انا عارفه سؤالي ده متأخر بس انا بجد تايهة انا طالبه ثانويه عامه وحرفيا اقسم بالله تايهة في المواد عندي متراكم كتير واللي ذاكرته اتنسى كله وانا عملت نيه ان بدايه رمضان تكون تغيير في كل شي عباده ودراسه وفي العبادات واي حاجة سواء دينيه او دراسه
انا بكون طماعه عاوزه اعمل حاجات كتير وبكون تايهة وسطيهم ومش بعرف انظم وقتي خالص ودلوقتي مش عارفة اعمل اي بين الدراسه والعباده حد يقولي كيف انظم اليوم بينهم من جهة اني اعمل عباداتي ودراستي كويس واقدر الم المتراكم
وكمان حد يقولي اعمل اي في مهام الدراسه اللي عاوزه اخلصها الشهر ده وكذلك مهام العباده وكيف اقدر اسيطر على نفسي في اني بكون عاوزه اعمل كل حاجة بوقت قصير جدا وبكون عاوزه كل حاجة اعملها وبينتهي الامر ان ولا اي حاجه بعملها
بصي يا حبيبتي… أول حاجة لازم تعرفي إن إحساسك ده طبيعي جدًا، خصوصًا وإنتِ في ثانوية عامة والضغط من كل ناحية. فكرة إنك عايزة تبقي أحسن في العبادة والدراسة دي لوحدها دليل إن قلبك صاحي وعايز الخير المشكلة مش إنك عايزة تعملي حاجات كتير… المشكلة إنك عايزة تعمليهم كلهم مرة واحدة وبشكل كامل. وده بيخلّيكي تتشتي وفي الآخر تزعلي من نفسك. خديها قاعدة: القليل المستمر أحسن من الكثير المنقطع. اعملي حاجتين بس كل يوم بوضوح: ١- مهمة دراسية محددة جدًا (مثلاً: حل 20 سؤال فيزياء أو مذاكرة درس واحد بس بتركيز). ٢- عبادة بسيطة ثابتة (ورد قرآن صفحتين، أو قيام ركعتين بس بخشوع). لما تخلصيهم تحسي إنك أنجزتي فعلًا، وساعتها تقدري تزودي بالتدريج. ما تحمليش نفسك همّ المتراكم كله في يوم واحد. اقسميه أجزاء صغيرة جدًا، وكل يوم شيلي جزء. ومع كل صلاة قولي: يا رب أعني ونظّم وقتي وبارك لي فيه. البركة أهم من عدد الساعات. ومتنسيش… ربنا مش مستني منك الكمال، مستني منك الصدق والمحاولة. وإنتِ بتحاولي فعلًا 🤍 ابدئي من النهارده بحاجة صغيرة… بس ابدئي.
