علاج الوسواس القهري الاساسي هو الإعراض عن الافكار والوسوسة، يعني ما تحط بعقلك "انا مش طبيعي" ،" انا عندي وسواس" ما تحط حالك داخل دائرة كإنك كل عمرك رح تضل فيها، لا ابدا! في جملة لفتت نظري بحديثك: "مع اني كنت شاكك اني هسقط، واهلي واصحابي كلهن شاكين اني هسقط" هاي الجملة بتدل انك بتسمح لغيرك حتى بعيد عن نطاق العائلة يتدخل بحياتك وبخصوصياتك. شوف اخوي، انت بعدك بالمدرسة كيف فهمت، وبعدك عم تبني شخصيتك؛ استعين بالله اولا وأخيرا... وكمان انت ما تعجز : "استعن بالله ولا تعجز". يمكن اهلك وجدتك بيتدخلو كتير بحياتك لانهن ما عم بشوفو اعتراض، وما عم بشوفو انو عندك رأي وطموح، وما فيها اشي اذا قعدت مع اهلك وفسّرتلهن انه مش هاي رغبتك، زي انو تقلهن:"انا بعرف انكو بدكو مصلحتي بس مش هاد الموضوع الي حابب اتعلمو"... على ما اظن هني بيعاملوك زي كإنك بعدك صغير، وكإنه وظيفتهن انهن يرسمو طريقك.... ونصيحة مني: بالنسبة للطبيب النفسي، تشاور معو على خطة علاج لإلغاء الادوية بشكل نهائي ، بس طبعا ما تعمل اشي من عقلك، كلو يكون ضمن خطة علاج... ورح تشوف انه الحياة بتتغير... □□□ واهم اشي وأهم قسم: انه استعن بالله، داوم على الاستغفار، اقرأ سورة البقرة كل يوم، والله يصلحلك امرك
لعرض الإجابة في فدني اضغط هنا