتر حد كان بار بيهم ...يمكن ده مش هيجي دلوقتي بس ممكن بعد مده ..وربنا يهون عليكي ويصبرك

الله يعينك ويخفف عنك يارب ...لازم تفرغ مشاعرك دي اول بأول مع حد وطمن نفسك حاول تخلي حد يمنع والدك انه ده يحصل حاول تخليه يشتت انتباهه تجاهها لحد مايهدا خالص ...غالبا اللي بيلجأو للضرب بيبقا جواهم شعور بالخذلان عالي من حد ...وممكن يكونوا اكتر ناس بتحتاج دعم وحب ..لو عندك قدره انك تقرب منه وتحاول تحتويه وتعوضوا عن الشئ اللي فقده ممكن ده يفرق كتير ....

لو بينهم الفه ووفاق روحي ده اولى سببا للمحاوله وليس لمجرد الخوف من الطلاق وحده ..لان الطلاق مباح في الحالات اللي زي كده ...لان الضرر في المستقبل مش هيكون عليها هي بس هيكون اب سئ ومؤذي لاولاده ...ولاحاجه لده...ويعتمد هل هو ده حاله من البدايه هل هو غير مسؤول من قبل الزواج ...ام انه حدث عارض اثر فيه وغير من سلوكه وطبيعته ....لو ده سلوك جديد عليه ....محتاج حد يحتويه ويحاول يخليه يتكلم ويطمنه ويقبله ...حد واعي وقدر الثقه ... يعرف ايه المشكله اللي مأثره عليه ....وليس على الزوجه اي دور الا لو كان المشكله بدايتها في علاقتهم ببعض وان ده سبب تغييره للاسوء لكنها مينفعش تحاول بأي حاجه معاه لانه مقصرش في فرعيات هو مقصر في واجبات عين ..وربنا يهدي الجميع