تم النشر السبت، ٢١ فبراير ٢٠٢٦
بصي قليلٌ دائم خيرٌ من كثيرٍ منقطع أكبر غلطة بتعمليها هي الطمع إنك عايزة تعملي كل حاجة في يوم واحد، فبتتخضي وتقعدي. حددي 3 مواد بس في اليوم، و 3 عبادات أساسية (الصلاة في وقتها، ورد قرآن بسيط، صلاة تراويح ). لو عملتي دول بس، إنتِ أنجزتي 100%.و بركة الوقت في رمضان النظام رمضان وقته متقسم رباني، استغلي ده الفجر للمذاكره الصعبة ده وقت الذهب مخك لسه فايق ومفيش دوشة. خلصي فيه أكتر مادة متراكمة عليكي. وفي النهار مراجعة أو حل لو طاقتك قلت مع الصيام، حلي تدريبات أو شوفي فيديوهات شرح، حاجات متطلبش مجهود ذهني كبير وبعد التراويح خدي مادة خفيفة أو كملي اللي بدأتي فيه الصبح لمدة ساعتين ومتحاوليش تذاكري القديم كله وتسيبي الجديد، كدة هتراكمي جديد فوق القديم ذاكري الجديد اللي المستر بيشرحه بنسبة 70% من يومك، وخصصي 30% بس لجزء صغير من القديم. حتة بحتة هتلاقي القديم خلص من غير ما تحسي. نصيحة من أخ لقلبك ربنا مش عايزك تتعبي وتنهاري، ربنا عايز منك السعي. المذاكرة في رمضان هي عبادة في حد ذاتها لو نويتي إنك بتتعبي عشان تفرحي أهلك وتنفعي نفسك. ومتخليش الشيطان يضحك عليكي ويقلك يا كدا يا بلاش لا ... اللي تقدري عليه اعمليه بعتذر عن الإطالة 😊 وجد ربنا يوفقك ويكرمك
تم النشر الخميس، ١٩ فبراير ٢٠٢٦
يا حبيبتي، أول حاجة: أنتِ مش متأخرة خالص! رمضان لسة في البداية، وده فرصة ذهبية للتغيير بالتوكل على الله. أنا فاهمة إحساسك بالضياع تمامًا، خاصة في ثانوية عامة مع التراكم، بس هننظم مع بعض خطوة بخطوة. السر في التوازن: متطمعيش، حددي ٣-٥ مهام يوميًا بس، وركزي على الاستمرار مش الكمال. جدول يومي مقترح (مرن، عدليه حسب جدولك): السحور (٣-٤ صباحًا): أكل خفيف مغذي (تمر، لبن، مكسرات). اقرئي صفحة قرآن + دعاء لليوم. صلاة الفجر + قيام ليل قصير (١٠-١٥ دقيقة): بعد الفجر، ذاكري ٤٥ دقيقة دراسة مركزة (مواد متراكمة أولوية). الصباح (٦-١٠ ص): دراسة ٢ ساعات (ساعة حفظ + ساعة حل تمارين). خدي استراحة ١٠ دقائق كل ٤٠ دقيقة (تمشي أو تشربي مياه). الظهر + العصر: صلاة + تلاوة قرآن ١٠ دقائق + نوم قصير (٣٠ دقيقة). المغرب (إفطار): صلاة + عشاء خفيف. بعد كده، ٣٠ دقيقة عبادة (ذكر، دعاء، صدقة بسيطة زي إرسال رسالة تشجيع لأهلك). العشاء + بعد: دراسة ١ ساعة (مراجعة اليومي). قيام ليل ٢٠ دقيقة قبل النوم (١٠ مساءً). إجمالي: ٣-٤ ساعات دراسة + ١ ساعة عبادة إضافية يوميًا. نامي ٧ ساعات. مهام دراسية أولوية لرمضان (اخلصي ٢-٣ يوميًا): ١. التراكم الأكبر: حددي ٣ مواد متراكمة (مثل رياضيات، كيميا). خصصي أسبوع لكل واحدة: يومين حفظ نظري، يومين تمارين. ٢. النسيان: استخدمي "التكرار المتباعد" – ذاكري اليوم، راجعي غدًا، بعد ٣ أيام، أسبوع. اكتبي ملخصات بكلامك (صفحة واحدة لكل درس). ٣. هدف الشهر: خلصي ٥٠% من التراكم + مراجعة كاملة لامتحانات سابقة. استخدمي تطبيقات زي Anki للبطاقات. مهام عبادية أولوية (بساطة أولًا): ١. فرائض: صلوات في وقتها + تراويح يوميًا. ٢. قرآن: صفحة واحدة يوميًا مع تدبر (معنى آية واحدة). ٣. إضافي: ١٠ دقائق دعاء بعد كل صلاة، صدقة يومية صغيرة (١٠ جنيه لفقير)، صيام نفسي (ابتعدي عن جوال ساعة يوميًا). كيف تسيطري على نفسك (عشان الطمع): حددي أهداف صغيرة: مش "أخلص كل حاجة"، بل "النهارده: درسين + صفحة قرآن". اكتبيها في دفتر صباحًا، وشطبيها مساءً – هتحسي بإنجاز! لو حسيتِ ضغط: قولي "أستغفر الله" ١٠ مرات، وتذكري: الشيطان يحب الطمع. ابدئي بـ٥ دقائق لو مش قادرة. مكافأة: بعد إنجاز، كلي حاجة حلوة بعد الإفطار. أنتِ قادرة يا قمر، رمضان شهر النصر! لو عايزة جدول مخصص أكتر، ابحثي في فدني عن تنظيم الوقت هتلاقي إجابات كتير، أو شوفي الخبراء هنا: https://www.fedni.net/experts . ربنا يوفقكِ 💕
تم النشر الأربعاء، ١٨ فبراير ٢٠٢٦
قولي الدعاء ده قبل القراءة (الهم اني اسألك حفظ المرسلين وفهم النبيين وملائكته المقربين يا رب) وصلي على الرسول ثلاثة مرات
تم النشر السبت، ٢١ فبراير ٢٠٢٦
انا كمان تالته ثانوي و نفس حالتك والله، بصي اهم حاجه انك متضايقيش ولا تضغطي علي نفسك نفسيا لسه قدامنا وقت نلحق والله، وطبعا كل واحد ليه اسلوبه في المذاكره ف مينفعش حد يقولك ازاي تنظمي انتي شوفي بنفسك ايه احسن حاجه ليكي وربنا يوفقنا كلنا ان شاء الله
تم النشر السبت، ٢١ فبراير ٢٠٢٦
أهم حاجة تتظمي وقتك
تم النشر السبت، ٢١ فبراير ٢٠٢٦
اصحي الساعه 3 صلي قيام ليل وابدائي ذاكري لحد السحور وبعدين اتسحري وذاكري شويه لحد الظهر مثلا وبعدين تنامي شويه أو تروحي دروسك وافطري وحاولي متقليش في الفطار عشان لو هتذاكري بعد الفطار دماغك تستوعب ولو هتصلي التراويح صليها وروحي نامي واصحي تلاته وهكذا
تم النشر الخميس، ١٩ فبراير ٢٠٢٦
جربي تنامي الساعة 10 او 11 وتقومي قبل الفجر بساعة او اتنين حسب مقدرتك وتذاكري شوية وتفصلي بالسحور وصلاة الفجر وتقري الورد بتاعك وتكملي مذاكرة على قد ما تقدري وباقي اليوم نظميه يعني لو هتنامي تاني مثلا او تكملي قراءة قرآن او لو هتساعدي في تحضير الإفطار وحاولي بعد كل صلاة تقرأي وجه او اتنين من المصحف وبس مره ف مرة هتعرفي تنظمي وقتك حسب احتياجك
تم النشر السبت، ٢١ فبراير ٢٠٢٦
في الاول متقلقش ومتعملش ورقه to do list طويله عريضه عشان كل ما تيجي تخلص نقطه هتلاقي لسه فاضل 29 نقطه عايزه تخلص حاول تعمل to do list صغيره ونقول مثلا5points وعندك معادين كويسين من بعد التراويح لحد الفجر مثلا او من الفجر لحد الضهر ومتقولش كل شويه انا تايه انا اضايع عشان متحملش علي نفسك كتير سمي الله واقول لنفسك انا ايه اللي واقع مني 123 حلو 1ايهةاللي مش فاهمه وايه اللي تمام فيه (حاول تبسط اللي حاجات اللي هتذاكرها )يعني متجيش تكتب انهارده هخلص عربي و ماس وفيزيكس وكميا لا حاول تاخد حاجه بسيطه من كل حاجه بس تعرف تعملها بظبط
تم النشر الجمعة، ٢٠ فبراير ٢٠٢٦
بسم الله الرحمن الرحيم
تم النشر الجمعة، ٢٠ فبراير ٢٠٢٦
لعرض السؤال في فدني اضغط هنا